អន្តរជាតិ៖ រដ្ឋាភិបាលរបស់លោកប្រធានាធិបតី Joe Biden គ្រោងនឹងដាក់ក្រុមហ៊ុនផលិតបន្ទះឈីបចិន Yangtze Memory Technologies (YMTC) និងក្រុមហ៊ុនចិនចំនួន ៣៥ផ្សេងទៀតទៅក្នុងបញ្ជីខ្មៅពាណិជ្ជកម្មដែលនឹងរារាំងពួកគេពីការទិញគ្រឿងបន្លាស់មួយចំនួនរបស់អាមេរិក។ នេះបើតាមយោងតាមទីភ្នាក់ងារព័ត៌មានរ៉យទ័រ។

ទីភ្នាក់ងារព័ត៌មានរ៉យទ័របានរាយការណ៍ដោយដកស្រង់សេចក្តីរាយការណ៍របស់ Bloomberg News ថា ក្រសួងពាណិជ្ជកម្មអាមេរិកនឹងបន្ថែមក្រុមហ៊ុនចិនទៅក្នុងបញ្ជីខ្មៅមួយឈ្មោះថា បញ្ជីអង្គភាព (Entity List) នៅដើមសប្តាហ៍នេះ។

នៅពេលដែលក្រុមហ៊ុនមួយត្រូវបានដាក់បញ្ចូលទៅក្នុងបញ្ជី Entity List នេះ ក្រុមហ៊ុនផ្គត់ផ្គង់នៅសហរដ្ឋអាមេរិករបស់ក្រុមហ៊ុននោះ ត្រូវតែទទួលបានអាជ្ញាប័ណ្ណពិសេសជាមុនសិនដើម្បីនាំចេញទំនិញបច្ចេកវិទ្យា សូម្បីទំនិញបច្ចេកវិទ្យាទាប ទៅឱ្យក្រុមហ៊ុនដែលត្រូវបានដាក់បញ្ចូលក្នុងបញ្ជីនេះ។

ក្រុមហ៊ុន YMTC បានបដិសេធធ្វើអត្ថាធិប្បាយ ហើយក្រសួងពាណិជ្ជកម្មអាមេរិកមិនបានឆ្លើយតបភ្លាមៗចំពោះសំណើសុំការអត្ថាធិប្បាយរបស់ទីភ្នាក់ងារព័ត៌មានរ៉យទ័រផងដែរ។

មន្ត្រីក្រសួងពាណិជ្ជកម្មអាមេរិកបានឱ្យដឹងនៅក្នុងសុន្ទរកថាមួយដែលទីភ្នាក់ងារព័ត៌មានរ៉យទ័រទទួលបានកាលពីខែមុនថា ក្រុមហ៊ុនចិនរាប់សិបផ្សេងទៀត រួមទាំងក្រុមហ៊ុន YMTC ផងដែរនោះស្ថិតក្នុងហានិភ័យក្នុងការបញ្ចូលទៅក្នុងបញ្ជីខ្មៅពាណិជ្ជកម្មនៅថ្ងៃទី៦ ខែធ្នូ។

នៅក្នុងខែតុលា អង្គភាពចំនួន៣១ រួមទាំងក្រុមហ៊ុន YMTC ផងដែរត្រូវបានបញ្ចូលទៅក្នុងបញ្ជីក្រុមហ៊ុនមួយដែលមន្ត្រីអាមេរិកមិនអាចមានលទ្ធភាពត្រួតពិនិត្យបាន ដែលបង្កើនភាពតានតឹងជាមួយទីក្រុងប៉េកាំង៕

បរទេស៖ ពិតជារឿងដ៏គួរឱ្យហួសចិត្ត និងក្លាយជាប្រធានបទដ៏ក្ដៅគគុកសម្រាប់មហាជនក្នុងបណ្ដាញសង្គមក្រោយពីមានការបង្ហោះពីគូស្នេហ៍វ័យក្មេងមួយគូនៅក្នុងប្រទេសអេហ្ស៊ីប ដោយកូនក្រមុំមានអាយុត្រឹមតែ១០ឆ្នាំ និងកូនកំលោះមានអាយុ១២ឆ្នាំ ហើយគេដឹងថាអ្នកទាំងពីរជាបងប្អូនជីដូនមួយជាមួយគ្នា ព្រមទាំងបានចាប់ដៃគ្នាសាងគ្រួរសារដោយចិត្ត និងចិត្ត ទាំងវ័យនៅសិក្សា។

