ការមានជំងឺរលាកសន្លាក់ ឬឈឺសន្លាក់អាចមកពីបញ្ហាជាច្រើន ដូចជាការទទួលទានអាហារមិនបានត្រឹមត្រូវ ឬដោយសារបញ្ហាកើនអាយុ…ជាដើម។ ដូច្នេះហើយខាងក្រោមនេះគឺជាប្រភេទអាហារមួយចំនួនដែលបណ្តាលឱ្យមានជំងឺរលាកសន្លាក់ឆ្អឹងដូចជា៖
១. អាហារបំពង ឬមានជាតិខ្លាញ់ច្រើន៖ យោងតាមការស្រាវជ្រាវលើរបបអាហារ និងការការពារជំងឺបង្ហាញថា ប្រសិនបើអ្នកជំងឺទទួលទានអាហារចៀន បំពង ច្រើនពេកអាចធ្វើឱ្យអ្នកមានជំងឺរលាកសន្លាក់បានយ៉ាងឆាប់។
ដំណោះស្រាយ៖ កាត់បន្ថយបរិមាណអាហារចៀន បំពង និងកែច្នៃ ទទួលទានផ្លែឈើ និងបន្លែឱ្យបានច្រើន។
២.ទឹកដោះគោ៖ យោងតាមគណៈកម្មាធិការគ្រូពេទ្យសម្រាប់ការទទួលខុសត្រូវ នឹងជាអង្គការឱសថជំនួសដែលមានមូលដ្ឋាននៅសហរដ្ឋអាមេរិក បានឱ្យដឹងថា ប្រូតេអ៊ីនរបស់ទឹកដោះគោអាចប៉ះពាល់ដល់ជាលិកាជុំវិញសន្លាក់។
ដំណោះស្រាយ៖ គួរទទួលទានបន្លែ គ្រាប់ធញ្ញជាតិ ស្ពៃខ្មៅ ប៊័រ សណ្តែកដី និងតៅហ៊ូ គឺជាជម្រើសដ៏ល្អបំផុតសម្រាប់អ្នកជំងឺសន្លាក់។
៣.គ្រឿងស្រវឹង និងបារី៖ យោងតាមការស្រាវជ្រាវបង្ហាញថា អ្នកដែលជក់បារីងាយនឹងកើតជំងឺរលាកសន្លាក់ឆ្អឹង ចំណែកអ្នកដែលផឹកស្រា ងាយនឹងកើតជំងឺរលាកសន្លាក់ក្បាលជង្គង់។
ដំណោះស្រាយ៖ ឈប់ជក់បារី និងឈប់ផឹកស្រា រៀបចំផែនការ និងទទួលទានរបបអាហារដែលមានសុខភាពល្អ ធ្វើលំហាត់ប្រាណឱ្យបានត្រឹមត្រូវ និងសម្រាកឱ្យបានគ្រប់គ្រាន់។
៤.ការទទួលទានប្រៃពេក៖ យោងតាមការសិក្សា បានឱ្យដឹងថា ការទទួលទានជាតិប្រៃពេក ឬអំបិលខ្ពស់ពេក អាចបង្កើនហានិភ័យនៃការវិវត្តទៅជាជំងឺរលាកសន្លាក់។
ដំណោះស្រាយ៖ គួរប្រុងប្រយ័ត្ន និងកាត់បន្ថយអាហារដែលមានរសជាតិប្រៃពេក៕ ប្រភព៖sanook