(ភ្នំពេញ)៖ រដ្ឋបាលរាជធានីភ្នំពេញបានចេញសេចក្ដីណែនាំស្ដីពីការហាមឃា.ត់សកម្មភាពជក់បារី ផ្សព្វផ្សាយ និងលក់ផលិតផលថ្នាំជក់នៅតំបន់ផ្លូវថ្មើជើងចតុមុខជាដាច់ខាត។ វិធានការនេះ គឺជាការចូលរួមលើកកម្ពស់ដល់វិស័យទេសចរណ៍ក្នុងស្រុក ជាពិសេសនៅរាជធានីភ្នំពេញ។

យោងតាមសេចក្ដីណែនាំដែលចេញនៅថ្ងៃទី 12 ខែសីហា ឆ្នាំ2025 បានបញ្ជាក់ថា៖ ដើម្បីចូលរួមលើកកម្ពស់ដល់វិស័យទេសចរណ៍ស្អាត បៃតង មានសុវត្ថិភាព និងប្រែក្លាយជាគោលដៅ ទេសចរណ៍ប្រកបដោយភាពរស់រវើក ប្រកួតប្រជែង និងចីរភាព រួមចំណែកកាត់បន្ថយផលប៉ះពាល់ដល់សុខភាព សេដ្ឋកិច្ចសង្គម និងបរិស្ថាន ដែលកើតឡើងពីផ្សែងបារី ឬផលិតផលថ្នាំជក់ រដ្ឋបាលរាជធានីភ្នំពេញ សូមធ្វើការ ណែនាំដល់ម្ចាស់អាជីវកម្មដ្ឋាន ម្ចាស់សេវាកម្មទេសចរណ៍ អាជីវករ និងបងប្អូនប្រជាពលរដ្ឋទាំងអស់ ដូចតទៅ ៖

១. ហាមជក់ ឬបង្ហុយផ្សែងផលិតផលថ្នាំជក់-បារី នៅបរិវេណទីធ្លា តាមដងផ្លូវ លើសួនច្បារសាធារណៈ រួមទាំងទីតាំងខាងមុខភោជនីយដ្ឋាន ឬហាងទំនិញនានា ដែលនៅតាមបណ្តោយតីរវិថីព្រះស៊ីសុវត្ថិ តាមពេលវេលា និងម៉ោងដែលកំណត់សម្រាប់ដំណើរការផ្លូវថ្មើរជើង ។
២. ត្រូវបិទសញ្ញាហាមជក់បារី នៅកន្លែងដែលហាមជក់ ឬបង្ហុយផ្សែងផលិតផលថ្នាំជក់-បារី ឱ្យមើលឃើញ ច្បាស់ និងមានចំនួនគ្រប់គ្រាន់ស្របតាមទីតាំងជាក់ស្តែង។
៣. ហាមផ្សព្វផ្សាយពាណិជ្ជកម្ម និងការតាំងបង្ហាញលក់ផលិតផលថ្នាំជក់គ្រប់ប្រភេទ គ្រប់ទម្រង់។
៤. ហាមប្រើប្រាស់ ចែកចាយ ជួញដូរ ឧបករណ៍អេឡិចត្រូនិចសម្រាប់ជក់គ្រប់ប្រភេទ គ្រប់ទីកន្លែងនៃ បរិវេណផ្លូវថ្មើរជើងចតុមុខ មានជាអាទិ៍ បារីអេឡិចត្រូនិច (E-Cigarettes) ឬ វេប (VAPE) ផលិតផល អេច ធី ភី (HTP) និងស៊ីហ្សា (Shisha) ជាដើម។
៥. គ្រប់បណ្តាមន្ទីរ-អង្គភាព រដ្ឋបាលខណ្ឌដូនពេញ និងរដ្ឋបាលសង្កាត់ពាក់ព័ន្ធ ត្រូវយកចិត្តទុកដាក់ ផ្សព្វផ្សាយឱ្យបានទូលំទូលាយដល់ម្ចាស់ភោជនីយដ្ឋាន ហាងទំនិញ អាជីវករ និងបងប្អូនប្រជាពលរដ្ឋ ដែលមកដើរកម្សាន្តនៅផ្លូវថ្មើរជើងចតុមុខ និងចូលរួមអនុវត្តសេចក្តីណែនាំនេះឱ្យមានប្រសិទ្ធភាព។
៦. សូមម្ចាស់អាជីវកម្មដ្ឋាន ម្ចាស់សេវាកម្មទេសចរណ៍ អាជីវករ និងបងប្អូនប្រជាពលរដ្ឋ ចូលរួមអនុវត្ត សេចក្តីណែនាំនេះ ដោយអនុលោមតាមច្បាប់ និងលិខិតបទដ្ឋានគតិយុត្តជាធរមាន។

