ប្រទេសថៃ៖ នៅថ្ងៃទី២៥ ខែកញ្ញា ឆ្នាំ២០២៥ មេទ័ពភូមិភាគ២ និងអ្នកនាំពាក្យកងទ័ពជើងគោកថៃ បានចេញសេចក្ដីប្រកាសបន្ទាន់មួយស្ដីពីស្ថានភាពព្រំដែនកម្ពុជា.ថៃ ថាមានភាពតានតឹងក្រោយកម្ពុជាបានរំលោ.ភបទឈប់បា.ញ់ដោយការបាញ់កាំភ្លើង បំផ្ទុះគ្រាប់បែកដៃ និងបង្ហោះដ្រូនសើុបការណ៍ នៅតាមបណ្ដោយខ្សែបន្ទាត់ព្រំដែននៅខេត្តសុរិន្ទ និងសុីសាកេត។

បើយោងតាមការចុះផ្សាយរបស់សារព័ត៌មាន The Nation បានឲ្យដឹងថា កងទ័ពថៃនឹងត្រៀមពង្រឹងកម្លាំងដើម្បីការពារខ្លួន ក្រោយមជ្ឈមណ្ឌលប្រតិបត្តិការណ៍នៃតំបន់កងទ័ពទី២ បានរាយការណ៍អំពីស្ថានភាពនៅតាមព្រំដែនកម្ពុជា-ថៃ គិតត្រឹមថ្ងៃទី២៥ ខែកញ្ញា ឆ្នាំ២០២៥ ដោយបញ្ជាក់ថា ស្ថានភាពទាំងមូលនៅតែមានភាពតានតឹង។

បន្ថែមពីនេះ កងទ័ពភូមិភាគ២ថៃបានចោ.ទប្រកាន់ថា កងកម្លាំងកម្ពុជាបានរំលោភលើកិច្ចព្រមព្រៀងឈប់បាញ់ជាបន្តបន្ទាប់តាមរយៈការផ្ទុះអាវុ.ធ ការដាក់ពង្រាយអាវុធបន្ថែម និងការចល័តរថក្រោះ ចូលទៅក្នុងតំបន់ព្រំដែនក្បែរប្រាសាទព្រះវិហារ ដែលចម្ងាយប្រហែល ៣០០ ម៉ែត្រពីខ្សែប្រតិបត្តិការថៃ។ ការណ៍នេះត្រូវបានគេជឿថាជាការត្រៀមខ្លួនរបស់កម្ពុជា សម្រាប់ប្រតិបត្តិការយោធាប្រឆាំងនឹងកងកម្លាំងថៃ។

ចំណែកលោក ប៊ុនសុីន ផាតក្លាង មេបញ្ជារការភូមិភាគ២ថៃបានអះអាងថា នាវេលាម៉ោងប្រហែល៨ និង៥០នាទីយប់ថ្ងៃទី២៥ កញ្ញា កងកម្លាំងជួរមុខថៃដែលឈរជើងនៅភូមិសាស្រ្តចុងក្រាំង ខេត្តសុរិន្ទបានរាយការណ៍ថា ពួកគេបានលឺសម្លេងកាំភ្លើងចំនួន៣គ្រាប់ និងលឺសម្លេងផ្ទុះគ្រាប់បែ.កដៃនៅម៉ោងប្រហែល២ និង៥០នាទីព្រឹក ចេញពីខាងកម្ពុជានៅទិសខាងកើត ហើយពួកគេបានដាក់ការសង្ស័យថាវាគឺជាសកម្មភាពញុះញង់របស់កម្ពុជាដើម្បីឲ្យកងកម្លាំងថៃអស់ការអត់ធ្មត់។ តែទោះជាយ៉ាងណា កងទ័ពថៃបានរក្សាការគោរពបទឈប់បា.ញ់ដោយប្រុងប្រយ័ត្នបំផុត ដើម្បីជៀសវាងការផ្ទុះឡើងវិញនូវអំពើហិង្សា។

ដោយឡែកបើក្រឡេកមកខាងកម្ពុជា ក្រសួងការពារជាតិតាមរយៈលោកជំទាវ ឧត្តមសេនីយ៍ឯក ម៉ាលី សុជាតា បានចេញសេចក្តីប្រកាសព័ត៌មានទាំងយប់ថា កម្ពុជាសូមធ្វើការច្រានចោលការចោ.ទប្រកាន់ទាំងគ្មានមូលដ្ឋានរបស់ភាគីថៃ ដោយបញ្ជាក់ថាកងកម្លាំងរបស់កម្ពុជាមិនបានបង្កហេតុ ឬធ្វើសកម្មភាពណាមួយ ដែលរំលោភបំពានលើកិច្ចព្រម ព្រៀងបទឈប់បាញ់ ដូចការលើកឡើងរបស់ភាគីថៃឡើយ។

