ប្រទេសថៃ ៖ នៅប្រទេសថៃ អ្នកណាៗក៏ដឹងដែរថា សង្គ្រា.មរវាងកម្ពុជា-ថៃលើកនេះ គឺរៀបចំដោយនាយករដ្ឋមន្ត្រីថៃចាំផ្ទះសហការជាមួយកងទ័ព ក្នុងគោលបំណងរកសំឡេងគាំទ្រសម្រាប់ការបោះឆ្នោតនៅខែកុម្ភៈ ឆ្នាំ២០២៦ ក្រោយរងការស្តីបន្ទោសពីសង្គមយ៉ាងខ្លាំងដែលអសមត្ថភាពដឹកនាំប្រទេសគ្រប់វិស័យ ជាពិសេស បណ្តោយឱ្យពលរដ្ឋភាគខាងត្បូងស្លា.ប់ដោយសារទឹកជំនន់រហូតជាង១,០០០នាក់ ។ លើសពីនេះ នាយករដ្ឋមន្ត្រីមានទំនាក់ទំនងជិតស្និទ្ធជាមួយមេឧក្រិដ្ឋ.កម្មឆ្លងដែនបរទេស និងព្យាយាមលាក់បាំងព័ត៌មាន បើមិនបង្កសង្គ្រា.មឈ្លានពា.នកម្ពុជា នឹងគ្មានផ្លូវបន្តតំណែងឡើយ ។

ស្របពេលពលរដ្ឋថៃមួយចំនួនគាំទ្រសង្គ្រាមបង្ហូរឈាម ប៉ុន្តែក៏មានពលរដ្ឋថៃជាច្រើនបានបញ្ចេញមតិក្នុងបណ្តាញសង្គមទាមទារឱ្យមេដឹកនាំរបស់ខ្លួនបញ្ចប់សង្គ្រា.មឈ្លានពានដោយការចរចាឆាប់ៗ ដោយសារវាគ្មានប្រយោជន៍អ្វី ក្រៅពីចង់យកឈ្នះកម្ពុជាដោយប្រើប្រាស់អាវុធ និងយន្តហោះចម្បាំង F-16 ហើយសុខចិត្តលះបង់ជីវិតកងទ័ព និងពលរដ្ឋឱ្យស្លាប់ដោយសារសង្គ្រាម ។ ម្យ៉ាងទៀត សង្គ្រាមមិនផ្តល់លទ្ធផលល្អឡើយ មានតែធ្វើឱ្យពលរដ្ឋខាតបង់ពេលវេលារកស៊ី បាត់បង់ការងារ គ្មានប្រាក់សងបំណងធនាគារ ដោយស្នាក់នៅក្នុងជំរំភៀសសឹករង់ចាំប្រាក់សំណងតិចតួចពីរដ្ឋាភិបាល ។

ពលរដ្ឋថៃម្នាក់មានឈ្មោះក្នុង TikTok ថា «kasitisantalunai» និយាយថា គ្រប់សង្គ្រាមក្នុងប្រវត្តិសាស្ត្រនាពេលកន្លងមក គឺសុទ្ធតែបញ្ចប់ដោយការចរចាសន្តិភាព ដូចជា ៖ សង្គ្រាមលោកលើកទី១ បានសម្លា.ប់ជីវិតមនុស្សចាប់ពី១៥លាន ទៅ៤០លាននាក់ ចុងក្រោយ បញ្ចប់ដោយការចរចា ។ រីឯសង្គ្រាមលោកលើកទី២ បាត់បង់ជីវិតមនុស្សចាប់ពី៥០លាន ទៅ៨៥លាននាក់ ក៏បញ្ចប់ដោយការចរចាដែរ ។

