ប្រិយមិត្តពិតជាឆ្ងល់ហើយថា ហេតុអ្វីបានជាបុគ្គលមួយចំនួនអាចជោគជ័យនៅក្នុងជីវិតបាន ខណៈដែលមនុស្សភាគច្រើនផ្សេងទៀតបរាជ័យមិនសមតាមបំណងរបស់ខ្លួន? ចម្ងល់នេះ នឹងត្រូវបកស្រាយនៅខាងក្រោម ដែលបញ្ជាក់ឱ្យឃើញថា ភាពឆ្លាតវៃគឺធ្វើឱ្យ បុគ្គលម្នាក់អាចសម្រេចតាមបំណងប្រាថ្នារបស់គេបាន។ ដូច្នេះហើយតើអ្វីទៅជាចំណុចពិសេសរបស់បុគ្គលឆ្លាតវៃ?

១.មនុស្សឆ្លាតរស់នៅសាមញ្ញ មិនចេះអួតអាង៖ ភាពសាមញ្ញ មិនចេះអួតអាង គឺជាគុណភាពដែលល្អបំផុត ហើយតែងតែមានការកោតសរសើរយ៉ាងខ្លាំងពីមនុស្សជុំវិញខ្លួន។ មនុស្សឆ្លាតតែងតែមានអាកប្បកិរិយារាបទាប រម្យទម និងសាមញ្ញ ទោះបីជាពួកគេជោគជ័យយ៉ាងណាក៏ដោយ ពួកគេនៅតែរក្សាខ្លួនឱ្យរាបទាបជានិច្ច ដែលនេះបង្ហាញថាពួកគេជាមនុស្សមានទេពកោសល្យពិតប្រាកដហើយមានទំនុកចិត្តលើខ្លួនឯង។

២.ការគិតរហ័ស ឬសកម្ម៖ មនុស្សឆ្លាតច្រើនតែមាន IQ និង EQ ខ្ពស់ ក្នុងការប្រាស្រ័យទាក់ទងគ្នា ពួកគេដឹងពីរបៀបនិយាយអ្វីដែលអ្នកដទៃចង់ឮ និងដឹងពីរបៀបចាប់យកអារម្មណ៍របស់អ្នកដទៃ។ មនុស្សឆ្លាតតែងតែរក្សាការតស៊ូ ឈ្នះដោយគ្មានអំនួត ចាញ់ដោយមិនបាក់ទឹកចិត្ត ពួកគេដឹងពីរបៀបប្រមូលផ្តុំគុណសម្បត្តិ និងភាពខ្លាំងរបស់មនុស្សជុំវិញ ដើម្បីបង្កើតតម្លៃល្អសម្រាប់សហគមន៍។

៣.ចេះគ្រប់គ្រងអារម្មណ៍ខ្លួនឯង៖ ការចេះគ្រប់គ្រងខ្លួនឯងគឺជាជំនាញដ៏សំខាន់មួយសម្រាប់ឈានទៅរកភាពជោគជ័យក្នុងជីវិត។ ដូច្នេះដើម្បីក្លាយជាមនុស្សជោគជ័យ យើងត្រូវអនុវត្តការគ្រប់គ្រងខ្លួនឯងគ្រប់ស្ថានភាពជាមុនសិន។

៤.ដឹងពីរបៀបនៃការស្ដាប់៖ ការស្តាប់ពិតជាមានសារៈសំខាន់ខ្លាំងណាស់ នោះក៏ជាមូលហេតុដែលយើងកើតមកមានត្រចៀកពីរ នឹងមានមាត់តែមួយ។ អំណាចនៃការស្តាប់ ជួនកាលអាចធំជាងអំណាចនៃពាក្យសម្តី មនុស្សឆ្លាតដឹងពីរបៀបស្តាប់ តាមរយៈកាយវិការសមហេតុផលរបស់ពួកគេ ដើម្បីបញ្ជូនថាមពលខុសគ្នាទៅកាន់អ្នកដទៃ៕

