សហរដ្ឋអាមេរិក ៖ បន្ទាប់ពីជំរុញឱ្យអ៊ីស្រាអែលនិងក្រុមហាម៉ាស់បញ្ចប់សង្គ្រា.ម ប្រធានាធិបតីអាមេរិក លោក Donald Trump បានទូរស័ព្ទទៅប្រធានាធិបតីរុស្ស៊ី លោក Vladimir Putin ដើម្បីណាត់គ្នាពិភាក្សាពីការបញ្ចប់សង្គ្រា.មនៅប្រទេសអ៊ុយក្រែនដែលបានអូសបន្លាយពេលជាច្រើនឆ្នាំ ។ សង្គ្រា.មរវាងរុស្ស៊ីនិងអ៊ុយក្រែន គឺជាសង្គ្រា.មរ៉ាំរ៉ៃបានកើតឡើងមុនសង្គ្រា.មផ្សេងទៀតដែលប្រធានាធិបតីអាមេរិកព្យាយាមជំរុញសន្តិភាព ក្រោយពីបញ្ចប់សង្គ្រា.មជាច្រើនកន្លែង ។

កាលពីថ្ងៃទី១៦ ខែតុលា ឆ្នាំ២០២៥ ប្រធានាធិបតីអាមេរិក លោក Trump បង្ហោះសារក្នុងបណ្តាញសង្គម Truth Social ថា លោកបានទូរស័ព្ទជជែកជាមួយប្រធានាធិបតីរុស្ស៊ី លោក Putin ហើយមេដឹកនាំប្រទេសទាំងពីរបានយល់ព្រមជួបគ្នានៅប្រទេសហុងគ្រី ដើម្បីស្វែងរកវិធីបញ្ចប់សង្គ្រាមនៅអ៊ុយក្រែន ។

លោក Trump ថ្លែងថា ៖ «ខ្ញុំទើបតែជជែកតាមទូរស័ព្ទជាមួយលោក Putin ហើយប្រធានាធិបតីរុស្ស៊ីបង្ហាញក្តីរីករាយជាមួយខ្ញុំនិងអាមេរិកទទួលបានជោគជ័យក្នុងការជំរុញសន្តិភាពនៅមជ្ឈិមបូព៌ា ដែលជាក្តីសុបិនរបស់លោក Putin ជាច្រើនឆ្នាំមកនេះ ។ ខ្ញុំជឿជាក់ថា ភាពជោគជ័យនៅមជ្ឈិមបូព៌ានឹងជួយក្នុងការចរចារបស់យើងឈានទៅបញ្ចប់សង្គ្រាមរវាងរុស្ស៊ីនិងអ៊ុយក្រែនផងដែរ» ។

ប្រធានាធិបតីរុស្ស៊ីក៏បានអរគុណភរិយារបស់លោក Trump លោកស្រី Melania ដែលបានបំពេញការងារផ្នែកកុមារ និងជំរុញការងារលោកស្រី Melania បន្តទៀត ព្រមទាំងជជែកពីពាណិជ្ជកម្មរវាងរុស្ស៊ី-អាមេរិកពេលបញ្ចប់សង្គ្រាមនៅអ៊ុយក្រែន ។ នាចុងបញ្ចប់នៃកិច្ចសន្ទនា មេដឹកនាំទាំង២រូបបានព្រមព្រៀងរៀបចំកិច្ចប្រជុំទីប្រឹក្សាជាន់ខ្ពស់ នាសប្តាហ៍ទី៤ ខែតុលា ឆ្នាំ២០២៥ ដែលភាគីអាមេរិកដឹកនាំដោយរដ្ឋមន្ត្រីក្រសួងការបរទេស លោក Marco Rubio រួមទាំងមន្ត្រីពាក់ព័ន្ធ រីឯទីក្លែងប្រជុំ ពុំទាន់កំណត់ ។

