លោកជំទាវ ហ៊ុន ស៊ីណាត និងកូនស្រី លោកជំទាវឧកញ៉ា នឹម វណ្ណៈ ប្រធានក្រុមប្រឹក្សាភិបាល ក្រុមហ៊ុន អេស៊ីអ៊ី គ្រុប បានប្រកាសឧបត្ថម្ភព្រឹទ្ធាចារ្យសិល្បករចាប៉ីដងវែងលោកតា គង់ ណៃ ជារៀងរាល់ខែរយៈពេល៥ឆ្នាំ។ នេះបើតាមការឱ្យដឹងពីផេកសិល្បករកម្ពុជា និង សង្គម នាព្រឹកថ្ងៃទី២២ ខែមិថុនា ឆ្នាំ២០២៣។

ការឧបត្ថម្ភនេះរួមមាន៖ ទឹកប្រាក់ចំនួន ៥០០,០០០៛ក្នុង១ខែ, អង្ករ៥០គីឡូក្រាម ក្នុង១ខែ , ត្រីខ១យួ និងទឹកស៊ីអ៊ីវ២យួរ ដោយបានបញ្ជាក់ថា ៣ខែម្តងគឺលោកតា គង់ណៃ មកទទួលពីលោកជំទាវឧកញ៉ា នឹម វណ្ណៈ តាមរយ:មេធាវីរបស់លោកជំទាវ។
ក្នុងនោះដែរ ការប្រកាសឧបត្ថម្ភទៅដល់ព្រឹទ្ធាចារ្យសិល្បករចាប៉ីដងវែងលោកតា លោកជំទាវឧកញ៉ា នឹម វណ្ណៈ បានឱ្យដឹងថា ដោយសារតែមើលឃើញពីវិរៈភាពតស៊ូស្រលាញ់បំរើវិស័យសិល្បៈអស់រយៈពេលជាច្រើនឆ្នាំ ការអភិរក្សខិតខំថែរក្សាវប្បធម៌ខ្មែររបស់លោកតា គង់ ណៃ ជាមរតកមនុស្សរស់ និងដើម្បីចូលរួមចំណែកសម្រួលដល់ជីវភាពលោកតាគង់ ណៃ និងរួមចំណែកជាមួយរាជរដ្ឋាភិបាលផងដែរ។

សូមបញ្ជាក់ថាលោកតា គង់ ណៃ បច្ចុប្បន្នមានអាយុ៧៩ឆ្នាំមានគោរមងារថាជាព្រឹទ្ធាចារ្យកោសល្យវោហារ គង់ ណៃ។ ក្រៅពីមានគោរមងារថ្នាក់ជាតិជាមរតកមនុស្សរស់ហើយនោះ ព្រឹទ្ធាចារ្យ គង់ ណៃ ក៏ជាធ្លាប់ទទួលបានពានរង្វាន់ទាំងថ្នាក់ជាតិ និងអន្តរជាតិជាច្រើនពានរង្វាន់ផងដែរ។ បន្ថែមពីលើនេះ ចាប៉ីដងវែងត្រូវបានចុះក្នុងបញ្ជីបេតិកភណ្ឌវប្បធម៌អរូបីកាលពីថ្ងៃទី៣០ ខែវិច្ឆិកា ឆ្នាំ២០១៦ ហើយកូនខ្មែរជំនាន់ក្រោយកុំភ្លេចចូលរួមថែរក្សាការពារវប្បធម៌ខ្មែរកុំឱ្យបាត់បង់ទើបស្តាយក្រោយ៕

សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃកម្ពុជា បានចារឯកភាពថារាជរដ្ឋាភិបាលយល់ព្រមឱ្យគណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប)ពង្រីកការប្រគល់មុខងារអប់រំតាមបែបវិមជ្ឈការដូចដែលបានអនុវត្តនៅតាមរដ្ឋបាលក្រុង ស្រុក ក្នុងខេត្តបាត់ដំបង ទៅអនុវត្តនៅតាមរដ្ឋបាលក្រុង ស្រុក ខណ្ឌ ទូទាំងប្រទេស។

