តារាម៉ូដែល Jung Ho Yeon តួឯកស្រីក្នុងរឿង «Squid Game» និងតារាសម្តែង Lee Dong Hwi បានសម្រេចចិត្តចែកផ្លូវគ្នាបន្ទាប់ពីមានទំនាក់ទំនងចំនួន៩ឆ្នាំ។ ការបែកគ្នានេះអ្នកទាំងពីរមិនបន្ទោសភាគីណាមួយឡើយ។ ក្រោយពីទទួលដំណឹងនេះអ្នកគាំទ្រជាច្រើនបង្ហាញការសោកស្តាយចំពោះទំនាក់ទំនងពួកគេដែលត្រូវប្រេះឆាបែបនេះ។

នៅថ្ងៃទី ២៦ ខែវិច្ឆិកាតាមរយៈក្រុមហ៊ុនគ្រប់គ្រង Jung Ho Yeon បាននិយាយថានាងនិង Lee Dong Hwi បានប្តូរពីពាក្យថាគូស្នេហ៍ទៅជាមិត្តល្អនិងមិត្តរួមការងារវិញហើយពួកគេនឹងផ្តោតលើការងារដ៏មមាញឹករបស់ពួកគេ។ អ្នកទាំងពីរមានទំនាក់ទំនងស្នេហាជាមួយគ្នាអស់រយៈពេល៩ឆ្នាំ ហើយបានប្រកាសពីទំនាក់ទំនងជាសាធារណៈក្នុងឆ្នាំ២០១៦ ។

អ្នកគាំទ្រជាច្រើនបាននិយាយថា ពួកគេភ្ញាក់ផ្អើល និងសោកស្តាយចំពោះរឿងរ៉ាវស្នេហារបស់គូស្នេហ៍មួយគូនេះ។ នៅក្នុងកម្មវិធីខែសីហា ២០២៤ តារាប្រុស Lee Dong Hwi បាននិយាយថា Jung Ho Yeon គឺជាគូស្នេហ៍ និងជាមិត្តល្អបំផុតរបស់លោក។

Jung Ho Yeon មានវ័យ ៣០ ឆ្នាំ ហើយបានចាប់ផ្តើមអាជីពរបស់នាងនៅអាយុ ១៦ ឆ្នាំក្នុងនាមជាតារាបង្ហាញម៉ូត។ នាងបានក្លាយជាមនុស្សល្បីល្បាញបន្ទាប់ពីឈ្នះរង្វាន់ទីពីរនៅ Korea’s Next Top Model 2013 ។ ទស្សនាវដ្តី Vogue Korea បានអត្ថាធិប្បាយថានាងមាន «រូបរាង និងទេពកោសល្យពីធម្មជាតិដើម្បីក្លាយជាតារាម៉ូដែលកំពូល»នៅឆ្នាំ ២០២១ តារាស្រីរូបនេះល្បីល្បាញទូទាំងពិភពលោកតាមរយៈខ្សែភាពយន្ត Squid Game ពាក់លេខ 067 ហើយនេះគឺជាការសម្តែងលើកទី១របស់នាងក្នុងអាជីពសម្តែងប៉ុន្តែជោគជ័យស្ទើរមិនគួរឱ្យជឿ។ នាងក៏ជាមិត្តភក្តិជិតស្និទ្ធជាមួយនឹង Jennie សមាជិក BLACKPINK ផងដែរ។

តារាសម្តែង Lee Dong Hwi មានវ័យ ៣៩ឆ្នាំ ដែលល្បីល្បាញសម្រាប់ខ្សែភាពយន្ត Reply 1988 និងលេចមុខនៅក្នុងកម្មវិធីជាច្រើនរបស់ទូរទស្សន៍ tvN ៕

កាលពីថ្ងៃទី ២៥ ខែវិច្ឆិកា Lisa សមាជិកក្រុម BLACKPINK បានផ្តល់បទសម្ភាសក្នុងកម្មវិធី iHeart Countdown ជាកន្លែងដែលនាងបានបង្ហាញព័ត៌មានផ្សេងៗអំពីខ្លួននាង ផែនការអនាគត និងដំណើរការច្នៃប្រឌិតនានា។