ក្រោយកិច្ចប្រជុំទីប្រឹក្សាជាន់ខ្ពស់ ប្រធានាធិបតីរុស្ស៊ី លោក Putin នឹងជួបជាមួយលោក Trump នៅទីក្រុងប៊ូដាបេស ប្រទេសហុងគ្រី ជជែកពីការបញ្ចប់សង្គ្រាមដ៏រ៉ាំរ៉ៃរវាងរុស្ស៊ីនិងអ៊ុយក្រែន ។ នៅថ្ងៃទី១៨ ខែតុលា លោក Trump មានគម្រោងជួបប្រធានាធិបតីអ៊ុយក្រែន លោក Volodimir Zelenski នៅបន្ទប់ការងាររបស់លោកដើម្បីជជែកពាក់ព័ន្ធនឹងសង្គ្រាម និងស្ថានការណ៍ផ្សេងៗ ។

គួរបញ្ជាក់ថា លោក Trump បានបញ្ចប់សង្គ្រាមចំនួន៨កន្លែងក្នុងរយៈពេល៨ខែ រួមទាំងសង្គ្រាមកម្ពុជា-ថៃ ដែលបានជួយសង្គ្រោះជីវិតមនុស្សរាប់រយលាននាក់ពីសង្គ្រាម ប៉ុន្តែលោកពុំទទួលបានពានរង្វាន់ណូបែលសន្តិភាពទេ ។ ពានរង្វាន់ណូបែលសន្តិភាពប្រចាំឆ្នាំ២០២៥ គឺបានទៅលោកស្រី Maria Corina Machado ប្រធានគណបក្សប្រឆាំងវេណេស៊ុយអេឡា ៕

ប្រទេសថៃ ៖ ស្របពេលលោកស្រី គីម ជីណា អនុរដ្ឋមន្ត្រីទី២ នៃក្រសួងការបរទេសកូរ៉េខាងត្បូងជួបពិភាក្សាជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាពាក់ព័ន្ធនឹងការប្រយុទ្ធប្រឆាំងឧក្រិដ្ឋ.កម្មឆ្លងដែន ជាពិសេស ការឆបោកតាមប្រព័ន្ធបច្ចេកវិទ្យាកាលពីថ្ងៃទី១៦ ខែតុលា ឆ្នាំ២០២៥ លោក អនុថីន ឆាន់វីរៈគូន នាយករដ្ឋមន្ត្រីថៃ និងរដ្ឋមន្ត្រីក្រសួងមហាផ្ទៃបានទូរស័ព្ទទៅប្រធានាធិបតីកូរ៉េខាងត្បូងដើម្បីបង្ហាញការសោកស្តាយដែលពលរដ្ឋកូរ៉េខាងត្បូងបាត់បង់ជីវិ.តនៅកម្ពុជា ហើយលោកសុំចូលរួមជាមួយកូរ៉េខាងត្បូងដាក់សម្ពាធកម្ពុជាឱ្យបង្ក្រាបឧក្រិដ្ឋ.កម្មឆ្លងដែន ។

តាមការលើកឡើងរបស់លោក សិរិផុង អាំងសាគុណកៀត អ្នកនាំពាក្យការិយាល័យនាយករដ្ឋមន្ត្រីថៃ គឺកាលពីថ្ងៃទី១៦ ខែតុលា លោក អនុថីន នាយករដ្ឋមន្ត្រីថៃបានទូរស័ព្ទទៅប្រធានាធិបតីកូរ៉េខាងត្បូង លោក Lee Jae Myung ដើម្បីបង្ហាញការសោកស្តាយចំពោះពលរដ្ឋកូរ៉េខាងត្បូងបាត់បង់ជីវិតនៅកម្ពុជា ហើយលោក អនុថីន ថា ពេលនេះ ថៃកំពុងចរចាដោះស្រាយជម្លោះព្រំដែនជាមួយកម្ពុជា ហើយការបង្ក្រាបឧក្រិដ្ឋកម្មឆ្លងដែន គឺជាលក្ខខណ្ឌមួយដែលថៃស្នើឱ្យកម្ពុជាអនុវត្ត ។

