ប្រទេសចិន៖ ទន្តបណ្ឌិស្រីដ៏ស្រស់ស្អាតមួយរូបបានធ្វើការថតឃ្លីបបង្ហោះអំពីសកម្មភាពនៃ “ការដកធ្មេញទាល់ដោយខ្លួនឯង” ដោយសង្ឃឹមថាការដកធ្មេញខ្លួនឯងនេះនឹងបង្កើនភាពក្លាហានដល់អ្នកជំងឺដែលមានការភ័យខ្លាច និងរអាមិនហានដកឱ្យគិតវិជ្ជមានវិញ និងមិនឈឺចាប់ដូចជាការគិត  ប៉ុន្តែផ្ទុយទៅវិញសកម្មភាពនេះបានធ្វើឱ្យអ្នកលេងក្នុងបណ្ដាញសង្គមយល់ថាវារឹតតែ្វធ្វើឱ្យមានអារម្មណ៍កាន់តែគួរឲ្យខ្លាចទៅវិញ។

កាលពីថ្ងៃទី ៧ ខែវិច្ឆិកា ឆ្នាំ ២០២២ ទន្តបណ្ឌិតស្រីម្នាក់មកពីទីក្រុង Zhengzhou ខេត្ត Henan ប្រទេសចិន បានបញ្ចេញវីដេអូឃ្លីបនៃការដកធ្មេញរបស់នាងចេញ ដោយសង្ឃឹមថានឹងប្រើឃ្លីបនេះដើម្បីលើកទឹកចិត្តអ្នកនិយមលេងអ៊ីនធឺណិត ឬអ្នកជំងឺដែលខ្លាចការដកធ្មេញ ព្រោះការដកធ្មេញមិនឈឺដូចអ្នកគិតទេ។

ក្នុងនោះបើយោងតាម Star Video ទន្តបណ្ឌិតបាននិយាយថានាងធ្លាប់ឃើញគ្រូពេទ្យបរទេសដកធ្មេញរបស់នាងពីមុនមក ហើយនាងចង់ព្យាយាមធ្វើតាមវាម្តងទៀត ព្រមបានភ្ជាប់សរសេរសារយ៉ាងដូច្នេះថា៖

“ខ្ញុំនឹងដកធ្មេញទាល់របស់ខ្ញុំចេញ ដូច្នេះខ្ញុំក៏បានថតឃ្លីបនេះផងដែរ» ដោយសង្ឃឹមថាវានឹងលើកទឹកចិត្តអ្នកដែលនៅតែស្ទាក់ស្ទើរក្នុងការសម្រេចចិត្តមកធ្វើការដកធ្មេញទាល់ចេញ ព្រោះការទៅជួបពេទ្យធ្មេញគឺជាសុបិន្តអាក្រក់សម្រាប់មនុស្សមួយចំនួនអ្នកដែលមិនមានភាពក្លាហានដកធ្មេញចេញ។ ហើយអ្នកជំងឺទាំងអស់ប្រហែលជានឹងមានភាពក្លាហានមកវិញ ក្រោយពេលមើលឃ្លីបនេះហើយ ថាការដកធ្មេញមិនគួរឲ្យខ្លាចដូចអ្នកគិតនោះទេ”។

យ៉ាងណាមិញក្រោយពីមានការបង្ហោះឃ្លីបរបស់អ្នកគ្រូពេទ្យយ៉ាងព្រោងព្រាត ស្រាប់តែអ្នកនិយមលេងអ៊ីនធឺណិត បាននិយាយភាពក្លាហានរបស់នាងបានធ្វើ ឱ្យវាកាន់តែភ័យខ្លាចលើសដើម ព្រមទាំងបានបញ្ចេញមតិយ៉ាងដូច្នេះថា៖

“និយាយមួយម៉ាត់ទៅ វាពិតជាគ្រោះថ្នាក់ខ្លាំងណាស់ ហើយធ្មេញខ្លះជាប់នឹងសរសៃប្រសាទផងដែរ”។

“ឈឺណាស់មើលទៅកុំមើលអី”

“ក្លាហានណាស់”

“កុំចេះតែរៀនពេទ្យ មានធ្មេញទាល់ជាច្រើនប្រភេទខ្លះ ហើយធ្មេញខ្លះមិនត្រូវដកទេ ខ្ញុំខ្លាចថាខ្ញុំនឹងស្លាប់ប្រសិនបើខ្ញុំគ្មានសំណាង»

