នៅថ្ងៃទី២៩ ខែកក្កដា ឆ្នាំ២០២៥ រដ្ឋមន្ត្រីក្រសួងការបរទេសជប៉ុនបានចេញសេចក្តីថ្លែងការណ៍អបអរសាទរដែលកម្ពុជា-ថៃបានសម្រេចកិច្ចព្រមព្រៀងលើបទឈប់បា.ញ់ ហើយជប៉ុនបានសរសើរសហរដ្ឋអាមេរិក ចិន និងម៉ាឡេស៊ី ដែលជំរុញការចរចារវាងប្រទេសទាំងពីរដោយជោគជ័យ ។ ជប៉ុនមើលឃើញថា កម្ពុជា និងថៃ មានសារៈសំខាន់បំផុតចំពោះសន្តិភាព និងការអភិវឌ្ឍប្រកបដោយនិរន្តរភាពនៅទូទាំងតំបន់ ។

ស្ថានទូតជប៉ុនប្រចាំប្រទេសថៃបានបង្ហោះសេចក្តីថ្លែងការណ៍ក្នុងហ្វេសប៊ុកផ្លូវការឈ្មោះ «Embassy of Japan in Thailand» នៅថ្ងៃទី២៩ ខែកក្កដា ស្តីពីកិច្ចព្រមព្រៀងលើបទឈប់បាញ់បន្ទាន់ដោយឥតលក្ខខណ្ឌរវាងកម្ពុជា និងថៃ ដោយរដ្ឋមន្ត្រីក្រសួងការបរទេសជប៉ុន លោក អិវ៉ាយ៉ាក ថាខេឈិ បញ្ជាក់ដូចខាងក្រោមនេះ ៖

១-រដ្ឋាភិបាលជប៉ុនដឹងច្បាស់អំពីសារៈសំខាន់នៃទំនាក់ទំនងសហប្រតិបត្តិការល្អរវាងកម្ពុជា និងថៃ ដែលមានសារៈសំខាន់យ៉ាងខ្លាំងដល់សុខសន្តិភាព និងការអភិវឌ្ឍប្រកបដោយនិរន្តរភាពនៅទូទាំងតំបន់ ។ ហេតុនេះ រដ្ឋាភិបាលជប៉ុនបានព្យាយាមជំរុញឱ្យប្រទេសទាំងពីរកាត់បន្ថយភាពតានតឹង ។

២-រដ្ឋាភិបាលជប៉ុនរីករាយយ៉ាងខ្លាំងដែលកម្ពុជា និងថៃបានព្រមព្រៀងគ្នាប្រកាសឈប់បាញ់បន្ទាន់ដោយឥតលក្ខខណ្ឌ និងសូមសរសើរប្រទេសម៉ាឡេស៊ី ដែលបានធ្វើជាម្ចាស់ផ្ទះរៀបចំកិច្ចចរចាពិសេសនេះ ។ ជប៉ុនក៏សូមសរសើរអាមេរិក និងមន្ត្រីពាក់ព័ន្ធការទូតដែលបានប្រឹងប្រែងអស់ពីសមត្ថភាពដើម្បីឱ្យការចរចាលើកនេះទទួលបានជោគជ័យ ។

៣-រដ្ឋាភិបាលជប៉ុននឹងព្យាយាមជំរុញឱ្យកម្ពុជា និងថៃកាត់បន្ថយភាពតានតឹង រួមទាំងគាំទ្រកិច្ចព្រមព្រៀងឈប់បាញ់បញ្ចប់ដោយជោគជ័យ ដោយជប៉ុននឹងសហការជាមួយប្រទេសពាក់ព័ន្ធ ។

គួរបញ្ជាក់ថា ក្រោយពីបទឈប់បាញ់បន្ទាន់ដោយឥតលក្ខខណ្ឌរវាងកម្ពុជា និងថៃចូលជាធរមាន ឃើញថាមានការអបអរសាទរជាបន្តបន្ទាប់ពីប្រទេសនានា ដូចជា ៖ អាមេរិក ចិន បារាំង ជប៉ុន អង់គ្លេស និងសហភាពអឺរ៉ុប ៕