ជាមួយនឹងការចេញសេចក្តីណែនាំខាងលើនេះ រដ្ឋបាលរាជធានីភ្នំពេញសង្ឃឹមថា គ្រប់មន្ទីរ-អង្គភាពពាក់ព័ន្ធ រដ្ឋបាលខណ្ឌដូនពេញ រដ្ឋបាលសង្កាត់ ត្រូវ យកចិត្តទុកដាក់ផ្សព្វផ្សាយឱ្យបានទូលំទូលាយ ព្រមទាំងចូលរួមអនុវត្តដោយស្មារតីទទួលខុសត្រូវខ្ពស់៕

ដើម្បីសម្រួលដល់ការទទួលបានការងារធ្វើរបស់ពលករខ្មែរដែលត្រឡប់មកពីប្រទេសថៃ ក្រសួងមិនតម្រូវឱ្យភ្ជាប់អត្តសញ្ញាណបណ្ណសញ្ជាតិខ្មែរសម្រាប់ការស្នើសុំសៀវភៅការងារកម្មករ និយោជិតខ្មែរ និងការចុះបញ្ជីក្នុងបេឡាជាតិសន្តិសុខសង្គម (ប.ស.ស) នៃក្រសួងការងារ និងបណ្តុះបណ្តាលវិជ្ជាជីវៈឡើយ។

បើតាមសេចក្តីជូនដំណឹងរបស់ក្រសួងការងារ និងបណ្តុះបណ្តាលវិជ្ជាជីវៈនាថ្ងៃទី១១ ខែសីហា ឆ្នាំ២០២៥ ការសម្រេចខាងលើនេះនឹងត្រូវបន្តអនុវត្តន៍រហូតមានការកំណត់សេចក្តីជូនដំណឹងថ្មី។ ក្រសួងការងារបានបញ្ជាក់ថា ម្ចាស់ ឬនាយកសហគ្រាស ក្រុមហ៊ុន រោងចក្រ អាចជ្រើសរើសពលករខ្មែរ ដែលត្រឡប់មកពីប្រទេសថៃឱ្យចូលធ្វើការបាន ដោយប្រើប្រាស់ឯកសារមួយចំនួនជំនួសអត្តសញ្ញាណបណ្ណ។ ឯកសារទំាងនោះរួមមាន សំបុត្របញ្ជាក់កំណើត សៀវភៅគ្រួសារ លិខិតឆ្លងដែន លិខិតធ្វើដំណើរពលករកម្ពុជាធ្វើការនៅបរទេស (លិខិតធ្វើដំណើរ-TD) ឬលិខិតបញ្ជាក់អត្តសញ្ញាណដែលចេញដោយអាជ្ញាធរមានសមត្ថកិច្ច។

សូមបញ្ជាក់ថា តាមរយៈកម្មវិធីនាំយកឱកាសការងារផ្សព្វផ្សាយជូនប្រជាពលរដ្ឋដែលទើបត្រលប់មកពីប្រទេសថៃនៅតាមបណ្តាខេត្តមួយចំនួនកាលពីថ្ងៃទី១០ ខែសីហា កន្លងមកថ្មីៗនេះ ពលរដ្ឋរស់នៅឃុំអង្កាញ់ និងឃុំអង្គខ្នុរ ស្រុកទ្រាំង ខេត្តតាកែវបានចុះឈ្មោះរកការងារធ្វើចំនួន ៣៥០នាក់។

ឯកម្មវិធី វេទិកាការងារ នាថ្ងៃទី៩ ខែសីហា នៅខេត្តបន្ទាយមានជ័យ ក៏មានពលរដ្ឋពីស្រុកព្រះនេត្រព្រះ និងស្រុកភ្នំស្រុកចំនួន ២១២នាក់ទៀត បានទទួលឱកាសការងារធ្វើភ្លាមៗពីក្រុមហ៊ុនធំៗផងដែរ។ ទាក់ទងនឹងបញ្ហានេះ រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ឯកឧត្តម ហែម វណ្ណឌី ក៏ធ្លាប់អះអាងដែរថា ជម្លោះព្រំដែនរវាងកម្ពុជា-ថៃ បានក្លាយជាឱកាសល្អសម្រាប់អ្នកផលិតក្នុងស្រុកបង្ហាញសមត្ថភាព។ ប៉ុន្តែវិស័យឯកជនក៏ត្រូវមានភាពសកម្មដោយខ្លួនឯង តាមរយ:ខិតខំពង្រីកផលិតកម្មដើម្បីចាប់ឱកាស និងបង្កើតការងារសម្រាប់ពលករ ជាពិសេស ពលរដ្ឋត្រឡប់មកពីប្រទេសថៃ។

