បរទេស៖ អ្នកភូមិយ៉ាងតិច ៣១ នាក់បានបាត់បង់ជីវិតបន្ទាប់ពីផឹកស្រាខុសច្បាប់ដែលមានជាតិពុលដល់រាងកាយ។ ហើយជនរងគ្រោះជាច្រើននាក់ផ្សេងទៀតត្រូវគេបញ្ជូនទៅសម្រាកព្យាបាលនៅមន្ទីរពេទ្យស្ថិតក្នុងស្ថានភាពធ្ងន់ធ្ងរ។

បើតាមមន្ត្រីឥណ្ឌា បានរាយការណ៍ឱ្យដឹងនាថ្ងៃ ទី១៦ ខែធ្នូ ឆ្នាំ២០២២ អ្នកភូមិយ៉ាងតិច ៣១ នាក់បានបាត់បង់ជីវិតបន្ទាប់ពីផឹកស្រាខុសច្បាប់ដែលមានជាតិពុលដល់រាងកាយ។ ក្នុងនោះហេតុការនេះបានកើតឡើងនៅពេលដែលអ្នកភូមិជាបុរសៗនៅក្នុងស្រុក សារ៉ាន់ (Saran) នៃរដ្ឋ បិហារ (Bihar) ចាប់ផ្តើមក្អួតកាលពីថ្ងៃអង្គារ មុនពេលអាការរបស់គេកាន់តែធ្ងន់ធ្ងរទៅៗ។ ក្រោយមកមានបុរសបីនាក់បានស្លាប់ពេលបញ្ជូនទៅមន្ទីរពេទ្យ ហើយជនរងគ្រោះផ្សេងទៀតបានបាត់បងជីវិតជាបន្តបន្ទាប់ពេលកំពុង សម្រាកព្យាបាលនៅមន្ទីរពេទ្យ។

ជាលទ្ធផលប្រព័ន្ធផ្សព្វផ្សាយក្នុងស្រុកបានរាយការណ៍ថាចំនួនអ្នកស្លាប់សរុបដោយសារតែផឹកស្រាពុលនេះបានកើនឡើង ៣១ នាក់ ខណៈបុគ្គលិកមន្ទីរពេទ្យរាយការណ៍បន្ថែមថា មនុស្ស ២២ នាក់ផ្សេងទៀតត្រូវបានធ្វើកោសល្យវិច័យ និងស្ថិតក្នុងស្ថានភាពធ្ងន់ធ្ងរ។

ទន្ទឹមនឹងនោះលោក សាន់ ទូស គូម៉ា (Santosh Kumar) មន្ត្រីប៉ូលិសជាន់ខ្ពស់បាននិយាយថា អាជ្ញាធរមូលដ្ឋានបាននិងកំពុងព្យាយាមបង្ក្រាបហាងលក់ស្រាខុសច្បាប់ ជាច្រើនកន្លែង និងធ្វើការស៊ើបអង្កេត ក្នុងនោះមនុស្សចំនួន ១២៦ នាក់ត្រូវបានចាប់ខ្លួនក្នុងរយៈពេល ៤៨ ម៉ោងបន្ទាប់ពីហេតុការនេះកើតឡើង។

ប្រភពដដែលបានបញ្ជាក់ថាប្រទេសឥណ្ឌាមានច្បាប់ហាមឃាត់ការទិញ ឬលក់ស្រាមានជាធរមាននៅក្នុងរដ្ឋជាច្រើន។ ដូច្នេះហើយវាក៏ជាមូលហេតជំរុញឱ្យទីផ្សារងងឹតសម្រាប់ផលិត ភេសជ្ជៈ ឬស្រាមានជាតិអាល់កុលខ្លាំង មានតម្លៃថោកដែលផលិតនៅក្នុងរោងចក្រចម្រាញ់ផ្លូវងងឹត ដោយមិនមានការគ្រប់គ្រងត្រឹមត្រូវ។

