តារាកំប្លែង ម៉ាដូណា ត្រូវបានអតីតគូស្នេហ៍លោកហេង លាតត្រដាងថាទោះបីជាលោកជាអ្នកសុំបែក ម៉ាដូណា ក្តីប៉ុន្តែអតីតគូស្នេហ៍នៅតែទៅមើលថែលោកនិងចំណាយថ្លៃព្យាបាលឱ្យទៀត។ លោក ហេង បង្ហាញថាមនុស្សល្អអាក្រក់គឺបានដឹងនៅពេលគេងលើគ្រែពេទ្យ ខណៈមានអ្នកក្នុងចង្កោមសិល្បៈជាច្រើនរូបចង់ឱ្យអ្នកទាំងពីរត្រូវគ្នាវិញ។

ប្រិយមិត្តមួយចំនួនបានដឹងហើយថា ម៉ាដូណា និង ហេង គឺបង្កើតក្តីស្រលាញ់ដោយបើកចំហជាសាធារណៈអស់រយៈពេលជាច្រើនឆ្នាំមកហើយ ប៉ុន្តែគូស្នេហ៍ ម៉ាដូណា បានប្រកាសចែកផ្លូវគ្នាកាលពីខែតុលា ឆ្នាំ២០២៤ បន្ទាប់ពីមានទំនាក់ទំនងជាមួយគ្នា៨ឆ្នាំ។ មែនទែនទៅ ម៉ាដូណា គឺធ្លាប់បានបង្ហើបដែរថា ខ្លួនលោកគឺបានព្យាយាមផ្សះផ្សាទំនាក់ទំនងជាមួយអតីតដៃគូ ប៉ុន្តែហាក់មិនទទួលបានលទ្ធផលដូចការរំពឹងទុកនោះទេ។

យ៉ាងណាមិញថ្មីៗនេះ លោក ហេង អតីតគូស្នេហ៍ ម៉ាដូណា ស្រាប់តែលាតត្រដាងថា ម៉ាដូណា ជាមនុស្សម្នាក់ដែលបានមកមើលថែលោកថែមទាំងចំណាយថ្លៃព្យាបាលទៀត។

ថ្ងៃទី១៧ កុម្ភៈ លោក ហេង ដែលមានគណនីហ្វេកប៊ុកឈ្មោះថា «Ly Tor Tor» បានបង្ហោះរូបមួយសន្លឹកជាមួយ ម៉ាដូណា អមដោយខ្លឹមសារថា «ហេតុអីបានត្រូវជាគាត់ដែលមកកំដរខ្ញុំគេងពេទ្យ ហេតុអីបានជាគាត់មកយកចិត្តទុក្ខដាក់និងខ្ញុំទាំងដែលខ្ញុំជាអ្នកសុំគាត់បែក? ហេតុអីបានជាគាត់មកចំណាយលុយថ្លៃពេទ្យជំនួសខ្ញុំ ចុះអ្នកដែលខ្ញុំធ្លាប់ប៉ាវហូបអីពេលសប្បាយជួបជុំមិចអត់ឃើញពួកគាត់មកសួរនាំខ្ញុំចឹង ចុះអ្នកដែលខ្ញុំគិតថាគេល្អជាងគាត់ តើពួកគាត់នៅទីណា? ម៉េចអត់ឃើញពួកគាត់មកមើលខ្ញុំចឹង មនុស្សអាក្រក់ល្អបានដឹងច្បាស់ពេលយើងគេងនៅលើគ្រែពេទ្យ»។

ការបង្ហាញនេះបានធ្វើឱ្យមិត្តភក្តិក្នុងចង្កោមសិល្បៈជាច្រើនរូបបង្ហាញបំណងចង់ឱ្យអ្នកទាំងពីរត្រូវគ្នាវិញដែលមានដូចជា តាប៊ុយ ,កញ្ញា ញឹម ច័ន្ទថន , គឹម លីហ្សា និងអ្នកសិល្បៈជាច្រើនទៀតបានជូនពរនិងចង់ឱ្យគិតពិចារណាឡើងវិញចំពោះទំនាក់ទំនងរបស់អ្នកទាំងពីរដែលតស៊ូជាមួយគ្នារាប់ឆ្នាំមកនេះ៕

