ប្រទេសគុយវ៉ែត ៖ វាបានធ្វើឱ្យមហាជនផ្ទុះការចាប់អារម្មណ៍ និងរិះគ.ន់ យ៉ាងខ្លាំងក្នុងបណ្តាញសង្គមបរទេស ក្រោយពីឃើញហាងមួយនៅប្រទេសគុយវ៉ែត ដាក់លក់ស្បែកជើងផ្ទាត់ធម្មតា ក្នុងតម្លៃរហូតដល់ជាង១ពាន់ដុល្លារអាមេរិកក្នុង១គូ ។ អ្នកប្រើប្រាស់បណ្តាញសង្គមនិយាយថា តម្លៃខ្ពស់កប់ពពកបែបនេះ គឺពួកគេអាចទិញស្បែកជើងពាក់អស់មួយជីវិតឯណោះ ។

ការរិះគន់ពីសំណាក់មហាជននេះ គឺក្រោយពីហាងលក់ស្បែកជើងថ្លៃមួយនៅប្រទេសគុយវ៉ែត បានដាក់លក់ស្បែកជើងផ្ទាត់ធម្មតា និងមានពណ៌ផ្សេងៗ ដូចជា ៖ ពណ៌បៃតង, ពណ៌ក្រហម និងពណ៌ខៀវ និងមានបាតស្បែកជើងពណ៌ស ។ ប៉ុន្តែវាបែរជាមានតម្លៃខុសគ្នាយ៉ាងខ្លាំងពីស្បែកជើងផ្ទាត់ផ្សេងទៀត ។

ចំណែកបុគ្គលិកលក់ស្បែកជើងក្នុងហាងនេះ បានពាក់ស្រោមដៃចាប់ស្បែកជើងផ្ទាត់ រួចហើយ ក៏លើកបង្ហាញឱ្យអតិថិជនមើល និងប្រាប់អតិថិជនឱ្យមើលបាតស្បែកជើងថា វាមានសភាពទន់ និងអាចបត់បែនបាន ។ បើមើលក្នុងវីដេអូដែលសរសេរនៅខាងលើថា «ម៉ូដចុងក្រោយ Zanouba» ឃើញថា វាដូចគ្នានឹងស្បែកជើងផ្ទាត់ធម្មតាដែរ ប៉ុន្តែស្បែកជើងផ្ទាត់នេះមានតម្លៃរហូតដល់៤.៥០០រីយ៉ាល់ (ឬស្មើប្រមាណ១ពាន់២រយដុល្លារអាមេរិក) ។

ក្រោយពីវីដេអូស្បែកជើងផ្ទាត់ ត្រូវបានចែកចាយក្នុងបណ្តាញសង្គមនៅប្រទេសគុយវ៉ែត និងបរទេស វាបានធ្វើឱ្យអ្នកប្រើប្រាស់បណ្តាញសង្គមជាច្រើនភ្ញាក់ផ្អើល និងបញ្ចេញមតិខុសៗគ្នា ។ អ្នកប្រើប្រាស់បណ្តាញសង្គមនៅប្រទេសឥណ្ឌាជាច្រើន ក៏បានចូលមកបញ្ចេញមតិផងដែរ ក្នុងនោះជនជាតិឥណ្ឌាម្នាក់និយាយថា ៖ «ស្បែកជើងនេះ ពុំខុសគ្នាពីស្បែកជើងដែលខ្ញុំប្រើប្រាស់ក្នុងបន្ទប់ទឹកទេ» ។

មនុស្សខ្លះទៀតនិយាយថា ៖ «ស្បែកជើងបែបនេះ នៅហាងផ្សេង គេលក់ត្រឹមតែជាង២ពាន់រៀលប៉ុណ្ណោះក្នុង១គូ ប៉ុន្តែហាងនៅគុយវ៉ែត លក់ថ្លៃខ្លាំងពេក ។ លុយច្រើនដល់ថ្នាក់នេះ ខ្ញុំអាចយកទៅធ្វើអ្វីផ្សេងបានច្រើនជាងនេះ ឬអាចទិញស្បែកជើងផ្ទាត់ពាក់១ជីវិតឯណោះ» ។

