តារាស្រីសាច់សខ្ចី អៀ ម៉េងលិ បានប្រកាសបែកគ្នាជាមួយគូស្នេហ៍កាលពីម្សិលមិញនេះធ្វើឱ្យផ្ទុះកក្រើកនៅលើបណ្តាញសង្គមមិនធម្មតា ដោយស្នេហាមិនគិតមានក្ររបស់ស្រីស្អាតរូបនេះត្រូវបញ្ចប់។ យ៉ាងណា បន្ទាប់ពីប្រកាសបែកគ្នាមិនទាន់បានមួយថ្ងៃផងស្រាប់តែ ម៉េងលិ បែរនិយាយថាគ្រាន់តែជាការ Prank ខណៈអ្នកលេងបណ្តាញសង្គមគ្រាន់តែឮថាជាការកុហកក៏បានបន់ឱ្យក្លាយជាការពិតឱ្យអ្នកទាំងពីរបែកគ្នា។
តាមរយៈខ្លឹមសារនៅថ្ងៃទី៣០ ខែឧសភា អៀ ម៉េងលិ បានប្រកាសបែកគូស្នេហ៍ថ្មីដោយបានរៀបរាប់ថា «បញ្ចប់ត្រឹមនេះ ប៉ុណ្ណឹងគ្រប់គ្រាន់ហើយ មូលហេតុមិនចុះសម្រុងគ្នា @royce hy មិនមែនមានអ្នកទី៣ទេ»។ យ៉ាងណាមិញ ប្រកាសបែកគ្នាមិនទាន់បាន២៤ម៉ោងស្រាប់តែ ស្រីស្អាតរូបនេះបែរជាប្រកាសវិញថាពួកគេមិនបានបែកគ្នាទេ។ សរសេរនៅលើបណ្តាញសង្គម ស្រីលិ បានបញ្ជាក់ថា «Prank លេងទេបងប្អូនទាំងអស់គ្នា ខឹងប្តីពេក ពេលខឹងលើកនេះអត់លួងសោះ Love you babe» ដោយភ្ជាប់រូបថតជាមួយគូស្នេហ៍កៀកកើយនៅមាត់សមុទ្រ។
ការបង្ហោះ Prank របស់ ម៉េងលិ ដែលទើបភ្ជាប់ចំណងស្នេហ៍ថ្មីមានតួនាទីជាកងអង្គរក្ស ប្រមាណ៩ខែ ក៏ត្រូវអ្នកលេងបណ្តាញសង្គមមួយចំនួនផ្លែផ្កាឱ្យនាងផងដែរ។ ពួកគេបានសរសេរថា «សង្ឃឹមការ prank ក្លាយជាការពិត , ជូនពរចែ មែនទែនតាមបំណង prank របស់ចែនៅថ្ងៃណាមួយចុះសាធុៗៗៗ, ជូនពរការ Prank នេះក្លាយជាការពិតថ្ងៃណាមួយ, ករណី មិនគិតមាន ឬក្រ ទាល់តែអត់ធ្មត់តិច។ មិនមែនចេះតែបែកទេ អាចប៉ះពាល់ជីវភាព,តាប៉ែ ហា, ថាមែនៗ,ប្រហែលឈ្លោះគ្នាមែនតែបន្ទាប់ពីខាងប្រុសលួងហើយក៏ត្រូវគ្នាវិញ លេងសើចជ្រុលប្រយ័ត្នមែនទែនយំ២០ឆ្នាំឥលូវហើយ»។ អ្នកខ្លះទៀតបានលើកឡើងថា «ខែក្រោយអីបែកគ្នាមែនទែន ហើយតិចទឹកភ្នែក, Prank លើកក្រោយគ្មានអ្នកជឿទេ កុំសង្ឃឹម ,សង្ឃឹមថា ក្លាយជាការពិត»៕.PNG)