ចំណែកពលរដ្ឋថៃវិញបែរជាទាមទារឱ្យកងទ័ពធ្វើសង្គ្រាមវាយប្រហារកម្ពុជាឱ្យធ្ងន់ធ្ងរបំផុត តើពួកគេនឹងឱ្យកងទ័ពបញ្ចប់សង្គ្រាមពេលណា? តើប្រទេសថៃទទួលបានអ្វីមកវិញបន្ទាប់ពីឈ្នះសង្គ្រាម ខណៈកងទ័ពថៃស្លាប់ជាច្រើននាក់? យើងដឹងច្បាស់ថា សង្គ្រាមទាំងអស់ត្រូវតែបញ្ចប់ដោយការចរចា ប៉ុន្តែមនុស្សមួយចំនួនញុះញង់ឱ្យបង្កសង្គ្រាមដោយប្រើប្រាស់អាវុធធុនធ្ងន់កាន់តែខ្លាំងឡើងៗ រហូតបាត់បង់ជីវិតកងទ័ពនៅសមរភូមិ ដោយមិនខ្វល់ពីក្រុមគ្រួសារកងទ័ពសោកសង្រេងដោយសារបាត់បង់សមាជិកគ្រួសារ ។

ពលរដ្ឋថៃគួរស្នើឱ្យរដ្ឋាភិបាលធ្វើសង្គ្រាមពាណិជ្ជកម្មវិញ ដែលមិនមែនជាសង្គ្រាមដូចពេលបច្ចុប្បន្នបណ្តាលឱ្យបាត់បង់ជីវិតកងទ័ព និងជនស៊ីវិល ឬស្នើឱ្យរដ្ឋាភិបាលប្រញាប់ចរចាសន្តិភាពដើម្បីបញ្ចប់សង្គ្រាមឆាប់ៗ ល្អជាងញុះញង់ឱ្យវាយប្រហារកម្ពុជាយ៉ាងចាស់ដៃ ។ តើថៃធ្វើសង្គ្រាមដើម្បីអ្វី ឬដើម្បីឱ្យកម្ពុជាចុះចាញ់មិនអាចតបតវិញ ហើយនឹងមានមនុស្សប៉ុន្មាននាក់ទៀតដែលត្រូវស្លាប់មុនបញ្ចប់សង្គ្រាម ។

ហេតុនេះ ពលរដ្ឋត្រូវជួយគ្នាដាក់សម្ពាធរដ្ឋាភិបាលថៃ និងដាក់សម្ពាធនាយករដ្ឋមន្ត្រីចាំផ្ទះ លោក Anutin Charnvirakul ឱ្យប្រញាប់សុំចរចាសន្តិភាពជាមួយកម្ពុជាឱ្យលឿនបំផុតដើម្បីកុំឱ្យមនុស្សស្លាប់បន្តទៀត មិនមែនញុះញង់ឱ្យធ្វើសង្គ្រាមយ៉ាងចាស់ដៃដើម្បីបំពេញចិត្តអ្នកណាម្នាក់ ឬបំពេញចិត្តមនុស្សមួយក្រុម ។ ការសំណូមពរនេះ មិនមែនខ្ញុំមិនស្រឡាញ់ប្រទេសជាតិនោះទេ ប៉ុន្តែខ្ញុំមិនចង់ឱ្យបាត់បង់ជីវិតមនុស្សច្រើនជាងនេះ ។ នេះបើតាមការលើកឡើងរបស់ម្ចាស់ TikTok ឈ្មោះ «kasitisantalunai» ។

គួរបញ្ជាក់ថា កន្លងមក ពលរដ្ឋនៅខេត្តឈៀងម៉ៃបាននាំគ្នាតវ៉ាឱ្យមេដឹកនាំបញ្ចប់សង្គ្រាមឈ្លានពានកម្ពុជាផងដែរដែរ ពីព្រោះមិនមែនពលរដ្ឋថៃទាំងអស់សុទ្ធតែគាំទ្រសង្គ្រាមទេ ពីព្រោះសង្គ្រាមមានតែនាំមកនូវការខាតបង់ទ្រព្យសម្បត្តិ និងជីវិតមនុស្ស ពលរដ្ឋកម្ពុជានិងថៃសុទ្ធតែជាមនុស្សដូចគ្នា ហើយសោកស្តាយដែលសាច់ញាតិស្លាប់ដោយសារសង្គ្រាម ។ អ្នកដែលជំរុញឱ្យកងទ័ពធ្វើសង្គ្រាមឈ្លានពាន ដោយសារមិនបានភៀសសឹក រស់នៅសុខស្រួល មិនធ្លាប់ឆ្លងកាត់សង្គ្រាម ដោយចង់បំពេញមហិច្ឆតាវាតទីទឹកដីតាមរយៈការអប់រំប្រវត្តិសាស្ត្រក្លែងក្លាយ ។

