ផ្លូវថ្មីតម្លៃជាង២០០លានដុល្លារ ឆ្លងកាត់៣ខេត្ត ត្រៀមដាក់ឱ្យប្រើប្រាស់នៅដើមខែតុលា

ផ្លូវជាតិលេខ១០ បានប្រែក្លាយស្រុកសំឡូតពីអតីតសមរភូមិ ទៅជាច្រករបៀងសេដ្ឋកិច្ចដ៏មានសក្តានុពល ដោយជួយសម្រួលដល់ការធ្វើដំណើរ និងការដឹកជញ្ជូនកសិផលរបស់ប្រជាពលរដ្ឋទៅកាន់ទីផ្សារបានយ៉ាងឆាប់រហ័ស។

ផ្លូវនេះ មានប្រវែងសរុប ១៩៨,៥១គីឡូម៉ែត្រ ដែលតភ្ជាប់តំបន់ភាគខាងលិច និងភាគនិរតីរបស់កម្ពុជា ដោយ​ចាប់ផ្តើម​ពី​ស្រុកសំឡូត ខេត្ត​បាត់ដំបង ឆ្លងកាត់​​ស្រុក​វាលវែង ខេត្តពោធិ៍សាត់ និង​បន្តទៅដល់​ក្រុងខេមរភូមិន្ទ ខេត្តកោះកុង។

គម្រោងសាងសង់ផ្លូវជាតិលេខ ១០ ត្រូវបានសាងសង់ឡើងចំណាយអស់១៨៨លានដុល្លារ ក្រោមក្របខ័ណ្ឌហិរញ្ញប្បទាន​សហប្រតិបត្តិការ​ពីរដ្ឋាភិបាលនៃសាធារណរដ្ឋប្រជាមានិតចិន និងក្របខ័ណ្ឌថវិកាជាតិ។

សូមបញ្ជាក់ថា ផ្លូវជាតិលេខ ១០ គ្រោងនឹង​សម្ពោធដាក់ឱ្យប្រើប្រាស់ជាផ្លូវការនៅថ្ងៃទី ១ ខែតុលា ឆ្នាំ២០២៦ ក្រោមអធិបតីភាព​សម្តេច​ធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា៕