សហរដ្ឋអាមេរិក បានប្រកាសផ្តល់ថវិការ៥០លានដុល្លារ សម្រាប់អ្នកផ្តល់ព័ត៌មានដែលនាំទៅដល់ការចាប់ខ្លួន ប្រធានាធិបតីវ៉េណេស៊ុយអេឡា លោក នីកូឡាស ម៉ាឌូរ៉ូ (Nicolás Maduro)។.png)
លោក នីកូឡាស ម៉ាឌូរ៉ូ ត្រូវបានរដ្ឋអាជ្ញាអាមេរិក តាមឃាត់ខ្លួនតាំងពីឆ្នាំ២០២០ ដោយចោទថាលោកជាមនុស្សនៅពីក្រោយ ការសមគំនិតរត់ពន្ធកូកាអ៊ីន អាភៀន និងគ្រឿងញៀនដ៏ច្រើនសន្ធឹកសន្ធាប់ចូលទៅក្នុងទឹកដីសហរដ្ឋអាមេរិក។.png)
រដ្ឋភិបាលអាមេរិក បានរកឃើញថា ប្រាក់ចំណេញពីការជួញដូរគ្រឿងញៀន ត្រូវបានលោក ម៉ាឌូរ៉ូ ប្រើប្រាស់ដើម្បីរក្សាអំណាចខ្លួនជាប្រធានាធិបតី។
តែយ៉ាងណាមិញ លោក ម៉ាឌូរ៉ូ បានបដិសេធ ដោយអះអាងថា ការចោទប្រកាន់របស់សហរដ្ឋអាមេរិក ជាហេតុផលនយោបាយ ដើម្បីផ្តួលរំលំរដ្ឋាភិបាលរបស់លោកតែប៉ុណ្ណោះ។
គួរបញ្ជាក់ថា លោក នីកូឡាស ម៉ាឌូរ៉ូ (Nicolás Maduro) ត្រូវបានសហរដ្ឋអាមេរិកចាត់ទុកជាឧក្រិដ្ឋជន និងជាមេដឹកនាំផ្តាច់ការមួយ ដែលកាន់អំណាចតាំងពីឆ្នាំ២០១៣មកទល់បច្ចុប្បន្ន ធ្វើឱ្យប្រទេសវ៉េណេស៊ុយអេឡាធ្លាក់ចូលវិបត្តិសេដ្ឋកិច្ច៕