បើតាមពលរដ្ឋនៅជំរំភៀសសឹកនានានៅព្រំដែនប្រាប់ថា ពិបាកខ្លាំងណាស់ ពីព្រោះគ្មានប្រាក់សងបំណងធនាគារ គ្មានប្រាក់បង់រំលោះយានជំនិះ ដោយសារមិនបានប្រកបមុខរបរ ឬធ្វើស្រែចម្ការ ។ ពួកគេចាប់ផ្តើមធុញទ្រាន់នឹងមេដឹកនាំរបស់ខ្លួន មិនព្រមបញ្ចប់សង្គ្រាម និងបារម្ភខ្លាចសង្គ្រាមនេះអូសបន្លាយរហូតដល់ឆ្នាំ២០២៦ ៕

បន្ទាប់ពីមើលឃើញកងទ័ពថៃសម្រុកវាយប្រ.ហារចូលក្នុងដែនអធិបតេយ្យកម្ពុជាយ៉ាងកំរោល និងចចេសរឹងរូសមិនស្តាប់តាមការអំពាវនាវរបស់សហគមន៍អន្តរជាតិនោះ រដ្ឋមន្ត្រីក្រសួងការបរទេសអាមេរិកនឹងជំរុញឱ្យថៃបញ្ចប់សង្គ្រា.មឈ្លានពា.ននៅដើមសប្តាហ៍ក្រោយឱ្យបាន ពីព្រោះមេដឹកនាំថៃបានសន្យាជាលាយលក្ខណ៍អក្សរ និងចុះហត្ថលេខារួមគ្នាលើកិច្ចព្រមព្រៀងសន្តិភាពនៅទីក្រុងគូឡាឡាំពួររួចហើយ ។

រដ្ឋមន្ត្រីក្រសួងការបរទេសអាមេរិក លោក Marco Rubio បានផ្តល់សម្ភាសន៍ជាមួយសារព័ត៌មានកាលពីថ្ងៃទី១៩ ខែធ្នូ ឆ្នាំ២០២៥ ថា អាមេរិកនឹងជំរុញឱ្យបញ្ចប់សង្គ្រា.មរវាងកម្ពុជា-ថៃនៅដើមសប្តាហ៍ក្រោយនេះ (ឬបញ្ចប់ត្រឹមថ្ងៃទី២២ ខែធ្នូ) ដោយការបញ្ចុះបញ្ចូលឱ្យប្រទេសថៃឈប់បា.ញ់ និងងាកមកគោរពកិច្ចព្រមព្រៀងសន្តិភាពទីក្រុងគូឡាឡាំពួរ ដែលបានចុះហត្ថលេខារួមគ្នាជាមួយកម្ពុជា ក្រោមវត្តមានប្រធានាធិបតីអាមេរិក លោក Donald Trump និងនាយករដ្ឋមន្ត្រីម៉ាឡេស៊ី លោក Anwar Ibrahim ។