កាលពីពេលថ្មីៗនេះមានការចុះផ្សាយពេញទាំងបណ្ដាញសង្គមអំពីគូស្នេហ៍មួយគូបានចាប់ដៃគ្នារៀបការទាំងខ្លួននៅវ័យក្មេង រហូតបង្កការភ្ញាក់ផ្អើលដល់សាធារណៈជនជាច្រើន។

ក្នុងនោះគេដឹងថាគូស្នេហ៍មួយគូនេះ ជាជនជាតិអេហ្ស៊ី ដោយកូនក្រមុំមានអាយុត្រឹមតែ ១០ឆ្នាំ ​និងកូនកំលោះមានអាយុត្រឹមតែ១២ឆ្នាំ ហើយត្រូវបានគេដឹងថាពួកគេគឺជាបងប្អូនជីដូនមួយនឹងគ្នា។

ពិតណាស់ការរៀបការនេះមិនមែនជារឿងក្លែងបន្លំនោះទេតែជារឿងពិត ហើយក្នុងពិធីរៀបការនេះគេបានឃើញកូនក្រមុំស្លៀកឈុតសដ៏ស្រស់ស្អាត ចំណែកកូនកំលោះវ័យក្មេងស្លៀកពាក់ឈុតពណ៌ទឹកប៊ិចយ៉ាងសង្ហា អមដោយទឹកមុខសប្យាយរីករាយ។ ​

ក្នុងនោះគេបានបង្ហើបថាពិធីរៀបការនេះគឺគ្មានការបង្ខិតបង្ខំណាមួយនោះឡើយពួកគេស្រឡាញ់គ្នាដោយចិត្ត និងចិត្ត បន្ថែមពីនោះកូនកំលោះក៏បានរៀបរាប់ថា ខ្លួនពិតជាស្រឡាញ់គ្រួសារឪពុកមាជាខ្លាំងចង់មើលថែគ្រួសាររបស់គាត់ ដូច្នេះទើបសម្រេចចិត្តរៀបការជាមួយប្អូនស្រីជីដូនយកមកធ្វើជាប្រពន្ធ។

យ៉ាងណាក៏ដោយពេលដែលរឿងរ៉ាវបែបនេះត្រូវបានគេចែករំលែក ក៏ទទួលបានការរិះគន់ភ្លាមៗពី សហគមន៍ អនឡាញ ទោះបីជាប្រទេសអេហ្ស៊ីបមិនដាក់ទណ្ឌកម្មព្រហ្មទណ្ឌក៏ សម្រាប់អាពាហ៍ពិពាហ៍ដែលមានអាយុក្រោម ១៨ ឆ្នាំយ៉ាងណាក៏ដោយ តែវាច្បាស់ណាស់ថាកូនទាំងពីរនៅក្មេងពេកក្នុងការបង្កើតគ្រួសាររបស់ពួកគេផ្ទាល់ ពួកគេទាំងពីរនាក់នៅរៀននៅឡើយ ប៉ុន្តែត្រូវទទួលខុសត្រូវចំពោះគ្រួសាររបស់គាត់។

ទោះជាយ៉ាងណាឪពុកម្តាយរបស់កុមារទាំងពីរមិនបានបង្ខំពួកគេឱ្យធ្វើដូច្នេះទេ ហើយនិយាយច្បាស់ ថាគេមានសិទ្ធិសម្រេចចិត្តរៀបការ។

យ៉ាងណាមិញលោក Muhammad Nazmi ប្រធាននាយកដ្ឋានសិទ្ធិកុមារបាននិយាយថា មន្ត្រីក្នុងខេត្ត Al Sharqia បានទៅជួបក្រុមគ្រួសារកុមារដើម្បីពន្យល់ពីកង្វល់នៃការរៀបការមួយនេះ។ ប៉ុន្តែយ៉ាងណា ឪពុកម្តាយបានបញ្ជាក់យ៉ាងដូច្នេះថា ការភ្ជាប់ពាក្យបានកើតឡើងរួចហើយ គោលបំណងសំខាន់របស់ពួកគេគឺដើម្បីផ្សព្វផ្សាយដំណឹងល្អ និងពង្រឹងទំនាក់ទំនងរវាងគ្រួសារទាំងពីរ៕ ប្រភព៖ Sanook

