អស់រយៈពេល១៥ឆ្នាំជាប់គ្នា អ៊ីស្លង់ (Iceland) នៅតែឈរលេខ១ ជាប្រទេសដែលមានសន្តិភាពបំផុតក្នុងពិភពលោក នេះបើយោងតាមការស្ទង់មតិសន្តិភាពសកលដើមឆ្នាំ២០២៣ ដែលបានចេញផ្សាយដោយវិទ្យាស្ថានសេដ្ឋកិច្ច និងសន្តិភាព។

តើអ្វីដែលជំរុញឱ្យប្រទេសនេះ ក្លាយជាប្រទេសមានសន្តិភាពជាង?

អ៊ីស្លង់ (Iceland) ជាប្រទេសដែលមានចំនួនប្រជាជនតិចជាងគេបំផុត នៅក្នុងទ្វីបអឺរ៉ុប ប្រមាណជា៣៧មុឺននាក់ប៉ុណ្ណោះ។

កត្តាសំខាន់​មួយ​ដែល​ធ្វើឱ្យប្រទេសនេះ​សន្តិភាព​ ក៏ព្រោះថាប្រទេសនេះ ​​គ្មាន​កងទ័ព​ឈរ​ជើង មិនថាកងទ័ពជើងគោ ទ័ពជើងទឹក ឬទ័ពអាកាសទេ ហើយប្រទេសនេះមិនដែលឆ្លងកាត់សង្គ្រាម ឬមានជម្លោះផ្ទៃក្នុងអ្វីមួយនោះដែរ។

អ៊ីស្លង់ (Iceland) ជាប្រទេសដែលសឹងតែមិនមានបទល្មើស លួច ឆក់ ឬឃាតកម្មអ្វីនោះទេ នេះក៏ដោយសារតែ ការទិញកាំបិទ ឬកាំភ្លើងយកទៅប្រើប្រាស់ សុទ្ធសឹងតែត្រូវបានធ្វើតេស្តសុខភាពផ្លូវចិត្តអស់រយៈពេល៣ខែសិន ទើបអាចមានសិទ្ធកាន់កាប់។

បើតាមការព្យាករណ៍របស់ វិទ្យាស្ថានសេដ្ឋកិច្ច និងសន្តិភាព បានរំពឹងថានៅឆ្នាំក្រោយៗ អ៊ីស្លង់ (Iceland) ប្រហែលជាមិនមែនជាប្រទេសមានសន្តិភាពជាងគេលើលោកទៀតនោះទេ បន្ទាប់ពីពួកគេបានសម្រេចចិត្តឱ្យអាមេរិកដាក់ខែលការពារគ្រាប់នុយក្លេរអ៊ែរនៅលើទឹកខ្លួន ចំពេលមានផ្ទុះសង្គ្រាមរវាងអ៊ុយក្រែននិងរុស្សុី៕

ប្រភព៖ The travel

ស្របទៅតាមបទបញ្ជាពីឯកឧត្តម ឧត្តមសេនីយ៍ឯក ស ថេត ស្នងការនគរបាលរាជធានីភ្នំពេញ កម្លាំងនៃអធិការដ្ឋាននគរបាលខណ្ឌចំការមន បានធ្វេីការសហការជាមួយកម្លាំង នៃអធិការដ្ឋាននគរបាលស្រុកខ្សាច់កណ្តាល ខេត្តកណ្តាល បានធ្វើការឃាត់ខ្លួនបុរសម្នាក់បើកបរកង់បីឥណ្ឌា (ផាសអាប់ ) ដែលបើកបរបញ្ច្រាសទិស និងរកវាយ ទៅលើភាគីដែលជាម្ចាស់រថយន្ត។

ហេតុការណ៍នេះកើតឡើង នារសៀលថ្ងៃទី១៥ ខែសីហា ឆ្នាំ២០២៣ នៅតាមបណ្តោយផ្លូវព្រះនរោត្តម សង្កាត់ទន្លេបាសាក់ ខណ្ឌចំការមន អ្នកបើកបរកង់បីឥណ្ឌា បានបើកបញ្ច្រាស់ផ្លូវ រួចក៏ផ្ទុះជម្លោះជាមួយអ្នកបើកបររថយន្ត ដែលពេលនោះអ្នកបើកបរកង់បីឥណ្ឌាមានបំណងប្រើប្រាស់ដែកទីបវាយទៅលើម្ចាស់រថយន្ត និងអ្នករួមដំណើរទៀតផង ដែលជាហេតុឈានទៅដល់ការឃាត់ខ្លួនបែបនេះ។