តាមការអះអាងរបស់លោក Marco Rubio គឺលោកប្រធានាធិបតី Trump បានព្យាយាមជួយអន្តរាគមន៍បញ្ចប់សង្គ្រាមកម្ពុជា-ថៃរហូតមក ហើយអាមេរិកនឹងជំរុញឱ្យប្រទេសទាំងពីរត្រឡប់មកអនុវត្តបទឈប់បាញ់ឱ្យបាននៅត្រឹមថ្ងៃទី២២ ខែធ្នូ ។ លោកថា សង្គ្រាមកម្ពុជា-ថៃបានផ្អាកមួយរយៈ ដោយប្រទេសទាំងពីរបានប្តេជ្ញាចិត្តជាលាយលក្ខណ៍អក្សរ និងចុះហត្ថលេខារួមគ្នាលើកិច្ចព្រមព្រៀងសន្តិភាព ប៉ុន្តែពេលនេះ ថៃមិនអនុវត្តតាមកិច្ចព្រមព្រៀងសន្តិភាព និងរកលេសចោទប្រកាន់កម្ពុជាមិនឈប់ឈរ អាមេរិកនឹងជំរុញឱ្យប្រទេសទាំងពីរងាកមករកតុចរចាគ្នាម្តងទៀត ។

មុនកិច្ចប្រជុំរដ្ឋមន្ត្រីអាស៊ាននៅថ្ងៃទី២២ ខែធ្នូ មកដល់ រដ្ឋមន្ត្រីក្រសួងការបរទេសអាមេរិក លោក Marco Rubio បានជជែកតាមទូរស័ព្ទជាមួយរដ្ឋមន្ត្រីក្រសួងការបរទេសថៃ លោក Sihasak Phuangketkeow កាលពីពេលថ្មីៗនេះ ដើម្បីជំរុញឱ្យថៃបញ្ចប់សង្គ្រាមឈ្លានពាន និងងាកមកចរចាសន្តិភាពជាមួយកម្ពុជាម្តងទៀត ។ ក្តីសង្ឃឹមរបស់អាមេរិកពេលនេះ គឺជំរុញឱ្យថៃងាកមកគោរពកិច្ចព្រមព្រៀងសន្តិភាព និងឈប់បាញ់នៅត្រឹមថ្ងៃទី២២ ខែធ្នូ ។

លោក Marco Rubio បន្តទៀតថា អាមេរិកប្រឹងប្រែងណាស់ដើម្បីជំរុញឱ្យថៃត្រឡប់មកអនុវត្តតាមកិច្ចព្រមព្រៀងសន្តិភាព ហើយអាមេរិកសង្ឃឹមនឹងអាចបញ្ចប់សង្គ្រាមលើកនេះ ប៉ុន្តែនៅមានការងារជាច្រើនទៀតដែលត្រូវបំពេញ មុនពេលសម្រេចបទឈប់បាញ់ជាថ្មី ។

គួរបញ្ជាក់ថា កាលពីថ្ងៃទី១៨ ខែធ្នូ កន្លងមក លោក Marco Rubio រដ្ឋមន្ត្រីក្រសួងការបរទេសអាមេរិកបានជជែកតាមទូរស័ព្ទជាមួយលោក Sihasak រដ្ឋមន្ត្រីក្រសួងការបរទេសថៃ ដើម្បីជំរុញឱ្យថៃត្រឡប់ទៅអនុវត្តកិច្ចព្រមព្រៀងសន្តិភាពឡើងវិញ ។ លោក Marco Rubio បានគូសបញ្ជាក់ពីការបារម្ភរបស់អាមេរិកពាក់ព័ន្ធនឹងអំពើហិង្សាដែលកំពុងកើតឡើងនៅតាមបណ្តោយព្រំដែន និងសង្កត់ធ្ងន់ពីភាពចាំបាច់ជាបន្ទាន់ក្នុងការកាត់បន្ថយភាពតានតឹង ដោយជំរុញឱ្យរដ្ឋមន្ត្រីក្រសួងការបរទេសថៃចាត់វិធានការបន្ធូរបន្ថយភាពតានតឹង ។