ផ្ទុយទៅវិញ ក្រសួងការពារជាតិសូមគូសបញ្ជាក់ដែរថា កងកម្លាំងកម្ពុជាបានលឺសម្លេងផ្ទុះអាវុ.ធចំនួន៣លើកចេញពីខាងភាគីថៃ ដោយនៅ៖
ម៉ោង ១១:២៥នាទី មានស្នូរសំឡេងបាញ់កាំភ្លើងនៅខាងភាគីថៃ នៅទល់មុខភូមិសាស្ត្រជប់តាប្រិ ចំនួន ១គ្រាប់
ម៉ោង ១៦:៤៨នាទី មានស្នូរសំឡេងបាញ់កាំភ្លើងនៅខាងភាគីថៃ នៅទល់មុខភូមិសាស្ត្រច្រកអានសេះ ចំនួន ៣គ្រាប់
ពីម៉ោង ១៦:៤៨នាទី ដល់ម៉ោង ១៧:០០នាទី មានស្នូរសំឡេងបាញ់កាំភ្លើងនៅខាងភាគីថៃនៅទល់ មុខភូមិសាស្ត្រព្រលានថ្ម បុស្សស្បូវ ជាំតែ ប្រហែលចំនួន២៥ ទៅ ៣០គ្រាប់។ នេះបើតាមការរាយការណ៍របស់កងកម្លាំងជួរមុខកម្ពុជា។

ដូច្នេះសរុបមក ការលើកឡើងរបស់កងទ័ពនិង អ្នកនាំពាក្យកងទ័ពថៃ គឺជាការបំភ្លៃទាំងស្រុង ដោយថៃអាចកំពុងព្យាយាមប្រើព័ត៌មានមិនពិតនេះមកប្រើជាលេស ដើម្បីចោ.ទប្រកាន់កម្ពុជាថាបំពានបទឈប់បា.ញ់ និងជាល្បិចដើម្បីមានហេតុផលគ្រប់គ្រាន់ក្នុងការបង្កើនកម្លាំងតាមព្រំដែនតែប៉ុណ្ណោះ៕

ប្រទេសម៉ាឡេស៊ី ៖ តាមការចុះផ្សាយរបស់សារព័ត៌មានម៉ាឡេស៊ីឱ្យដឹងថា នាយករដ្ឋមន្ត្រីម៉ាឡេស៊ី លោក Anwar Ibrahim បានជជែកតាមទូរស័ព្ទជាមួយប្រធានាធិបតីអាមេរិក លោក Donald Trump កាលពីព្រឹកថ្ងៃទី២៥ ខែកញ្ញា ឆ្នាំ២០២៥ ដោយនាយករដ្ឋមន្ត្រីម៉ាឡេស៊ីបានសង្កត់ធ្ងន់លើការប្តេជ្ញាចិត្តរបស់ម៉ាឡេស៊ីក្នុងការរក្សាសន្តិភាពនៅតំបន់អាស៊ាន និងគាំទ្របទឈប់បា.ញ់រវាងកម្ពុជា-ថៃ ។

នាយករដ្ឋមន្ត្រីម៉ាឡេស៊ី លោក Anwar បានសរសេរក្នុងហ្វេសហ៊ុកនៅថ្ងៃទី២៥ ខែកញ្ញា ថា ៖ «ម៉ាឡេស៊ីក្នុងឋានៈជាប្រធានអាស៊ានមានតួនាទីលើកកម្ពស់សន្តិភាពនៅតំបន់អាស៊ាន ជាពិសេសបំផុត គឺសន្តិភាពរវាងកម្ពុជា-ថៃ ។ ប្រធានាធិបតីអាមេរិក លោក Trump បានទទួលស្គាល់ភាពជោគជ័យរបស់ម៉ាឡេស៊ីដែលផ្តល់ភាពងាយស្រួលឱ្យមានកិច្ចព្រមព្រៀងឈប់បាញ់រវាងកម្ពុជា-ថៃ ហើយនេះបង្ហាញពីអំណាចម៉ាឡេស៊ី និងភាពបត់បែនរបស់អាស៊ាន» ។