យ៉ាងណាមិញបើតាមសមាគមស្រារបស់ប្រទេសឥណ្ឌាបានបញ្ជាក់ថា ស្រាប្រហែល ៥ ពាន់លានលីត្រត្រូវបានប្រើប្រាស់នៅក្នុងប្រទេសឥណ្ឌាក្នុងមួយឆ្នាំៗ ដែល ៤០ ភាគរយជាស្រាស ព្រមទាំងសម្លាប់មនុស្សអស់រាប់រយនាក់ជារៀងរាល់ឆ្នាំ៕ ប្រភព៖ Thairath

អន្តរជាតិ៖ ម្សិលមិញនេះក្រុមហ៊ុនផលិតរថយន្តអគ្គិសនី Tesla ទើបតែប្រកាសពីការធ្លាក់ចុះភាគហ៊ុនជាគំហុកខ្ទង់ ២៨ភាគរយចាប់តាំងពីកិច្ចព្រមព្រៀងទិញយក Twitter ក្នុងតម្លៃ ៤៤ពាន់លានដុល្លារត្រូវបានបញ្ចប់។ ស្រាប់តែរបាយការណ៍ថ្មីនេះបង្ហាញថា Elon Musk បានលក់ភាគហ៊ុននៅ Tesla បន្ថែមទៀតប្រមាណ ២២លានហ៊ុនឯណោះ។ នេះបើយោងតាមការចេញផ្សាយរបស់សារព័ត៌មាន CNBC នៅថ្ងៃទី១៥ ខែធ្នូ ឆ្នាំ២០២២។

កាលពីថ្ងៃទី២៨ ខែមេសា កន្លងទៅ Musk បានប្រាប់ Follower របស់លោកនៅលើ Twitter ថាលោកមិនមានគម្រោងលក់ភាគហ៊ុននៅ Tesla បន្ថែមទៀតនោះទេ។ តែយ៉ាងណាស្រាប់តែរបាយការណ៍ហិរញ្ញវត្ថុដែលចេញផ្សាយនៅយប់ថ្ងៃពុធនេះបង្ហាញថា Musk បានលក់ភាគភ្លាមៗបន្ថែមទៀត ដែលមានតម្លៃប្រហែល ៣.៦ពាន់លានដុល្លារ ដែលនេះត្រូវបានគេរំពឹងថា ទំនងជាយកទៅជួយទប់ចំណាយនៅ Twitter។

បើយោងតាមក្រុមហ៊ុនស្រាវជ្រាវហិរញ្ញវត្ថុ Verity Data បានបូកសរុបភាគហ៊ុនដែល Musk បានលក់រហូតមកទល់ពេលនេះ ក្នុងឆ្នាំនេះ មានចំនួន ៩៤,២០២,៣២១ ហ៊ុន ក្នុងតម្លៃជាមធ្យម ២៤៣.៤៦ដុល្លារក្នុងមួយហ៊ុន សម្រាប់ប្រាក់ចំណេញដែលទទួលបានមិនទាន់គិតពន្ធមានប្រហែល ២២.៩៣ពាន់លានដុល្លារ។ តែទោះជាងយ៉ាងនេះក្តីភាគហ៊ុនរបស់ Tesla នៅតែបន្តធ្លាក់ចុះជាខ្លាំង ដោយគ្រាន់តែ Musk ដាក់លក់ហ៊ុនម្សិលមិញនេះ ភាគហ៊ុន Tesla បានធ្លាក់ចុះ ២.៦ភាគរយបន្ថែមទៀត មកនៅត្រឹម ១៥៦.៨០ដុល្លារក្នុងមួយហ៊ុន ដោយទម្លាក់មូលធនប័ត្រទីផ្សាររបស់ក្រុមហ៊ុនមកនៅត្រឹម ៤៩៥ពាន់លានដុល្លារ ៤៩១.៣៣ ពាន់លានដុល្លារ​ ៕