វ៉ាស៊ីនតោន៖ ប្រធានាធិបតីអាមេរិក លោក ដូណាល់ ត្រាំ កាលពីថ្ងៃអាទិត្យ បានទទួលស្គាល់វិបត្តិមនុស្សធម៌កាន់តែអាក្រក់នៅតំបន់ហ្គាហ្សា ដោយបញ្ជាក់ថា “ការអត់ឃ្លានពិតប្រាកដ” កំពុងកើតឡើង ហើយលោកប្តេជ្ញាបង្កើតមជ្ឈមណ្ឌលអាហារ ដើម្បីដោះស្រាយវិបត្តិដែលកំពុងកើនឡើង។ នេះបើតាមសារព័ត៌មាន The Straits Times។

ថ្លែងនៅក្នុងព្រឹត្តិការណ៍យុទ្ធនាការមួយ លោក Trump បាននិយាយថា លោកបានឃើញវីដេអូដ៏គួរឱ្យរន្ធត់នៃកុ.មារ និងគ្រួសារដែលស្គមស្គាំងនៅក្នុងហ្គាហ្សា ដោយពោលថា “សោកសៅ និងមិនអាចទទួលយកបានទាំងស្រុង” ។ ការលើកឡើងរបស់លោកបានកើតឡើងចំពេលមានការព្រួយបារម្ភជាអន្តរជាតិកាន់តែខ្លាំងឡើងអំពីស្ថានភាពអត់ឃ្លានដ៏ធ្ងន់ធ្ងរនេះ។

លោក Trump បានជំទាស់ដោយផ្ទាល់ទៅនឹងការអះអាងនាពេលថ្មីៗនេះដែលធ្វើឡើងដោយនាយករដ្ឋមន្ត្រីអ៊ីស្រាអែលលោក Benjamin Netanyahu ដែលបានបដិសេធពីភាពអត់ឃ្លានមាននៅក្នុងតំបន់ Gaza ។ លោក Trump បាននិយាយថា “ភាពអត់ឃ្លានមានពិតប្រាកដ។ អ្នកអាចឃើញវានៅចំពោះមុខកុ.មារ” ដោយបន្ថែមថា “និយាយដូច្នេះគឺមិនស្មោះត្រង់ទេ” ។

ជាការឆ្លើយតបទៅនឹងវិបត្តិ លោក Trump បានប្រកាសពីផែនការសម្របសម្រួលជាមួយអឺរ៉ុប និងដៃគូអន្តរជាតិ ដើម្បីបង្កើតមជ្ឈមណ្ឌលចែកអាហារ ដែលនឹងមិនមាន “របង ឬរនាំង” អ្វីឡើយ ដើម្បីធានាថា អ្នកណាក៏អាចចូលរួមយកអាហារបានដោយសេរី។

គួរបញ្ជាក់ថា ស្ថានភាពមនុស្សធម៌នៅហ្គាហ្សាបានធ្លាក់ចុះយ៉ាងខ្លាំងក្នុងប៉ុន្មានសប្តាហ៍ថ្មីៗនេះ។ យោងតាមមន្ត្រីសុខាភិបាលក្នុងតំបន់ យ៉ាងហោចណាស់មនុស្ស ១៤៧ នាក់ រួមទាំងកុ.មារ ៨៨ នាក់ បានស្លា.ប់ដោយសារការអត់ឃ្លាន។ មនុស្សជាង ៤៧ម៉ឺននាក់ នាក់ត្រូវបានគេរាយការណ៍ថាកំពុងរស់នៅក្នុងស្ថានភាពដូចជាទុរ្ភិក្ស ហើយស្ត្រី និងកុមារប្រមាណ ៩ម៉ឺននាក់ នាក់កំពុងត្រូវការជំនួយផ្នែកអាហារូបត្ថម្ភពិសេស។

យ៉ាងណាមិញ ទោះបីជាថ្មីៗនេះអ៊ីស្រាអែលបានបង្កើនរយៈពេលនៃការឧបត្ថម្ភ និងផ្លូវថ្នល់សុវត្ថិភាពសម្រាប់ការផ្តល់ជំនួយក៏ដោយ ប៉ុន្តែអង្គការមនុស្សធម៌នៅតែរាយការណ៍ថាជំនួយនៅតែមិនគ្រប់គ្រាន់។ អ្នកនាំពាក្យអង្គការស្បៀងអាហារពិភពលោក(WFP) និយាយថា ខ្លួនមានគោលបំណងផ្តល់ជំនួយចំនួន ១០០ ឡានក្នុងមួយថ្ងៃ ប៉ុន្តែមានតែរថយន្តចំនួន ៦០ គ្រឿងប៉ុណ្ណោះដែលបានចូលក្នុងរយៈពេលប៉ុន្មានថ្ងៃថ្មីៗនេះ ដែលភាគច្រើនត្រូវបានលួចប្លន់ និងឬខូចខាតដោយសារបញ្ហាបច្ចេកទេស។