“ប៉ុន្តែនៅពេលដែលថ្នាំស្ពឹកអស់សុពលភាព នៅពេលយប់ អញ្ចាញធ្មេញឈឺខ្លាំងណាស់”៕ ប្រភព៖ Sanook

អន្តរជាតិ៖ សារព័ត៌មាន អ៊ីនធើហ្វេច (Interfax) បានដកស្រង់សម្តីប្រធានាធិបតីរុស្ស៊ី លោកពូទីន ដែលបានប្រកាសថា ក្នុងចំណោមទាហាន៣១៨ពាន់នាក់ដែលទើបតែចូលថ្មីកន្លងមក ក្នុងនោះមាន៨សែននាក់ស្ថិតនៅក្នុងតំបន់សមរភូមិពិសេសក្នុងប្រទេសអ៊ុយក្រែន។

ប្រធានាធិបតីពូទីនបញ្ជាក់ថា ក្នុងចំណោមទាហាន៨ម៉ឺននាក់ដែលបានជ្រើសរើសនៅក្នុងតំបន់សមរភូមិនៃប្រទេសអ៊ុយក្រែន ក្នុងនោះមាន៥ម៉ឺននាក់បានកាន់អាវុធចូលរួមក្នុងសង្គ្រាមហើយ នៅសល់តែ៣ម៉ឺននាក់មិនទាន់ចូលរួម ដោយបន្តហ្វឹកហាត់នៅក្នុងជំរំរបស់រុស្ស៊ី។ នៅពេលនេះរុស្ស៊ីក៏មិនបានបញ្ជាក់ពីចំនួនទាហានប៉ុន្មានដែលកំពុងធ្វើសង្គ្រាមដោយផ្ទាល់នៅអ៊ុយក្រែននោះឡើយ។

ក្នុងពេលនេះដែរ អាមេរិកបានបញ្ចូនសម្ភារសឹករហូតដល់ទៅ ៨៤ពាន់តោនទៅកាន់តំបន់អឺរ៉ុបនិងបន្តទៅកាន់អ៊ុយក្រែន ។ សម្ភារសឹកទាំងនោះត្រូវបានដឹកជញ្ជូនតាមយន្តហោះចំនួន៨៤៥ជើង តាមនាវា៤៧គ្រឿង តាមរថភ្លើង ១១៤ជើង និងរថយន្តដឹកទំនិញ ៣៤០០គ្រឿង ដឹកជញ្ជូនសម្ភារសឹកទៅកាន់អឺរ៉ុប។
អាវុធទាំងនោះបានដឹកជញ្ជូនទៅកាន់អឺរ៉ុប ក្នុងនោះមានអាវុធជាច្រើនបានបញ្ជូនទៅអ៊ុយក្រែន ។ ជាក់ស្តែងមានទាហាន១៦ពាន់នាក់ ប្រព័ន្ធអាវុធជាង៦៣ពាន់ដើមសម្រាប់ប្រឆាំងរថក្រោះ និងគ្រាប់រំសេវជាង១លានគ្រាប់។ ជាមួយគ្នានេះក៏មានគ្រាប់កាំភ្លើងគ្រប់ប្រភេទមានជាង៦៨លានគ្រាប់ផងដែរ ៕

បរទេស៖ ជាអកុសល មានឧបទ្ទវហេតុធ្លាក់យន្តហោះដឹកអ្នកដំណើរ Precision Air ដែលបានធ្លាក់នៅបឹង Victoria បណ្ដាលឱ្យមានមនុស្សចំនួន១៩នាក់បានបាត់បង់ជីវិត ក្នុងចំណោមអ្នកដំណើរចំនួន៣៩នាក់ និងអ្នកបើកបរចំនួន២នាក់ព្រមទាំង អ្នកបម្រើលើយន្តហោះ២នាក់ផ្សេងទៀត។