រមណីយដ្ឋានក្បាលស្ពាន ដែលត្រូវបានគេស្គាល់ថាជា «ជ្រលងនៃលិង្គ១០០០ ឬទន្លេ១០០០លិង្គ» ដែលមានចម្លាក់ធ្វើអំពីថ្មជាច្រើននៅក្នុងនិងជុំវិញក្បាលស្ពាន។ ចម្លាក់ទាំងនោះ ភាគច្រើនកសាងឡើងនាសតវត្សទី១១ ដល់ ទី១៣ ក្រោមស្នាព្រះហស្ថរបស់ព្រះបាទសូរ្យវរ្ម័នទី១ និងបញ្ចប់ដោយព្រះបាទឧទ័យាទិត្យវរ្ម័នទី២។

ក្បាលស្ពាន គឺជារមណីយដ្ឋានបុរាណវិទ្យាសម័យអង្គរ មានចម្ងាយ៥០គីឡូម៉ែត្រពីទីរួមខេត្តសៀមរាប និងប្រមាណ ១៧-១៨ គីឡូម៉ែត្រពីប្រាសាទបន្ទាយស្រី ក៏ដូចជាមានផ្លូវឡើងភ្នំប្រវែង ១៥០០ ម៉ែត្រពីក្រោមឡើងលើ។ វាក៏ត្រូវបានគេពណ៌នាថាជា «បាតទន្លេដែលឆ្លាក់យ៉ាងអស្ចារ្យ តាំងជ្រៅក្នុងព្រៃទៅភាគឦសាននៃអង្គរ» និងជាដៃទន្លេនៃស្ទឹងសៀមរាប ដែលឡើងដល់លើភ្នំគូលែន ខាងជើងបន្ទាយស្រី។

មនុស្សភាគច្រើនយល់ថា ទឹកដែលហូរនៅក្បាលស្ពាននោះគឺហូរមិនចេះដាច់ ដែលជាប្រភពនៃភាពចម្រុងចម្រើន និងត្រជាក់ត្រជុំ ព្រមទាំងមានស្លឹកឈើខៀវស្រងាត់បក់វិច និងមានសម្លេងបក្សាបក្សីយំរំពងពេញព្រៃធម្មជាតិ។

ម៉្យាងវិញទៀត ទឹកដែលហូរធ្លាក់ចុះមកនោះ ត្រូវបានប្រជាកសិករយកទៅស្រោចស្រពដំណាំកសិកម្ម ហើយជាពិសេសនោះ មនុស្សជំនាន់ដើមបានឆ្លាក់លិង្គរាប់មិនអស់ ដែលជានិមិត្តរូបស្នងនៃព្រះឥលូរនៅតាមបាតស្ទឹងចាប់ពីខាងជើងផ្នែកខាងលើនៃស្ពានថ្មធម្មជាតិ រហូតដល់ទីដែលមានទឹកធ្លាក់។ ដូច្នេះហើយបានជាមានសិលាចារិក សំស្រឹ្កតហៅទីនោះថា “សហស្រលិង្គ១” ។

លើសពីនេះ នៅកន្លែងតែមួយនោះ ក៏នៅមានចម្លាក់ថ្មភក់ភាគច្រើនជាផ្ទាំង និងថ្មជាច្រើនដុំទៀត ដែលពិពណ៌នាពីគំនូរទេវកថាហិណ្ឌូផ្សេងៗ រួមទាំងរូបព្រះសិវៈ ព្រះវិស្ណុ ព្រះព្រហ្ម ព្រះលក្សីមា រាមា និងហនុមាន ព្រមទាំងសត្វ (គោ និងកង្កែប) ផងដែរ៕

មហា.រីកប្លោ.កនោមគឺជារឿយៗតែងកើតទៅលើបុរសដែលមានវ័យចំណាស់ប៉ុណ្ណោះ យ៉ាងណាមិញ ក្នុងលក្ខខណ្ឌមួយចំនួន ក្មេងៗក៏អាចកើតជំងឺនេះបានដែរ។ ជាមួយគ្នានោះ អ្នកជំនាញគឺបានធ្វើការពន្យល់ថា ការជ.ក់បា.រីគឺជាកត្តាហា.និភ័យដ៏ធំបំផុតមួយ ដែលនឹងបណ្តាលឲ្យកើតជំងឺមហា.រីកប្លោ.កនោម។