នាយករដ្ឋមន្រ្តីអង់គ្លេស Keir Starmer បានពណ៌នាស្ថានភាពនេះថា “មិនអាចអត់ឱនបានទេ” ហើយបានជំរុញឱ្យមានការខិតខំប្រឹងប្រែងកាន់តែខ្លាំង ដើម្បីធានាបាននូវស្បៀងអាហារ និងការផ្គត់ផ្គង់វេជ្ជសាស្រ្តទៅដល់អ្នកដែលត្រូវការជំនួយ។ ប្រទេសមួយចំនួនដូចជាកាតា អេមីរ៉ាតអារ៉ាប់រួម និងហ្ស៊កដានី បានចាប់ផ្តើមផ្តល់ជំនួយតាមអាកាសចូលទៅក្នុងតំបន់ហ្គាហ្សារួចហើយ ខណៈដែលប្រទេសអឺរ៉ុបកំពុងផ្តល់ជំនួយផ្នែកភស្តុភារ និងហិរញ្ញវត្ថុ។

ការសន្យារបស់លោក Trump បង្ហាញពីភាពខុសគ្នាយ៉ាងសំខាន់ពីការនិទានរឿងរបស់អ៊ីស្រាអែលបច្ចុប្បន្ន ហើយដាក់ការយកចិត្តទុកដាក់ជាថ្មីលើវិមាត្រមនុស្សធម៌នៃជម្លោះតំបន់ហ្គាហ្សា។ ខណៈពេលដែលមិនមានការកំណត់ពេលវេលាត្រូវបានផ្តល់ឱ្យ ក្រុមរបស់គាត់បាននិយាយថាការពិគ្រោះយោបល់កំពុងដំណើរការដើម្បីចាប់ផ្តើមដំណាក់កាលដំបូងនៃគំនិតផ្តួចផ្តើមមជ្ឈមណ្ឌលចែកអាហារក្នុងរយៈពេលប៉ុន្មានសប្តាហ៍ខាងមុខនេះ៕

អុញនោះៗ រដ្ឋាភិបាលថៃប្តឹងទៅប្រធានអាស៊ាន ចិន និងអាមេរិក ដោយចោទប្រកាន់កម្ពុជាជាអ្នកបំពានកិច្ចព្រមព្រៀងបទឈប់បា.ញ់ ម្តេចទៅជាចឹងវិញទៅ ដូចគេនិយាយមែន បើមិនកុ.ហ.ក គឺមិនមែនថៃឡើយ!

នៅថ្ងៃទី២៩ ខែកក្កដា ឆ្នាំ២០២៥ សារព័ត៌មានថៃ Matichon រាយការណ៍ថា រដ្ឋាភិបាលថៃបានប្តឹងទៅប្រធានអាស៊ាន ចិន និងអាមេរិក ដែលបានធ្វើជាសាក្សីក្នុងការចរចាបញ្ចប់ការបា.ញ់ជាបន្ទាន់រវាងកម្ពុជា-ថៃ ដើម្បីឱ្យពិភពលោកដឹងថា កម្ពុជាពុំស្មោះត្រង់ និងបំពានកិច្ចព្រមព្រៀងលើបទឈប់បា.ញ់ ។ ពេលនេះ រដ្ឋាភិបាលថៃបានបញ្ជាឱ្យពង្រឹងកម្លាំងកងទ័ពដើម្បីរក្សាអធិបតេយ្យ និងពុំយល់ព្រមឱ្យប្រទេសជិតខាងរុករានចូលទឹកដីថៃដាច់ខាត ។

នាវេលាម៉ោង១និង២០នាទី ថ្ងៃទី២៩ ខែកក្កដា នៅវិមានរដ្ឋាភិបាល លោក ភូមិថាំ វីឆាយ៉ាឆៃ នាយករដ្ឋមន្ត្រីស្តីទីថៃ ព្រមទាំងលោក មារីស សាងៀមផុង រដ្ឋមន្ត្រីក្រសួងការបរទេស និងលោក ណាតថាផុន ណាតផានីត អនុរដ្ឋមន្ត្រីក្រសួងការពារជាតិ បានចេញសេចក្តីថ្លែងការណ៍ក្រោយកិច្ចប្រជុំគណៈរដ្ឋមន្ត្រី ស្តីពីចំណាត់ការរបស់រដ្ឋាភិបាលថៃពាក់ព័ន្ធនឹងស្ថានការណ៍ព្រំដែនកម្ពុជា-ថៃ ។