ក្នុងកិច្ចសម្ភាសន៍នេះ Lisa ក៏បានទម្លាយថា ថ្មីៗនេះនាងបានជួបប្រទះនូវព្រឹត្តិការណ៏ដ៏ចម្លែកមួយ។ Lisa បាននិយាយថានាងបានស្នាក់នៅកន្លែងមួយរយៈពេល ៣យប់ ហើយរាល់យប់នាងឮសំលេងគោះទ្វាររបស់នាងរាល់ពេលចន្លោះម៉ោង ១ ដល់ម៉ោង២ ទៀបភ្លឺ។ នៅទីបំផុត នាងត្រូវភ្ញាក់ឡើង ហើយដឹងថានាងបានគេងបែរមុខទៅទ្វារ ធ្វើឱ្យមានបទពិសោធន៍ដ៏គួរឱ្យភ័យខ្លាចទាក់ទងទៅនិងអបិយជំនឿ។

Lisa បាននិយាយទៀតថាបន្ទាប់ពីជួបហេតុការណ៍បែបនេះហើយនាងបានសួរបុគ្គលិកនៅទីនោះថាមានរឿងអ្វីអាចប្រាប់នាងបានឬអត់ ប៉ុន្តែនាងក៏ច្បាស់ក្នុងចិត្តថាមិនទទួលបានចម្លើយអ្វីនោះទេ។ ជាមួយនឹងការទម្លាយពីរឿងអរូប Lisa ក៏បានលើកឡើងផងដែរថា គោលដៅរបស់នាងសម្រាប់ឆ្នាំ២០២៥ គឺផ្តោតលើតន្ត្រី និងដើម្បីវិលត្រឡប់មកវិញរបស់ក្រុម BLACKPINK។

Lalisa Manoban គឺជាសិល្បករអាស៊ីដែលមានអ្នកតាមដានច្រើនជាងគេនៅលើ Instagram ។ តារាចម្រៀងរូបនេះបច្ចុប្បន្នជានាយកប្រតិបត្តិរបស់ LLOUD ដែលជាក្រុមហ៊ុនដែលនាងបានបង្កើត ប្រតិបត្តិការក្នុងវិស័យម៉ូត ភាពយន្ត និងតន្ត្រីក្នុងសកម្មភាពទោលរបស់នាង។ រយៈពេលដែលបង្កើតក្រុមហ៊ុនខ្លួនឯងតារាចម្រៀងវ័យ២៧ឆ្នាំរូបនេះមានសកម្មភាពជាច្រើន ខណៈថ្មីៗនេះទើបបញ្ចប់កម្មវិធីជួបជុំអ្នកគាំទ្រក្នុងតំបន់អាស៊ី។ Lisa នឹងទម្លាក់អាល់ប៊ុមរបស់ខ្លួននៅថ្ងៃទី២៨ ខែកុម្ភៈ ឆ្នាំ២០២៥ ខាងមុខនេះនិងឡើងឆាក Coachella ក្នុងខែមេសា ផងដែរ៕

ថ្មីៗនេះ តារាសម្តែងហុងកុង Linda Chung បានទទួលការកោតសរសើរជាសាធារណៈតាមរយៈការផ្ញើសារជាសំឡេងដ៏ស្មោះស្ម័គ្រទៅកាន់អ្នកគាំទ្រដែលកំពុងប្រយុទ្ធនឹងជំងឺលុយពីស (Lupus) ដោយប្រឆាំងនឹងការចោទប្រកាន់កន្លងមកថានាងជា«តារាមុខពីរ»។