បរទេស៖ រដ្ឋាភិបាលឥណ្ឌូណេស៊ី ត្រៀមចេញវិធានការគាំទ្រការប្រើប្រាស់រថយន្តអគ្គិសនី ដោយផ្តល់ការឧបត្ថម្ភដល់ប្រជាជនដែលទិញរថយន្តអគ្គិសនីលើសពី ៥,០០០ ដុល្លារ ហើយនឹងរួមបញ្ចូលម៉ូតូអគ្គិសនី និងរថយន្តកូនកាត់ផងដែរ។

នាពេលថ្មីៗនេះតាមរដ្ឋមន្ត្រីឧស្សាហកម្មឥណ្ឌូនេស៊ី បានឱ្យដឹងថារដ្ឋាភិបាលឥណ្ឌូនេស៊ី គ្រោងនឹង ចេញវិធានការជំរុញការទិញរថយន្តអគ្គិសនី រួមទាំងម៉ូតូអគ្គិសនី និងរថយន្តកូនកាត់ ដោយវិធានការនេះខ្លួនសង្ឃឹមថានឹងកាត់បន្ថយការបំភាយខ្យល់កខ្វក់។

ដោយវិធានការជំរុញការទិញរថយន្តអគ្គិសនីនេះរដ្ឋាភិបាលគ្រោងនឹងឧបត្ថម្ភធនជាង ៥,០០០ ដុល្លារសម្រាប់ការទិញរថយន្តអគ្គិសនី ឬច្រើនជាង ៤៩០០ដុល្លារ សម្រាប់រថយន្តអគ្គិសនីដែលបានលក់ ព្រមទាំងសំណងចំនួន ៤០ លានរូពី ឬជិត ២៥០០ ដុល្លារសម្រាប់រថយន្តកូនកាត់ និង ៨ លានរូពី  ឬប្រហែល ៤០០ដុល្លារ សម្រាប់ម៉ូតូអគ្គិសនី ដែលវិធានការឧបត្ថម្ភនេះធ្វើទៅតាមការបញ្ចុះតម្លៃនៃការទិញយានជំនេះនីមួយៗ។

ទោះជាយ៉ាងណាក៏ដោយ ប្រាក់ឧបត្ថម្ភនេះនឹងមានសម្រាប់តែការទិញ រថយន្តអគ្គិសនី ពីក្រុមហ៊ុនដែលមានរោងចក្រផលិតនៅក្នុងប្រទេសឥណ្ឌូនេស៊ីប៉ុណ្ណោះ ស្របពេលដែលរដ្ឋាភិបាលឥណ្ឌូនេស៊ីមានបំណងឱ្យមានការប្រើប្រាស់ ម៉ូតូអគ្គិសនី ក្នុងស្រុកយ៉ាងហោចណាស់ ១.២ លានគ្រឿង និងរថយន្តអគ្គិសនីយ៉ាងហោចណាស់ ៣៥,០០០ គ្រឿងនៅឆ្នាំ ២០២៤ ។

យ៉ាងណាមិញគេនៅមិនទាន់បានផ្តល់ពីពេលវេលាច្បាស់លាស់ណាមួយសម្រាប់ការអនុវត្តវិធានការនេះ និងអំពីប្រសិទ្ធភាពនោះនៅឡើយទេ។ ជាមួយគ្នានោះគេក៏មិនបានបង្ហាញពីចំនួនថវិកាសរុបដែលរដ្ឋាភិបាលត្រៀមនឹងចំណាយលើគម្រោងនេះទេ ខណៈដែលលោកទេសរដ្ឋមន្ត្រី Luhut Binsar Pandjaitan បានបង្ហើបថា គម្រោងនេះប្រហែលជាចាប់ផ្តើមនៅឆ្នាំ២០២៣ខាងមុខនេះ៕ ប្រភព៖ Thairath

