យន្តហោះចម្បាំងប្រភេទ Su-22 នៃកងពលលេខ ៩២១ របស់កងទ័ពអាកាសបានជួបឧបទ្ទវហេតុពេលចុះចតនៅអាកាសយានដ្ឋាន Yen Bai ភាគខាងជើងប្រទេសវៀតណាម ដែលបណ្តាលឱ្យអ្នកបើកយន្តហោះបានបង់ជីវិត។
នៅម៉ោង១២និង០៩ នាទីថ្ងៃត្រង់ ថ្ងៃទី៣១ ខែមករា លោក Tran Ngoc Duy បានបើកយន្តហោះ ដែលជាវគ្គហ្វឹកហ្វឺន ហើយនៅម៉ោង១២និង២៧នាទីថ្ងៃត្រង់ ពេលចុះចតយន្តហោះបានជួបបញ្ហាតែម្តង។
អំឡុងពេលជួបបញ្ហា អ្នកបើកយន្តហោះត្រូវបានអគ្គបញ្ជាការ បញ្ជាឱ្យបើកឆ័ត្រយោងចេញពីយន្តហោះ ក៏ប៉ុន្តែ អ្នកបើកយន្តហោះ បានព្យាយាមជួសជុលវាជំនួសវិញ ហើយក៏បានជួបរឿងអកុសលបែបនេះ។
គួរបញ្ជាក់ផងដែរថាយន្តហោះចម្បាំង Su-22 ដែលបានធ្លាក់នេះ ត្រូវបានផលិតដោយសហភាពសូវៀត បានដំណើរការ តាំងពីទសវត្សរ៍ឆ្នាំ ១៩៧០ មកម្ល៉េះ៕
ប្រភព៖ VN Express