យោងតាមប្រព័ន្ធផ្សព្វផ្សាយសិង្ហបុរីអ្នកគាំទ្រដែលជាអ្នកគាំទ្រយូរមកហើយរបស់ តារាសម្តែងហុងកុង Linda Chung បានតស៊ូជាមួយជំងឺលុយពីស (Lupus) តាំងពីក្មេងជំទង់ហើយបានទាក់ទងទៅតារាសម្តែងរូបនេះខណៈពេលដែលកំពុងព្យាបាល។ ចំពោះការភ្ញាក់ផ្អើលរបស់នាង Linda បានឆ្លើយតបជាមួយនឹងសារជាសំឡេងនៅលើបណ្តាញសង្គម WhatsApp មួយនាទីដោយផ្តល់នូវពាក្យលើកទឹកចិត្ត។ ក្នុងសំឡេងសារនោះតារាសម្តែងវ័យ៤០ឆ្នាំរូបនេះនិយាយថា«ខ្ញុំគឺ linda ។ ខ្ញុំបានឮអំពីអ្វីដែលបានកើតឡើងចំពោះអ្នក ហើយខ្ញុំសង្ឃឹមថាសារខ្លីនេះអាចជំរុញអ្នកឱ្យឆ្លងកាត់ការព្យាបាលដែលអ្នកត្រូវការ។ ខ្ញុំសង្ឃឹមថាអ្នកនឹងជាសះស្បើយឆាប់ៗ។ «ប៉ុន្តែជាដំបូង កុំបារម្ភខ្លាំងពេក អ្នកត្រូវតែរក្សាភាពវិជ្ជមាន ហើយជឿថាអ្នកអាចជាសះស្បើយ»។

នៅទីបំផុត អ្នកគាំទ្រដែលមានជំងឺខាងលើនេះបានជាសះស្បើយ ហើយបានសម្តែងការដឹងគុណយ៉ាងជ្រាលជ្រៅចំពោះការគាំទ្ររបស់តារាស្រីរូបនេះជាមួយនឹងសំណេរថា «ខ្ញុំពិតជាចង់អរគុណនាងណាស់! នៅទីបញ្ចប់ ខ្ញុំពិតជាបានជាសះស្បើយដោយអព្ភូតហេតុ!»

ការបង្ហោះរបស់អ្នកគាំទ្រនេះបានរីករាលដាលយ៉ាងឆាប់រហ័ស ហើយអ្នកផ្សេងទៀតបានចូលរួមចែករំលែកបទពិសោធន៍វិជ្ជមានរបស់ពួកគេជាមួយតារាស្រី ដោយហៅនាងថាជា «ទេវតានៅលើផែនដី»។

ទង្វើនៃសេចក្តីសប្បុរសនេះផ្ទុយស្រឡះពីការចោទប្រកាន់ពីឆ្នាំ២០២២ នៅពេលដែលអ្នកជិតខាងរបស់ Linda នៅក្នុងទីក្រុង Vancouver ប្រទេសកាណាដា បានអះអាងថាតារាស្រីរូបនេះមិនស្មោះត្រង់ និងបានរិះគន់នាងចំពោះការបដិសេធសំណើសុំថតរូប។ បុគ្គលិកក្រុមហ៊ុនផលិតកម្មមួយក៏បានចោទប្រកាន់នាងពីបទឈ្លើយចំពោះអ្នកដែលមានឋានៈតូចទាបប្រាក់ខែតិច អាកប្បកិរិយារបស់នាងគឺអាក្រក់ណាស់ នាងត្រូវបានគេស្គាល់ថាជាមនុស្សបែបនោះ គ្រប់គ្នានៅក្នុងឧស្សាហកម្មនេះដឹងរឿងនោះ។

Linda Chung ជាតារាសម្តែង និងជាតារាចម្រៀងហុងកុង ដើមកំណើតកាណាដា បានល្បីល្បាញជាលើកដំបូងក្នុងឆ្នាំ២០០៤ បន្ទាប់ពីបានឈ្នះការប្រកួត Miss Chinese International បន្ទាប់មកនាងបានក្លាយជាតារាសម្តែងផ្តាច់មុខសម្រាប់ TVB ។ ក្នុងឆ្នាំ ២០១៨ នាងបានចាកចេញពី TVB ដើម្បីផ្តោតលើការថែទាំគ្រួសាររបស់នាងជាមួយនឹងស្វាមីជាគ្រូពេទ្យជំនាញខាងវះកាត់និងកូនបីនាក់របស់ពួកគេ។ កាលពីខែកក្កដា ឆ្នាំ២០២៤ នាងក៏ប្រកាសវិលត្រឡប់ចូលវិស័យសិល្បៈវិញផងដែរដោយមិនប្រកាន់តួនាទីសម្តែងនោះទេ៕

