ចូលដល់រដូវវស្សា រដូវមេឃភ្លៀងជាប្រចាំអាចនាំមកនូវជំងឺផ្សេងៗមកជាមួយដូចគ្នា។ ដោយសារតែអាកាសធាតុកាន់តែត្រជាក់ សំណើមផ្លាស់ប្តូរមិនទៀងអាចនាំមេរោគ និងបាក់តេរីមួយចំនួន ដូចនេះអ្នកគួរប្រុងប្រយ័ត្ន និងថែរក្សាសុខភាពខ្លួនឯងឱ្យបានល្អ។ ដូច្នេះហើយខាងក្រោមនេះគឺជាជំងឺ ៥ ប្រភេទដែលឆ្លងតាមរយៈមេឃភ្លៀង៖
១.គ្រុនក្តៅ៖ ជាទូទៅជំងឺគ្រុនក្តៅភាគច្រើនតែងតែឆ្លងតាមរយៈមេឃភ្លៀង ដែលវាបណ្តាលមកពីការឆ្លងមេរោគ ហើយភាគច្រើននឹងប្រសើរឡើងដោយខ្លួនឯងវិញក្នុងរយៈពេល ២-៣ ថ្ងៃ។
២.គ្រុនផ្តាយសាយ៖ ផ្តាសាយមានច្រើនប្រភេទ ហើយជារឿយៗវាមានរោគសញ្ញាដូចជាក្តៅខ្លួនខ្លាំង ឈឺខ្លួន អស់កម្លាំង ក្អក និងហៀរសំបោរ ឈឺក្បាលជាដើម។
៣.គ្រុនឈាម ឬគ្រុនចាញ់៖ ជំងឺទាំងពីរនេះភាគច្រើនឆ្លងតាមរយៈសត្វមូស ដូច្នេះអ្នកជំងឺគ្រុនឈាម ឬគ្រុនចាញ់នឹងមានអាការគ្រុនក្តៅខ្លាំងរយៈពេល ២-៧ ថ្ងៃ ឈឺខ្លួន ឈឺក្បាល ស្នាមជាំនៅលើស្បែក និងក្រពះ។
៤.ជំងឺភ្នែក៖ បង្កឡើងដោយមេរោគនៅក្នុងទឹកកខ្វក់ដែលហូរចូលភ្នែក ជាហេតុបណ្តាលឱ្យមានការត្រដុសភ្នែក ឬការហៀរទឹកភ្នែកបណ្តាលឱ្យរមាស់ ឬភ្នែកក្រហម។
៥. ជំងឺ leptospirosis៖ ជំងឺនេះច្រើនតែកើតឡើងនៅតំបន់លិចទឹក ដែលបណ្តាលឱ្យមានការឈឺក្បាល ក្តៅខ្លួនខ្លាំង ភ្នែកក្រហម ចង្អោរ និងក្អួត ឈឺរាងកាយ ជាពិសេសជុំវិញខ្នង កំភួនជើង និងក ដូច្នេះអ្នកគួរជៀសវាងការដើរនៅកន្លែងដែលមានទឹកច្រើន៕
ប្រភព៖sanook