លោក Anwar ក៏បានថ្លែងអំណរគុណដល់តួនាទីរបស់អាមេរិកផងដែរ ដែលឈានទៅសម្រេចកិច្ចព្រមព្រៀងឈប់បាញ់រវាងកម្ពុជា-ថៃ ហើយម៉ាឡេស៊ីនឹងទន្ទឹងរង់ចាំលោក Trump ចូលរួមកិច្ចប្រជុំកំពូលអាស៊ាននៅខែតុលា ឆ្នាំ២០២៥ ។ នេះជាកិច្ចប្រជុំសំខាន់ដើម្បីពង្រឹងកិច្ចសហប្រតិបត្តិការសន្តិភាព ស្ថិរភាព និងការរីកចម្រើនក្នុងតំបន់អាស៊ាន ។

ការជជែកតាមទូរស័ព្ទជាមួយលោក Trump លើកនេះ ក្រោយពីនាយករដ្ឋមន្ត្រីម៉ាឡេស៊ីបានទទួលស្វាគមន៍លោក Jamieson Greer អ្នកតំណាងពាណិជ្ជកម្មអាមេរិក (USTR) ដែលធ្វើដំណើរមកប្រទេសម៉ាឡេស៊ី ដើម្បីចូលរួមកិច្ចប្រជុំរដ្ឋមន្ត្រីសេដ្ឋកិច្ចអាស៊ាន (AEM) លើកទី៥៧ និងចូលរួមកិច្ចប្រជុំផ្សេងទៀត ។ រីឯកិច្ចប្រជុំកំពូលអាស៊ាន លើកទី៤៧ និងកិច្ចប្រជុំកំពូលពាក់ព័ន្ធនឹងអាស៊ាន នឹងរៀបចំឡើងចាប់ពីថ្ងៃទី២៦ ដល់ថ្ងៃទី២៨ ខែតុលា ឆ្នាំ២០២៥ នៅទីក្រុងពុត្រាចាយ៉ា ។

អ្នកវិភាគម៉ាឡេស៊ីជឿជាក់ថា ការចូលរួមយ៉ាងសកម្មរបស់ម៉ាឡេស៊ីបានបង្ហាញពីការប្តេជ្ញាចិត្តរបស់ខ្លួនក្នុងការពង្រឹងតួនាទីរបស់អាស៊ានដើម្បីរក្សាស្ថិរភាពក្នុងតំបន់ និងពង្រឹងទំនាក់ទំនងជាមួយដៃគូអន្តរជាតិសំខាន់ៗ ៕

ប្រទេសថៃ ៖ ក្រោយពីកងទ័ពថៃ និងសារព័ត៌មានថៃមួយចំនួនចោទប្រកាន់កម្ពុជាបង្កហេតុ ដោយមានសកម្មភាពចល័តរថក្រោះចូល និងឮសំឡេងកាំភ្លើ.ង ឮសំឡេងផ្ទុះគ្រា.ប់បែ.ក និងរកឃើញការចូលជិតបន្លាលួស ព្រមទាំងមានការបា.ញ់ចូលដើម្បីពិនិត្យមើលរយៈចម្ងាយ បានធ្វើឱ្យសាលារៀនថៃនៅក្បែរព្រំដែនបិទទ្វារភ្លាមៗក្រោមហេតុផលបារម្ភពីសង្គ្រាមកើតឡើងម្តងទៀត ខណៈចៅហ្វាយស្រុកមឿងត្រាត ខេត្តត្រាត បានកោះប្រជុំបន្ទាន់ដើម្បីត្រៀមជម្លៀសពលរដ្ឋទៅកាន់កន្លែងសុវត្ថិភាព ។ នេះបើតាមការផ្សព្វផ្សាយរបស់សារព័ត៌មានថៃ Khaosod កាលពីថ្ងៃទី២៥ ខែកញ្ញា ឆ្នាំ២០២៥ ។