កាលថ្ងៃទី ៧ ខែវិច្ឆិកាឆ្នាំ ២០២២ ទីភ្នាក់ងារសារព័ត៌មានបរទេស BBC បានរាយការណ៍ពីដំណើរការនៃសោកនាដកម្មយន្តហោះដឹកអ្នកដំណើរ របស់ក្រុមហ៊ុនអាកាសចរណ៍ Precision Air ក្នុងប្រទេសតង់ហ្សានី ដែលមានអ្នកដំណើរ ៣៩ នាក់ អ្នកបើកយន្តហោះ ២ នាក់ និង អ្នកបម្រើ ២នាក់  រួមទាំងអស់ ៤៣ នាក់នៅលើយន្តហោះ ដោយបានធ្វើដំណើរទិសដៅចេញពីទីក្រុង Dar es Salaam ជាទីក្រុងសេដ្ឋកិច្ចធំបំផុតរបស់ប្រទេសតង់ហ្សានី គ្រោងទៅកាន់ព្រលានយន្តហោះ Bukoba នៅព្រឹកថ្ងៃទី ៦ ខែវិច្ឆិកា កន្លងទៅ។

ខណៈកំពុងតែធ្វើដំណើរដោយមានរយៈចម្ងាយពីព្រលានត្រឹមតែ ៩០ម៉ែតពីផ្លូវចុះចតក្នុងព្រលានយន្តហោះ Bukoba  ក៏ដោយ ប៉ុន្តែជាអកុសល ស្រាប់តែយន្តហោះបានធ្លាក់ក្នុងបឹង Victoria ដែលជាបឹងទឹកសាបដ៏ធំបំផុតរបស់ប្រទេសតង់ហ្សានី ខណៈពេលដែលយន្តហោះកំពុងព្យាយាមចុះចតនៅអាកាសយានដ្ឋានមួយនេះ ចំពេលអាកាសធាតុកំពុងអាក្រក់ មានព្យុះផ្គររន្ទះ។ ជាលទ្ធផលឧបទ្ទវហេតុនេះបណ្តាលឱ្យមនុស្សយ៉ាងតិច ១៩ នាក់បានបាត់បង់ជីវិត។

យ៉ាងណាមិញលោក Patrick Mwanree នាយកប្រតិបត្តិក្រុមហ៊ុនអាកាសចរណ៍ Precision Air  បានធ្វើសេចក្តីថ្លែងការណ៍ មួយកាលពីល្ងាចថ្ងៃអាទិត្យ និងសម្ដែងការសោកស្ដាយចំពោះឧបទ្ទវហេតុ ដោយបញ្ជាក់ថាមនុស្ស ២៤នាក់ បានរួចរស់ជីវិតពីការធ្លាក់យន្តហោះ ​ប៉ុន្តែជាអកុសលអ្នកបើកយន្តហោះពីរនាក់បានជាប់នៅក្នុងកាប៊ីន បន្ទាប់ពីយន្តហោះបានធ្លាក់ក្នុងបឹង និងបានបាត់បង់ជីវិតក្នុងចំណោមអ្នកដំណើរបាត់បង់ជីវិតចំនួន១៧នាក់ផ្សេងទៀត៕ ប្រភព៖ Thairath

អន្តរជាតិ៖ ទីភ្នាក់ងារណាសា (NASA) បានបញ្ជាក់ថា ខ្លួននឹងចាប់ផ្តើមបេសកកម្មនៅឆ្នាំ២០២៣ ដើម្បីរុករកអាចម៍ផ្កាយមួយ ដែលមានតម្លៃរហូតដល់ទៅ ១០,០០០ ក្វាទ្រីលានដុល្លារ ($10,000,000,000,000,000,000,000) ដែលគ្រប់គ្រាន់ក្នុងការធ្វើឱ្យមនុស្សគ្រប់គ្នានៅលើផែនដីក្លាយជាមហាសេដ្ឋីបាន។ បេសកកម្ម សាយឃី (Psyche) មានគោលបំណងស្ទាបស្ទង់មើលអាចម៍ផ្កាយ Psyche ដែលសម្បូរដោយលោហធាតុទំហំ ១៤០ម៉ាយ ដែលកំពុងធ្វើដំណើរជុំវិញព្រះអាទិត្យរវាងភពអង្គារ និងភពព្រហស្បតិ៍។ យោងតាមមន្ទីរពិសោធន៍ ជេតប្រផូលសិន ឡាប្រេថូរី (Jet Propulsion Laboratory)​ របស់ណាសាបានឱ្យដឹងថា អាចម៍ផ្កាយមួយនេះមានលក្ខណៈប្លែកពីគេ ដោយសារវាមើលទៅដូចជា «ស្នូលដែក-នីកែលរបស់ភពផែនដីពេលកកើតដំបូង»។