រដ្ឋធានីវ៉ាស៊ីនតោន៖ ជាមួយនឹងការប្រកួតប្រជែងផ្នែកបច្ចេកវិទ្យា កាន់តែតែខ្លាំងឡើងនោះ ធ្វើឲ្យសហរដ្ឋអាមេរិក មានការព្រួយបារម្ភយ៉ាងខ្លាំង អំពីសន្ដិសុខជាតិ ហើយកំពុងតែចាប់ផ្ដើមរឹតបន្ដឹង ដល់ក្រុមហ៊ុនផលិតឈីប និង ក្រុមហ៊ុនផ្សេងៗទៀតរបស់ចិន ដោយមិនអនុញ្ញតឲ្យយកផលិតផលពាក់ព័ន្ធរបស់ខ្លួន ទៅប្រើប្រាស់លើវិស័យយោធា។

សារព័ត៌មាន CNBC បានចេញផ្សាយ កាលពីព្រឹក ថ្ងៃសុក្រ ទី១៦ ខែធ្នូ ថា រដ្ឋបាលរបស់ប្រធានាធិបតីសហរដ្ឋអាមេរិក លោក ចូ បៃដិន (Joe Biden) បានបញ្ជាក់ កាលពីថ្ងៃព្រហស្បតិ៍ ថា ក្រុងវ៉ាស៊ីនតោន បានបន្ថែមអង្គការជាច្រើនរបស់ចិន ភាគច្រើនដាក់ចូលទៅក្នុងបញ្ជីអង្គភាព ដែលមានគោលបំណងដាក់កម្រិត លើកិច្ចខិតខំប្រឹងប្រែង នៅក្នុងការប្រើប្រាស់បច្ចេកវិទ្យាទំនើបៗ សម្រាប់ការធ្វើយោធោបនីយកម្ម ដល់កងទ័ពចិន។

ការិយាល័យឧស្សាហកម្ម និង សន្ដិសុខ នៃក្រសួងពាណិជ្ជកម្ម សហរដ្ឋអាមេរិក បានបញ្ជាក់ ថា ការរៀបចំច្បាប់ដាក់កំហិតថ្មីនេះ ក៏មានគោលបំណង ផ្ដោតទៅលើអង្គភាពជាច្រើនទៀត ពាក់ព័ន្ធជាមួយនឹងរុស្ស៊ី គាំទ្រដល់សកម្មភាពយោធារបស់ក្រុងមូស្គូ ចូលលុកលុយ នៅក្នុងប្រទេសអ៊ុយក្រែន ផងដែរ។ការិយាល័យឧស្សាហកម្ម និង សន្ដិសុខ នៃក្រសួងពាណិជ្ជកម្ម សហរដ្ឋអាមេរិក បានបញ្ជាក់ នៅក្នុងសេចក្តីប្រកាសព័ត៌មានមួយ ថា អង្គភាពចំនួន៣៦ នឹងប្រឈមមុខនឹង«តម្រូវការអាជ្ញាប័ណ្ណដ៏តឹងរ៉ឹង» ដោយរារាំងដល់សិទ្ធិរបស់ពួកគេ ចូលទៅប្រើប្រាស់ទំនិញ, សូហ្វវែរ (Software) និង បច្ចេកវិទ្យាមួយចំនួន ផលិតដោយសហរដ្ឋអាមេរិក រួមទាំងបញ្ញាសិប្បនិម្មិត និង កុំព្យូទ័រកម្រិតខ្ពស់។ សកម្មភាពចុងក្រោយរបស់ការិយាល័យនេះ បានកើតឡើង អស់រយៈពេលជាង២ខែមកនេះ ក្រោយពេលរដ្ឋបាលរបស់ប្រធានាធិបតី បៃដិន បានដាក់ចេញនូវការទប់ស្កាត់ជាថ្មី លើការចូលទៅប្រើប្រាស់ Semiconductors ដ៏ទំនើបរបស់សហរដ្ឋអាមេរិក។