សាលារៀននៅខេត្តចាន់ថាបុរី និងខេត្តត្រាត បានប្រកាសបិទទ្វារភ្លាមៗពីព្រោះបារម្ភពីសង្គ្រាមកើតឡើងម្តងទៀតនៅព្រំដែនកម្ពុជា-ថៃ ។ សាលារៀនមើលឃើញថា បច្ចុប្បន្ន នៅព្រំដែនមានបញ្ហាអសន្តិសុខ ហើយអសន្តិសុខនឹងកាន់តែខ្លាំងធ្វើឱ្យកូនសិស្ស គ្រូបង្រៀន បុគ្គលិកសាលា និងអាណាព្យាបាលសិស្សគ្មានសុវត្ថិភាព ទើបសាលារៀនសម្រេចបិទទ្វារចាប់ពីថ្ងៃទី២៦ ខែកញ្ញា តទៅ ។

ដោយឡែក លោក ក្រៀងក្រៃ បញ្ញាផុងសាថន ចៅហ្វាយស្រុកមឿងត្រាត ខេត្តត្រាត បានកោះប្រជុំបន្ទាន់ជាមួយមេភូមិ អាជ្ញាធរមូលដ្ឋាន តំណាងសាលារៀន និងភ្នាក់ងារសង្គ្រោះ ដើម្បីត្រៀមជម្លៀសពលរដ្ឋទៅកាន់កន្លែងសុវត្ថិភាព ។ ជំហ៊ានដំបូង គឺត្រៀមជម្លៀសពលរដ្ឋ ចំនួន៤ឃុំ ទៅកាន់ទីតាំងភៀសសឹក៤កន្លែង ដោយចាប់ផ្តើមជម្លៀសមនុស្សចាស់ និងជនពិការមុនគេ ហើយការជម្លៀសពេលណា គឺរង់ចាំបទបញ្ជា ។

កងទ័ពថៃបានប្រាប់ពលរដ្ឋខ្លួនថា ស្ថានការណ៍ព្រំដែនកម្ពុជា-ថៃកាន់តែតានតឹង ខេត្តត្រាតមានហានិភ័យតិចតួចបើធៀបនឹងខេត្តផ្សេងៗ ប៉ុន្តែចៅហ្វាយស្រុកមឿងត្រាតចាំបាច់ត្រូវត្រៀមជម្លៀសពលរដ្ឋតាមផែនការដែលធ្លាប់អនុវត្តលើកមុន ។ រីឯមេភូមិត្រូវជូនដំណឹងពីស្ថានការណ៍ព្រំដែនឱ្យពលរដ្ឋយល់ និងត្រៀមខ្លួនជម្លៀស ករណីមានសង្គ្រាមកើតឡើង គឺមេភូមិមានតួនាទីជម្លៀសពលរដ្ឋ ព្រមទាំងបង្កើនការយាមល្បាតតាមភូមិយ៉ាងតឹងរ៉ឹង ។ ក្រៅពីនេះ បើមានបុគ្គលមិនស្គាល់អត្តសញ្ញាណ ឬសង្ស័យ មកស៊ើបការណ៍សម្ងាត់ គឺពលរដ្ឋត្រូវជូនដំណឹងមកភ្នាក់ងារពាក់ព័ន្ធជាបន្ទាន់ ។

កាលពីថ្ងៃទី២៥ ខែកញ្ញា ឆ្នាំ២០២៥ ផេកផ្លូវការរបស់មជ្ឈមណ្ឌលប្រតិបត្តិការតំបន់កងទ័ពទី២របស់ថៃ និងសារព័ត៌មានថៃមួយចំនួនបានចុះផ្សាយថា កម្ពុជាបង្កហេតុដោយមានសកម្មភាពចល័តរថក្រោះចូល និងឮសំឡេងកាំភ្លើង ឮសំឡេងផ្ទុះគ្រាប់បែក និងរកឃើញការចូលជិតបន្លាលួស ព្រមទាំងមានការបាញ់ចូល ដើម្បីពិនិត្យមើលរយៈចម្ងាយ ។ ក្រសួងការពារជាតិកម្ពុជាបានស្រាយបំភ្លឺថា កងកម្លាំងរបស់កម្ពុជាមិនបានបង្កហេតុ ឬធ្វើសកម្មភាពណាមួយដែលរំលោភបំពានលើកិច្ចព្រមព្រៀងបទឈប់បា.ញ់ ដូចការលើកឡើងរបស់ថៃឡើយ ។