ការជក់បារី ដែលសង្កត់ធ្ងន់ទៅលើផលប៉ះពាល់យ៉ាងធ្ងន់ធ្ងរទៅកាន់សួតរបស់អ្នក។ បន្ថែមពីនេះ វាក៏វាយប្រហារទៅលើប្រព័ន្ធសរសៃឈាមបេះដូង ប្រព័ន្ធផ្លូវដង្ហើម និងប្រព័ន្ធបង្ហូរនោមជាដើម។

យោងតាមលោកសាស្ត្រាចារ្យ Marc Bjurlin ប្រចាំសាកលវិទ្យាល័យ North Carolina បានធ្វើតេស្តពិសោធន៍កាលពីពេលកន្លងទៅ បានបញ្ជាក់ថា ការជក់បារីពិតជាផ្តល់នូវផលប៉ះពាល់យ៉ាងខ្លាំង ដោយសង្កត់ធ្ងន់ទៅលើជំងឺមហារីកប្លោកនោម។ លក្ខណៈសម្គាល់ថាអ្នកកើតមហារីកប្លោកនោមនោះ គឺឲ្យសង្កេតទៅលើ «ការដែលមានឈាមនៅលាយឡំជាមួយទឹកនោមរបស់អ្នក»។

សាស្ត្រាចារ្យរូបនេះបានពន្យល់ថា “នៅពេលដែលនរណាម្នាក់ជក់បារី ពួកគេនឹងស្រូបសារធាតុបង្កជំងឺមហារីកចូលទៅក្នុងខ្លួន បន្ទាប់មកសួតនឹងដើរតួនាទីជាអ្នកច្រោះសារធាតុពុលទាំងនោះ ។ “សួតនឹងធ្វើការច្រោះខ្យល់ពុលចូលក្នុងចរន្តឈាម រួចក៏បញ្ជូនបន្តទៅកាន់តម្រងនោម ហើយតម្រងនោមនឹងធ្វើច្រោះឈាមទៅក្នុងទឹកនោម។ ទឹកនោមនឹងហូរចូលទៅក្នុងប្លោកនោម ខណៈប្លោកនោមត្រូវផ្ទុកទឹកនោមរយៈពេលពីរទៅបួនម៉ោងរហូតដល់អ្នកនោមចេញមក។ ដោយហេតុថាសារធាតុបង្កមហារីកទាំងនោះផ្ទុកក្នុងប្លោកនោមរយៈពេលយូរម៉ោងជារឿយៗ វានឹងវិវត្តទៅជាមហារីកប្លោកនោមបានយ៉ាងងាយ។

យ៉ាងណាមិញ មហារីកប្លោកនោមក៏អាចបណ្តាលមកពីការបំពុលបរិស្ថានផងដែរ ដូចជាផ្សែងឬឧស្ម័នដែលភាយចេញពីឧស្សាហកម្មរថយន្ត ឬវាយនភណ្ឌនានា។ បើយោងតាមរបាយការណ៍ថ្មីមួយបានបង្ហាញថា ប្រមាណ ៨៣,០០០ករណីថ្មីនៃជំងឺមហារីកប្លោកនោម ដែលគេរំពឹងថានឹងត្រូវបានទទួលការព្យាបាលក្នុងឆ្នាំ ២០២៤នេះ ហើយភាគច្រើនគឺកើតលើបុរសអាយុ ៥៥ ឆ្នាំឡើងទៅ៕

ក្នុងជំនួប ក្រុមជម្រើសជាតិអាយុក្រោម១៦ឆ្នាំកម្ពុជាទល់នឹងវៀតណាមក្នុងការប្រកួតពានរង្វាន់យុវជនអាស៊ានអាយុ១៦ឆ្នាំ ឆ្នាំ២០២៤ ជាមួយលទ្ធផល១ទល់១ ធ្វើឱ្យមហាជនសរសើរក្រុមជម្រើសជាតិកម្ពុជាយ៉ាងខ្លាំងជាមួយលទ្ធផលដ៏ល្អនេះ។ ទស្សនិកជនក៏បានលើកឡើងដែរថាក្រុមជម្រើសជាតិអាយុក្រោម១៦ឆ្នាំមានមហិច្ឆិតាចង់ឈ្នះក្នុងការប្រកួតជាងចង់ទទួលបានបទពិសោធន៍ខណៈខាងកម្ពុជាមានភាគរយខ្ពស់អាចឈានចូលដល់វគ្គពាក់កណ្តាលផ្តាច់ព្រ័ត្រ។

