អ្នកនាង ដេននី ក្វាន់ បានបង្ហោះវីដេអូមួយនៅលើផេករបស់កូនស្រីគឺ ល្អហួស ដោយបានប្រើសម្តីធ្ងន់ៗតបទៅកាន់អ្នកដែលជេរបងស្រីខ្លួនគឺអ្នកនាង ឡាំយ៉ង និងប្តីបរទេស។ ទោះយ៉ាងណាសកម្មភាពរបស់អ្នកនាង ដេននី ក្វាន់ ដែលយកផេកកូនស្រីមកបង្ហោះរឿងនេះបានធ្វើឱ្យអ្នកគាំទ្រមួយចំនួនគិតថាមិនសមរម្យនោះទេ និងស្នើកុំឱ្យផុសរឿងមិនល្អក្នុងផេករបស់ ល្អហួស។
នៅថ្ងៃទី៥ ផេករបស់ ល្អហួស បានបង្ហោះវីដេអូមួយជិត១០នាទីដោយអ្នកនៅក្នុងវីដេអូនោះគឺជាអ្នកនាង ដេននី ក្វាន់ ម្តាយរបស់ ល្អហួស។ នៅក្នុងចំណងជើងនៃវីដេអូនេះបានសរសេរថា «នាងខ្ញុំដេននីក្វាន់ សូមខន្តីអភ័យទោសទុកជាមុន ដែលបង្ហោះវីដេអូនេះនៅក្នុងផេកកូនស្រីរបស់នាងខ្ញុំ» និងបានផ្ញើជូនទៅកាន់អ្នកដែលជេរបងស្រីរបស់ខ្លួនគឺ ឡាំយ៉ង។ ម្តាយរបស់ ល្អហួស បានតបតដោយសម្តីធ្ងន់ៗទៅកាន់អ្នកដែលជេរបងស្រីខ្លួនបន្ទាប់ពីបង្ហាញថាត្រៀមខ្លួនទៅទទួលគូស្នេហ៍ថ្មីជាជនជាតិបរទេសថែមទាំងសង្ហាទៀត។
ទោះយ៉ាងណាបន្ទាប់ពីបង្ហោះវីដេអូចម្រូងចម្រាសជាមួយនឹងពាក្យពេចន៍មិនសមរម្យអ្នកគាំទ្រមួយចំនួនរបស់ ល្អហួស បានសម្តែងការមិនពេញចិត្តនិងស្នើកុំឱ្យម្តាយ ល្អហួស យករឿងបែបនេះមកបង្ហោះនៅលើផេកកូនស្រី។ អ្នកលេងបណ្តាញសង្គមបានបញ្ចេញមតិថា «មិនគួរផុសក្នុងផេកល្អហួសទេ, កូនធំៗហើយកូនល្បីទៀតហេតុអីក៏យក……, បងស្រីនេះជាការសំណូមពរពីប្អូនក្នុងនាមខ្ញុំជាអ្នកគាំទ្រប្អូនល្អហួស សូមបងស្រី កុំយកការជេរបញ្ចោរហែកហួរគ្នា មកបង្ហោះក្នុងផេកកូនបងស្រីអី ពីព្រោះគាត់ជាបវរកញ្ញា មិនមែនមនុស្សធម្មតាទេ ណាមួយទៀតអូនគាត់ក៏វិលមក Miss teen Cambodia ម្តងទៀត សូមបងស្រីលុបវីឌីអូនេះចោលទៅ ជៀសវាងការ មិនល្អផ្សេងៗ ពេលប្អូនជាប់ថ្នាក់ស្រុក ឈានទៅថ្នាក់អន្តរជាតិ អាចគេឆេកពីប្រវត្តិ អាចនឹងមិនឈានដល់ top កំពូល រឺ មិនបាន top សូមបងស្រីលុបវិញទៅ បំណងល្អពីប្អូន»។
គណនីផ្សេងទៀតបានបញ្ចេញមតិថា «បើសិនអាចកុំយក page របស់ល្អហួសមកផុសអី ព្រោះល្អហួស ជាក្មេងល្អណាស់ គេស្គាល់គ្រប់ប្រទេស។ ក្វាន់ អាចយកអាខោនផ្សេងជេរពួកនោះទៅ កុំយក pageល្អហួសអី។ , កុំយកផេកល្អហួសមកផុសអីចែ កុំយកផេកគាត់មកញ៉េញ៉ៃអី, គួរតែប្រើផេកផ្ទាល់ខ្លួនយកមកជេរវាល្អជាងមិនគួរយកផេកល្អហួសដែលគួរតែផុសវីដេអូល្អៗបានហើយ, មិនគួរផុសផេកនេះទេបង ព្រោះល្អហួសគាត់ជាមនុស្សពូកែជាគំរូដល់ក្មេងៗក្រោយ ផុសអ្វីដែលល្អៗ ផុសបែបនេះក្នុងផេកគាត់គឺមិនល្អឡើយ»៕