អាចម៍ផ្កាយ Psyche (សាយឃី) ត្រូវបានផ្សំឡើងពីវត្ថុធាតុស្រដៀងនឹងវត្ថុដែលរកឃើញនៅក្នុងស្នូលរបស់ផែនដី ដោយទស្សនាវដ្តី ហ្វត (Forbes)​​ បានរាយការណ៍ថា ស្នូលនេះត្រូវបានគេគិតថា មានជាតិដែក នីកែល និងមាស ដែលមានតម្លៃរហូតដល់ ១០,០០០ ក្វាទ្រីលានដុល្លារ។ ទស្សនាវដ្តីនេះក៏បានពន្យល់ពីមុនពីរបៀបដែលថា ប្រសិនបើមាននរណាម្នាក់អាចយកអាចម៍ផ្កាយនោះបាន នោះភាពមហាសាលរបស់ពួកគេអាចនឹងធ្វើឱ្យ «សេដ្ឋកិច្ចរបស់ផែនដីដែលមានតម្លៃប្រហែល ៧៤ ក្វាទ្រីលានដុល្លារត្រូវដួលរលំ» ផងដែរ។

ជម្រាបដែរថា បេសកកម្មរបស់ណាសា គ្រោងនឹងបាញ់បង្ហោះនៅដើមឆ្នាំនេះ ប៉ុន្តែទីភ្នាក់ងារអវកាសនេះបាននិយាយថា ខ្លួនខកខានដោយសារ «បញ្ហានៃការអភិវឌ្ឍន៍បេសកកម្ម» ដែលនាំឱ្យមានការពិនិត្យឡើងវិញផ្ទៃក្នុងថា តើបេសកកម្មនឹងអាចជម្នះបញ្ហាទាំងនេះ ដើម្បីបាញ់បង្ហោះវាដោយជោគជ័យ ឬយ៉ាងណានៅឆ្នាំ២០២៣។ ខណៈពេលដែលក្រុមប្រឹក្សាត្រួតពិនិត្យឯករាជ្យនៅតែបញ្ចប់របាយការណ៍របស់ខ្លួន ទីភ្នាក់ងារណាសាបានបញ្ជាក់ថា បេសកកម្ម Psyche នៅតែដំណើរការទៅមុខជានិច្ច ហើយឥឡូវនេះ កំពុងកំណត់គោលដៅរយៈពេលនៃការបាញ់បង្ហោះថ្មី ដែលនឹងធ្វើឡើងនៅថ្ងៃទី១០ ខែតុលា ឆ្នាំ២០២៣៕

រដ្ឋធានីកៀវ៖ នៅទីបំផុត ក្រុងតេអ៊ីរ៉ង់ បានសារភាព អំពីការផ្គត់ផ្គង់គ្រឿងសព្វាវុធ ទៅឲ្យក្រុងមូស្គូ ប៉ុន្ដែក្រុងកៀវ នៅតែព្រមាន អំពីផលវិបាកនានា ជុំវិញការកុហក ពីកាលបរិច្ឆេទផ្គត់ផ្គង់គ្រឿងចម្បាំង ជាពិសេស ដ្រូនវាយប្រហារ ទៅឲ្យរុស្ស៊ី ។

សារព័ត៌មាន News 24 បានចេញផ្សាយ កាលពីព្រឹក ថ្ងៃអាទិត្យ ទី៦ ខែវិច្ឆិកា ថា អ៊ុយក្រែន បានអះអាង ថា អ៊ីរ៉ង់ កំពុងតែកុហក អំពីពេលវេលាផ្គត់ផ្គង់ដ្រូន ទៅឲ្យប្រទេសរុស្ស៊ី និង បានព្រមាន អំពីផលវិបាកនានាផងដែរ។ ក្រុងកៀវ បានធ្វើអត្ថាធិប្បាយបែបនេះ ក្រោយពេលក្រុងតេអ៊ីរ៉ង់ បានទទួលស្គាល់ ជាលើកដំបូង ថា អ៊ីរ៉ង់ បានបញ្ជូនដ្រូនជាច្រើនគ្រឿង ទៅឲ្យរុស្ស៊ី ដោយសារតែក្រុងមូស្គូ បានទទួចសុំឲ្យផ្ដល់ដ្រូនទាំងនោះ នៅមុនការផ្ទុះសង្គ្រាមឈ្លានពាន កាលពីថ្ងៃទី២៤ ខែកុម្ភៈ។