លោក អាឡេន អេស្ដេវ៉ែស (Alan Estevez) អនុរដ្ឋមន្រ្ដី ក្រសួងពាណិជ្ជកម្ម សហរដ្ឋអាមេរិក ទទួលបន្ទុកផ្នែកឧស្សាហកម្ម និង សន្ដិសុខ បានបញ្ជាក់ នៅក្នុងសេចក្ដីប្រកាសព័ត៌មាន ថា វិធានការទាំងនេះ នឹងការពារសន្តិសុខជាតិរបស់សហរដ្ឋអាមេរិក ដោយការកាត់បន្ថយសមត្ថភាពរបស់ក្រុងប៉េកាំង នៅក្នុងការ«ប្រើប្រាស់បញ្ញាសិប្បនិម្មិត, កុំព្យូទ័រកម្រិតខ្ពស់ និង បច្ចេកវិទ្យាដ៏មានអានុភាពផ្សេងៗទៀត ដែលអាចយកទៅប្រើប្រាស់ សម្រាប់ការធ្វើយោធោបនីយកម្ម ដល់កងទ័ពរបស់ចិន និង ការរំលោភបំពានសិទ្ធិមនុស្ស»។

លោក Estevez បានសង្កត់ធ្ងន់ ថា «ការងារនេះ នឹងបន្ត ក៏ដូចជា កិច្ចខិតខំប្រឹងប្រែងរបស់យើង នៅក្នុងការស្វែងរក និង ការបន្ទុកបង្អាក់ ដល់កិច្ចខិតខំប្រឹងប្រែងរបស់រុស្ស៊ី នៅក្នុងការទទួលបានសម្ភារៈចាំបាច់ និង បច្ចេកវិទ្យាទំនើបៗ ហើយវត្ថុផ្សេងៗទៀត សម្រាប់ការជួយដល់សង្គ្រាមដ៏ឃោរឃៅរបស់ក្រុងមូស្គូ ប្រឆាំងនឹងអ៊ុយក្រែន ដោយបូកបញ្ចូល ទាំងប្រទេសអ៊ីរ៉ង់ ផងដែរ»។

ក្រុមហ៊ុនមួយ នៅក្នុងចំណោមក្រុមហ៊ុនចិនទាំងនោះ ត្រូវបានបន្ថែមចូលទៅក្នុងបញ្ជីរឹតបន្ដឹងនោះ គឺក្រុមហ៊ុនសាជីវកម្មបច្ចេកវិទ្យាមេម៉ូរីយ៉ាងហ្សេ (Yangtze Memory Technologies Corporation) ឬ YMTC ដែលជាក្រុមហ៊ុនផលិតឈីបដ៏ធំរបស់ចិន ដែលពីមុន បានបន្ថែទៅក្នុងបញ្ជីមិនផ្ទៀងផ្ទាត់របស់សហរដ្ឋអាមេរិក ដែលជាការកំណត់កម្រិតពាណិជ្ជកម្មមួយផ្សេងទៀត។

លោក ឆាក់ សូម័រ (Chuck Schumer) មេដឹកនាំមតិភាគច្រើន នៃព្រឹទ្ធសភា សហរដ្ឋអាមេរិក បានបញ្ជាក់ នៅក្នុងសេចក្ដីថ្លែងការណ៍មួយ កាលពីថ្ងៃព្រហស្បតិ៍ ថា «ខ្ញុំបានបន្លឺសំឡេងប្រកាសអាសន្ន ជាយូរមកហើយ អំពីការគំរាមកំហែងដល់សន្តិសុខជាតិ និង សេដ្ឋកិច្ចយ៉ាងធ្ងន់ធ្ងរ នៅពីក្រោយក្រុមហ៊ុន YMTC និង ក្រុមហ៊ុនបច្ចេកវិទ្យាផ្សេងៗទៀត គាំទ្រដោយបក្សកុម្មុយនិស្ដចិន (CCP) ដូចជា ក្រុមហ៊ុន CXMT និង ក្រុមហ៊ុន SMIC»។