រឿងក្តីរបស់តារាចម្រៀងរ៉េប Ruthko បាត់បង់ជីវិតក្នុងហេតុការណ៍គ្រោះថ្នាក់ចរាចរណ៍នៅមិនទាន់ទទួលបានពន្លឺយុត្តិធម៌នៅឡើយក្នុងរយៈពេលជិត២ខែមកនេះ។ នេះបើតាមការឱ្យដឹងពីតារារ៉េប KingChi ។ ក្នុងនោះដែរតារាចម្រៀងរ៉េបរូបនេះក៏សង្ឃឹមថា Ruthko នឹងទទួលបានយុត្តិធម៌ភាពស្អាតស្អំមកវិញ ខណៈបានស្នើឱ្យទស្សនិកជនជួយចែករំលែកបន្តចំពោះរឿងក្តីរបស់ប្អូនប្រុសលោក។

តាមរយៈវីដេអូមួយចែករំលែកនៅលើប្រព័ន្ធផ្សព្វផ្សាយសង្គម តារារ៉េប KingChi បាននិយាយថា «សម្រាប់រឿងប្អូនប្រុសរបស់លោកគឺ Ruthko គឺពិតជាស្ងាត់មែនហើយលោកសង្ឃឹមថាមានយុត្តិធម៌សម្រាប់ គាត់(Ruthko) ។ លោកបានបន្ថែមថាអ្វីដែលលោកប្រឹងធ្វើគឺធ្វើអស់ហើយ ហើយលោកសង្ឃឹមថាទស្សនិកជនជាអ្នកគាំទ្រជួយចែករំលែកព័ត៌មានជួយរកយុត្តិធម៌ឱ្យ Ruthko »។

នៅក្នុងវីដេអូនេះ តារារ៉េប KingChi រហ័្សសនាមស្តេចជួន បានលើកឡើងទៀតថា មនុស្សដែលទៅគឺទៅហើយ ប៉ុន្តែគ្រាន់តែថាចង់បានភាពយុត្តិធម៌ ភាពស្អាតស្អំ ពីព្រោះប្អូនលោក(Ruthko) មិនមែនជាមនុស្សទំនើង ជិះម៉ូតូស្រវឹងអត់ដឹងខ្យល់អ្វីនោះទេ។

តារារ៉េប KingChi គឺតែងតែមានក្តីនឹករលឹកទៅកាន់ Ruthko ដោយបានពោលពាក្យយ៉ាងសោកសៅមានក្តីអាឡោះអាល័យចំពោះការអវត្តមានរបស់ Ruthko ពីភពផែនដីនេះ។ មិនត្រឹមតែលោកប៉ុណ្ណោះទេប៉ុន្តែអ្នកសិល្បៈមួយចំនួនទៀតដែលមានការរាប់អានជាមួយ Ruthko គឺនៅតែមានក្តីនឹករលឹកទៅកាន់លោក។
អ្វីដែលធ្វើឱ្យមហាជនអាណិតអាសូរស្ទើរតែទប់ទឹកភ្នែកមិនជាប់នោះគឺសំណេររបស់បងស្រីរបស់ Ruthko ដែលបញ្ជាក់ថាសមាជិកគ្រួសារជាពិសេសគឺម្តាយរបស់ខ្លួនតែម្តងនៅតែគេងឱបរូបថតរបស់ Ruthko ក្នុងចិត្តប្រេះឆាទុក្ខសោកជារៀងរាល់យប់។ បងស្រីរបស់ Ruthko ក៏បង្ហាញដែរថាជនបង្កប្រហែលជាកំពុងរស់នៅសុខស្រួលបាយឆ្ងាញ់ប៉ុន្តែក្រុមគ្រួសាររបស់ខ្លួនរស់នៅជាមួយទុក្ខសោកសង្រេងហែលឆ្លងជំងឺផ្លូវចិត្ត។

គួរបញ្ជាក់ថា តារារ៉េប Ruthko បានស្លាប់ក្នុងវ័យ២៤ឆ្នាំ ក្នុងហេតុការណ៍គ្រោះថ្នាក់ចរាចរណ៍ម៉ូតូធំ បុកជាមួយរថយន្ត LEXUS RX330 ស្លាកលេខខេមរភូមិន្ទ 2–4771 ស្ថិតនៅផ្លូវ៦០ម៉ែត្រ នៅវេលាម៉ោងជាង១ យប់រំលងអាធ្រាតឈានចូលថ្ងៃទី៦ ខែមករា ឆ្នាំ២០២៥។ ជនបង្កមានឈ្មោះ ណឹម ណាង ភេទប្រុស អាយុ៣៥ឆ្នាំ មុខរបរកងរាជអាវុធហត្ថ៕

