មានអ្នកស្រលាញ់ច្រើនតែ ជា ស្រីនា ក៏ធ្លាប់រងនូវពាក្យសម្តីវាយប្រ.ហារផ្លូវចិត្ត
ជា ស្រីនា អ្នកបង្កើតមាតិកា និងជា Influencer ល្បីឈ្មោះឈ្នះពានរង្វាន់អន្តរជាតិបានចែករំលែកបទពិសោធន៍តាមរយៈវីដេអូមួយជាមួយនឹងកញ្ញា ពេជ្រ ពិសី អ្វីដែលអ្នកល្បីត្រូវប្រឈមមុខ។ ក្នុងនោះ ជា ស្រីនា បានលាតត្រដាងអ្វីដែលខ្លួនធ្លាប់ជួបប្រទះនូវសម្តីវាយប្រហារផ្លូវចិត្តពីអ្នកលេងបណ្តាញសង្គម។
នៅក្នុងវីដេអូដែលបានចែករំលែកនៅលើបណ្តាញសង្គមទិកតុក ជា ស្រីនា បានទម្លាយថា នាងត្រូវរងនូវសម្តីថានាងធាត់ មុខមិនស្អាតមិនសមមកធ្វើជាអ្នក Make Up បង្រៀនគេឱ្យស្អាត។ Influencer ល្បីឈ្មោះរូបនេះបានបន្ថែមទៀតថា ខម្មិនមួយដែលធ្វើឱ្យនាងសេដខ្លាំងនោះគឺពេលនាងថតរឿងជាមួយនឹង ហេង វិសាល រឿងសិស្សអាយុ២៧ឆ្នាំ នាងមិនដែលចូលសម្តែង ហើយសាច់រឿងល្អខ្លាំងនាង និង ហេង វិសាល តែងជាមួយគ្នា ហើយមានការខម្មិនថា រឿងល្អមើលមិនសមយកតួស្រីអត់ស្អាតដាក់ចូល។
ជា ស្រីនា ថាពាក្យសម្តីនេះធ្វើឱ្យនាងសេដខ្លាំងរហូតគិតថារឿងឡើងល្អតិចមិនល្អដោយ សារតែខ្លួននាងមិនសូវស្អាត ប៉ុន្តែនៅពេលដែលស្តាប់យូរៗទៅសុំាហើយ។ ក្នុងនោះដែរ ស្រីនា ក៏បានបង្ហាញពីគន្លឹះក្នុងការទប់ទល់ជាមួយនឹងការខម្មិនអវិជ្ជមានដោយនាងលើកឡើងថាកុំខ្វល់ជាមួយនឹងពាក្យទាំងនោះនិងលុបចោល។ ដ្បិតថាលួងខ្លួនឯងកុំឱ្យខ្វល់ជាមួយនឹងសម្តីផ្សេងៗប៉ុន្តែនៅតែឈឺ ខណៈ ស្រីនា ថាអ្នកខ្លះសម្តីមកអាក្រក់តែនៅពេលនាងអានទៅគឺគេមានបំណងល្អ ហើយត្រូវទទួលស្គាល់ថាពេលខ្លះពិតជាខុសមែននោះគឺការរិះគន់បែបស្ថាបនា។
គួរបញ្ជាក់ផងដែរថា ជា ស្រីនា និង ហេង វិសាល ជាស្វាមី បច្ចុប្បន្នមិនត្រឹមតែជា Influencer ល្បីឈ្មោះប្រចាំប្រទេសទាំងទ្វេប៉ុណ្ណោះទេ តែប្តីប្រពន្ធមួយគូនេះបានប្រឡូកវិស័យជំនួញជាថៅកែវ័យក្មេងខណៈទទួលបានការគាំទ្រខ្លាំងពីអថិជនរបស់ខ្លួន។ មិនត្រឹមតែប៉ុណ្ណោះ អ្នកទាំងពីរមានសេចក្តីជ្រះថ្លាជាមួយនឹងព្រះធម៌ ជារឿយៗតែងតែឧបត្ថម្ភកសាងនៅទីវត្តអារាមផ្សេងៗជាច្រើន៕
.png)
.png)