អ្នកនាំពាក្យ ក្រសួងការបរទេសអ៊ុយក្រែន កាលពីថ្ងៃសៅរ៍ បានព្រមានដល់អ៊ីរ៉ង់ នៅលើបណ្ដាញសង្គមហ្វេសប៊ុក ថា «ផលវិបាកយ៉ាងស្មុគស្មាញ ជាមួយនឹងក្រុងមូស្គូ នឹងធ្ងន់ធ្ងរជាងផលប្រយោជន៍របស់អ៊ីរ៉ង់ ទទួលបានមក ពីកិច្ចគាំទ្ររបស់រុស្ស៊ី ទៅទៀត»។

ការព្រមានរបស់ក្រុងកៀវ បានកើតឡើង ក្រោយពេលអ៊ីរ៉ង់ កាលពីថ្ងៃសៅរ៍ បានទទួលស្គាល់ ជាលើកដំបូង ថា ក្រុងតេអ៊ីរ៉ង់ បានបញ្ជូនយន្តហោះគ្មានមនុស្សបើក ឬ ដ្រូន មានចំនួនតិចតួច ទៅឲ្យប្រទេសរុស្ស៊ី។ ប៉ុន្តែក្រុងតេអ៊ីរ៉ង់ បានលើកឡើង ថា អ៊ីរ៉ង់ បានផ្គត់ផ្គង់ដ្រូនវាយប្រហារ ទៅឱ្យសម្ពន្ធមិត្តរបស់ខ្លួន មុនពេលការឈ្លានពានរបស់ក្រុងមូស្គូ ទៅលើប្រទេសអ៊ុយក្រែន។

ថ្វីបើក្រុងតេអ៊ីរ៉ង់ បានសារភាពយ៉ាងដូច្នេះក្ដី ប៉ុន្ដែក្រុងកៀវ និង សម្ពន្ធមិត្តបស្ចិមលោក បានចោទប្រកាន់ដល់រុស្ស៊ី អំពីការប្រើប្រាស់ដ្រូន ផលិតដោយអ៊ីរ៉ង់ នៅក្នុងរយៈពេលប៉ុន្មានសប្ដាហ៍ថ្មីៗនេះ យកមកវាយប្រហារ ទៅលើប្រទេសអ៊ុយក្រែន។

រហូតមកដល់ពេលនេះ ក្រុងតេអ៊ីរ៉ង់ នៅតែច្រានចោលការចោទប្រកាន់ជាដដែលៗ ប៉ុន្ដែកាលពីថ្ងៃសៅរ៍ លោក ហូសសេន អាមៀរ អាបដូលឡាហៀន (Amir-Abdollahian) រដ្ឋមន្រ្ដីក្រសួងការបរទេសអ៊ីរ៉ង់ ត្រូវបានដកស្រង់សម្ដី ដោយអះអាង ថា ដ្រូនរបស់អ៊ីរ៉ង់ មួយចំនួន ត្រូវបានបញ្ជូន ទៅកាន់ប្រទេសរុស្ស៊ី នៅមុនសង្គ្រាមផ្ទុះឡើង នៅថ្ងៃទី២៤ ខែកុម្ភៈ។

ទីភ្នាក់ងារសារព័ត៌មានផ្លូវការ គ្រប់គ្រងដោយរដ្ឋអ៊ីរ៉ង់ IRNA បានដកស្រង់សម្ដីរបស់លោក Amir-Abdollahian ដោយបានថ្លែង ថា «យើងបានផ្គត់ផ្គង់ដ្រូនមួយចំនួន ទៅឲ្យប្រទេសរុស្ស៊ី អស់រយៈពេលជាច្រើនខែ មុនការផ្ទុះសង្គ្រាម នៅអ៊ុយក្រែន»។

លោក វ៉ូឡូឌីមៀ ហ្សេឡែនស្គី (Volodymyr Zelensky) ប្រធានាធិបតីអ៊ុយក្រែន កាលពីថ្ងៃសៅរ៍ បានចោទប្រកាន់ក្រុមមន្រ្ដីអ៊ីរ៉ង់ អំពីការកុហក ជុំវិញការបញ្ជូនដ្រូនអត្ដឃាត ទៅឲ្យក្រុងមូស្គូ។