ជុំវិញភាពចម្រូងចម្រាសករណីតារាចម្រៀង វ៉ាន់ នីឡា និងគណនីផេក STEPHEN ROW អ្នកវិភាគឯករាជ្យ តារាចម្រៀង វេហាស៍ បានសារភាពត្រង់ៗថាកាលពីមុនចូលចិត្តផេកនេះដែរតែតាប៉ែយូរៗទៅចេញភ្លាវ។ ងាកទៅម្ចាស់ផេកនេះបានចេញលិខិតបំភ្លឺបដិសេធថាការគិតរបស់ វ៉ាន់ នីឡា មកកាន់លោកគឺយល់ច្រឡំមិនទាក់ទងគ្នាសូម្បី០.០១ភាគរយ។ ទោះយ៉ាងណា លោកក៏សុំអភ័យទោស វ៉ាន់ នីឡា ប្រសិនបើសំណេរទាំងនោះមានចំនុចឆ្គាំឆ្គងហើយប៉ះពាល់ដល់អារម្មណ៍នាង។

នៅថ្ងៃទី១៧ កុម្ភៈ តារាចម្រៀង វេហាស៍ បានខម្មិនលើការបង្ហោះរបស់ផេក STEPHEN ROW អ្នកវិភាគឯករាជ្យ នៅខ្លឹមសារមួយបង្ហោះនៅយប់ថ្ងៃទី១៦ កុម្ភៈ «មនុស្សឡូវ ដូចប្លែកៗ..
ផុសនិយាយ ជាមួយអាមួយណាណុះតាំងលើភ្នំ។ ចែនោះមានខ្លួនតែឯងៗ រើសដាក់ខ្លួនយំង៉ោ..ង!អាម៉េចហេ?សំខាន់ប្លុកឯងតាំងកាលអត់ដឹងទៀតហាស!»។

សំណេរនេះលោក វេហាស៍ បានចូលទៅខម្មិនថា «កាលមុនគាំទ្រដែរ តែតាប៉ែយូរៗទៅភ្លាវចេញឆ្វេង យករឿងឈឺចាប់ពីអតីតកាលរបស់មនុស្សស្រីម្នាក់ដែលគ្នាខំប្រឹងបំភ្លេចរាប់សិបឆ្នាំ មករំលឹកគាស់កកាយអោយគ្នាឈឺចាប់ម្តងទៀត។ ទោះបីគាត់មិនមែនម៉ែឪបងប្អូនជាប់សាច់ឈាមលោក តែគាត់ក៏ជាមនុស្សស្រី មានភេទដូចទៅហ្នឹងម្តាយរឺបងប្អូនស្រីៗលោកដែរ គួរណានិយាយឱ្យវាសមទំនងបន្តិច។ វិភាគយូរៗទៅមិនមែនឯករាជ្យទេ លក្ខណៈកំពីងរាជ្យហើយ!!»។

នៅថ្ងៃទី១៧ នេះម្ចាស់ផេក STEPHEN ROW អ្នកវិភាគឯករាជ្យ បានចេញសេចក្តីជូនដំណឹង រៀបរាប់ពីអង្គហេតុដែលលោកបានបង្ហោះ ហើយ វ៉ាន់ នីឡា មានចេតនាថាលោកនិយាយទៅកាន់នាង បែកនូត ពាក្យ មី ជាការយល់ថា ជាការប្រមាថ នោះគឺជាការយល់ច្រឡំសុទ្ធសាធ ដែលលោកនិយាយពីការ៉េម វ៉ាន់ នីឡា ហើយពាក្យ មី (Me) សម្តៅថា ខ្ញុំ ដោយប្រើលើបុគ្គលផ្សេងគ្នា គ្មានឈ្មោះកញ្ញា ឬ ការពាក់ព័ន្ធគ្នាទាល់តែសោះ សូម្បី ០.០១ ភាគរយ។ លោកសូមច្រានចោលការចោទប្រកាន់នេះទាំងស្រុង ថាមិនពិត និង បំភ្លៃពីការពិត មិនសមហេតុផល ទាល់តែសោះ។ ផេកនេះ បានសូមអភ័យទោសប្រសិនបើសំណេរទាំងនោះ មានចំនុចឆ្គាំឆ្គងហើយប៉ះពាល់ដល់អារម្មណ៍កញ្ញា វ៉ាន់ នីឡា ដោយប្រការណាមួយ៕