កម្ពុជាប្តេជ្ញាចិត្តយ៉ាងពេញលេញចំពោះការគោរព និងអនុវត្តនូវកិច្ចព្រមព្រៀងបទឈប់បាញ់រវាងកងទ័ពកម្ពុជា និងកងទ័ពថៃ បានយ៉ាងម៉ឺងម៉ាត់ និងខ្ជាប់ខ្ជួនបំផុត ជាមួយនឹងស្មារតីនៃការប្តេជ្ញាចិត្តក្នុងការសហការគ្នានៅគ្រប់កម្រិត កម្ពុជាតែងតែរក្សាកិច្ចសហការល្អជាមួយគ្នា ។ យោងតាមការបញ្ជាក់ពីកងកម្លាំងរបស់កម្ពុជាដែលឈរជើងនៅជួរមុខបានឱ្យដឹងថា នៅថ្ងៃទី២៥ ខែកញ្ញា ឆ្នាំ២០២៥ ៖

-ម៉ោង១១និង២៥នាទី មានស្នូរសំឡេងបាញ់កាំភ្លើងនៅខាងភាគីថៃ នៅទល់មុខភូមិសាស្ត្រជប់តាប្រិ ចំនួន១គ្រាប់
-ម៉ោង១៦និង៤៨នាទី មានស្នូរសំឡេងបាញ់កាំភ្លើងនៅខាងភាគីថៃ នៅទល់មុខភូមិសាស្ត្រច្រកអានសេះ ចំនួន៣គ្រាប់
-ពីម៉ោង១៦និង៤៨នាទី ដល់ម៉ោង១៧និង០០នាទី មានស្នូរសំឡេងបាញ់កាំភ្លើងនៅខាងភាគីថៃ នៅទល់មុខភូមិសាស្ត្រព្រលានថ្ម បុស្សស្បូវ ជាំតែ ប្រហែលចំនួន២៥គ្រាប់ ទៅ៣០គ្រាប់ ៕

ប្រទេសថៃ ៖ កងទ័ពថៃបានហាមពលរដ្ឋបង្ហោះរូបភាពផ្សេងៗ និងចែកចាយព័ត៌មានទីតាំងកងទ័ពក្នុងបណ្តាញសង្គម ក៏ដូចជាហាមពលរដ្ឋចូលទៅកាន់តំបន់ពង្រាយកងទ័ពនៅព្រំដែនកម្ពុជា-ថៃដើម្បីសុវត្ថិភាព ។ ការហាមឃាត់បែបនេះ គឺដើម្បីឱ្យកងទ័ពថៃងាយស្រួលចល័តកម្លាំងទៅកាន់តំបន់ព្រំដែន និងមិនចង់ឱ្យមានការបែកធ្លាយក្នុងបណ្តាញសង្គម ។

កាលពីថ្ងៃទី២៣ ខែកញ្ញា ឆ្នាំ២០២៥ នៅទីបញ្ជាការកងទ័ព លោក រីឆា សុខស៊ុវ៉ាណុន អ្នកនាំពាក្យកងទ័ពជើងគោកចោទប្រកាន់ថា បច្ចុប្បន្ន កម្ពុជាបានបង្កើនកម្លាំងកងទ័ព ល្មើសបទឈប់បាញ់ បង្កប់មីនថ្មី បង្ហោះដ្រូនសង្កេតការណ៍ ហើយថៃចាត់ទុកថា សកម្មភាពផ្សេងទៀតរបស់កម្ពុជា គឺជាការញុះញង់ជាបន្តបន្ទាប់ ។ ហេតុនេះ ដើម្បីឱ្យកងទ័ពបំពេញតួនាទីយ៉ាងសុវត្ថិភាព និងប្រសិទ្ធភាព គឺកងទ័ពសូមកិច្ចសហការពីពលរដ្ឋទាំងអស់អនុវត្តតាមវិធានការដូចខាងក្រោម ៖

១-ការផ្តល់សម្ភារៈ និងសួរសុខទុក្ខកងទ័ព ៖ ពលរដ្ឋដែលមានបំណងផ្តល់សម្ភារៈ និងសួរសុខទុក្ខកងទ័ព ចូរទំនាក់ទំនងមកកាន់ផ្នែកទទួលខុសត្រូវជាមុន រូចហើយ ពលរដ្ឋអាចផ្តល់សម្ភារៈ និងសួរសុខទុក្ខកងទ័ពក្នុងតំបន់ដែលកំណត់តែប៉ុណ្ណោះ ។