កិច្ចព្រមព្រៀងសន្តិភាពនេះលែងមានប្រសិទ្ធភាពហើយ បន្ទាប់ពីនាយករដ្ឋមន្ត្រីថៃចាំផ្ទៃ លោក Anutin Charnvirakul សម្រេចទាត់ចោលឈប់អនុវត្ត និងប្រកាសបើកការវាយប្រហារកម្ពុជាយ៉ាងចាស់ដៃ និងធ្ងន់ធ្ងរជាងសង្គ្រាមលើកទី១ ក្រោមលេសចោទប្រកាន់កម្ពុជាបង្កប់មីនថ្មី ដែលថៃតែងតែប្រើប្រាស់លេសនេះរហូតមកមុនពេលផ្ទុះសង្គ្រាម ។ កាលពីថ្ងៃទី១៩ ខែធ្នូ លោក Anutin ប្រកាសថា មហាអំណាចណាក៏ដោយ មិនអាចដាក់សម្ពាធឱ្យថៃឈប់វាយប្រហារកម្ពុជាទេ ការវាយប្រហារនឹងបន្តរហូតដល់មានអារម្មណ៍ថា កម្ពុជាលែងបង្កគ្រោះថ្នាក់ ។

យើងនឹងរង់ចាំតាមដានបន្តទៀត តើអាមេរិកអាចបញ្ចប់សង្គ្រាមឈ្លានពានរបស់កងទ័ពថៃនៅត្រឹមថ្ងៃទី២២ ខែធ្នូ ដែរឬទេ ពីព្រោះមេដឹកនាំថៃនៅតែរឹងទទឹងមិនស្តាប់តាមការសម្របសម្រួលរបស់មហាអំណាចបែបនេះ ។ តើអាមេរិកនឹងមានផែនការអ្វីបន្តដើម្បីដាក់សម្ពាធឱ្យថៃងាកមកអនុវត្តបទឈប់បាញ់ និងគោរពកិច្ចព្រមព្រៀងសន្តិភាព?

សារព័ត៌មាន«បាងកកប៉ុស្តិ៍»របស់ថៃ បានលាតត្រដាងការពិតអំពីការកេងចំណេញ និងស្វែងរកផលប្រយោជន៍របស់គណបក្សនយោបាយថៃ ជាពិសេសគណបក្ស Bhumjaithai របស់ អានុទីន ថាកំពុងតែយកការធ្វើសង្រ្គា.មជាមួយកម្ពុជាមកធ្វើជាឈ្នាន់ ដើម្បីទទួលបានគាំទ្រពីប្រជាពលរដ្ឋសម្រាប់ការបោះឆ្នោតនៅពេលខាងមុខ។

យោងតាមអត្ថបទព័ត៌មាន ដែលចេញផ្សាយនាព្រឹកថ្ងៃសៅរិ៍ ទី២០ ខែធ្នូ ឆ្នាំ២០២៥ កាសែតបាងកងប៉ុស្តិ៍ បានរៀបរាប់ថា ស្របពេលដែលការបោះឆ្នោតនៅប្រទេសថៃខិតជិតមកដល់ ជម្លោះព្រំដែនដ៏ជូរចត់ជាមួយប្រទេសកម្ពុជា បានប្រែក្លាយទៅជាអាវុ.ធនយោបាយដ៏មានឥទ្ធិពលមួយ ដោយកំណត់ឡើងវិញនូវអារម្មណ៍ជាតិនិយម និងជំរុញជំហររបស់លោកនាយករដ្ឋមន្ត្រី អនុទីន ឆាន់វីរៈគុល ក្នុងចំណោមអរិភាពដែលកំពុងកើនឡើង។

សារព័ត៌មាននេះបានលាតត្រដាងយ៉ាងច្បាស់ក្រឡែតថា ការផ្ទុះសង្គ្រាមជាមួយកម្ពុជា ធ្វើឲ្យគណបក្សភូមិចៃថៃ ទទួលបានប្រយោជន៍ធំមុនការបោះឆ្នោត ហើយសំឡេងគាំទ្រពីសំណាក់ប្រជាជនក៏ហក់ឡើងដែរ។ វាមិនត្រឹមតែផ្លាស់ប្តូរគំនិតពលរដ្ឋលើយោធានិងការជជែកដេញដោលពាក់ព័ន្ធនឹងជម្លោះទឹកដីប៉ុណ្ណោះទេ ប៉ុន្តែវាជាការសាកល្បងនៃការតាំងចិត្តរបស់ថៃ ដែលអាចជះឥទ្ធិពលដល់ការបោះឆ្នោត និងបានកំណត់ជោគវាសនានយោបាយ នៃគណបក្សធំៗនៅក្នុងប្រទេសថៃផងដែរ។

