លែងស្លូតដូចមុនតារាចម្រៀង យក់ ថិតរដ្ឋា បានធ្វើឱ្យប្រិយមិត្តអ្នកគាំទ្រមានការចាប់អារម្មណ៍ក្រោយពីរូបអ្នកនាងបង្ហោះសំណេរដល់អ្នកមួយចរិត Fake មើលងាយក្តីស្រលាញ់របស់គេមិនចាំជាតិក្រោយនឹងសងវិញភ្លាមៗក្នុងជាតិនេះ។
តារាចម្រៀង យក់ ថិតរដ្ឋា ជាតារាចម្រៀងដ៏មានឈ្មោះបោះសំឡេងម្នាក់ប្រចាំវិស័យសិល្បៈមានអ្នកជំនាន់ក្រោយជាច្រើនបង្ហាញការស្រលាញ់យកធ្វើអាយដលជាតិស្តែងនៅក្នុងការប្រគំតន្រ្តីរបស់ ទេព បូព្រឹក្ស ពេជ្រ សូលីកា សុទ្ធតែអញ្ជើញរៀមច្បងរូបនេះផ្តល់ជាកិត្តិយសឡើងបកស្រាយបទចម្រៀង។ 
យ៉ាងណាមិញធ្លាប់តែឃើញតារាចម្រៀង យក់ ថិតរដ្ឋា រស់នៅមិនចង់មានជម្លោះជាមួយនឹងអ្នកណានៅក្នុងសង្គមសិល្បៈស្រាប់តែតារាចម្រៀងរូបនេះចេញមកបង្ហោះសំណេរយ៉ាងក្តៅគគុក។ ម្ចាស់បទ«ភ្លើង» បានសរសេរនៅលើគណនីបណ្តាញសង្គមឈ្មោះ Nin Nin កាលពីយប់ថ្ងៃទី២៧ ខែមេសា ថា «Nin Nin ខុសពី រដ្ឋានិងអាស្រស់ នីន មិនស្លូតពេកហើយក៏កាចដោយពេល និងដោយទង្វើមនុស្សដែលគេបានធ្វើមកលើយើងមុនតែប៉ុណ្ណោះ។ បើអ្នកឯង friendly ok me friendly តែបើអ្នកឯងឈ្លើយចរិត fake មិនឱ្យតំលៃគេ ចូលចិត្តណាស់តែអាខាងមើលងាយក្តីស្រលាញ់របស់គេដែលបានឱ្យទៅកាន់អ្នកឯងទាំងពេលវេលានិងកំលាំងកាយនិងចិត្ត នីន សុំអត់ចាំសងពេលក្រោយទេណាគឺ សងវិញភ្លាមៗអត់ចាំជាតិក្រោយទេ មនុស្សខ្ញុំមិនចូលចិត្តបោះបង់គេមុនទេ» ។
តារាចម្រៀងរូបនេះបន្តទៀតថា «មនុស្សយើងតែស្រួលដាក់គេ គេស្រួលដាក់វិញហើយ តែបើ fake ដាក់គេហើយគេសងវិញហើយ ហើយកុំថាគេអាក្រក់ ……….ខ្ញុំនិយាយតែចំពោះមនុស្សខ្លះទេបងអូន ដើម្បីអោយបានធូរចិត្តហ្នឹងណាបងអូន ព្រោះជួបច្រើនពេកទៅជាសុំាទៅហើយ ទោះជួបទៀតក៏មិនអីដែរ ! រៀងវែងបន្តិចហើយបងអូន»។
គួរបញ្ជាក់ផងដែរថា បច្ចុប្បន្ននេះក្រៅពីអ្នកនាង យក់ ថិតរដ្ឋា នៅបន្តអាជីពសិល្បៈរបស់ខ្លួន ដោយលេចមុខតាមប្រគំតន្រ្តីនានា ហើយអ្នកនាងក៏មានកូនប្រុសច្បងមានដុងសិល្បៈមិនចាញ់ខ្លួននិងស្វាមីប៉ុន្មានឡើយថែមទាំងមានសម្រស់ស្រស់សង្ហាទៀត៕