២-ការធ្វើដំណើរមកកាន់ទីតាំងកងទ័ពតាមព្រំដែន ៖ កងទ័ពជើងគោកពុំអនុញ្ញាតឱ្យពលរដ្ឋ ឬបុគ្គលខាងក្រៅចូលមកធ្វើសកម្មភាពផ្សេងៗក្នុងបរិវេណទីតាំងកងទ័ពដាច់ខាត បើពលរដ្ឋចាំបាច់ត្រូវមកកាន់ទីតាំងកងទ័ព ត្រូវតែទទួលការអនុញ្ញាតពីកងទ័ពជាមុន ។

៣-ហាមបង្ហោះរូបភាព និងចែកចាយព័ត៌មានទីតាំងកងទ័ពក្នុងបណ្តាញសង្គម ៖ សូមពលរដ្ឋ និងស្ថាប័នផ្សេងៗបញ្ឈប់ការបង្ហោះរូបភាព និងចែកចាយពីប្រតិបត្តិការកងទ័ព ដូចជា ៖ ផែនទីបង្ហាញការពង្រាយកម្លាំង ទីតាំងសំខាន់ៗក្នុងតំបន់ និងព័ត៌មានពាក់ព័ន្ធការបំពេញភារកិច្ចកងទ័ព ។

កងទ័ពថៃក៏បានអរគុណគ្រប់វិស័យទាំងអស់ដែលបានគាំទ្រ និងកិច្ចសហការពីពលរដ្ឋ ពីព្រោះវានឹងជាកម្លាំងដ៏សំខាន់ក្នុងការផ្តល់កម្លាំងចិត្តដល់កងទ័ពបំពេញភារកិច្ចនៅតំបន់ព្រំដែនកម្ពុជា-ថៃយ៉ាងសុវត្ថិភាព និងប្រសិទ្ធភាពបំផុត ។

លោក រីឆា សុខស៊ុវ៉ាណុន អ្នកនាំពាក្យកងទ័ពជើងគោកពុំបានបញ្ជាក់ថា តើបច្ចុប្បន្ន កងទ័ពថៃចល័តកម្លាំង និងធ្វើសកម្មភាពអ្វីខ្លះនៅព្រំដែនកម្ពុជា-ថៃទេ ទើបហាមពលរដ្ឋបង្ហោះរូបភាព និងចែកចាយព័ត៌មានទីតាំងកងទ័ពក្នុងបណ្តាញសង្គមដើម្បីសុវត្ថិភាព ។ ក្នុងនាមយើងជាពលរដ្ឋខ្មែរក៏ដូចគ្នាដែរ សូមកុំបង្ហោះរូបភាព និងចែកចាយទីតាំងកងទ័ពរបស់យើង ដើម្បីកុំឱ្យបែកធ្លាយព័ត៌មានទៅដល់កងទ័ពឈ្លានពានថៃ ពីព្រោះពួកគេចង់ដឹងពីទីតាំងកងទ័ព និងអាវុធរបស់យើង ៕

ប្រទេសថៃ ៖ តាមការផ្សព្វផ្សាយរបស់សារព័ត៌មានថៃ Khaosod កាលពីថ្ងៃទី២២ ខែកញ្ញា ឆ្នាំ២០២៥ ឱ្យដឹងថា ភ្ញៀវទេសចរខកបំណងយ៉ាងខ្លាំងពុំហ៊ានមកកម្សាន្ត ឬចុះលេងទឹកសមុទ្រនៅឆ្នេរបាងសែន ស្ថិតក្នុងឃុំសែនសុខ ស្រុកមឿង ខេត្តឈុនបុរី ដោយសារនៅលើឆ្នេរខ្សាច់មានសំរាមច្រើនពេកបណ្តាលឱ្យកខ្វក់ខ្លាំង ។ អាជ្ញាធរខេត្តព្យាយាមប្រមូលសំរាមសម្អាតឆ្នេរឡើងវិញដើម្បីស្តារមុខមាត់ប្រទេសជាតិដែលធ្លាប់ទាក់ទាញភ្ញៀវទេសចរ និងមានសណ្តាប់ធ្នាប់ក្នុងការបោះចោលសំរាម ។