ការប្រកួតបាល់ទាត់ដែលស្ថិតនៅលើទឹកដីប្រទេសឥណ្ឌូនេស៊ីកាលពីយប់ថ្ងៃទី២៥ មិថុនា ក្នុងជំនួបក្រុមជម្រើសជាតិកម្ពុជាអាយុក្រោម១៦ឆ្នាំកម្ពុជាទល់នឹងក្រុមជើងខ្លាំងវៀតណាម ធ្វើឱ្យទស្សនិកជនតាមដានជក់ចិត្តដិតអារម្មណ៍យ៉ាងខ្លាំង។ ក្នុងលទ្ធផលតង់ទី១នៃវគ្គសន្សំពិន្ទុនៃការប្រកួតគឺលទ្ធផល០ទល់នឹង០ រហូតឈានដល់បញ្ចប់ការប្រកួតដោយស្វិតស្វាញនៃតង់ទី២គឺ១ទល់នឹង១ ដោយខាងកម្ពុជាទទួល១ពិន្ទុបន្ថែមសរុបចំនួន៤ពិន្ទុ។ ការប្រកួតសន្សំពិន្ទុចុងក្រោយរបស់កម្ពុជាគឺទល់នឹងក្រុមជម្រើសជាតិព្រុយណេនាថ្ងៃទី២៨ មិថុនា ខាងមុខ ដែលក្រុមជម្រើសជាតិប្រទេសនេះពុំទាន់មានពិន្ទុនៅឡើយទេ ហើយខាងកម្ពុជាក៏មានភាគរយខ្ពស់ឡើងទៅវគ្គពាក់កណ្តាលផ្តាច់ព្រ័ត្រ។

លទ្ធផលដ៏ប្រពៃណីនេះ ក្រុមជម្រើសជាតិកម្ពុជាអាយុក្រោម១៦ឆ្នាំទទួលបានការសរសើរខាងខ្លាំងពីប្រជាជនកម្ពុជា។ អ្នកលេងបណ្តាញសង្គមបានបញ្ចេញមតិស្រដៀងៗគ្នាថា «លទ្ធផលល្អ ក្រុមបាល់ទាត់ជម្រើសជាតិកម្ពុជាអាយុក្រោម១៦ឆ្នាំធ្វើបានល្អ បើលេងបានដូចនេះនិងកែខៃចំណុចខ្វះខាតបន្ថែមទៀតអនាគតបាល់ទាត់យើងមិនចាញ់ប្រទេសជិតខាង។ អ្នកខ្លះក៏បានលើកឡើងដែរថា ជាក្រុមវ័យក្មេងមែនពិតប៉ុន្តែការប្រកួតវិញគឺមានមហិច្ឆិតាចង់ឈ្នះជាងចង់ទទួលបានបទពិសោធន៍។

គួរបញ្ជាក់ថា ក្នុងវគ្គសន្សំពិន្ទុដំបូងរបស់កម្ពុជាទល់នឹងមីយ៉ាន់ម៉ា កាលពីថ្ងៃទី២២ មិថុនា កម្ពុជាឈ្នះមីយ៉ាន់ម៉ាជាមួយលទ្ធផល២ទល់១ ប្រកួតជាមួយ វៀតណាម ១ទល់១ មាន៤ពិន្ទុក្នុងដៃ។ លទ្ធផលរបស់ក្រុមជម្រើសជាតិព្រុយណេ គឺមាន០ពិន្ទុ ចាញ់វៀតណាមជាមួយលទ្ធផល០ទល់១៥ និង ចាញ់មីយ៉ាន់ម៉ា ១ទល់នឹង៨៕

គ្រូផេះគ្រូអង្កាម ឬគ្រូមន្ដអាគមន៍ ណុប សក្កដា ត្រូវបាននគរបាលបញ្ជូនទៅតុលាការហើយ នៅថ្ងៃទី២៦ ខែមិថុនា ឆ្នាំ២០២៤ ពាក់ព័ន្ធនឹងការប្រើប្រាស់អាវុធខុសច្បាប់។

