ប្រទេសឡាវ៖ រាជធានីបុរាណហ្លួងព្រះបាង ស្ថិតនៅខាងជើង លើឧបទ្វីបដែលបង្កើតឡើងដោយទន្លេមេគង្គ ទន្លេណាំខាន់ និងស្ថិតនៅភាគខាងត្បូងនៃប្រទេសកម្ពុជា ជាប់នឹងខេត្តស្ទឹងត្រែង ព្រះវិហារ និងរតនគិរី។ នៅខែធ្នូ ឆ្នាំ១៩៩៤ កន្លែងនេះត្រូវបានអង្គការយូណេស្កូទទួលស្គាល់ជាបេតិកភណ្ឌពិភពលោក។ នៅក្នុងខែឧសភា ឆ្នាំ២០២៣ នេះ ទស្សនាវដ្ដីទេសចរណ៍អាមេរិក CnTraveller បានបញ្ចូលរាជធានីបុរាណហ្លួងព្រះបាង ចូលក្នុងបញ្ជីទីក្រុងតូចៗដ៏ស្រស់ស្អាតបំផុតទាំង ៥០ នៅលើពិភពលោក។
ហ្លួងព្រះបាងគឺជាគំរូដ៏ល្អមួយនៃការរួមផ្សំនៃស្ថាបត្យកម្មប្រពៃណី និងស្ថាបត្យកម្មអាណានិគម។ ទេសភាពនៃទីក្រុងនេះត្រូវបានវាយតម្លៃថា “មានតែមួយគត់ និងត្រូវបានថែរក្សាយ៉ាងល្អ” ដោយអង្គការយូណេស្កូ។ អគារបុរាណភាគច្រើនមានរចនាសម្ព័ន្ធដោយឈើ ប្រាសាទជាច្រើនត្រូវបានតុបតែងលម្អដោយចម្លាក់ ផ្ទាំងគំនូរ និងការស្រោបមាស។
កន្លែងដែលភ្ញៀវទេសចរចូលទស្សនាច្រើនជាងគេគឺវត្ត Xieng Thong ដែលមានអាយុកាលតាំងពីសតវត្សទី ១៦ រួមទាំង សារមន្ទីរព្រះបរមរាជវាំង វត្តមន្នីលោម វត្តវិសួនណារ័ត្ន និងភ្នំភូស៊ី។ ភូស៊ី គឺជាភ្នំដ៏ពិសិដ្ឋមួយ ស្ថិតនៅកណ្តាលក្រុង ដែលជាភ្នំសម្រាប់ធ្វើពិធីសាសនា ដើម្បីបញ្ចៀសពីវិញ្ញាណអាក្រក់ ដែលរំខានដល់ការរស់នៅរបស់មនុស្ស។ ភ្ញៀវទេសចរនៅទីនេះត្រូវបានទាក់ទាញដោយបរិយាកាសស្ងប់ស្ងាត់និងភាពរួសរាយរាក់ទាក់របស់ប្រជាជន។ មុខម្ហូបដ៏ល្បីប្រចាំទីក្រុងបុរាណនេះគឺ Aur Lam (សម្លក្រាស់ធ្វើពីឱសថ សាច់ ពងទា) Jaew Bong (ទឹកជ្រលក់ហឹរ និងស្បែកក្របី) និង Khai Pan (សារាយសមុទ្រចៀនជាមួយល្ង និងខ្ទឹមស)។បទពិសោធន៍ដ៏ល្អបំផុតនោះ គឺការសង្កេតមើលពិធីបុណ្យទាននាពេលព្រឹករបស់ប្រជាជននៅទីក្រុងហ្លួងព្រះបាង។ នៅពេលព្រលឹម ព្រះសង្ឃដើរជុំវិញទីក្រុងជាជួរដើម្បីបិណ្ឌបាត គ្រឿងបូជារបស់ប្រជាពលរដ្ឋមានដូចជា អង្ករដំណើប ផ្លែឈើ ឬអាហារសម្រន់ផ្សេងៗទៀតតាមប្រពៃណីសាសនារបស់ពួកគេ៕