កាលពីថ្ងៃទី២២ ខែកញ្ញា ឆ្នេរបាងសែនដ៏ល្បីល្បាញរបស់ថៃពោរពេញទៅដោយសំរាមយ៉ាងច្រើននៅលើខ្សាច់ និងគ្មានភ្ញៀវទេសចរមកបោះតង់សម្រាក ឬទទួលទានអាហារដូចមុនទេ ដោយសារគ្មានខ្យល់បរិសុទ្ធ និងមានគំរាមសំរាមជុំវិញខ្លួន ។ សំរាមជាច្រើនប្រភេទត្រូវបានទឹករលកបោកបក់មកលើខ្សាច់ ដូចជា ៖ ថង់ផ្លាស្ទិកច្រកចំណីអាហារ កែវភេសជ្ជៈ ដបទឹក និងកំទេចកំទីឈើ ជាហេតុធ្វើឱ្យអាជ្ញាធរខេត្តឈុនបុរីបញ្ជូនកម្លាំងមកប្រមូលសំរាមតាមឆ្នេរជាបន្ទាន់ ។

អាជីវករនៅឆ្នេរបាងសែន លោក វិឆ័យ ប្លៀនប្រាសឺត អាយុ៧១ឆ្នាំ និយាយថា សំរាមទាំងនេះត្រូវបានខ្យល់បក់មកពីកន្លែងផ្សេង ហើយក្រោយពីភ្លៀងធ្លាក់ខ្លាំងធ្វើឱ្យទឹកភ្លៀងលាយសំរាមហូរចូលសមុទ្រ ។ បន្ទាប់មក ទឹករលកក៏បោកបក់សំរាមឡើងលើខ្សាច់វិញ ទើបធ្វើឱ្យឆ្នេរនេះពោរពេញដោយសំរាមយ៉ាងច្រើន ពេលភ្ញៀវទេសចរឃើញ ក៏លែងហ៊ានលេងទឹកសមុទ្រ ។ តាមពិត វាជាធម្មជាតិដែលខ្យល់បក់សំរាមមកពីកន្លែងផ្សេង វាមិនមែនជាសំរាមរបស់ភ្ញៀវទេសចរបោះចោលទេ ពីព្រោះនៅទីនេះ មានធុងសំរាមគ្រប់កន្លែង ។

លោកចង់ផ្តាំផ្ញើទៅអ្នករស់នៅតាមមាត់ប្រឡាយ ឬនៅជិតសមុទ្រ ត្រូវចោលសំរាមក្នុងធុងឱ្យបានត្រឹមត្រូវ កុំចោលសំរាមក្នុងទឹក ពីព្រោះបើមានភ្លៀងធ្លាក់វានឹងនាំសំរាមហូរចូលក្នុងសមុទ្រ ។ នេះជាការបំពុលបរិស្ថាន និងបំផ្លាញធនធានធម្មជាតិ រួមទាំងសត្វផ្សេងៗរស់នៅក្នុងសមុទ្រ ។

ចំណែកលោក ណាត់ថាផុង ជេមក្រាចាង អាយុ៤៤ឆ្នាំ ជាភ្ញៀវទេសចរនិយាយថា លោកបានធ្វើដំណើរមកឆ្នេរសមុទ្របាងសែនកាលពីថ្ងៃទី២១ ខែកញ្ញា ប៉ុន្តែពេលមកដល់ ស្រាប់តែឃើញសំរាមយ៉ាងច្រើនលើខ្សាច់ ។ កន្លងមក លោកតែងតែឃើញឆ្នេរនេះមានភាពស្រស់ស្អាត ប៉ុន្តែមកលើកនេះខកបំណងយ៉ាងខ្លាំង ងាកទៅណាឃើញតែសំរាម ទើបពុំហ៊ានលេងទឹកសមុទ្រ ។

អាជ្ញាធរខេត្តឈុនបុរីបានបញ្ជូនកម្លាំងមកប្រមូលសំរាមតាមឆ្នេរ រួចហើយ ដាក់ក្នុងរថយន្តយកទៅបោះចោល ដើម្បីធ្វើឱ្យទេសភាពមាត់សមុទ្រត្រឡប់មកស្អាត មានខ្យល់បរិសុទ្ធដូចមុន ។ ទោះយ៉ាងណា ភ្នាក់ងារប្រមូលសំរាមពុំអាចសម្អាតឆ្នេរទាន់ពេលវេលាទេ និងសំណូមពរភ្ញៀវទេសចរចោលសំរាមឱ្យបានត្រឹមត្រូវ ក៏ដូចជាសំណូមពរឱ្យអាជីវករនៅឆ្នេររក្សាអនាម័យ ចោលសំរាមក្នុងហាងរបស់ខ្លួន និងចូលរួមសម្អាតឆ្នេរជាមួយអាជ្ញាធររៀងរាល់ថ្ងៃអង្គារ ៕