លោក ភូមិថាំ និយាយថា រដ្ឋាភិបាលថៃព្យាយាមបញ្ចប់សង្គ្រាមនៅព្រំដនឱ្យបានឆាប់រហ័សបំផុត រហូតដល់ភាគីទាំងពីរបានចរចាឈប់បាញ់គ្នាដោយប្រកាន់យកផលប្រយោជន៍របស់ពលរដ្ឋ និងរក្សាអធិបតេយ្យជាតិ ក៏ដូចជាអាយុជីវិតពលរដ្ឋ កងទ័ព និងទ្រព្យសម្បត្តិពលរដ្ឋ ។ ចំណុចទាំងនេះជាក្តីសង្ឃឹមរបស់ពិភពលោកដែលចង់ឱ្យពលរដ្ឋកម្ពុជា-ថៃមានសន្តិភាព ហើយរដ្ឋាភិបាលថៃគោរពតាមលទ្ធផលការចរចានៅម៉ាឡេស៊ី និងអនុវត្តយ៉ាងម៉ឺងម៉ាត់ដើម្បីបញ្ចប់ការបាញ់ដែលភាគីទាំងពីរថ្លែងរួមគ្នា ។

ប៉ុន្តែកងទ័ពកម្ពុជាបំពានកិច្ចព្រមព្រៀងបទឈប់បាញ់ ដោយបានប្រើប្រាស់អាវុធបាញ់កងទ័ពថៃនៅតំបន់ជាច្រើននាថ្ងៃទី២៩ ខែកក្កដា ដែលធ្វើឱ្យកងទ័ពថៃបាញ់តទល់វិញដើម្បីការពារអធិបតេយ្យ និងពលរដ្ឋ ។ ហេតុនេះ រដ្ឋាភិបាលថៃបានប្តឹងទៅប្រធានអាស៊ាន ចិន និងអាមេរិក ដែលបានធ្វើជាសាក្សីក្នុងការចរចារវាងកម្ពុជា-ថៃដើម្បីឱ្យពិភពលោកជ្រាបថា កម្ពុជាពុំស្មោះត្រង់ ល្មើសកិច្ចព្រមព្រៀងបទឈប់បាញ់ ។ នេះបើតាមការលើកឡើងរបស់នាយករដ្ឋមន្ត្រីស្តីទីថៃ ។

ស្ថានការណ៍បច្ចុប្បន្ន គឺរដ្ឋាភិបាលថៃបានបញ្ជាឱ្យពង្រឹងកម្លាំងកងទ័ពដើម្បីរក្សាអធិបតេយ្យ និងសុវត្ថិភាពពលរដ្ឋ ដោយពុំព្រមឱ្យប្រទេសជិតខាងឈ្លានពានទឹកដី ។ នៅថ្ងៃទី២៩ កក្កដា មានជំនួបរវាងថ្នាក់មេបញ្ជាការយោធភូមិភាគកម្ពុជា-ថៃ ហើយភាគីទាំងពីរនឹងចរចាកម្រិតខ្ពស់ជាងនេះតាមការព្រមព្រៀងគ្នាបញ្ឈប់ហិង្សា និងកុំឱ្យបាត់បង់ជីវិតពលរដ្ឋ និងកងទ័ពទាំងសងខាង ។

ចុងក្រោយ លោកបានចោទប្រកាន់មានព័ត៌មានក្លែងក្លាយមួយចំនួននៅកម្ពុជា និងប្រាប់កុំឱ្យពលរដ្ឋជឿព័ត៌មានក្លែងក្លាយនាំឱ្យបែកបាក់សាមគ្គីផ្ទៃក្នុង ។ រដ្ឋាភិបាលនឹងបំពេញតួនាទីឱ្យអស់ពីសមត្ថភាពដើម្បីរក្សាផលប្រយោជន៍ជាតិ និងពលរដ្ឋ ៕