ជុំវិញករណីនេះ គ្រូមន្ដអាគមន៍បានសារភាពថា៖”ខ្លួនរើសបានកាបូបមួយ រួចហើយឃើញមានកាំភ្លើងខ្លីក្នុងនោះមួយដើម ទើបយកមកប្រើប្រាស់ជាគ្រូបាញ់មិនធ្លុះតែម្ដង។ លុះបាញ់រួចបានយកទៅបោះចោលនៅក្នុងទឹកជ្រោះមួយកន្លែងក្នុងខេត្តក្រចេះ”។

គួរបញ្ជាក់ថា ក្រោយវីដេអូត្រូវបានចែកចាយនៅតាមបណ្ដាញសង្គម គ្រូមន្តអាគមន៍ ណុប សក្កដា ហៅគ្រូផេះគ្រូអង្កាម អាយុ៥៥ឆ្នាំ រស់នៅភូមិត្រពាំងស្នោរ សង្កាត់ពញាពន់ ខណ្ឌព្រែកព្នៅ បានចេញលិខិតសុំទោសជាសាធារណៈផងដែរ ក៏ប៉ុន្តែស្នងការមិនធ្វើការអប់រំទៀតនោះទេ ដោយបញ្ជូនទៅតុលារកាត់ទោសតែម្តង៕

យោងតាមរូបភាពដែលបានដាក់បង្ហោះដោយគេហទំព័រ Khmer Dive Group គឺបានបង្ហាញសកម្មភាពរបស់ក្រុមការងារមុជទឹកស្ម័គ្រចិត្ត ដែលបានចុះទៅថតប្រព័ទ្ធជីវចម្រុះធម្មជាតិ នៅក្រោមបាតសមុទ្រ«កោះតាង» គឺឃើញថាស្រស់ស្អាតខ្លាំង មិនចាញ់នៅបរទេសនោះឡើយ។

កោះតាង ដែលមានទីតាំងស្ថិតនៅក្នុងភូមិសាស្រ្តក្រុងកោះរ៉ុង ខេត្តព្រះសីហនុ និងមានទំហំប្រមាណ ៥៥០ហិកតា។ កោះតាង ដែលបានជាប់ឈ្មោះជាកោះស្អាតបំផុតលំដាប់ថ្នាក់ទី៦ នៃប្រទេសកម្ពុជា ព្រោះតែទិដ្ឋភាពដ៏ស្រស់ត្រកាលគួរឱ្យចង់គយគន់ ខ្យល់អាកាសបរិសុទ្ធ អមជាមួយនឹងវាលខ្សាច់ពណ៌សក្បុស ទឹកសមុទ្រខៀវស្រងាត់ត្រជាក់ថ្លាឆ្វង់ ដែលពិតជាសាកសមណាស់សម្រាប់ដំណើរកម្សាន្តជាលក្ខណៈឯកជន ក្រុមគ្រួសារ ដៃគូរស្នេហា និងមិត្តភក្តិជាដើម។

បន្ថែមពីការគយគន់ឆ្នេរសមុទ្រដ៏ស្រស់ស្អាតនៅលើកោះនេះហើយ ភ្ញៀវទេសចរក៏អាចមុជទឹក មើលទិដ្ឋភាពនៅក្រោមបាតសមុទ្របានផងដែរ ដែលប្រមូលផ្តុំទៅដោយជីវចម្រុះតូចធំគ្រប់ប្រភេទ ខណៈសម្រស់ផ្កាថ្មដ៏រស់រវើក ថ្មប៉ប្រះទឹក ហ្វូងមច្ឆា និងពពួកសត្វជាច្រើនទៀត នឹងទាញយកចំណាប់អារម្មណ៍អ្នកមិនចង់ឃ្លាតឆ្ងាយពីកោះនេះឡើយ។