ដូចគ្នានេះ មនុស្សផ្សេងទៀតនិយាយថា ៖ «នៅប្រទេសឥណ្ឌា យើងពាក់ស្បែកជើងបែបនេះសម្រាប់ចូលបន្ទប់ទឹកតែប៉ុណ្ណោះ» ។ បើទោះជាមហាជនចាប់អារម្មណ៍ និងរិះគន់ពីតម្លៃរបស់ស្បែកជើងផ្ទាត់យ៉ាងណាក្តី ប៉ុន្តែគ្មានការបកស្រាយពីម្ចាស់ហាងស្បែកជើងនៅគុយវ៉ែតថា ហេតុអ្វីបានជាវាមានតម្លៃថ្លៃបែបនេះ ៕

ថ្មីៗនេះ នៅឯប្រទេសវៀតណាម គឺបានលេចចេញនូវករណីកុមារអាយុ៣ខួប ម្នាក់បានបាត់.បង់.ជីវិត បន្ទាប់ពីរូបគេត្រូវបានឆ្មាខាំកាលពីមួយខែមុន ហើយបើតាមការបញ្ជាក់ពីមន្ត្រីសុខាភិបាលបានឲ្យដឹងថា កុមាររូបនេះ.ស្លា.ប់.ព្រោះតែឆ្លងជ.ម្ងឺឆ្កែឆ្កួ.ត។

កាលពីថ្ងៃទី ១៧ ខែកក្កដា ឆ្នាំ២០២៤ យោងតាមប្រភពសារព័ត៌មាន VN Express បានឲ្យដឹងងថា មានក្មេងប្រុសអាយុ៣ ខួប ដែលមានឈ្មោះថា K.K. រស់នៅក្នុងខេត្ត Gia Lai ប្រទេសវៀតណាម បានទទួលមរណៈភាព ដោយសារជំងឺឆ្កែឆ្កួតកាលពីថ្ងៃ១៥ ខែកក្កដា បន្ទាប់ពីក្មេងប្រុសម្នាក់នេះ ត្រូវបានសត្វឆ្មាខាំប្រហែលមួយខែមុន។

គ្រួសាររបស់ក្មេងប្រុសរូបនេះបានសម្តែងនូវការសោកស្តាយនិងមានវិប្បដិសារីជាខ្លាំង ដែលមិនបាននាំគាត់មកមន្ទីរពេទ្យ កាលពីអំឡុងពេលនោះ ព្រោះតែគិតថាមិនអី គ្រាន់តែសត្វឆ្មាខាំធម្មតាៗប៉ុណ្ណោះ។ ប៉ុន្តែលុះក្រោយៗមកទៀត ក្មេងប្រុសរូបនេះក៏បានបញ្ចេញអាការៈកាន់តែធ្ងន់ធ្ងរឡើងៗ គឺក្អួតមិនឈប់សោះរយៈពេលជាច្រើនថ្ងៃ។ លុះរហូតដល់ថ្ងៃទី ១៤ ខែកក្កដា ទើបក្រុមគ្រួសារបានបញ្ជូនគាត់មកកាន់មន្ទីរពេទ្យខេត្ត ដើម្បីទទួលការព្យាបាល។