តើគួរជឿខាងណាឲ្យប្រាកដ? សារព័ត៌មានរ៉យទ័របានចុះផ្សាយនាព្រឹកថ្ងៃអង្គារ ទាក់ទងនឹងស្ថានភាពព្រំដែនរវាងកម្ពុជា-ថៃ ដោយលោក Phumtham Wechayachai នាយករដ្ឋមន្រ្តីស្តីទីបាននិយាយថា ឥឡូវនេះវាមានភាពស្ងប់ស្ងាត់ល្អ។ ខណៈខាងកងទ័ពថៃឯណោះវិញ បានប្រកាសក្ដែងៗថា កម្ពុជាបានរំលោ.ភលើបទឈប់បា.ញ់ ហើយនៅតែបន្តសកម្មភាពបំផ្លោ.ងគ្រាប់ចូលមកកាន់ទឹកដីថៃ។

បាងកក៖ នាយករដ្ឋមន្រ្តីស្តីទីថៃ លោក Phumtham Wechayachai បាននិយាយថា៖ ការប្រយុ.ទ្ធគ្នាដែលបានផ្ទុះឡើងកាលពីសប្តាហ៍មុន គឺជាជម្លោះដ៏សាហាវបំផុតក្នុងរយៈពេលជាងមួយទសវត្សរ៍ បន្ទាប់ពីមានការប្រយុទ្ធគ្នាយ៉ាងខ្លាំងក្លារយៈពេល 5ថ្ងៃ ដែលបានសម្លា.ប់មនុស្សយ៉ាងហោចណាស់ 38 នាក់ ភាគច្រើនជាជនស៊ីវិល និងជាង 300,000 នាក់ត្រូវបានគេជម្លៀសជាបណ្ដោះអាសន្ន។

លោក Phumtham បានបន្ថែមថា៖ យ៉ាងណាមិញ ពេលនេះវាបានត្រឡប់មកស្ងប់ស្ងាត់វិញនាថ្ងៃអង្គារ ទិ29 ខែកក្កដាហើយ បន្ទាប់ពីមានកិច្ចព្រមព្រៀងបទឈប់បា.ញ់ ហើយមេបញ្ជាការយោធានៃភាគីទាំងពីរ គ្រោងនឹងជួបពិភាក្សាគ្នានៅថ្ងៃនេះផងដែរ។

ដោយឡែក បើតាមកងទ័ពថៃបាននិយាយនៅក្នុងសេចក្តីថ្លែងការណ៍មួយផ្សេងទៀតថា ការវា.យប្រ.ហារគឺនៅតែមានដោយកងទ័ពកម្ពុជាយ៉ាងហោចណាស់លើប្រាំទីតាំង ចាប់តាំងពីព្រឹកព្រលឹមថ្ងៃអង្គារ ដោយរំលោ.ភលើបទឈប់បា.ញ់ដែលបានចូលជាធរមានតាំងពីពាក់កណ្តាលអធ្រាត្រ ហើយយោធាថៃបានសងសឹកវិញទៅតាមការសមស្រប។

នៅពេលអ្នកសារព័ត៌មានសួរនាំបញ្ជាក់ទាក់ទងនឹងការលើកឡើងបែបនេះរបស់ខាងកងទ័ព លោក Phumtham ព្យាយាមសម្របសម្រួលស្ថានការណ៍នេះ ដោយនិយាយថាលោកបាននិយាយជាមួយរដ្ឋមន្ត្រីក្រសួងការពារជាតិកម្ពុជាមុនការចរចានេះ ហើយ“មិនមានការប៉ះទង្គិចបានកើនឡើងនោះទេ” “ពេលនេះអ្វីៗបានស្ងប់ស្ងាត់ហើយ”។

ជាមួយគ្នានេះ លោកស្រី ម៉ាលី សុជាតា អ្នកនាំពាក្យក្រសួងការពារជាតិកម្ពុជា ក៏ទើបបានបញ្ជាក់ដែរថា មិនមានការប្រយុទ្ធថ្មីបានកើតមាននៅតាមព្រំដែនទេ នៅថ្ងៃអង្គារនេះ។ កងកម្លាំងប្រដាប់អាវុធកម្ពុជាបានអនុវត្តបានយ៉ាងម៉ឺងម៉ាត់ នូវបទបញ្ជា និងកិច្ចព្រមព្រៀងនៃបទឈប់បាញ់ចាប់តាំងពីម៉ោង ១២ យប់ថ្ងៃទី២៨ ខែកក្កដា ឆ្នាំ២០២៥ ។ ដូច្នេះជាចម្ងល់របស់កម្ពុជា ក៏ដូចជាសមាគមន៍អន្តរជាតិចោ.ទសួរថារវាងកងទ័ពថៃ និង នាយករដ្ឋមន្រ្តីស្ដីទី តើខាងណាមួយដែលនិយាយការពិត?