មុខងារអប់រំដែលត្រូវផ្ទេរឱ្យស្ថិតក្រោមការគ្រប់គ្រងរបស់រដ្ឋបាលក្រុង ស្រុក ខណ្ឌ ទូទាំងប្រទេសនោះ គឺសំដៅលើការគ្រប់គ្រងទាំងស្រុង ការអប់រំកុមារតូច ចាប់ពីមត្តេយ្យដល់បឋមសិក្សា និងការអប់រំក្រៅប្រព័ន្ធ។ រដ្ឋបាលក្រុង ស្រុកទាំង១៤ បានអនុវត្តសាកល្បងមុនគេចាប់ពីឆ្នាំ២០២០មក។ តាមរយៈការផ្ទេរនេះ រដ្ឋបាលក្រុង ស្រុក ខណ្ឌ ជាអ្នកទទួលខុសត្រូវដោយផ្ទាល់លើសិទ្ធិអំណាចគ្រប់គ្រងធនធានមនុស្ស រាប់ចាប់ពីការតែងតាំ​ង ផ្លាស់ប្ដូរ ប្រធានការិយាល័យអប់រំ បុគ្គលិកអប់រំ គ្រូបង្រៀន គ្រូកិច្ចសន្យា និងថវិកាក្នុងដែនរដ្ឋបាល ការបើកប្រាក់ខែ និងការចំណាយផ្សេងៗ ខណៈកន្លងមក កិច្ចការទាំងនេះអនុវត្តតាមបែបវិសហមជ្ឈការ ពោលគឺថ្នាក់ក្រោមទទួលគ្រប់គ្រងចាត់ចែងតាមការបញ្ជាពីថ្នាក់លើ។ សម្រាប់ក្រសួង អប់រំ យុវជន និងកីឡា នឹងទទួលខុសត្រូវលើគោលនយោបាយអប់រំ រួមមានការជ្រើសរើស និងបណ្ដុះបណ្ដាលគ្រូ និងការរៀបចំកម្មវិធីសិក្សាជាដើម។

សូមបញ្ជាក់ថាកំណែទម្រង់នេះត្រូបានចាត់ទុកជាប្រវត្តិសាស្រ្តថ្មីមួយទៀតក្នុងកំណែទម្រង់វិមជ្ឈការ និងវិសហមជ្ឈការនៅកម្ពុជា។ កាលពីចុងឆ្នាំ២០១៩ រាជរដ្ឋាភិបាលតាមរយៈយន្តការ គ.ជ.អ.ប ក៏បានផ្ទេរការគ្រប់គ្រងវិស័យសុខាភិបាលឱ្យរដ្ឋបាលរាជធានី ខេត្តដែរ។ ទីបំផុត រដ្ឋបាលថ្នាក់ក្រោមជាតិលំដាប់ខ្ពស់មួយនេះ មានលទ្ធភាពគ្រប់គ្រាន់ក្នុងការប្រយុទ្ធប្រឆាំងនឹងជំងឺកូវីដ-១៩ ហើយរាជរដ្ឋាភិបាលក៏ទទួលស្គាល់អំពីលទ្ធផលគាប់ប្រសើរនៃការអនុវត្តវិជ្ឈការវិស័យសុខាភិបាលនេះដែរ។ រាជរដ្ឋាភិបាលក៏បានវិមជ្ឈការអំណាចអនុម័តសិទ្ធិវិនិយោគតម្លៃក្រោម៥លានដុល្លារឱ្យរដ្ឋបាលរាជធានី ខេត្ត ផងដែរ។ រាជរដ្ឋាភិបាលក៏បានស្នើវិសោធនកម្មច្បាប់ដើម្បីបង្កើនចំនួនគណៈអភិបាលរាជធានី ខេត្ត ក្រុង ស្រុក ខណ្ឌ ដែលជាផ្នែកមួយនៃការគាំទ្រនយោបាយវិមជ្ឈការនេះ៕

នាថ្ងៃទី១៩ ខែមិថុនា ឆ្នាំ២០២៣ កម្លាំងកងរាជអាវុធហត្ថខេត្តបាត់ដំបង ឃាត់ខ្លួនជាងជួសជុលម៉ូតូម្នាក់ និងដកហូតគ្រឿងញៀនជាង៣០គីឡូក្រាម។

ជនសង្ស័យជាជាងជួសជុសម៉ូតូ មានឈ្មោះ ថោង សូស៊ីវិន ភេទប្រុស អាយុ២៣ឆ្នាំ រស់នៅភូមិបោះពោធិ ឃុំ អូរដំបង១ ស្រុកសង្កែ ខេត្តបាត់ដំបង។