ប៉ុន្តែ អ្វីៗវាបានហួសពេលទៅហើយ បន្ទាប់ពីវេជ្ជបណ្ឌិតជំនាញបានពិនិត្យ និងវិនិច្ឆ័យរួចមក ក៏បានរកឃើញថា ក្មេងប្រុសវ័យ ៣ឆ្នាំម្នាក់នេះបានកើតមានជំងឺឆ្កែឆ្កួតទៅហើយ ដែលឆ្លងមេរោគរីករាលដាលដល់ក្រពះពោះវៀន និងធ្វើឲ្យមានការខ្សោះជាតិទឹកខ្លាំង។ យ៉ាងណាមិញ លុះដឹងស្ថានភាពថាក្មេងប្រុសនេះមិនអាចព្យាបាលបាន គ្រួសារក៏សម្រេចចិត្តនាំគាត់ត្រឡប់ទៅផ្ទះវិញ ហើយគាត់គឺធ្វើទុក្ខខ្លាំងណាស់ ដូចជាស្រែកយំ ពិបាកបរិភោគឬផឹក; ស្រក់ទឹកមាត់ខ្លាំង; មានការភ័យខ្លាចជាមួយនឹងពន្លឺ ខ្យល់ និងទឹក; និងឈឺក្បាលខ្លាំងជាដើម។ ខណៈសេចក្តីរាយការណ៍ កាលពីថ្ងៃទី ១៥ ខែកក្កដានេះថា ក្មេងប្រុសរូបនេះបានទទួលមរណភាពហើយ។

គួរបញ្ជាក់ដែរថា មធ្យោបាយតែមួយគត់ដើម្បីការពារជំងឺឆ្កែឆ្កួត គឺត្រូវទទួលថ្នាំបង្ការឬវ៉ាក់សាំងភ្លាមៗ បន្ទាប់ពីត្រូវបានសត្វឆ្កែ ឆ្មា ឬសត្វព្រៃមួយចំនួនទៀតខាំ ក៏ដូចជាត្រូវទៅទទួលការពិគ្រោះជាមួយនឹងគ្រូពេទ្យឲ្យបានល្អិតល្អន់។ ខណៈប្រសិនបើរោគសញ្ញាជំងឺឆ្កែឆ្កួតលេចឡើង អត្រាមរណភាពគឺកើតមានរហូតដល់ទៅ ១០០% ។ ទោះជាយ៉ាងណា នេះគឺជាក្មេងប្រុសទី៤ ហើយដែលបានស្លាប់ ដោយសារតែជម្ងឺឆ្កែឆ្កួតនៅក្នុងខេត្ត Gia Lai ក្នុងឆ្នាំ ២០២៤នេះ៕

ទីក្រុង Hoi An របស់ប្រទេសវៀតណាមត្រូវបានគេហទំព័រទេសចរណ៍អាមេរិក Travel + Leisure ផ្តល់កិត្តិយសថាជាទីក្រុងស្អាតបំផុតនៅលើពិភពលោកក្នុងឆ្នាំ ២០២៤។
យោងតាមការគេហទំព័រនេះបានឱ្យដឹងថាទីក្រុង Hoi An ជាប់ចំណាត់ថ្នាក់លេខ ៤ ក្នុងចំណាត់ថ្នាក់ទីក្រុងស្អាតបំផុតទាំង ២៥ នៅលើពិភពលោកក្នុងឆ្នាំ ២០២៤ ដោយទទួលបាន ៩០.៦៧ ពិន្ទុក្នុងចំណោម ១០០ បន្ទាប់ពីទីក្រុង San Miguel de Allende នៃប្រទេសម៉ិកស៊ិក, ទីក្រុង Udaipur ប្រទេសឥណ្ឌា និងទីក្រុង Kyoto នៃប្រទេសជប៉ុន។

ទីក្រុងបុរាណ Hoi An គឺជាគោលដៅទេសចរណ៍ដ៏ល្អបំផុតសម្រាប់អ្នកដែលចូលចិត្តដើរញ៉ាំអាហារប្លែកៗមានរសជាតិឈ្ងុយឆ្ងាញ់ដូចជា កាវឡៅ បាញម៉ៃ និងអ្នកចូលចិត្តប្រវត្តិសាស្ត្រ។ ទីក្រុងនេះមានចម្ងាយ ៣០ គីឡូម៉ែត្រពីអាកាសយានដ្ឋានអន្តរជាតិ Da Nang ងាយស្រួលសម្រាប់ការធ្វើដំណើរ និងទស្សនា។ នៅក្នុងក្រសែភ្នែកភ្ញៀវទេសចរអន្តរជាតិ និងអ្នកជំនាញទេសចរណ៍ “វាមិនចម្លែកទេដែល Hoi An តែងតែលេចមុខក្នុងបញ្ជីទីក្រុងស្អាតបំផុតលើលោក” ។

