មនុស្សភាគច្រើនប្រហែលជាធ្លាប់បានស្គាល់មកហើយពីភាពល្បីល្បាញនៃបឹងដ៏សំខាន់មួយប្រចាំក្រុងបានលុង ខេត្តរតនគិរី ដែលត្រូវបានគេស្គាល់ថា «បឹងយក្សឡោម»។ តាមពិតបឹងមួយនេះគឺបានកើតចេញពីបន្ទុះភ្នំភ្លើងកាលពីរាប់រយឆ្នាំមុន។

រមណីយដ្ឋានបឹងយក្សឡោម ដែលមានទីតាំងស្ថិតនៅក្នុងឃុំយក្សឡោម ស្រុកបានលុង ខេត្តរតនគិរី។ បឹងនេះគឺជារមណីយដ្ឋានធម្មជាតិ ដ៏ស្រស់ត្រកាលគ្មានពីរក្នុងប្រទេស ដែលបានកើតឡើង ដោយសារបន្ទុះភ្នំភ្លើងតាំងពីរាប់រយឆ្នាំមុនមកម៉េ្លះ។ សព្វថ្ងៃនេះ បឹងបន្ទុះភ្នំភ្លើងមួយនេះ បានក្លាយទៅជាគោលដៅទេសចរណ៍ដ៏មានសក្ដានុពល ទាក់ទាញភ្ញៀវទេសចរទាំងជាតិនិងអន្តរជាតិមិនដែលដាច់នោះឡើយ។

ទិដ្ឋភាពក្នុងបឹងយក្សឡោម មើលទៅដាច់កន្ទុយភែ្នក មានព្រៃព្រឹក្សាពណ៌បៃតងយ៉ាងខៀវស្រងាត់ ដុះព័ទ្ធជុំវិញបឹងផ្តល់នូវម្លប់ត្រជាក់និងស្ងប់ស្ងាត់។ ខណៈដែលបឹងដ៏ធំល្វឹងល្វើយនេះ មានផៃ្ទទឹកត្រជាក់ថ្លាឆ្វង់ស្ទើរតែអាចឆ្លុះមុខបាន។ បឹងយក្សឡោមមានរាងស្ទើរជារង្វង់ ដែលមានវិមាត្រប្រមាណ ២៦១២ម៉ែត្រ មានអង្កត់ផ្ចឹតប្រមាណ ៨០០ម៉ែត្រ និងជម្រៅចន្លោះពី ៥០ ទៅ ៧០ម៉ែត្រ។

យ៉ាងណាមិញ អស់រយៈពេលជាច្រើនសតវត្សកន្លងទៅ បឹងបន្ទុះភ្នំភ្លើងមួយនេះ នៅតែស្ថិតក្នុងភាពអាថ៌កំបាំង។ គេអាចគយគន់សម្រស់បឹងធម្មជាតិមួយនេះ ត្រឹមតែផ្នែកខាងក្រៅដែលស្រោបពីលើបឹងប៉ុណ្ណោះ ប៉ុន្តែពុំទាន់មាននរណាម្នាក់អាចដឹងពីរឿងរ៉ាវជាក់ច្បាស់ ថានៅផ្នែកខាងក្រោមនៃបឹងនេះ បានលាក់ទុកអ្វីខ្លះនោះទេ៕

បើតាមជំនឿហុងស៊ុយ ការរៀបចំផ្ទះ និងបរិវេណនៅមុខផ្ទះ ពិតជាមានឥទ្ធិពលយ៉ាងខ្លាំងដល់កម្លាំងថាមពល និងលាភសំណាង ពីព្រោះគេចាត់ទុកថា បរិវេណមុខផ្ទះ គឺជាចំណុចទទួលយកថាមពលដ៏សំខាន់សម្រាប់មនុស្សរស់នៅក្នុងផ្ទះ ។ ហេតុនេះ តើយើងគួរតែរៀបចំបរិវេណមុខផ្ទះបែបណា ទើបពុំរារាំងទ្រព្យសម្បត្តិ និងលាភសំណាង?