ការផ្គត់ផ្គង់វត្ថុធាតុដើម ការកែច្នៃ រហូតដល់សេវាកម្មឡូជីស្ទិក ព្រមទាំងការធានានូវគុណភាព និងលទ្ធភាពនាំចូលមានភាពចាំបាច់ណាស់សម្រាប់កម្ពុជា ខណ:បច្ចុប្បន្នរដ្ឋាភិបាលកំពុងចាត់វិធានការកែសម្រួលច្បាប់ បទប្បញ្ញត្តិ និងផ្តល់ការលើកលែងផ្សេងៗ រួមបញ្ចូលទាំងអត្ថប្រយោជន៍។

នៅក្នុងកិច្ចពិភាក្សាស្តីពីការពង្រឹងប្រព័ន្ធឧស្សាហកម្មផលិតកម្មក្នុងប្រទេសកម្ពុជា “តួនាទីនៃការប្រើប្រាស់ម៉ាស៊ីនស្វ័យប្រវត្តិ និងបច្ចេកវិទ្យាជំនាន់ថ្មីក្នុងខ្សែច្រវាក់ផលិតកម្ម” ឯកឧត្តម លឹម វិសាល អគ្គលេខាធិការរងគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា ធ្លាប់បានលើកឡើងថា មានគន្លឹះមួយចំនួនដែលធ្វើឱ្យកម្ពុជាក្លាយជាគោលដៅវិនិយោគដ៏លេចធ្លោមួយនៅអាស៊ីអាគ្នេយ៍។ គន្លឹះទាំងនោះ មានដូចជាកត្តាសុខសន្តិភាព ស្ថិរភាពនយោបាយ និងស្ថិរភាពម៉ាក្រូសេដ្ឋកិច្ច កម្លាំងពលកម្មវ័យក្មេង និងមានជំនាញ ការតភ្ជាប់ជាមួយនឹងទីផ្សារអន្តរជាតិតាមរយៈកិច្ចព្រមព្រៀងពាណិជ្ជកម្មសេរីទ្វេភាគី និងពហុភាគីជាមួយបណ្ដាប្រទេសមួយចំនួន និងក្នុងតំបន់ជាដើម៕

លើកដំបូងក្នុងឆាកជីវិតក្នុងការប្រមូលមូលធិនិរាប់សិបម៉ឺនដុល្លារដើម្បីជួយដល់កងទ័ពជួរមុខនិងជនភៀសសឹកពីការឈ្លានពានរបស់ប្រទេសថៃវាបានក្លាយជាសម្ពាធដ៏ធំសម្រាប់ ប៉ីប៉ី ឌី ហើយមានការចោទប្រកាន់ថាលោកលេបលុយមូលនិធិនេះ។ ករណីនេះ ប៉ីប៉ី ឌី បានបញ្ជាក់ថាលោកមានបញ្ហាសតិអារម្មណ៍យ៉ាងខ្លាំងខណៈផ្ទះវីឡាលោកនៅសៀមរាប និងហាងខេកដែលត្រៀមដំណើរការ ខ្លាចមានការចោទប្រកាន់និងយល់ច្រឡំបន្ថែម។

កាលពីពេលថ្មីៗនេះ(១០ សីហា) ប៉ីប៉ី ឌី បាន Live នៅលើបណ្តាញសង្គមហ្វេកប៊ុកដោយបាននិយាយជជែកជាមួយអ្នកគាំទ្រអំពីប្រធានបទផ្សេងៗហើយមួយក្នុងចំណោមនោះបុគ្គលល្បីឈ្មោះរូបនេះក៏បាននិយាយពីរឿងលុយមូលធិនិ។ កន្លងមកនេះមានជនអគតិមួយចំនួនតូចទាំងក្នុងស្រុកនិងនៅក្រៅស្រុកស្រាប់តែចោទប្រកាន់ចង់សម្តៅថាលោកកិបកេងលុយព្រោះតែមានការចូលរួមពីសប្បុរសជនរហូតដល់ជាង៩០ម៉ឺនដុល្លារ។