ក្រៅពីនេះ នាយករដ្ឋមន្ត្រីថៃបានសុំចូលរួមសហការជាមួយប្រធានាធិបតីកូរ៉េខាងត្បូងដាក់សម្ពាធកម្ពុជាក្នុងការបង្ក្រាបឧក្រិដ្ឋកម្មឆ្លងដែន ហើយថៃរីករាយជួយពលរដ្ឋកូរ៉េខាងត្បូងពីការឆបោកតាមប្រព័ន្ធបច្ចេកវិទ្យានៅកម្ពុជា ខណៈប្រធានាធិបតីកូរ៉េខាងត្បូងបានអរគុណថៃដែលជួយពលរដ្ឋកូរ៉េខាងត្បូងចាញ់បោកជនខិលខូចនាំទៅប្រទេសមីយ៉ាន់ម៉ា ។

ប្រធានាធិបតីកូរ៉េខាងត្បូងបានបង្ហោះសារក្នុងបណ្តាញសង្គម X ក្រោយពីជជែកតាមទូរស័ព្ទជាមួយនាយករដ្ឋមន្ត្រីថៃកាលពីថ្ងៃទី១៦ ខែតុលា ថា លោករីករាយយ៉ាងខ្លាំងដែលបានសន្ទនាជាមួយលោក អនុថីន លើកដំបូង ។ ប្រទេសថៃជាមិត្តរបស់កូរ៉េខាងត្បូង ដោយថៃបានបញ្ជូនកងទ័ពមកចូលរួមក្នុងអំឡុងពេលចាប់ផ្តើមសង្គ្រាមនៅឧបទ្វីបកូរ៉េ បច្ចុប្បន្ន ថៃជាដៃគូយុទ្ធសាស្ត្ររបស់កូរ៉េខាងត្បូងក្នុងកិច្ចសហការជិតស្និទ្ធ មិនថាក្នុងអាស៊ាន APEC និងវេទិកាពហុភាគីផ្សេងទៀត ។

លើសពីនេះ ថៃជាប្រទេសគោលដៅទេសចរណ៍របស់ពលរដ្ឋកូរ៉េ ហើយយើងមានទំនាក់ទំនងល្អជាមួយគ្នា ពីព្រោះមានក្រុម K-Pop ថៃជាច្រើនក្នុងក្រុម ។ ប្រទេសទាំងពីរបានឯកភាពនៅតែមានសក្តានុពលសំខាន់សម្រាប់កិច្ចសហប្រតិបត្តិការបន្ថែម ជាពិសេស ភាពជាដៃគូសេដ្ឋកិច្ចគ្រប់ជ្រុងជ្រោយ និងប្រឹងប្រែងឱ្យអស់ពីសមត្ថភាពដើម្បីឈានទៅដល់កិច្ចព្រមព្រៀងឱ្យបានឆាប់ ។

នាយករដ្ឋមន្ត្រីថៃក៏បានសម្តែងការគាំទ្រចំពោះកិច្ចខិតខំប្រឹងប្រែងរបស់កូរ៉េខាងត្បូងក្នុងការបន្ធូរបន្ថយស្ថានការណ៍តានតឹងនៅឧបទ្វីបកូរ៉េ និងផ្តួចផ្តើមកិច្ចសន្ទនាថ្មីរវាងកូរ៉េខាងត្បូង និងកូរ៉េខាងជើង ដែលការគាំទ្ររបស់ថៃ គឺជាការលើកទឹកចិត្តសម្រាប់យើង ។ ខ្ញុំសង្ឃឹមជួបលោក អនុថីន ក្នុងកិច្ចប្រជុំកំពូលអាស៊ាន និងកិច្ចប្រជុំ APEC នាចុងខែតុលានេះ ។