លោកប្រធានាធិបតី បានសង្កត់ធ្ងន់ ថា «ឥឡូវ អ៊ីរ៉ង់ បានសម្រេចចិត្តសារភាព ថា ក្រុងតេអ៊ីរ៉ង់ បានផ្គត់ផ្គង់យន្តហោះគ្មានមនុស្សបើក ឬ ដ្រូន សម្រាប់ភេរវកម្មរបស់រុស្ស៊ី។ ប៉ុន្តែសូម្បីតែ នៅក្នុងពេលសារភាពនេះ ក៏ពួកគេនៅតែកុហកបន្ដទៀត។ ជារៀងរាល់ថ្ងៃ កងទ័ពការពារទឹកដីរបស់យើង បានបាញ់ទម្លាក់ដ្រូនរបស់អ៊ីរ៉ង់ យ៉ាងតិច១០គ្រឿង។ ប៉ុន្ដែរបបគ្រប់គ្រង នៅអ៊ីរ៉ង់ នៅតែអះអាង ថា ក្រុងតេអ៊ីរ៉ង់ បានផ្ដល់ដ្រូនឲ្យរុស្ស៊ី មានចំនួនតិចតួច ហើយការផ្ដល់ឲ្យនេះ គឺតាំងពីមុនការចាប់ផ្ដើមសង្គ្រាមទ្រង់ទ្រាយធំ»។

អស់ជាច្រើនសប្តាហ៍កន្លងមកហើយ កម្លាំងទាហានរុស្ស៊ី បានបាញ់មីស៊ីលយ៉ាងសន្ធាប់ និង ប្រើប្រាស់ដ្រូនអត្ដឃាត វាយប្រហារ ទៅលើហេដ្ឋារចនាសម្ព័ន្ធសំខាន់ៗ នៅក្នុងប្រទេសអ៊ុយក្រែន ខណៈការវាយលុក កាន់តែខ្លាំងពីកងទ័ពការពារទឹកដីរបស់អ៊ុយក្រែន ដោយសារការទទួលគ្រឿងសព្វាវុធ មកពីបណ្ដាប្រទេសលោកខាងលិច រហូតបានវាយរុញច្រានកងទ័ពរុស្សី ឱ្យដកទ័ពថយ ចេញពីតំបន់នានា នៅក្នុងប្រទេសអឺរ៉ុបខាងកើត ដែលកំពុងតែហែកហួរដោយសារសង្គ្រាម។

ការវាយប្រហាររបស់រុស្ស៊ី នៅក្នុងរយៈពេលប៉ុន្មានខែកន្លងមកនេះ បានបំផ្លិចបំផ្លាញស្ថានីយថាមពលរបស់អ៊ុយក្រែន អស់ប្រហែលមួយភាគបី។ ដោយឡែក រដ្ឋាភិបាលក្រុងកៀវ បានជំរុញឱ្យប្រជាជនអ៊ុយក្រែន សន្សំសំចៃថាមពលអគ្គិសនី ឱ្យបានច្រើន តាមអ្វីដែលអាចធ្វើទៅបាន ខណៈរដូវរងាចូលមកដល់។

ក្រុងកៀវ បានអះអាង ពីដ្រូនរបស់អ៊ីរ៉ង់ ប្រហែល៤០០គ្រឿង ត្រូវបានប្រើប្រាស់រួចមកហើយ ដើម្បីប្រឆាំងនឹងប្រជាជនស៊ីវិលអ៊ុយក្រែន ខណៈ ក្រុងមូស្គូ បានបញ្ជាទិញដ្រូន ប្រហែល២០០០គ្រឿង។

ជាមួយនឹងការចោទប្រកាន់ ពីអ៊ុយក្រែន ផងនោះ ចក្រភពអង់គ្លេស និង សហភាពអឺរ៉ុប បានដាក់ទណ្ឌកម្ម ប្រឆាំងនឹងក្រុមឧត្ដមសេនីយ៍កំពូលៗរបស់អ៊ីរ៉ង់ ចំនួន៣នាក់ និង បានចោទប្រកាន់ដល់ក្រុមហ៊ុនផលិតគ្រឿងសព្វាវុធរបស់ប្រទេសមជ្ឈិមបូព៌ាមួយនេះ អំពីការផ្គត់ផ្គង់ដ្រូន ទៅឲ្យប្រទេសរុស្ស៊ី។ បច្ចុប្បន្ន កងទ័ពការពារទឹកដីរបស់ក្រុងកៀវ និង កម្លាំងទាហានរុស្ស៊ី កំពុងតែបង្កើនការវាយប្រយុទ្ធគ្នាយ៉ាងខ្លាំង នៅតំបន់ឃើរសុន(Kherson) ជាទីក្រុងយុទ្ធសាស្រ្ដដ៏សំខាន់របស់អ៊ុយក្រែន ស្ថិតនៅភាគខាងត្បូងប្រទេស ដែលមានប្រជាជនរស់នៅ ប្រហែល ២៨៨ ០០០នាក់ នៅមុនការផ្ទុះសង្គ្រាម នាថ្ងៃទី២៤ ខែកុម្ភៈ៕