យើងគួរតែរៀបចំបរិវេណមុខផ្ទះឱ្យស្អាតបាត និងធំទូលាយ ព្រមទាំងគ្មានសម្ភារៈរញ៉េរញ៉ៃផ្សេងៗ ដើម្បីទទួលយកថាមពលវិជ្ជមានចូលក្នុងផ្ទះ ។ គួរតែយកសម្ភារៈ៥យ៉ាងនេះចេញពីមុខផ្ទះឱ្យអស់ ដូចជា ៖

១-សំរាម និងសម្ភារៈលែងប្រើប្រាស់ ៖ សំរាម គឺជាវត្ថុមិនស្អាត និងផ្តល់ថាមពលអវិជ្ជមានផងដែរ ។ បើអ្នកគរសំរាមនៅមុខផ្ទះ វានឹងនាំមកនូវរឿងអាក្រក់ជាច្រើន ព្រមទាំងធ្វើឱ្យបរិវេណមុខផ្ទះមានសភាពកខ្វក់ និងក្លិនស្អុយចូលក្នុងផ្ទះ ។ តើដឹងឬអត់ថា ទ្វារផ្ទះនីមួយៗ គឺជាច្រកចូលរបស់លាភសំណាងមកពីគ្រប់ទិសទី ទើបអ្នកពុំគួរទុកសំរាម ឬសម្ភារៈលែងប្រើប្រាស់នៅមុខផ្ទះ ដើម្បីកុំឱ្យវារារាំងលាភ ឬមាសប្រាក់ ។

២-ក្បាលរ៉ូប៊ីណេទឹកធ្លាយ ៖ ទឹក គឺប្រៀបដូចជាលាភសំណាង និងទ្រព្យសម្បត្តិ ហើយបើមានក្បាលរ៉ូប៊ីណេទឹកធ្លាយនៅមុខផ្ទះ គឺបង្ហាញថា វាជាការបាត់បង់ទ្រព្យសម្បត្តិ ឬលាភ ។ ក្រៅពីនេះ ទឹកលិចចេញពីក្បាលរ៉ូប៊ីណេអាចបង្កើតជាស្លែ ឬផ្សិត និងធ្វើឱ្យមានថាមពលអវិជ្ជមាននៅជុំវិញផ្ទះ ហើយទីបំផុត ជោគលាភនឹងហូរចេញទៅក្រៅអស់ ។

ទឹកហូរគ្រប់ពេលវេលា គឺដូចជាគ្នានឹងជោគលាភហូរចេញពីផ្ទះគ្រប់ពេលវេលា ហើយវាជាការខ្ជះខ្ជាយទឹកឥតប្រយោជន៍ ។ ដូច្នេះ បើផ្ទះណាមានក្បាលរ៉ូប៊ីណេធ្លាយ គួរតែប្រញាប់ជួសជុលវាជាបន្ទាន់ ។

៣-កុំទុកអំបោសនៅមុខផ្ទះ ៖ ចាស់ៗបុរាណហាមដាច់ខាត កុំទុកអំបោសនៅមុខផ្ទះឱ្យសោះ ពីព្រោះគេជឿថា អំបោសតំណាងឱ្យរឿងរ៉ាវមិនល្អ ។ ហេតុនេះ ការទុកអំបោសនៅមុខផ្ទះ ប្រៀបដូចជាការបោសជោគលាភ និងសុភមង្គលចេញពីផ្ទះ ប៉ុន្តែយើងគួរតែទុកអំបោសនៅកន្លែងបិទជិត ដូចជា ៖ ទូរ និងបន្ទប់ដាក់សម្ភារៈ ដើម្បីដាក់វាដាច់ដោយឡែកពីសម្ភារៈប្រើប្រាស់ទូទៅ ។

៤-វត្ថុមុតស្រួច ៖ បើតាមក្បួនហុងស៊ុយ គឺហាមដាច់ខាតកុំទុកវត្ថុមុតស្រួចនៅមុខផ្ទះ ដូចជា ៖ កាំបិត, ដាវ ឬការសាងសង់របងមានសភាពមុតស្រួច ពីព្រោះវត្ថុមុតស្រួចទាំងនេះនឹងបំផ្លាញជោគលាភក្នុងផ្ទះទាំងអស់ ព្រមទាំងធ្វើឱ្យម្ចាស់ផ្ទះជួបគ្រោះថ្នាក់ទៀតផង ។