គួរបញ្ជាក់ថា កាលពីថ្ងៃទី១៦ ខែតុលា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានជួបពិភាក្សាជាមួយលោកស្រី គីម ជីណា អនុរដ្ឋមន្ត្រីទី២ នៃក្រសួងការបរទេសកូរ៉េខាងត្បូងពាក់ព័ន្ធនឹងការប្រយុទ្ធប្រឆាំងឧក្រិដ្ឋកម្មឆ្លងដែន ជាពិសេស ការឆបោកតាមប្រព័ន្ធបច្ចេកវិទ្យា ដោយភាគីទាំងពីរនឹងបន្តពង្រឹងកិច្ចសហប្រតិបត្តិការរួមគ្នាដើម្បីបង្ការ ទប់ស្កាត់ និងប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យាឱ្យមានប្រសិទ្ធភាពខ្ពស់ សំដៅចូលរួមចំណែកថែរក្សា ការពារសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម ។

សម្តេចបានបង្ហោះសារក្នុងហ្វេសប៊ុកថា មេដឹកនាំប្រទេសជិតខាងមួយមានគម្រោងពិភាក្សាជាមួយប្រធានាធិបតីកូរ៉េខាងត្បូង ដើម្បីរកវិធីដោះស្រាយបញ្ហាការឆបោកតាមប្រព័ន្ធបច្ចេកវិទ្យានៅកម្ពុជាពាក់ព័ន្ធនឹងជនជាតិកូរ៉េ ហើយសម្តេចសូមឱ្យលោកស្រី គីម ជីណា អនុរដ្ឋមន្ត្រីទី២ នៃក្រសួងការបរទេសកូរ៉េខាងត្បូងជម្រាបទៅប្រធានាធិបតីកូរ៉េខាងត្បូងថា កម្ពុជាមិនត្រូវការពឹងពាក់ប្រទេសជិតខាងណាមួយមកធ្វើការងារនេះជំនួសកម្ពុជាឡើយ ។ មេដឹកនាំប្រទេសនោះគួរផ្តោតលើការដោះស្រាយបញ្ហាផ្ទៃក្នុងប្រទេសខ្លួនឱ្យបានល្អទៅ ។ ចំពោះកិច្ចសហប្រតិបត្តិការរវាងកម្ពុជានិងកូរ៉េខាងត្បូងលើបញ្ហាប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា ប្រទេសយើងទាំងពីរមានសមត្ថភាព និងលទ្ធភាពគ្រប់គ្រាន់ក្នុងកិច្ចសហការទ្វេភាគីដើម្បីដោះស្រាយបញ្ហា មិនចាំបាច់មានអ្នកទី៣ មកជួយជំរុញទេ ៕

នៅថ្ងៃទី16 ខែតុលា ឆ្នាំ2025 សារព័ត៌មាន Reuters បានលើកឡើងពីគ្រាប់មីនដែលបណ្តាលឱ្យមានការប៉ះទង្គិចគ្នានៅតាមព្រំដែនរវាងកម្ពុជា-ថៃ នាពេលថ្មីៗនេះ ត្រូវបានអ្នកជំនាញមីន‌ឯករាជ្យចំនួន 4រូប បញ្ជាក់ថា មីនប្រឆាំងមនុស្សប្រភេទ PMN-2s ដែលថៃបានរកឃើញគឺជាមីនថ្មីដែលគេទើបដាក់ដាំ។

យោងតាមអត្ថបទដែលបានចុះផ្សាយខាងលើ អ្នកវិភាគផ្នែកដោះមីនម្នាក់បានប្រាប់រ៉យទ័រថា “ស្ថានភាពនៃគ្រាប់មីនដែលថៃបានប្រកាសថាបានរកឃើញនៅតាមព្រំដែនជាប់កម្ពុជានោះ គឺជាមីនដែលត្រូវបានដាក់នាពេលថ្មីៗនេះ” ។ អ្នកជំនាញបានបញ្ជាក់ថា “ពួកវាមើលទៅនៅស្អាត និងនៅថ្មីដដែល មិនមានការខូចខាតអ្វីនោះទេ”។