បច្ចុប្បន្ន អ្នកបើកបរត្រូវបានយកទៅធ្វើការសាកសួរនាំ និងបញ្ជូនទៅអធិការដ្ឋាននគរបាលខណ្ឌចំការមន ដើម្បីបន្តចាត់វិធានការតាមនីតិវិធីច្បាប់៕

នារសៀលថ្ងៃទី១៥ ខែសីហា ឆ្នាំ២០២៣ នេះ មានករណីរន្ទះបាញ់ទាំងកណ្តាលថ្ងៃ បានបាញ់ចំចំដំបូលផ្ទះមួយខ្នង ពេញទំហឹង បណ្តាលឱ្យធ្លាក់បំណែកក្បឿង ចំរថយន្តទំនើបមួយគ្រឿង ចតនៅមុខផ្ទះ តាមបណ្តោយផ្លូវ២០០២។

ហេតុការណ៍នេះ មិនបង្កឱ្យមានរបួសដល់នរណាម្នាក់នោះទេ ក៏ប៉ុន្តែវាជាសញ្ញាដាស់តឿនដល់បងប្អូនទាំងអស់គ្នាឱ្យមានការប្រុងប្រយ័ត្ននៅអំឡុងរដូវវស្សានេះ ពីគ្រោះធម្មជាតិរន្ទះបាញ់៕

ប្រសិនបើអ្នកសុបិន្តឃើញលាមកគឺវាមានអត្ថន័យខុសៗគ្នាទៅតាមប្រភេទនៃសុបិន្ត ដែលសុបិន្តខ្លះគឺល្អ ហើយខ្លះទៀតក៏អាក្រក់។ ដូច្នេះហើយខាងក្រោមនេះគឺជាអត្ថន័យនៃការសុបិន្តឃើញលាមក៖

១.សុបិន្តឃើញចាប់លាមក៖ ការសុបិន្តបែបនេះ ទំនាយទាយថាគឺអាក្រក់ណាស់ អ្នកនឹងត្រូវបានគេនិយាយដើម ហើយអ្នកនឹងអាប់ឱនកេរ្តិ៍ឈ្មោះ។

២.សុបិន្តឃើញចង់ញ៉ាំលាមក៖ ប្រសិនបើនរណាម្នាក់សុបិន្តចង់ញ៉ាំលាមក មានន័យថា សាច់ញាតិ ឬមនុស្សជុំវិញខ្លួន នឹងមានការខកចិត្តចំពោះអ្នក។

៣.សុបិន្តឃើញលាមកខ្លួនឯង៖ ការសុបិន្តបែបនេះ មានន័យថា អ្នកនឹងមានសំណាង ឬឱកាសល្អជិតមកដល់អ្នក។

៤.សុបិន្តឃើញលាមករបស់អ្នកដទៃ៖ ប្រសិនបើអ្នកសុបិន្តឃើញលាមករបស់អ្នកដទៃ មានន័យថា នឹងមានមនុស្សដែលនាំមកនូវសំណាងល្អក្នុងជីវិតរបស់អ្នក។

៥.សុបិន្តឃើញលាមកនៅក្នុងបន្ទប់ទឹក៖ ការសុបិន្តបែបនេះ មានន័យថា ក្នុងអំឡុងពេលនេះបើអ្នកគិតចង់ធ្វើអ្វីក៏បាន ប៉ុន្តែត្រូវតែអត់ធ្មត់បន្តិចទើបជោគជ័យ។

៦.សុបិន្តឃើញលាមកក្នុងបង្គន់៖ ប្រសិនបើអ្នកណាម្នាក់សុបិន្តឃើញលាមកនៅក្នុងបង្គន់ មានន័យថា អ្នកនឹងត្រូវបានគេចោតប្រកាន់អ្វីមួយ ឬនិយាយរឿងអាក្រក់ពីអ្នក ដែលអាចបំផ្លាញសុខភាពផ្លូវចិត្តរបស់អ្នក។

