អតីតសមាជិកក្រុម 2NE1 និងជាតារាចម្រៀងទោល Park Bom បានធ្វើឱ្យអ្នកលេងបណ្តាញសង្គមកូរ៉េជជែកវែកញែកមិនធម្មតាក្រោយពីរូបនាងបានបង្ហោះរូបភាព Selfie នៅលើបណ្តាញសង្គម Instagram កាលពីថ្ងៃទី១៤ សីហា នេះ។
ក្នុងការបង្ហោះនោះ Park Bom បានសរសេរថា «ជំរាបសួរ នេះគឺជា Bom» មុននឹងបន្តការបង្ហោះមួយទៀតដែលសរសេរថា «Bom and green»។ អ្វីដែលធ្វើឱ្យមានការភ្ញាក់ផ្អើលជាពិសេសនោះ Park Bom បានបង្ហាញស្ទីលតុបតែងខ្លួនខុសពីមុនពីក្រុម 2NE1 របស់នាង ដែលបញ្ចេញនូវត្របកភ្នែកដ៏ទាក់ទាញ។
យ៉ាងណាមិញ អ្នកនិយមលេងអ៊ីនធឺណិតកូរ៉េមួយចំនួនបាននិយាយថា មើលសឹងមិនស្គាល់ ប្រហែលជាដោយសារតែស្ទីលតុបតែងខ្លួនប្លែកៗរបស់នាងហើយ។ អ្នកខ្លះបានបញ្ចេញមតិទៀតថាបើគ្មានអ្នកណាប្រាប់ថាជា Park Bom នោះមិននឹកស្មានថាជារូបនាង ឡើយ។ អ្នកផ្សេងទៀតក៏និយាយថាប្រហែលជារូបភាពប្រើកម្មវិធីហើយបានជាមិនដូចនាងទាល់តែសោះ និងមានការលើកឡើងទៀតថា ការថតរូប Selfie មិនសមនឹងនាងទេជាដើម។
គួរបញ្ជាក់ផងដែរថាកាលពីមុន Park Bom គឺជាតារាចម្រៀងដែលមានរាងស្រឡូនស្រស់ស្អាតម្នាក់តែពេលនេះនាងបានប្រែប្រួលរូបរាងខុសដាច់ពីមុន ខណៈមានការចុះផ្សាយកន្លងមកថា តារាស្រីវ័យ៣៩ឆ្នាំរូបនេះបានប្រើប្រាស់ថ្នាំព្យាបាលជម្ងឺ ADD ដែលជាជំងឺអស្ថេរភាពផ្លូវចិត្តទើបធ្វើឱ្យមានការប្រែប្រួលយ៉ាងនេះ៕