ថៃ៖ កាសែតបាងកកប៉ុស្តិ៍បាននិយាយកាលពីថ្ងៃចន្ទ ទី២៨ ខែកក្កដា ថា ការបិទមិនឲ្យអ្នកតាមដាននៅកម្ពុជាអាចចូលមើលផេក ឬគេហទំព័ររបស់ខ្លួនបានគឺជាវិធានការទប់ស្កាត់ការវា.យប្រហា.រដោយក្រុមអ្នកជំនាញអាយធី (IT) នៅកម្ពុជា ខណៈមានការរាយការណ៍ថាក្រុមនេះបានវា.យលុកលើសារព័ត៌មានជាច្រើននៅក្នុងប្រទេសថៃរហូតដល់ទៅ ២៥០លានដង នៅក្នុងរយៈពេលប៉ុន្មានថ្ងៃចុងក្រោយនេះ។

សេចក្ដីជូនដំណឹងពាក់ព័ន្ធនឹងការបិទការចូលមើលពីអ្នកតាមដាននៅកម្ពុជានេះបានឲ្យដឹងថា កាសែតបាងកកប៉ុស្តិ៍បានអនុវត្តការរឹតបន្តឹងការចូលមើលនៅក្នុងប្រទេសជាបណ្តោះអាសន្ននៅលើទំព័រ Facebook របស់ខ្លួន ដើម្បីឆ្លើយតបទៅនឹងការវា.យប្រហារតាមប្រព័ន្ធអ៊ីនធឺណែតដែលត្រូវបានគេជឿថាមានប្រភពមកពីប្រទេសកម្ពុជា។

ប្រភពខាងលើនេះបានបកស្រាយបន្ថែមទៀតថា ទំព័រ Facebook របស់បាងកកប៉ុស្តិ៍ បានក្លាយជាគោលដៅកំណត់នៃការវា.យប្រហា.រទាំងប្រព័ន្ធប្រតិបត្តិការខាងក្នុង និងការបញ្ចេញមតិលើការបង្ហោះនីមួយៗជាមួយនឹងរូបភាព និងសារមិនសមរម្យជាច្រើននៅផ្នែកមតិយោបល់។

ពួកគេបានអះអាងថា ក្នុងរយៈពេលពីរថ្ងៃ គេហទំព័ររបស់បាងកកប៉ុស្តិ៍ និងវេទិកាហ្វេសប៊ុកនៃបណ្ដាញសារព័ត៌មានថៃផ្សេងៗទៀត ត្រូវបានអុកឡុកដោយការវា.យប្រ.ហារតាមប្រព័ន្ធជាបន្តបន្ទាប់ លើសពី 250 លានសំណើ ដែលបណ្តាលឱ្យមានការរំខានជាលំដាប់ និងធ្វើឱ្យទំព័រមួយចំនួនត្រូវបានគេបំបិទ ឬមិនអាចចូលទៅដំណើរការបាន។ ជាការឆ្លើយតប បាងកកប៉ុស្តិ៍ និងសារព័ត៌មានដទៃៗទៀតបានអនុវត្តការកំណត់ប្រទេសនៅលើ Facebook ដើម្បីកំណត់ការចូលប្រើពីអាសយដ្ឋាន IP កម្ពុជា។

ដោយឡែក បើតាមអ្នកនាំពាក្យក្រសួងការពារជាតិ ឧត្តមសេនីយ៍ឯក ម៉ាលី សុជាតា បានថ្លែងថា ការបិទប្រព័ន្ធមិនឱ្យប្រជាជនកម្ពុជាចូលមើលពីសំណាក់សារព័ត៌មានថៃ គឺដោយសារតែសារព័ត៌មានទាំងនេះរអៀសខ្លួនដែលផ្សាយព័ត៌មានមិនពិត ទើបបិទអ្នកតាមដាននៅកម្ពុជា ដើម្បីកុំឲ្យដឹងថា ភាគីថៃបានផ្សាយព័ត៌មានមួលបង្កាច់ បំពុល និងបង្ខូចកម្ពុជាដូចម្ដេចខ្លះប៉ុណ្ណោះ៕