ស្របពេលការចោទប្រកាន់ថាមានចិត្តកិបកេងលុយមូលធិនិ កាន់តែធ្វើ ប៉ីប៉ីឌី បង្ហាញការព្រួយបារម្ភកាន់តែខ្លាំងព្រោះតែប៉ុន្មានខែទៀតផ្ទះវីឡាលោកក៏ធ្វើហើយ ហាងខេក ក៏ត្រៀមដំណើរការខ្លាចតែគេចោទថាផលទទួលបានពីលុយមូលនិធិ។

ប៉ីប៉ី ឌី បាននិយាយថា វីឡាមួយរបស់លោកនៅខេត្តសៀមរាបធ្វើហើយនៅខែធ្នូនេះវាក្លាយទៅជាសតិអារម្មណ៍ខ្លាចនៅពេលធ្វើហើយមានគេគិតថា លុយជំនួយកាលពីប៉ុន្មានខែមុនឥឡូវចេញជារូបរាង។

មិនត្រឹមតែប៉ុណ្ណោះ ប៉ីប៉ី ឌី បានបង្ហើបទៀតថា បន្តិចទៀតហាងខេករបស់លោកបើកដំណើរទៀត ខ្លាចតែមានពាក្យមានសម្តីទៀតនោះទេ កត្តានេះហើយធ្វើឱ្យខ្លួនលោកខ្វល់ចិត្តនិងមានសតិអារម្មណ៍យ៉ាងខ្លាំង។ ប៉ីប៉ី ឌី ក៏បានបង្ហាញសារនៃការជជែកគ្នាជាមួយអ្នកគូរប្លង់ដើម្បីបញ្ជាក់ទៅកាន់មហាជនក្រែងថ្ងៃក្រោយមានការយល់ច្រឡំចំពោះលោក។

ប៉ីប៉ី ឌី បានសង្កត់ធ្ងន់ដែរថាលោកមានមុខរបរស្របច្បាប់ មានមនុស្សជុំវិញខ្លួនល្អៗ មានលុយចាយគ្រប់គ្រាន់លោកមិនចាំបាច់យកកេរ្តិ៍ឈ្មោះខ្លួនឯងទៅសាងរឿងថោកទាបលេបលុយជំនួយកិបកេងស្បៀងនោះទេ៕

នាថ្មីៗនេះ មានសារព័ត៌មានថៃជាច្រើនបានចេញផ្សាយថា៖”កម្ពុជាគ្រោងនឹងបញ្ជូនអត្តពលិកទៅចូលរួមព្រឹត្តិការណ៍សុីហ្គេមលើកទី៣៣ នៅប្រទេសថៃ ត្រឹមតែ៥៧នាក់ប៉ុណ្ណោះ”។

ជុំវិញករណីនេះ ឯកឧត្តម វ៉ាត់ ចំរើន បានធ្វើការបដិសេធ ដោយចាត់ទុកព័ត៌មានទាំងនេះ ជាព័ត៌មានមិនពិត គ្មានប្រភពច្បាស់លាស់។

ឯកឧត្តម វ៉ាត់ ចំរើន បានថ្លែងថា៖”អ្វីៗអាស្រ័យលើស្ថានភាពបញ្ហាព្រំដែនរវាងប្រទេសទាំងពីរ ហើយយើងត្រូវរងចាំការសម្រេចចុងក្រោយរដ្ឋាភិបាលសិន”។

កម្ពុជា បានស្នើសុំម្ចាស់ផ្ទះថៃ ពន្យាពេល ២ សប្តាហ៍ដើម្បីប្រកាសបញ្ជីអត្តពលិក ដោយរំពឹងថានឹងដាក់ជូនគណកម្មការអូឡាំពិកថៃ នៅថ្ងៃទី១ ខែកញ្ញា ខាងមុខនេះ។

គួរបញ្ជាក់ថា កម្ពុជា ធ្លាប់បានប្រកាន់ជំហរ កីឡាមិនមានការពាក់ព័ន្ធទៅនឹងរឿងនយោបាយ ហេតុនេះ បញ្ហាជម្លោះនៅព្រំដែនកម្ពុជា-ថៃ នឹងមិនប៉ះពាល់ដល់ការប្រកួតស៊ីហ្គេម លើកទី៣៣ ឆ្នាំ២០២៥នោះទេ៕