មេដឹកនាំមតិភាគច្រើន នៃព្រឹទ្ធសភា សហរដ្ឋអាមេរិក បានបន្ថែម ថា «ក្រុមហ៊ុនផលិតឈីប YMTC បង្កការគំរាមកំហែងភ្លាមៗ ដល់សន្តិសុខជាតិរបស់យើង។ ដូច្នេះរដ្ឋបាលរបស់ប្រធានាធិបតីសហរដ្ឋអាមេរិក លោក ចូ បៃដិន (Joe Biden) ចាំបាច់ត្រូវតែធ្វើសកម្មភាពយ៉ាងឆាប់រហ័ស ដើម្បីទប់ស្កាត់ដល់ក្រុមហ៊ុន YMTC មិនឲ្យទទួលបានអត្ថប្រយោជន៍ផ្នែកយោធា ឬ សេដ្ឋកិច្ច សូម្បីតែបន្ដិចបន្ដួច»។

សេចក្ដីប្រកាសព័ត៌មានរបស់ការិយាល័យឧស្សាហកម្ម និង សន្ដិសុខ នៃក្រសួងពាណិជ្ជកម្ម សហរដ្ឋអាមេរិក កាលពីថ្ងៃព្រហស្បតិ៍ បានបញ្ជាក់ ថា ក្រុមហ៊ុនរបស់ចិន ចំនួន៣០ កំពុងតែដាក់បញ្ចូលទៅក្នុងបញ្ជីអង្គភាព សម្រាប់ធ្វើសកម្មភាព ពាក់ព័ន្ធនឹងកិច្ចខិតខំប្រឹងប្រែង ដើម្បីទទួលបានសម្ភារផ្សេងរបស់សហរដ្ឋអាមេរិក យកទៅជួយជ្រោមជ្រែង ដល់ការធ្វើយោធោបនីយកម្មកងទ័ពរបស់ចិន។ ក្រុមហ៊ុនចំនួន៤ទៀត ក៏បានដាក់បញ្ចូលទៅលើសកម្មភាពនានា ដែលអាចនឹងមានផលប៉ះពាល់ជាអវិជ្ជមាន ទៅលើសន្ដិសុខជាតិ សម្រាប់គោលនយោបាយសហរដ្ឋអាមេរិក ផងដែរ។

ថ្វីបើមានការរឹតបន្ដឹង ដល់ក្រុមហ៊ុនរបស់ចិនយ៉ាងនេះក្ដី ក៏រដ្ឋបាលរបស់ប្រធានាធិបតី លោក បៃដិន បានអះអាង ថា ក្រុងវ៉ាស៊ីនតោន នឹងលុបចោលនូវការរឹតបន្តឹងមួយចំនួន លើអង្គភាពចិន សរុប២៥ផងដែរ ដោយសារតែពួកគេបានអនុវត្ត ដោយជោគជ័យ តាមការត្រួតពិនិត្យ និងការផ្ទៀងផ្ទាត់របស់សហរដ្ឋអាមេរិក៕

វិមានក្រឹមឡាំងរបស់ប្រទេសរុស្ស៊ីបានអះអាងថា ប្រព័ន្ធការពារមីស៊ីល ប៉ាទ្រីយ៉ូត (Patriot) នឹងក្លាយជាគោលដៅវាយប្រហារស្របច្បាប់នៃកងកម្លាំងរុស្សុី ប្រសិនបើប្រព័ន្ធមីស៊ីលនេះ ត្រូវបានបញ្ជូនទៅឱ្យអ៊ុយក្រែន ដើម្បីស្ទាក់ចាប់មីស៊ីលរបស់រុស្ស៊ី។

ចំណែកអតីតប្រធានាធិបតីរុស្ស៊ី លោក ឌីមីទ្រី ម៉េដវ៉េដេវ ក្នុងថ្ងៃពុធសប្តាហ៍នេះ ក៏បានព្រមានអង្គការណាតូប្រឆាំងនឹងការផ្តល់ឲ្យអ៊ុយក្រែននូវប្រព័ន្ធការពារមីស៊ីល ប៉ាទ្រីយ៉ូត ផងដែរ ខណៈដែលវិមានក្រឹមឡាំងនឹងចាត់ទុកសកម្មភាពនេះជាការបង្កហេតុ។

បច្ចុប្បន្នទាំងរុស្ស៊ី និងអ៊ុយក្រែនមិនទាន់បានចូលរួមក្នុងកិច្ចពិភាក្សា ដើម្បីបញ្ចប់ការប្រយុទ្ធគ្នា ដែលកំពុងតែក្ដៅគគុកនៅភាគខាងកើត និងខាងត្បូងរបស់អ៊ុយក្រែន ខណៈទីក្រុងម៉ូស្គូបន្តបាញ់មីស៊ីល និងយន្តហោះដ្រូនទៅលើទីតាំងថាមពល និងទឹកនៅទូទាំងប្រទេសអ៊ុយក្រែន រួមទាំងរដ្ឋធានីកៀវផងដែរ។