សាធារណជននៅតែកោតសរសើរចំពោះសកម្មភាពរបស់អ្នកនាង ប្រាសាទ ដាវីន TOP30 Miss Universe 2024 បន្ទាប់ពីចប់ការប្រកួតនៅតែបំពេញតួនាទីជា Queen បានល្អបន្តសកម្មភាពសប្បុរសធម៌ដដែល។ លើសពីនេះ អ្នកនាង ប្រាសាទ ដាវីន បានបង្ហាញកាយវិការដឹងគុណទៅដល់អ្នកជួយជ្រោមជ្រាងក្នុងការប្រកួតកន្លងមកដែលទង្វើនេះធ្វើឱ្យ ខាត់ ស្រីច័ន្ទ ទប់ចិត្តមិនបានចេញមកនិយាយបែបនេះភ្លាម។

ND Miss Mera Cambodia បាននិយាយនៅក្នុងការ Live របស់ខ្លួននាយប់ថ្ងៃទី២៦ ខែវិច្ឆិកា បានសរសើរទៅកាន់ប្រាសាទ ដាវីន ដែលបានធ្វើឱ្យកម្ពុជាបើកទ្វារចូលTOPនៅក្នុងការប្រកួត Miss Universe ហើយអ្វីដែលធ្វើឱ្យនាងកាន់តែស្រលាញ់អ្នកនាង ប្រាសាទ ដាវីន កាន់តែខ្លាំង បំផុតគឺបន្ទាប់ពីសម្រាកតែប៉ុន្មានថ្ងៃក្រោយពីវិលត្រឡប់មកពីការប្រកួត ប្រាសាទ ដាវីន បានយកកន្រ្កកផ្កា ទៅជូនម្ចាស់ Sponsor ក្រុមការងារ ដែលជួយជ្រោមជ្រែងខ្លួនពេលទៅប្រកួត។

ខាត់ ស្រីច័ន្ទ បានលើកឡើងទៀតថា ទង្វើរបស់ Miss Universe Cambodia 2024 គឺបង្ហាញពីការដឹងគុណ ភាពជោគជ័យរបស់មនុស្សម្នាក់ៗមិនអាចមានតែម្នាក់ឯងនោះទេអ្វីក៏ដោយគឺត្រូវការជាក្រុមការងារពីក្រោមខ្នង។ កញ្ញាថា នេះគឺជាភាពគំរូសម្រាប់បេក្ខភាពផ្សេងៗឬម្ចាស់កម្មវិធីបវរកញ្ញាផ្សេងៗគួរយកគំរូតាម ប្រាសាទ ដាវីន។

អ្នកគ្រប់គ្រងកម្មវិធីបវរកញ្ញាក្នុងស្រុករូបនេះ ទម្លាយទៀតថា នាងធ្លាប់បានឮចេញពីម្ចាស់ Sponsor តែម្តងពីបេក្ខភាពមួយចំនួនមុនពេលប្រកួតផ្សេង ពេលប្រកួតហើយផ្សេងមិនពោលសូម្បីតែពាក្យអរគុណ ឬបញ្ចេញសកម្មភាពមកធ្វើឱ្យអ្នក Sponsor នោះសោកស្តាយដែលជួយ Sponsor ទៅឱ្យបេក្ខភាពនោះ។

គួរបញ្ជាក់ថា ប្រាសាទ ដាវីន ជា Miss Universe Cambodia 2024 តំណាងឱ្យកម្ពុជាដំបូងដែលបានបំបែកប្រវត្តិសាស្រ្តចូល TOPនៅក្នុងកម្មវិធីប្រកួតសម្រស់ដ៏ធំដែលមានបេក្ខភាពចូលរួមរហូតដល់ទៅជាង១២០នាក់។ ទន្ទឹមនឹងសមិទ្ធចូល TOP30 ប្រាសាទ ដាវីន បានឈ្នះពានរង្វាន់ផ្សេងទៀតដែលមានដូចជាពានមាសសម្រាប់ Voice for Change ដែលនឹងទទួលបានទឹកប្រាក់មកវិញជាង១ម៉ឺនដុល្លារ និងបានជាប់ Top 20 Best Make Up ដែលទទួលបានឈុតគ្រឿងសម្អាងដែលមានតម្លៃ៣០០០ដុល្លារ៕