ជាក់ស្ដែង សូម្បីតែនៅពេលដែលប្រទេសមហាអំណាចធំៗដូចជាសហរដ្ឋអាមេរិក និងចិន បានអំពាវនាវឲ្យបញ្ឈប់ការប្រយុទ្ធជាបន្ទាន់ ក៏មេដឹកនាំថៃនៅតែធ្វើសេចក្ដីថ្លែងការណ៍ឆ្លើយតបយ៉ាងគគ្លើនមិនព្រមអនុវត្តតាមភាគីណាឡើយ បើទោះជាត្រូវរងការរិះគន់ពីប្រជាពលរដ្ឋ និងអ្នកនយោបាយថៃយ៉ាងណាក៏ដោយ។

ទាំងនេះ បានឆ្លុះបញ្ចាំងយ៉ាងច្បាស់ថា មេដឹកនាំថៃនៅពេលបច្ចុប្បន្ន កំពុងព្យាយាមរកនឹកគ្រប់វិធីសាស្រ្តដើម្បីបន្តដុតភ្លើងសង្រ្គា.មជាមួយកម្ពុជា រួចព្យាយាមបញ្ចុះបញ្ចូលប្រជាជនថៃឲ្យមានគំនិតជាតិនិយម យល់ថាការធ្វើសង្រ្គា.មជាមួយកម្ពុជាគឺជាការការពារទឹកដី និងទាមទារការគាំទ្រពីពលរដ្ឋ ដោយហ៊ានយកជីវិតទាហាន និងប្រជាជនសុីវិលកម្ពុជានិងថៃ មកធ្វើជាល្បែង បង្កើតឲ្យមានសង្គ្រាម បង្កវិនាសកម្ម បណ្តាលឲ្យមនុស្សស្លាប់និងរត់ភៀសខ្លួនចោលផ្ទះសម្បែង និងបង្កការបំផ្លាញបំផ្លាញយ៉ាងធំធេងដល់ទំនាក់ទំនងការទូតរវាងប្រទេសនិងប្រទេស។

ឥរិយាបថដ៏ចចេសរបស់លោក អានុទីន និងការបដិសេធមិនទទួលយកបទឈប់បាញ់ដែលសម្របសម្រួលដោយអន្តរជាតិដូចខាងលើនេះ បាននាំឲ្យមានការរិះគន់ពីសំណាក់បក្សប្រឆាំង និងអ្នកដែលចង់បានសន្តិភាពពិតប្រាកដ ដោយពួកគេព្រមានថា វោហាសាស្ត្របន្តសង្គ្រាមដើម្បីបិទបាំងបញ្ហាក្នុងស្រុកដែលកំពុងកើតមាននៅពេលនេះ នឹងធ្វើឱ្យថយចុះជំនឿចិត្ត និងតម្លៃរបស់ប្រទេសថៃនៅលើឆាកអន្តរជាតិ៕

រដ្ឋមន្ត្រីការបរទេសអាមេរិក បានជំរុញឱ្យភាគីថៃវិលត្រឡប់មកអនុវត្តកិច្ចព្រមព្រៀងសន្តិភាពទីក្រុងគូឡាឡាំពួរវិញជាបន្ទាន់ដើម្បីបន្ធូរបន្ថយស្ថានការណ៍ ដោយបង្ហាញពីគោលបំណងរបស់សហរដ្ឋអាមេរិកមានការព្រួយបារម្ភចំពោះការបន្តប្រយុទ្ធគ្នា និងការបាត់បង់ជីវិតមនុស្ស។ នេះបើយោងតាមសេចក្ដីថ្លែងការណ៍ចេញពីគេហទំព័រក្រសួងការបរទេសសហរដ្ឋអាមេរិក។