៧.សុបិន្តឃើញលាមកច្រើននៅលើឥដ្ឋ៖ បើសុបិន្តឃើញបែបនេះ មានន័យថា អ្នកនឹងទទួលបានកេរ្តិ៍ឈ្មោះ កិត្តយស សំណាងល្អ ឬមានទ្រពសម្បត្តិហូរហៀរជាដើម៕ ប្រភព៖sanook

ដោយមានការត្អូញត្អែរពីសំណាក់អ្នកប្រើប្រាស់ទូរស័ព្ទចល័តពាក់ព័ន្ធនឹងការដកហូតយកលេខទូរស័ព្ទ និយ័តករទូរគមនាគមន៍កម្ពុជា (ន.ទ.ក.) បានចេញសេចក្តីណែនាំនៅថ្ងៃទី១៤ សីហា ទៅប្រតិបត្តិករផ្តល់សេវាទូរស័ព្ទចល័តត្រូវកំណត់រយៈពេល នៃការបន្តបើកដំណើរការលេខទូរស័ព្ទ ចល័តរបស់អ្នកប្រើប្រាស់ ក្រោយពេលផុតសុពលភាពនៃទឹកប្រាក់ក្នុងគណនីគោល ដោយបែងចែកជាដំណាក់កាលដូចខាងក្រោម៖

ដំណាក់កាលទី១: ត្រូវកំណត់រយៈពេល ៦០ ( ហុកសិប) ថ្ងៃ សម្រាប់ផ្អាកជាបណ្តោះអាសន្ននូវការហៅទូរស័ព្ទចេញ ការផ្ញើសារខ្លី (SMS) ចេញ និងការប្រើប្រាស់ទិន្នន័យ។ អ្នកប្រើប្រាស់ អាចហៅទូរស័ព្ទចេញទៅកាន់លេខសង្គ្រោះបន្ទាន់ ១១៧ (នគរបាល) ១១៨ (រថយន្តពន្លត់អគ្គីភ័យ) និង ១១៩(រថយន្តសង្គ្រោះបន្ទាន់) ដោយឥតគិតថ្លៃ។

ដំណាក់កាលទី២ ត្រូវកំណត់រយៈពេល ៣០ (សាមសិប) ថ្ងៃ សម្រាប់ផ្អាកជាបណ្តោះអាសន្ននូវការហៅទូរស័ព្ទចេញនិងចូល ការផ្ញើសារខ្លី (SMS) ចេញនិងចូល និង ការប្រើប្រាស់ទិន្នន័យ។ អ្នកប្រើប្រាស់អាចហៅទូរស័ព្ទចេញទៅកាន់លេខ សង្គ្រោះបន្ទាន់ ១១៧ ( នគរបាល) ១១៨ (រថយន្តពន្លត់អគ្គិភ័យ) និង ១១៩ (រថយន្តសង្គ្រោះបន្ទាន់) ដោយឥតគិតថ្លៃ។
ដំណាក់កាលទី៣: ត្រូវបញ្ឈប់ដំណើរការនិងបន្តរក្សាទុកលេខទូរស័ព្ទចល័តរបស់អ្នកប្រើប្រាស់ ក្នុងរយៈពេល ៩០(កៅសិប) ថ្ងៃ។ ក្នុងរយៈពេលនេះ ម្ចាស់លេខទូរស័ព្ទចល័ត អាចស្នើសុំឱ្យប្រតិបត្តិករផ្តល់សេវាទូរស័ព្ទចល័ត បើកដំណើរការសាជាថ្មី។