ដូចដែលយើងដឹងស្រាប់ហើយថា ថ្មីៗនេះ Samsung បានបង្ហាញអោយឃើញពីវាទូរស័ព្ទជាង ២៦០ លានគ្រឿងត្រូវបានលក់នៅទូទាំងពិភពលោក ហើយ Samsung បានបង្ហាញពីមហិចតាគ្រោងនឹងចែកចាយទូរស័ព្ទចំនួន ២៧០ លានគ្រឿងនៅឆ្នាំក្រោយ។

ទោះជាយ៉ាងណាក៏ដោយ បើទោះបីជាគោលដៅលក់នៅឆ្នាំនេះត្រឹមតែ ២៦០ លានគ្រឿងសម្រាប់ក្រុមហ៊ុន Samsung  ប៉ុន្តែនៅឆ្នាំក្រោយ Samsung មានបំណងកើនឡើង ១០ លានគ្រឿងបន្ថែម ពោលគឺលក់ឱ្យបាន២៧០លានគ្រឿង។ ដោយក្នុងនោះគោលដៅត្រូវបានគេនិយាយថាក្រុមហ៊ុននឹងផ្តោតលើទូរស័ព្ទដៃដែលអាច”បត់បាន” ឱ្យបានច្រើនតាមដែលអាចអ្វើទៅបាន ហើយក្រុមហ៊ុនបានរំពឹងទុកថានឹងបង្កើតប្រាក់ចំណេញកាន់តែច្រើនក្នុងការលក់រួម។

ជាមួយគ្នានោះផែនការមួយក្នុងចំនោមផែនការដែលបានរំពឹងទុកគឺធ្វើយ៉ាងណាឱ្យឧបករណ៍នៃគ្រឿងម៉ាស៊ីន ឬកម្មវិធីដែលមានតម្លៃថោកបំផុត និងមានថាមពលល្អ ក៏ដូចជាមានគុណភាពល្អតាមដែលអាចធ្វើទៅបានសម្រាប់ឆ្នាំក្រោយនេះ។ ព្រមទាំងដើម្បីឱ្យមានសមាមាត្រនៃក្រុម Premium ត្រឹមត្រូវ និងដើម្បីអភិវឌ្ឍម៉ាស៊ីនបត់ឱ្យកាន់តែប្រសើរឡើង។ លើសពីនេះគេរំពឹងថានៅឆ្នាំ ២០២៤ នឹងមានអត្រាកំណើនលើសពី ៨០ភាគរយ ដែលថានឹងធ្វើការចែកចាយឱ្យលើសពី Galaxy S និង Galaxy Z ច្រើនជាង ៦០ លានគ្រឿងនៅកម្រិតកំពូល និងច្រើនជាង ២១០ លានគ្រឿងនៃ Galaxy A Seriesកាលពីកន្លងទៅ។

ទោះជាយ៉ាងណាក៏ដោយ អ្វីដែលគួរឱ្យចាប់អារម្មណ៍អំពី Galaxy Z Flip និង Z Fold នៅឆ្នាំក្រោយ នឹងត្រូវតាមដានសម្រាប់ការរចនាម៉ូតកាន់តែប្រសើរ ប្រើប្រាស់បានយូរជាងមុន និងស្នាមអេក្រង់តិចជាងមុន។

ដូច្នេះចង់ដឹងថាតើពួកគេនឹងអាចផលិតបាននូវគុណភាព ក៏ដូចជាការដាក់លក់ច្រើន ដូចដែលបានរំពឹងទុកដែរឬទេទេ? មានតែរង់ចាំតាមដានបន្ត៕ ប្រភព៖ Sanook