លោក Andrew Vian Smith អ្នកជំនាញមីនឯករាជ្យនៅចក្រភពអង់គ្លេស បានអះអាងថា ស្ថានភាពនៃមីន PMN-2s នៅក្នុងរូបភាពដែលថតដោយយោធាថៃ ផ្តល់ឲ្យReuters បានបង្ហាញថា មីនទាំងនេះទើបស្ថិតនៅក្នុងដីអស់រយៈពេលជាងពីរបីខែប៉ុណ្ណោះ ហើយស្ថានភាពមីននោះ គឺជាមីនថ្មី។

ទាក់ទងនឹងបញ្ហាមីននេះ ថៃបានចោ.ទប្រកាន់កម្ពុជាពីការដាំគ្រាប់មីនថ្មីនៅតាមព្រំដែន ខណៈខាងកម្ពុជាធ្លាប់បញ្ជាក់ជាច្រើនសារមកហើយថា កម្ពុជាក្នុងនាមជារដ្ឋភាគីនៃអនុសញ្ញាអូតាវ៉ា និងជាប្រទេសដែលរងគ្រោះដោយសារសំណល់ជាតិផ្ទុះក្នុងសង្រ្គាមដ៏រ៉ាំរ៉ៃកន្លងមក កម្ពុជាប្ដេជ្ញាមិនប្រើប្រាស់មីនថ្មីប្រឆាំងមនុស្សជាដាច់ខាត។

យ៉ាងណាក៏ដោយ ភ័ស្តុតាងដែលត្រូវបានពិនិត្យដោយអ្នកឯកទេសមីនបង្ហាញថា គ្រឿងផ្ទុះដែលត្រូវបានកំណត់ថាជាមីនប្រឆាំងមនុស្ស PMN-2 រកឃើញនៅតាមព្រំដែនកម្ពុជា-ថៃនោះ ហាក់ដូចជាត្រូវបានដាក់ពង្រាយក្នុងពេលថ្មីៗ ដោយវាមិនទំនងជាមីនដែលសល់ពីសម័យសង្រ្គា.មកន្លងមកនោះទេ។

ដូច្នេះសរុបមក បើមីន PMN-2 ដែលបានរកឃើញទាំងនេះគឺជាមីនថ្មី តើវាជាមីនថ្មីដែលភាគីខាងណាជាអ្នកបង្កប់?

ប្រទេសថៃ ៖ ក្រុមផ្តាច់ខ្លួនភាគខាងត្បូងប្រទេសថៃបានបង្កសកម្មភាពអសន្តិសុខជាបន្តបន្ទាប់ ដោយការបំផ្ទុះគ្រា.ប់បែ.កនៅទីសាធារណៈ ទីប្រជុំជន រថយន្តសមត្ថកិច្ច និងបា.ញ់តដៃជាមួយសមត្ថកិច្ច ដែលនេះជាបញ្ហាប្រឈមរបស់រដ្ឋាភិបាលថៃជាច្រើនឆ្នាំមកហើយ ។ ការបំផ្ទុះគ្រា.ប់បែ.កលើកនេះកើតឡើងក្នុងហាងលក់តែមួយកន្លែងនៅខេត្តណារ៉ាធិវ៉ាត ដែលបណ្តាលឱ្យសមត្ថកិច្ច និងពលរដ្ឋរងរបួសជាច្រើននាក់ បើតាមការសន្និដ្ឋានរបស់សមត្ថកិច្ច គឺជនល្មើសកំណត់គោលដៅលើសមត្ថកិច្ច ។