ក. បន្ទាប់ពីដំណាក់កាលទី១ ដំណាក់កាលទី២ និងដំណាក់កាលទី៣ ខាងលើ ប្រតិបត្តិករផ្តល់ សេវាទូរស័ព្ទចល័តអាចដកហូតលេខទូរស័ព្ទចល័ត ដែលពុំមានការប្រើប្រាស់និងដាក់លក់ លេខទូរស័ព្ទនោះសាជាថ្មីឡើងវិញ។
ខ. ប្រតិបត្តិករផ្ដល់សេវាទូរស័ព្ទចល័ត ត្រូវមានកាតព្វកិច្ចរក្សាទុកកំណត់ត្រានៃអត្តសញ្ញាណ របស់គ្រប់អ្នកចុះឈ្មោះប្រើប្រាស់ទូរស័ព្ទចល័ត (ទាំងអ្នកចាស់និងអ្នកថ្មី) ព្រមទាំងត្រូវកំណត់ លក្ខខណ្ឌពាក់ព័ន្ធនឹងការណែនាំខាងលើនេះ ឱ្យបានច្បាស់លាស់ ក្នុងកិច្ចសន្យាជាវសេវា៕

ទំពាំងបារាំងជាដំណាំបន្លែមួយប្រភេទដែលមានអាយុកាលដាំដុះវែង អាចចាប់ផ្តើមប្រមូលផលក្រោយពីដាំដុះបាន ៥-៦ខែ ហើយអាចបន្តប្រមូលផលបានដល់អាយុ ១៥-២០ឆ្នាំ ប៉ុន្តែត្រូវទុកចន្លោះតែងដើមចាប់ពី ៣-៤ខែម្តង។ បន្លែទំពាំងបារាំង ភាគច្រើនមានដាំដុះនៅខេត្តមួយចំនួនដូចជា ប៉ៃលិន បាត់ដំបង ត្បូងឃ្មុំ កំពង់ឆ្នាំង និងខេត្តតាកែវ។

ដីដែលល្អសម្រាប់ការដាំដុះ ត្រូវតែជាដីដែលមិនជាំទឹក វាមិនត្រូវការសារធាតុចិញ្ចឹមច្រើនដូចដំណាំផ្សេងៗទៀតទេ ហើយធន់នឹងអាកាសធាតុរាំងស្ងួត ប៉ុន្តែវាទាមទារការថែទាំយកចិត្តទុកដាក់ខ្ពស់ ប្រើប្រាស់កម្លាំងពលកម្មច្រើនសម្រាប់សម្អាតស្មៅជាប្រចាំ ស្រោចស្រព និងការប្រមូលផលពន្លករៀងរាល់ថ្ងៃ មិនអាចទុកពន្លកទំពាំងឱ្យចាស់បានទេត្រូវដកចេញពីគុម្ព។ សម្រាប់ការដាំដុះលក្ខណៈអាជីវកម្ម ដំណាំនេះត្រូវការផ្ទៃដីដាំដុះធំជាងដំណាំបន្លែទូទៅ ព្រោះហេតុថាក្នុងមួយគុម្ពអាចប្រមូលផលបានត្រឹម ១-៥ដើមក្នុងមួយដង ហើយត្រូវចំណាយដើមទុនច្រើនសម្រាប់ការដាំដុះដំបូង។
កសិករដែលបានដាំដុះបន្លែទំពាំងបារាំង បានអះអាងថាកាលពីមុនដំបូងពេលគេមិនទាន់ស្គាល់រាងពិបាកលក់ តែមកដល់បច្ចុប្បន្នបន្លែទំពាំងមានទីផ្សារល្អ ងាយស្រួលលក់ និងមានតម្លៃថ្លៃ ទំពាំងមួយគីឡូក្រាមមានតម្លៃចាប់ពី ១១ ០០០ទៅ ១៣ ០០០រៀល អាស្រ័យទៅតាមរដូវកាល។

បើតាមបទពិសោធន៍ផ្ទាល់របស់កសិករនៅក្នុងខេត្តប៉ៃលិនអ្នកស្រី លឹម សុភាព បានឱ្យដឹងថាការចំណាយការដាំដុះទំពាំងបារាំងលើផ្ទៃដី ២ ៤០០ម៉ែតក្រឡា ត្រូវការដើមទុនប្រហែល ៩ ២១០ ០០០រៀល សម្រាប់ការចំណាយលើការរៀបប្រព័ន្ធស្រោចស្រព សម្ភារៈ កម្លាំងពលកម្ម និងជីជាដើម៕