រុស្សុី បានសង្កត់ធ្ងន់ទៀតថា ការដាក់ពង្រាយប្រព័ន្ធការពារមីស៊ីល ប៉ាទ្រីយ៉ូត នឹងធ្វើឱ្យស្ថានការសង្គ្រាមរុស្សុីអ៊ុយក្រែន កាន់តែអាក្រក់ជាងនេះទៅទៀត៕

ប្រភព៖ The New York Times

បរទេស៖ ក្រុមបេសកកម្មរបស់ប្រទេសន័រវេសប្រកាសពីការរកឃើញដ៏សំខាន់ នៃកប៉ាល់បុរាណដែលបានជួបនូវឧបទ្ទវហេតុលិចកាលពីបុរាណ ការរកឃើញនេះខណៈពេលពួកគេកំពុងរុករកបាតបឹងធំបំផុតរបស់ប្រទេសមួយនេះ។

កាលពីពេលកន្លងទៅថ្មីៗនេះ ខណៈពេលដែលក្រុមអ្នករុករកន័រវេស និងអ្នកបុរាណវិទូកំពុងធ្វើការដើម្បីគូសផែនទីបាតបឹង Mjosa ដែលជាផ្នែកមួយនៃគម្រោងរបស់រដ្ឋាភិបាលន័រវេស ស្រាប់តែពួកគេបានរកឃើញកប៉ាល់លិចនៅបាតបឹងដែលមានលក្ខណៈនៅទ្រង់ទ្រាយដើមទាំងស្រុង។ ហើយត្រូវ បានគេរំពឹងថាកប៉ាល់នេះមានអាយុកាលដល់ ទៅ ៧០០ ឆ្នាំ ដោយសន្មតថាវាត្រូវបានសាងសង់ ឡើងក្នុងអំឡុង ឆ្នាំ គ.ស ១៣០០។

ដោយបំណែកនៃកប៉ាល់ត្រូវបានគេប្រទះឃើញស្ថិតនៅជម្រៅ ១,៣៥០ ហ្វីត រូបភាពពីកាមេរ៉ាក្រោមទឹកបង្ហាញពីរូបរាងរបស់កប៉ាល់ដែលមានប្រវែងប្រហែល ៣៣ ហ្វីត។ ហើយបំណែកបាក់នេះត្រូវ បានគេរកឃើញថានៅតែដដែលស្ទើរតែ ១០០ ភាគរយ ព្រោះបាតបឹងជាតំបន់ដែលរលកជំនោរកម្រ កើតឡើង។ នេះបញ្ជាក់ថាកប៉ាល់ទំនងជាបានស្ថិតនៅក្រោមបឹងជាយូរមកហើយ ព្រោះវាត្រូវ ចំណាយ ពេលរាប់រយឆ្នាំទើបលោហៈអាចរលួយក្រោមទឹកនេះបាន។

យ៉ាងណាមិញរូបភាពពីកាមេរ៉ាក្រោមទឹកបង្ហាញថា សម្ភារៈនៃកប៉ាល់គឺជាឈើ ដោយប្រើបច្ចេកទេសសាងសង់កប៉ាល់នាសម័យ Norse ឬ Viking ដែលមានបន្ទះឈើត្រួតគ្នា។

ជាមួយគ្នានោះលោក Odegaard សន្មត់ថា កប៉ាល់ទំនងជាលិចដោយសារតែខ្យល់មូសុង ព្រោះវាបានលិចនៅកណ្តាលបឹង។ ទោះជាយ៉ាងណាឥឡូវនេះក្រុមការងារត្រូវបានផ្អាកការរុករកជាបណ្ដោះអាសន្នសិន ដោយសារតែអាកាសធាតុអាក្រក់ ហើយក្រុមការងារគ្រោងនឹងត្រឡប់ទៅរុករកម្តងទៀតនៅឆ្នាំក្រោយ នៅពេលដែលអាកាសធាតុប្រសើរឡើង៕ ប្រភព៖ Dailynews