៥-កុំដាំដើមឈើធំគ្របមុខផ្ទះ ៖ ដើមឈើធំដែលដាំនៅមុខផ្ទះច្រើនពេក វាអាចធ្វើឱ្យផ្ទះងងឹត, នាំថាមពលអវិជ្ជមានចូលផ្ទះ និងបិទផ្លូវជោគលាភ ។ ហេតុនេះ យើងគួរតែដាំដើមឈើធំៗនៅមុខផ្ទះក្នុងចំនួនសមល្មម ឬមិនច្រើនពេក ពីព្រោះដើមឈើធំនឹងបាំងពន្លឺថ្ងៃ ហើយធ្វើឱ្យថាមពលវិជ្ជមានក្នុងផ្ទះធ្លាក់ចុះ ៕

សោកនាដកម្មនារសៀលថ្ងៃទី១៧ មិថុនា បានធ្វើឱ្យឧបនាយករដ្ឋមន្រ្តី អ្នកក្នុងចង្កោមសិល្បៈ សាធារណជនទូទាំងបង្ហាញភាពសោកស្តាយយ៉ាងខ្លាំងក្នុងហេតុការណ៍ដ៏តក់ស្លុតនេះ។ ជាមួយគ្នានេះអ្នកបង្កើតមាតិកានៅក្រៅស្រុក កាកា អូស្តា្រលី ខឹងចិត្តយ៉ាងខ្លាំងចំពោះអ្នកជិតខាងដែលខ្វះការយោគយល់រឿងបន្តិចបន្តួចត្រូវផ្តាច់ជីវិតមនុស្សពីរនាក់។ កាកា អូស្រា្តលី ក៏ព្រលះដូចគ្នាទៅកាន់ឧកញ៉ារូបនោះ និងសរសើរទៅកាន់គូដណ្តឹង លីសុង ស៊ូពាំងគ្រាប់កាំភ្លើងមិនរត់ចោលគ្នា។

នៅលើបណ្តាញសង្គម កាកា អូស្ត្រាលី អ្នកបង្កើតមាតិកាដ៏មានប្រជាប្រិយភាពមួយរូបមានមូលដ្ឋាននៅក្រៅស្រុកបានសរសេរបញ្ចេញអារម្មណ៍របស់ខ្លួននារសៀលថ្ងៃទី១៨ មិថុនា ថា «ចង់សួរទៅដល់អាអ្នកជួលផ្ទះអ្នកជិតខាង ម៉ោងនេះថ្មើរនេះពួកឯងមានអារម្មណ៍យ៉ាងម៉េចដែរ..? លទ្ធផលដែលអ្នកឯងចង់បានគឺឃើញគេបែបហ្នឹងមែនទេ..? ជម្លោះតិចតួចប៉ុណ្ណឹងសោះតើសមទេដែលត្រូវប្រហារគ្នាសម្រេចឈាមឆក់យកអាយុជីវិតមនុស្សដល់តែពីរនាក់របួសប៉ុន្មាននាក់..? ក្រុមគ្រួសារគេសម្រែកស្រែកយំ … អ្នកឯងសប្បាយចិត្តទេ..? ស៊ីបាយឆ្ងាញ់ទេ..? »។

អ្នកបង្កើតមាតិកាដដែលលើកឡើងទៀតថា « ឋានៈដល់តែឧកញ៉ា..! មិនដឹងឧកញ៉ាស្អីទេ..!និយាយត្រង់! មើលទៅប្រហែលធ្លាប់ធ្វើអ៊ីចឹងច្រើនដងហើយក៏ថាបាន ព្រោះធ្វើទៅទាំងរឿងមិនសមជារឿងក៏ធ្វើបាន ធ្វើទាំងមិនញញើត។
គ្រាន់តែមើលវីដេអូកន្លែងកើតហេតុភ្លាមដូចមានអារម្មណ៍ថា ហេតុផលរឿងហ្នឹងវាតិចតួចពេករហូតដល់អាចធ្វើថ្នាក់ហ្នឹងបានឬក៏មានអីលើសហ្នឹង? សង្ឃឹមថាមិនចូលតាមទ្វារមុខចេញតាមទ្វារក្រោយចុះ»។

