ពេជ្រ វត្តី លះខ្លាំងសម្តែងបទថៃក្នុងឱកាសខួបកំណើត គង់ ចាន់ស្រីមុំ

កាលពីយប់ថ្ងៃទី៧ ខែកក្កដា ជាថ្ងៃប្រារព្ធពិធីខួបកំណើតរបស់អ្នកនាង គង់ ចាន់ស្រីមុំ ដែលប្រមូលផ្តុំដោយតារាល្បីជាច្រើនរូបចូលរួម ជាពិសេសខួបកំណើតឆ្នាំនេះ គង់ ចាន់ស្រីមុំ ណាត់ភ្ញៀវកិត្តិយសតុបតែងខ្លួនដូចតុក្កតា ???????????????????????????????????????? យ៉ាងស្រស់ស្អាត។ អ្វីដែលកាន់តែពិសេស ពេជ្រ វត្តីសារ៉ាវឌ្ឍី និងក្រុមផេនខេក បានសម្តែងបទចម្រៀងថៃមានចំណងជើងថា «Ok Na kha » យ៉ាងលះតែម្តងនៅក្នុងកម្មវិធីនេះ។ ទោះយ៉ាងណាទន្ទឹមនឹងការសរសើរ ពេជ្រ វត្តី ក៏រងមតិរិះគន់ដូចគ្នាដោយសារតែការជ្រើសបទថៃមិនយកបទខ្មែរមកសម្តែង។

តារាសម្តែង និងពិធីការិនី គង់ ចាន់ស្រីមុំ តែងតែនិយមតុបតែងខ្លួនបែបស្ទាយ៍ប្លែកៗជាច្រើនមិនឱ្យសាំភ្នែកនោះទេ។ ជាក់ស្តែងឆ្នាំនេះនាងបានរៀបចំកម្មវិធីខួបកំណើតរបស់ខ្លួនជាមួយកូនស្រីគឺតុបតែងខ្លួនដូចតុក្កតា ???????????????????????????????????????? ដោយ មានតារាល្បីៗជាច្រើនចូលរួមដូចជា ទេព បូព្រឹក្ស មាន សូនីតា រ៉ូលីន ពេជ្រ វត្តី គ្រួសារអ្នកនាង ផន សុផារី និងតារាល្បីៗជាច្រើនរូបទៀត។

កាន់តែពិសេស ឆ្នាំនេះលំដាប់រងទី៥ Miss Grand International 2022 ពេជ្រ វត្តីសារ៉ាវឌ្ឍី បានបង្ហាញការសម្តែងបទចម្រៀងថៃមានចំណងជើង «Ok Na kha » យ៉ាងលះនៅក្នុងកម្មវិធីមានសំឡេងស្រែកហ៊ោមិនធម្មតា រួមជាមួយការសម្តែងក្រុមរបស់តារាកំប្លែង ផេនខេក ផងដែរ។ មិនត្រឹមតែប៉ុណ្ណោះបវរកញ្ញារូបនេះបង្ហាញខ្លួនក្នុងកងរង្វង់ពីលើចុះក្រោមបានយ៉ាងឡូយមិនធម្មតានោះទេ។

យ៉ាងណាមិញ បន្ទាប់ពីវីដេអូដែល ពេជ្រ វត្តី រាំបទថៃ ចែកចាយលើបណ្តាញសង្គមមកក៏មានទាំងមតិរិះគន់ និង សរសើរ ដោយអ្នកខ្លះបានបញ្ចេញមតិថា នាងរាំលះៗសាហាវ លេងឈុតធំតែម្តង និងអ្នកខ្លះទៀតលើកឡើងថា បទខ្មែរមានច្រើនណាស់ហេតុអ្វីបានជាមិនយកមកសម្តែងបែរជាចូលចិត្តយកបទថៃមកសម្តែងទៅវិញ៕