សម្រាប់ការធ្វើដំណើរដើម្បីទៅដល់ទីតាំងនៃរមណីយដ្ឋានកោះតាង ភ្ញៀវទេសចរមិនមានការធ្វើដំណើរថ្មើរជើងបន្ថែមនោះទេ តែត្រូវធ្វើដំណើរឆ្លងទឹក រឺក៏ជិះទូកនិងកាណូត។ ចំពោះចំណតរថយន្តវិញ ភ្ញៀវទេសចរមិនទាន់អាចធ្វើការចតនៅរមណីយដ្ឋានផ្ទាល់បានទេ៕

រូបភាព៖ KHMER DIVE GROUP

យោងតាមរបាយការណ៍សុភមង្គលពិភពលោកឆ្នាំ ២០២៤ បានឲ្យដឹងថា ប្រទេសកម្ពុជាមានភាគរយខ្ពស់បំផុតនៃចំនួនប្រជាជនរបស់ខ្លួនដែលមានជំ.ងឺផ្លូវ.ចិត្តក្នុងចំណោមប្រទេសអាស៊ីអាគ្នេយ៍ ខណៈក៏បានចាត់ចំណាត់ថ្នាក់ក្នុងពេលដំណាលគ្នាថាជាប្រទេសដែលមានសុភមង្គលតិ.ចបំផុតនៅក្នុងតំបន់។

យោងតាមទិន្នន័យពី Sea Rising បានបង្ហាញថា៖ ប្រទេសកម្ពុជាមានប្រជាជនកើតជំងឺផ្លូវចិត្តខ្ពស់បំផុតនៅក្នុងតំបន់អាស៊ីរហូតដល់ ១២ ភាគរយ ឬស្មើនឹងជិត ២លាននាក់។

ខណៈឡាវស្ថិតនៅលំដាប់លេខ២ បន្ទាប់ពីកម្ពុជា ប្រមាណ ១១.៥៩ ភាគរយ, ម៉ាឡេស៊ីមាន១១.៥៣ ភាគរយ, ហ្វីលីពីនមាន១១.៤៩ភាគរយ, ថៃមាន១១.៤៦ភាគរយ, ទីម័រខាងកើត១០.៩៣ភាគរយ ,មីយ៉ាន់ម៉ាមាន១០.៥៧ភាគរយ ,ឥណ្ឌូនេស៊ី១០.២៤ភាគរយ ,ប្រ៊ុយណេ 9.26 ភាគរយ ,ហើយវៀតណាមជាប្រទេសដែលមានប្រជាជនកើតជំងឺផ្លូវចិត្តទាបជាងគេ ត្រឹមតែ ៩.១១ ភាគរយប៉ុណ្ណោះ។

ដោយឡែក របាយការណ៍មួយទៀតរបស់សកលវិទ្យាល័យ Oxford ចក្រភពអង់គ្លេសក៏ចុះផ្សាយថា កម្ពុជាឈរលើលេខទី៩ នៅតំបន់អាស៊ី និងលេខរៀងទី១១៩ លើពិភពលោក ជាប្រទេសដែលមានសុភមង្គលទាប។ ដោយជំនាញផ្នែកចិត្តវិទ្យាសង្កេតឃើញថា ពលរដ្ឋខ្មែរភាគច្រើនកំពុងរស់នៅជាមួយនឹងវិបត្តិផ្លូវចិត្តធ្ងន់ធ្ងរ ខណៈមានពលរដ្ឋខ្មែរខ្លះបានសម្រេចចិត្តបញ្ចប់ជិវីតខ្លួនឯងក្រោមហេតុផលផ្សេងៗ ជាពិសេសគឺទៅលើក្រុមមនុស្សចាស់ និងយុវវ័យ។

លោក យង់ គឹមអេង ប្រធានមជ្ឈមណ្ឌលប្រជាពលរដ្ឋដើម្បីសន្តិភាព និងអភិវឌ្ឍន៍បានឲ្យដឹងថា បញ្ហាវិបត្តិផ្លូវចិត្តអាចបង្កឡើងដោយកត្តាច្រើនយ៉ាងដូចជាបញ្ហាសង្គម ភាពអយុត្តិធម៌ ការរំលោភបំពានសិទ្ធិ បញ្ហាបំណុល និងសេដ្ឋកិច្ចធ្លាក់ចុះជាដើម៕