រាជធានីភ្នំពេញ៖ ក្រោយបានឯកភាពគ្នាទទួលយកបទឈប់បា.ញ់ នៅក្នុងកិច្ចប្រជុំពិសេសនៅទីក្រុងកូឡាឡាំពួ ប្រទេសម៉ាឡេស៊ី សម្ដេចធិបតី ហ៊ុន ម៉ាណែត សង្ឃឹមថាទំនាក់ទំនងរវាងកម្ពុជា និង ថៃ អាចនឹងត្រឡប់ទៅរកប្រក្រតីភាពឡើងវិញ តាមរយៈបទឈប់បា.ញ់នេះ។

នៅថ្ងៃអង្គារ ទី28 ខែកក្កដា ឆ្នាំ2025 បន្ទាប់ពីបានចូលរួមកិច្ចប្រជុំពិសេសនៅម៉ាឡេស៊ី ដែលឯកឧត្តមនាយករដ្ឋមន្ត្រី Anwar Ibrahim ជាអ្នកផ្តួចផ្តើមគំនិតសម្របសម្រួល សហរដ្ឋអាមេរិកជាសហអ្នករៀបចំ និងមានការចូលរួមដោយតំណាងចិន កម្ពុជា និង ថៃ បានឈានដល់ការសម្រេចបាននូវកិច្ចព្រមព្រៀមឈប់បា.ញ់ជាបន្ទាន់ និងគ្មានលក្ខខណ្ឌ ដោយបានចូលជាធរមានចាប់ពីម៉ោង 24:00 នាទីយប់ថ្ងៃទី 28 កក្កដាតទៅ។

ជាមួយនឹងលទ្ធផលនេះ សម្ដេចធិបតី ហ៊ុន ម៉ាណែត បានបង្ហោះសារនៅលើទំព័រហ្វេសប៊ុករបស់លោកនៅយប់ថ្ងៃដដែល ដើម្បីសម្ដែងនូវការអរគុណចំពោះលោក Anwar Ibrahim និង លោក Donald Trump ក្នុងការជួយជ្រោមជ្រែងឲ្យមានកិច្ចប្រជុំខាងលើ និងបង្ហាញពីអារម្មណ៍រីករាយ ក្នុងការទទួលយកបទឈប់បា.ញ់នេះថា «ខ្ញុំជឿជាក់ថា កិច្ចព្រមព្រៀងឈប់បា.ញ់គ្នា រវាងកងទ័ពកម្ពុជានិងកងទ័ពថៃនេះ គឺជាមូលដ្ឋានសំខាន់សម្រាប់ការកសាងទំនុកចិត្តរវាងគ្នា និងការកែលំអរស្ថានការអោយប្រសើរឡើង ឈានទៅរកប្រក្រតីភាពនៅពេលអនាគត។»

គួរឲ្យដឹងថា កន្លងមកប្រមុខថ្នាក់ដឹកនាំកម្ពុជាតែងអំពាវនាវឲ្យប្រជាជនប្រកាន់យកនូវគោលការណ៍មនុស្សធម៌ ដើម្បីរក្សាទំនាក់ទំនងជាអ្នកជីតខាងល្អ និង យូរអង្វែង កុំយកបញ្ហារវាងប្រទេសមកធ្វើជាមូលហេតុក្នុងការប្រកាន់រើសអើង ឬប្រមា.ថធ្វើបាបទៅលើជាតិសាសន៍ដទៃដាច់ខាត។

ប៉ុន្តែទោះជាយ៉ាងណាក៏ដោយ ចាប់តាំងពីកើតមានបញ្ហាប្រយុទ្ធគ្នារវាងកងកម្លាំងកម្ពុជានិងថៃ នៅតាមបណ្ដោយព្រំដែនរហូតមកដល់មានកិច្ចព្រមព្រៀងឈប់បា.ញ់នេះ ក្រៅពីស្ងប់ស្ងាត់ការផ្ទុះអាវុ.ធ គេនៅមិនទាន់ឃើញមានស្ថានភាពធូរស្រាលអាចវិលទៅរកសភាពប្រក្រតីនៅឡើយទេ ខណៈការចោ.ទប្រកាន់ ទម្លាក់កំហុសនៅតែកើតមានចំពោះកម្ពុជា ពីសំណាក់ភាគីថៃ ពាក់ព័ន្ធនឹងការបំពានកិច្ចព្រមព្រៀងលើបទឈប់បា.ញ់៕