អ្នកនាង កាកា ថា «បើតាមចិត្តខ្ញុំចង់តែជួលសារព័ត៌មានឱ្យទៅសួរនាំអ្នកជិតខាងហ្នឹងមែនតើ . .។ សូមសរសើរទឹកចិត្តល្អស្មោះស្ម័គរបស់ប្អូនស្រី ទោះមានរឿងអ្វីក៏មិននឹកគិតរត់ចោលគ្នា គួរឱ្យអាណិតប្អូនទាំងពីរណាស់..!។ មានទាំងចំណេះជំនាញជំនួញរូបសម្បត្តិក៏ល្អស្រស់ស្អាតទាំងពីរ ឃើញរូបថតរបស់គាត់មានស្នាមញញឹមរង់ចាំតែថ្ងៃរៀបការ តែបែរទៅជាមានរឿងបែបនេះទៅវិញ ខ្ញុំមានតែពាក្យថាអាណិត . . ដោយសារតែមិនចេះមានការអត់ឱនរឿងបន្តិចបន្តួចធ្វើឱ្យគ្នាអស់អនាគតទាំងក្មេងទាំងគូបែបនេះ . . ។សូមចូលរួមរំលែកទុក្ខដល់គ្រួសាររបស់គាត់ទាំងពីរ សូមឱ្យច្បាប់មានយុត្តិធម៌សម្រាប់គាត់ ដើម្បីឱ្យវិញ្ញាណក្ខន្ធរបស់ពួកគាត់បានស្ងប់បានទៅកាន់សុខគតិភពផងចុះ»។

គួរបញ្ជាក់ថា នៅថ្ងៃទី១៨ មិថុនា ទាក់ទងករណីផ្ទុះកក្រើកខ្មាន់កាំភ្លើងចូលបាញ់ដល់ផ្ទះ សមាគមឧកញ៉ាកម្ពុជា បានបញ្ជាក់ថា ជនសង្ស័យឈ្មោះ ស្រី ស៊ីណា គ្រាន់តែមានគោរមងារ »ឧកញ៉ា» ប៉ុន្តែមិនមែនជាសមាជិកសមាគម ឧកញ៉ាកម្ពុជា នៅឡើយទេ ហើយបច្ចុប្បន្ននេះ សមាគមឧកញ៉ាកម្ពុជា ស្នើសុំបញ្ចប់គោរមងារឧកញ៉ាពីជនសង្ស័យ៕

សម្ដេចតេជោ ហ៊ុន សែន ប្រធានព្រឹទ្ធសភា និងសម្ដេចធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានបញ្ជូនមេធាវីស្ម័គ្រចិត្តសម្ដេចតេជោសែន ដឹកនាំដោយលោកមេធាវី គី តិច ទៅជួប និងជួយទទួលការពារក្ដីតាមផ្លូវតុលាការ ជូនគ្រួសារជនរងគ្រោះ ក្នុងករណីបាញសម្លាប់ដ៏សហាវនៅក្នុងបុរីប៉េង ហ៊ួត បឹងស្នោ។

នៅព្រឹកថ្ងៃទី១៨ ខែមិថុនា ឆ្នាំ២០២៤នេះ លោក គី តិច ប្រធានក្រុមមេធាវីស្ម័គ្រចិត្តសម្ដេចតេជោសែន បានដឹកនាំក្រុមទៅជួបផ្ទាល់ជាមួយក្រុមគ្រួសាររបស់ជនរងគ្រោះ ដល់ទីតាំងដែលកំពុងរៀបចំធ្វើបុណ្យសពខាងបុរស ស្ថិតក្នុងវត្តចាស់ ខណ្ឌជ្រោយចង្វារ (ក្បែរសណ្ឋាគារសុខាភ្នំពេញ) និងមួយក្រុមទៀត ទៅដល់ទីតាំងបុណ្យសពខាងស្ត្រី នៅខេត្តកំពត។

គួរបញ្ជាក់ផងដែរថា កាលពីវេលាម៉ោង ១៥:៥០នាទី រសៀល ថ្ងៃទី១៧ ខែមិថុនា ឆ្នាំ២០២៤ នៅផ្ទះលេខ២៦ ផ្លូវP-10 F បុរីប៉េង ហួត បឹងស្មោ គម្រោង០៧ ភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ មានករណីទំនាស់ដីធ្លី បានបណ្តាលឱ្យជនរងគ្រោះចំនួន២នាក់បានស្លាប់បាត់បង់ជីវិត ខណៈជនបង្កមានឈ្មោះ ស្រី ស៊ីណា មានគោរមងារជា ឧកញ៉ា៕