ថ្មីៗនេះអ្នកលេងបណ្តាញសង្គមម្នាក់បានលើកឡើងពី វណ្ណដា ថាជាអ្នកគោរពសាសនានរកឬ អ៊ីលលូមីណាទី (illuminati) ទើបជំរុញឱ្យតារាចម្រៀងរូបនេះសាងភាពល្បីល្បាញយ៉ាងឆាប់រហ័សក្នុងវិស័យសិល្បៈ។ ការលើកឡើងបែបនេះអ្នកគាំទ្ររបស់ វណ្ណដា បានចូលទៅខំមិនបដិសេធ និងផ្ទុះសំណើចយ៉ាងខ្លាំង ព្រោះមិនមែនជារឿងពិតនោះទេ ដោយនិមិត្តសញ្ញាមានរូបភ្នែកនៅលើអាវដែលតារាចម្រៀងរូបនេះពាក់គ្រាន់តែជាស្ទាយ៍នៃការតុបតែងខ្លួនប៉ុណ្ណោះ ខណៈភាពល្បីល្បាញរបស់ វណ្ណដា គឺទទួលបានដោយសារតែសមត្ថភាពមិនមែនដោយសារតែគោរពសាសនានរកឡើយ។
យ៉ាងណាយើងមកដល់ទាំងអស់គ្នាតើ សាសនាអ៊ីលលូមីណាទីឬសាសនានរក ជាអ្វីឱ្យប្រាកដបានជាមានឥទ្ធិពលហើយមានឈ្មោះគួរឱ្យខ្លាចបែបនេះ?
សាសនា អ៊ីលលូមីណាទី (illuminati) ឬសាសនានរក ត្រូវបានគេដឹងថាជាសាសនាអាថ៌កំបាំង និងគួរឱ្យខ្លាចហើយក៏មិនមានអ្នកណាអាចដឹងពីវាច្បាស់ឡើយ ប៉ុន្តែជនដែលគោរពសាសនានេះពួកគេអាចជឿថាសាសនានេះអាចជួយឱ្យមនុស្សទទួលបានភាពល្បីល្បាញ ព្រមទាំងសម្រេចតាមបំណងប្រាថ្នាតាមចិត្តចង់ពួកគេ។ ទន្ទឹមនឹងនេះ បុគ្គលល្បីៗមួយចំនួនដូចជា តារាចម្រៀង Justin Bieber , Katy Perry និងអតីតប្រធានាធិបតីអាម៉េរិក ដូណាល់ ត្រាំ ក៏មានការលើកឡើងថា ជាអ្នកកាន់សាសនានេះផងដែរ។
អ៊ីលលូមីណាទី មានរូបរាងពិតប្រាកដក្នុងប្រវត្តិសាស្ត្រកាលពីកំឡុងចុង សតវត្សរ៍ទី១៨ តែប៉ុណ្ណោះ ដោយមានការបង្កើត សមាគមសំងាត់ នៃបណ្តុំបញ្ញាជន ក្នុងតំបន់បាវ៉ារៀ នៃប្រទេស អាល្លឺម៉ង់ ក្នុងឆ្នាំ១៧៧៦ ដើម្បីប្រឆាំងឥទ្ធិពលសាសនា និងក្រុមថ្នាក់ដឹកនាំដែលចូលទៅជ្រៀតជ្រែក ជីវិតប្រចាំថ្ងៃ របស់សាមញ្ញជនក្នុងពេលនោះ។
ជាមួយជំនឿថាសម្រេចគ្រប់បំណងប្រាថ្នាដោយសារតែកាន់សាសនានេះ ក៏មានការលើកឡើងទៀតថាអ្នកដែលគោរពសាសនានរក ប្រែក្លាយទៅជាមនុស្សមួយផ្សេងទៀតដែលធ្វើអ្វីមួយជាអំពើអាក្រក់ ជាពិសេសនៅពេលយប់ពួកគេនឹងប្រតិកម្មដោយមិនដឹងខ្លួន ដោយជាប្រកាច់ ឬនិយាយតែម្នាក់ឯងជាដើម។ មិនត្រឹមតែប៉ុណ្ណោះ ចំពោះអ្នកកាន់សាសនាអ៊ីលលូមីណាទី ងប់ងល់ ពេលខ្លះហ៊ានធ្វើរឿងនឹកស្មានមិនដល់ទៀតផង។ ចំពោះសញ្ញាសម្គាល់នៃសាសនានេះគឺមានរូបភ្នែកម្ខាងដែលមានត្រីកោណរុំព័ទ្ធពីក្រៅ៕