បរទេស៖ សម្រស់នៃបឹងដ៏ស្រស់ស្អាត Bled ហាក់ដូចជាឋានសួគ៌ក្រោមមេឃនៅក្នុងប្រទេសស្លូវេនី ដែលបានទាក់ទាញភ្ញៀវទេសចររាប់ម៉ឺននាក់ឱ្យមកទស្សនាសម្រស់ដ៏ទាក់ទាញនិងទទួលបាននូវអារម្មណ៍ប្លែក ព្រមទាំងទទួលយកនូវបទពិសោធថ្មី ព្រមទាំងមកផ្ដិតយករូបភាពដ៏ល្អឥតខ្ចោះនៅក្នុងបឹងនេះ។

បឹង Bled គឺជាកន្លែងដ៏ស្រស់ស្អាតបំផុតមួយនៅក្នុងប្រទេសស្លូវេនី។ បឹងតូចមួយនេះមានភាពទាក់ទាញដ៏ល្អឥតខ្ចោះ ដោយមានទាំងប្រាសាទដែលសង់ខ្ពស់នៅលើភ្នំ កោះតូចស្អាតសម្រាប់ទស្សនា មានផ្លូវឡើងភ្នំ កន្លែងហែលទឹកដ៏ស្ងប់ស្ងាត់ និងកន្លែងកម្សាន្តដ៏ផ្អែមល្ហែមនៅទីនេះ។

ក្នុងនោះអ្វីដ៏គួរឱ្យទាក់ទាញខ្លាំងជាងនេះគឺ ជាកោះ Bled ដែលជាចំណុចកណ្តាលនៃបឹង Bled  ដូច្នេះដើម្បីទៅដល់ទីនេះ អ្នកនឹងត្រូវជិះទឹក ហើយនេះគឺជាបទពិសោធន៍ដ៏ល្អបំផុតមួយសម្រាប់ភ្ញៀវទេសចរគ្រប់រូប ជាមួយគ្នានោះសម្រាប់អ្នកដែលមានអារម្មណ៍ចង់កម្សាន្តបែបផ្សងព្រេង អ្នកអាចជួលទូកចែវ និងជិះទូកទៅកោះបាន ប្រហែស ១៥ នាទីដើម្បីចែវពីច្រាំងដល់កោះ។

ជាមួយគ្នានោះអ្នកក៏អាចគយគន់ទេសភាពនៅជំវិញបឹង ដែលអ្នកនឹងឃើញមានដើមឈើធំៗ ហាងជាច្រើន និងកំពូលភ្នំនៅក្បែរនោះផងដែរ តែអ្វីដែលលិចធ្លោរ និងអស្ចារ្យជាងនេះនៅលោកអ្នកប្រាកដជាបានឃើញ និងទស្សនាប្រាសាទ LAKE BLED ដែលបានឈរនៅលើកោះ Bled នេះអស់រយៈពេលជាង ១០០០ ឆ្នាំមកហើយ ដែលនេះគឺជាប្រាសាទចំណាស់ជាងគេបំផុតនៅក្នុងប្រទេសស្លូវេនី ដែលមានអាយុកាលតាំងពីឆ្នាំ ១០១១។

ប្រាសាទនេះបានអង្គុយនៅលើច្រាំងថ្មចោទទាំងនេះដោយរីករាយជាមួយនឹងទិដ្ឋភាពដ៏ល្អបំផុតមួយនៃបឹងដែលើមានទឹកថ្លាឈ្វេងឆ្លុះឃើញតួរប្រាសាទទាំងមូល ។ ក្នុងការទស្សនានៅទីនេះ អ្នកនឹងរីករាយជាមួយនឹងទិដ្ឋភាពដ៏អស្ចារ្យនៅលើបឹង ទស្សនាសារមន្ទីរ និងទៅភ្លក់ស្រានៅក្នុងបន្ទប់ដាក់ស្រាដ៏ល្បីនៅទីនោះ ទទួលទានអាហារថ្ងៃត្រង់ ឬអាហារពេលល្ងាចនៅភោជនីយដ្ឋាន Bled Castle ដែលអ្នកនឹងទទួលបាននូវរសជាតិដ៏ប្លែកនៅទីនៃបឹងឋានសួគ៌នេះ៕ ប្រភព៖ earthtrekkers