ប្រតិបត្តិការនេះ កម្លាំងជំនាញរឹបអូសបានម៉ាទឹកកកសរុបចំនួន៤៧កញ្ចប់ធំ ទម្ងន់ចំនួន ៣១៧១៣,៣៤ ក្រោម ដែលជនសង្ស័យបានឆ្លើយសាភាពថា គ្រឿងញៀនទាំងនេះ គឺជារបស់ឈ្មោះ ធន ឆវ័ន្ត ជាមេក្លោងដែលយកមកលាក់ទុកនៅបន្ទប់ជួល ស្ថិតនៅភូមិចំការឬស្សី សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង ។

បច្ចុប្បន្ន ជនសង្ស័យ ត្រូវបានទីបញ្ជាការកងរាជអាវុធហត្ថខេត្តបាត់ដំបង ធ្វើការសាកសួរដើម្បីឈានទៅកាន់ការកំណត់មេក្លោងធំបន្តទៀត៕

ថ្មីៗនេះវីដេអូមួយនៅលើបណ្តាញសង្គមទិកតុក ធ្វើឱ្យមហាជនសម្តែងក្តីហួសចិត្តជាខ្លាំងក្រោយពីឃើញរូបភាពស្រ្តីបានបីក្មេងមកសុំទានទាំងយប់អធ្រាត្រដែលក្នុងវីដេអូនោះបញ្ជាក់ថានៅទីតាំងតាមដងផ្លូវ Pub Street ខេត្តសៀមរាបដែលជាទីតាំងមានជនបរទេសច្រើនមកលេងកម្សាន្ត។ ការធ្វើបែបនេះអ្នកលេងបណ្តាញសង្គមលើកឡើងថាជាការសុំទានបែបអាជីពកម្ម ហើយអជ្ញាធរខេត្តសៀមរាបគួរពិនិត្យលើករណីនេះព្រោះការធ្វើយ៉ាងអណាធិបតេយ្យបែបនេះពិតជាមានផលប៉ះពាល់ខ្លាំងណាស់ជាពិសេសមុខមាត់ខេត្តសៀមរាបតែម្តង។

គណនី ទិកតុកមួយឈ្មោះ kids shina បានបង្ហោះវីដេអូប្រមាណ៣ថ្ងៃមុនដោយបង្ហាញថាខ្លួនទើសភ្នែក និងអាណិតក្មេងផងព្រោះពេលវេលាដែលថតនោះជិតម៉ោង១១យប់ ប៉ុន្តែជាយកក្មេងៗមកសុំលុយតាមដងផ្លូវ Pub Street ដែលកន្លែងមានភ្ញៀវបរទេសច្រើនការធ្វើបែបនេះពិតជាមិនសមភ្នែកទាល់តែសោះហើយខ្លួនក៏អាណិតក្មេងខ្លាំងដែរ។

វីដេអូនោះបានធ្វើឱ្យអ្នកលេងបណ្តាញសង្គមជាច្រើនសម្តែងការពេញចិត្តមិនគួរណាមានហេតុការណ៍នេះកើតឡើង ហើយពួកគេបានលើកឡើងទៀតថា ការធ្វើទង្វើបែបនេះជាលក្ខណៈអាជីវកម្មយកកម្លាំងកុមារមកធ្វើជាផលប្រយោជន៍ផ្ទាល់ខ្លួន។ អ្នកខ្លះក៏លើកឡើងទៀតថា ការធ្វើបែបនេះពិតជាមានផលប៉ះខ្លាំងណាស់ទៅដល់មុខមាត់ប្រទេសជាតិ ជាកន្លែងមានភ្ញៀវទេសចរមកកម្សាន្តច្រើនបែរជាត្រូវមានរូបភាពមិនគួរកើតឡើងទៅវិញក្នុងតំបន់ទេសចរណ៍។
អ្នកផ្សេងទៀតក៏បានលើកឡើងថាអជ្ញាធរគួរអើពើនិងមានវិធានការណ៍ជាចាំបាច់មិនអាចទុករឿងនេះបន្តទៀតនោះទេ។

រឿងនេះដែរ លោក តាន់ គីមសួរ ក៏បានលើកឡើងនៅលើបណ្តាញសង្គមរបស់លោកដែរថា «ចប់ ទៅហើយមកវិញ មុខមាត់ខេត្តសៀមរាបទៅជាយ៉ាងណា? នេះមិនមែនជាការសុំទានទេ នេះគឺជាមុខជំនួញមួយដែលជិះជាន់កំលាំងពលកម្មរបស់កុមារ គួរមានវិធានការណ៍ជាមួយក្រុមមេខ្យល់ទាំងនោះឲ្យឱ្យបានធ្ងន់ធ្ងរជាទីបំផុត»៕