បើយោងតាមគេហទំព័រ World’s Best ក៏មានគោលបំណងផ្តល់កិត្តិយសដល់គោលដៅ សណ្ឋាគារ ក្រុមហ៊ុនអាកាសចរណ៍ និងសេវាកម្មដ៏ល្អនៅក្នុងវិស័យទេសចរណ៍ក្នុងប្រទេសនេះផងដែរ។ ទីក្រុងត្រូវបានផ្តល់ពិន្ទុដោយផ្អែកលើលក្ខណៈវិនិច្ឆ័យដូចជាការទស្សនា វប្បធម៌ អាហារ ភាពរួសរាយរាក់ទាក់របស់មនុស្ស និងគោលដៅនានា ការដើរទិញឥវ៉ាន់ ក៏ដូចជាតម្លៃសមរម្យសម្រាប់ភ្ញៀវទេសចរ។ លក្ខណៈវិនិច្ឆ័យនីមួយៗមាន ៤ កម្រិតសម្រាប់អ្នកទេសចរដើម្បីវាយតម្លៃគឺ៖ ល្អណាស់ ល្អបង្គួរ មធ្យម និងមិនល្អ។ ពិន្ទុសរុបដែលទីក្រុងសម្រេចបានគឺជាពិន្ទុមធ្យមដែលអ្នកទស្សនាផ្តល់ដល់លក្ខណៈវិនិច្ឆ័យទាំង ៤ នេះ។

ដូច្នេះទីក្រុង Hoi An គឺបានទាក់ទាញសំឡេងឆ្នោតជាង ៧០០,០០០ ថាជាទីក្រុងស្អាតបំផុតប្រចាំឆ្នាំ។ ពានរង្វាន់នេះត្រូវបានចាត់ទុកថាជាមគ្គុទ្ទេសក៍សម្រាប់ណែនាំភ្ញៀវទេសចរទៅកាន់ទីកន្លែងដែលមានសេវាកម្មល្អដើម្បីបម្រើដល់ការធ្វើដំណើររបស់ពួកគេនាពេលអនាគត។ កន្លងមកកោះ Phu Quoc ក៏បានបង្ហាញខ្លួនក្នុងបញ្ជីរបស់ Travel & Leisure នៃកោះ និងប្រជុំកោះស្អាតបំផុតទាំង ២៥ នៅលើពិភពលោកផងដែរ៕

ប្រទេសចិន ៖ នៅខែកក្កដា ឆ្នាំ២០២៤ យុវជនចិនជាច្រើននាក់បាននាំគ្នាមកដាក់ពាក្យធ្វើការក្រៅម៉ោងជាបន្តបន្ទាប់ នៅតំបន់ទេសចរណ៍មួយកន្លែងក្នុងទីក្រុងបិនស៊ី ខេត្តលៀវនីង ។ ការងារនេះកំពុងតែពេញនិយមយ៉ាងខ្លាំងនៅប្រទេសចិន ហើយបុគ្គលិកធ្វើការត្រូវស្លៀកពាក់កខ្វក់ និងតុបតែងមុខមាត់ធ្វើជាមនុស្សព្រៃ ។ បន្ទាប់មក ពួកគេនឹងធ្វើសកម្មភាពផ្សេងៗ ដូចជា ៖ រាំ ឬលោត ដើម្បីឱ្យភ្ញៀវទេសចរចាប់អារម្មណ៍ ។

យុវជនទាំងនេះទទួលបានប្រាក់ចំនួន២០០យាន់ក្នុង១ថ្ងៃ (ឬស្មើជាង២៧ដុល្លារអាមេរិក) ពីការងារក្រៅម៉ោងរបស់ពួកគេ ។ លើសពីនេះ ក៏មានអ្នកប្រើប្រាស់បណ្តាញសង្គមផ្សេងទៀតសម្រុកមកដាក់ពាក្យធ្វើការដែរ ពីព្រោះមើលឃើញថា វាជាការងារសប្បាយរីករាយ ថែមទាំងទទួលបានប្រាក់ខែខ្ពស់ ។