តាមការចុះផ្សាយរបស់សារព័ត៌មាន Khaosod ឱ្យដឹងថា នៅថ្ងៃទី១៦ ខែតុលា ឆ្នាំ២០២៥ ក្រុមផ្តាច់ខ្លួនភាគខាងត្បូងបានបំផ្ទុះគ្រាប់បែកក្នុងហាងលក់តែមួយកន្លែងនៅខេត្តណារ៉ាធិវ៉ាត បណ្តាលឱ្យសមត្ថកិច្ចរងរបួស៣នាក់ និងពលរដ្ឋរងរបួស៦នាក់ ។ តាមការសន្និដ្ឋានរបស់សមត្ថកិច្ច គឺក្រុមផ្តាច់ខ្លួនភាគខាងត្បូងបំផ្ទុះគ្រាប់បែកក្នុងគោលបំណងសម្លា.ប់សមត្ថកិច្ចដែលយាមល្បាតតាមផ្លូវពេលព្រឹក ។

ហេតុការណ៍នេះកើតឡើងក្នុងហាងលក់តែមួយកន្លែងនៅភូមិ១ ឃុំយីង៉ ស្រុកយីង៉ ខេត្តណារ៉ាធិវ៉ាត ដែលហាងនេះស្ថិតនៅតាមបណ្តោយផ្លូវធំ ក្បែរវត្តយីង៉ ។ ការបំផ្ទុះគ្រាប់បែកលើកនេះធ្វើឱ្យរងរបួសទាំងសមត្ថកិច្ច ទាំងពលរដ្ឋ ដែលមកអង្គុយក្នុងហាង ។

មុនពេលកើតហេតុ សមត្ថកិច្ចបានយាមល្បាតដើម្បីរក្សាសុវត្ថិភាពនៅតាមផ្លូវ និងមើលខុសត្រូវសណ្តាប់ធ្នាប់ក្នុងតំបន់ ព្រមទាំងមានពលរដ្ឋជាច្រើននាក់មកអង្គុយផឹកតែក្នុងហាង ភ្លាមនោះ ក៏ឮសំឡេងគ្រាប់បែកផ្ទុះយ៉ាងខ្លាំង និងចេញផ្សែង ។ របស់របរក្នុងហាងជាច្រើន រួមមាន ៖ តុ កៅអី ត្រូវខ្ចាត់ខ្ចាយខូចខាតបន្ទាប់មក សមត្ថកិច្ច និងពលរដ្ឋថៃដែលរងរបួសទាំងអស់ត្រូវបានបញ្ជូនទៅមន្ទីរពេទ្យ ។

ក្រោយកើតហេតុ មន្ត្រីជំនាញផ្នែកកម្ចាត់អាវុធជាតិផ្ទុះ (EOD) ព្រមទាំងមន្ត្រីពិនិត្យភស្តុតាងបានមកពិនិត្យនៅបរិវេណជុំវិញហាងលក់តែ ហើយសន្និដ្ឋានថា ជនល្មើសបានដាក់គ្រាប់បែកកំណត់គោលដៅលើសមត្ថកិច្ច ពីព្រោះសមត្ថកិច្ចឆ្លងកាត់បរិវេណនេះពេលល្បាត ។ សមត្ថកិច្ចបានបិទរបាំងដើម្បីប្រមូលភស្តុតាង រួមទាំងឆែកកាមេរ៉ាសុវត្ថិភាពក្បែរកន្លែងកើតហេតុដើម្បីកំណត់មុខសញ្ញាជនល្មើស ។

ការបំផ្ទុះគ្រាប់បែកបង្កការភ្ញាក់ផ្អើលដល់ពលរដ្ឋ ដោយសារសមត្ថកិច្ច និងពលរដ្ឋជាច្រើនតែងតែចូលមកអង្គុយក្នុងហាងតែពេលព្រឹក ។ សមត្ថកិច្ចនឹងបង្កើនវិធានការសុវត្ថិភាព ព្រមទាំងជំរុញការស៊ើបអង្កេតតាមចាប់ខ្លួនជនល្មើសមកដាក់ទោសតាមច្បាប់ ៕