បុគ្គលិកដែលស្ម័គ្រចិត្តចូលធ្វើការក្រៅម៉ោងនៅទីនេះ គឺត្រូវស្លៀកពាក់កខ្វក់ដើម្បីឱ្យមើលទៅដូចមនុស្សព្រៃ ព្រមទាំងស្រែកខ្លាំងៗពេញព្រៃ ។ ការងារនេះមានគោលបំណងទាក់ទាញចំណាប់អារម្មណ៍ពីភ្ញៀវទេសចរដែលមកកម្សាន្តនៅទីនេះ ។

ហេតុនេះ ភ្ញៀវទេសចរទាំងអស់នឹងទទួលបានបទពិសោធន៍ពីដំណើរកម្សាន្តប្រកបដោយក្តីរីករាយ តាមរយៈការមើលឃើញតំបន់ធម្មជាតិពិតៗ និងធម្មជាតិក្លែងក្លាយ ។ កន្លងមក បុគ្គលិកធ្លាប់ស្លៀកពាក់ធ្វើជាអ្នកសុំទាន និងស្លៀកពាក់តាមតារាភាពយន្តល្បីៗទៀតផង ។

កាលពីខែមេសា ឆ្នាំ២០២៤ ក្រោយពីការប្រកាសជ្រើសរើសបុគ្គលិកមកធ្វើការងារនេះត្រឹម១សប្តាហ៍ ស្រាប់តែមានបេក្ខជនមកដាក់ពាក្យរហូតដល់ជិត១០០នាក់ ។ ប៉ុន្តែតំបន់ទេសចរណ៍ទទួលបេក្ខជនតែ៤នាក់ប៉ុណ្ណោះមកធ្វើការ ដែលមានអាយុចាប់ពី១៩ឆ្នាំ ទៅ២៨ឆ្នាំ ។ ការងារនេះតម្រូវឱ្យបុគ្គលិកធ្វើយ៉ាងណា ឱ្យភ្ញៀវទេសចរមានអារម្មណ៍ធូរស្រាល និងសប្បាយរីករាយ ប៉ុន្តែពួកគេពុំអាចនិយាយផ្ទាល់ជាមួយភ្ញៀវទេសចរបានទេ ។

បុគ្គលិកតែងខ្លួនជាមនុស្សព្រៃ នឹងទទួលបានអាហារថ្ងៃត្រង់១ពេល ព្រមទាំងទទួលបានប្រាក់ខែ មិនក្រោម៥.០០០យាន់ក្នុង១ខែ (ឬស្មើជិត៧០០ដុល្លារអាមេរិក) ។ ហេតុនេះ អ្នកប្រើប្រាស់បណ្តាញសង្គមផ្សេងទៀត ក៏ចាប់អារម្មណ៍នឹងការងារនេះដែរ ក្នុងនោះជនជាតិចិនម្នាក់និយាយថា ៖ «នេះជាការងារក្នុងក្តីសុបិនរបស់ខ្ញុំ ព្រោះវាសប្បាយផង និងទទួលបានប្រាក់ខែផង» ។

ទោះយ៉ាងណា ការងារនេះពុំងាយស្រួលដូចមនុស្សគ្នាគិតនោះទេ ពីព្រោះអ្នកគ្រប់គ្រងតំបន់ទេសចរណ៍និយាយថា ៖ «បុគ្គលិកម្នាក់ៗត្រូវតែទទួលការហ្វឹកហាត់យ៉ាងល្អ ទើបអាចធ្វើការងារនេះបាន ។ រីឯពាក្យចចាមអារ៉ាមថា បុគ្គលិកតែងខ្លួនជាមនុស្សព្រៃ ត្រូវបានអនុញ្ញាតឱ្យលួចអាហារថ្ងៃត្រង់របស់ភ្ញៀវទេសចរនោះ មិនមែនជាការពិតឡើយ» ៕