លោក Marco Rubio រដ្ឋមន្ត្រីការបរទេសអាមេរិក បានជួបជាមួយលោក Sihasak Phuangketkeow រដ្ឋមន្ត្រីការបរទេសថៃ។ លោករដ្ឋមន្ត្រីការបរទេសអាមេរិក បានគូសបញ្ជាក់ពីការព្រួយបារម្ភរបស់សហរដ្ឋអាមេរិក ទាក់ទងនឹងអំពើហិង្សាជាបន្តបន្ទាប់តាមបណ្តោយព្រំដែនកម្ពុជា និងបានសង្កត់ធ្ងន់លើតម្រូវការបន្ទាន់ក្នុងការកាត់បន្ថយភាពតានតឹង។

បន្ថែមលើនោះ លោករដ្ឋមន្ត្រីការបរទេសអាមេរិក Rubio បានជំរុញឱ្យលោក Sihasak រដ្ឋមន្ត្រីការបរទេសថៃ ចាត់វិធានការជាក់ស្តែង និងឱ្យប្រទេសថៃវិលត្រឡប់មកអនុវត្តកិច្ចព្រមព្រៀងសន្តិភាពទីក្រុងគូឡាឡាំពួរវិញផងដែរ ដើម្បីបន្ធូរបន្ថយស្ថានការណ៍និងស្ដារសន្តិភាពឡើងវិញ ។

ដោយឡែក បើតាមអ្នកនាំពាក្យបានលើកឡើងថា៖ «យើងមានការព្រួយបារម្ភចំពោះការបន្តប្រយុទ្ធគ្នា និងការបាត់បង់ជីវិតនៅទីតាំងជាច្រើនតាមបណ្តោយព្រំដែនកម្ពុជា-ថៃ។ យើងទទូចយ៉ាងខ្លាំងឱ្យបញ្ឈប់អរិភាពជាបន្ទាន់ ការពារជនស៊ីវិល និងឱ្យភាគីទាំងពីរត្រឡប់ទៅរកបទឈប់បាញ់ និងវិធានការបន្ថយភាពតានតឹងផ្សេងទៀតដែលបានកំណត់នៅក្នុងកិច្ចព្រមព្រៀងសន្តិភាពទីក្រុងគូឡាឡាំពួរថ្ងៃទី ២៦ ខែតុលា»។

សូមជម្រាបថា កាលពីថ្ងៃទី ១៤ ខែធ្នូ មន្ត្រីយោធាថៃបាននិយាយថា ប្រទេសថៃកំពុងធ្វើការដើម្បីរារាំងការផ្គត់ផ្គង់ប្រេងឥន្ធនៈទៅកាន់កម្ពុជា រួមទាំងការបិទផ្លូវសមុទ្រដែលអាចកើតមាន។ សកម្មភាពនេះបានកើតឡើងនៅពេលដែលមេដឹកនាំយោធាថៃបាននិយាយថា គោលបំណងរបស់ពួកគេគឺ «បំផ្លាញសមត្ថភាពយោធារបស់កម្ពុជា»។ ចាប់តាំងពីពេលនោះមក យន្តហោះចម្បាំងថៃបានរំលោភដែនអាកាសកម្ពុជា និងទម្លាក់គ្រាប់បែកលើទីតាំងជាច្រើននៅក្នុងប្រទេសកម្ពុជា ដោយបានចូលជ្រៅក្នុងដែនអធិបតេយ្យកម្ពុជារហូតដល់ ៩០ គីឡូម៉ែត្រ។

នៅថ្ងៃទី១៥ ខែធ្នូ សភាពាណិជ្ជកម្មអាមេរិកនៅកម្ពុជា (AmCham) បានសរសេរលិខិតមួយទៅកាន់ស្ថានទូតសហរដ្ឋអាមេរិក ដោយសម្តែងការព្រួយបារម្ភជាបន្ទាន់ទាក់ទងនឹងសេចក្តីថ្លែងការណ៍របស់យោធាថៃដែលថា ប្រទេសថៃអាចកំណត់កំពង់ផែរបស់កម្ពុជាថា «មានហានិភ័យខ្ពស់» និងបិទផ្លូវដឹកជញ្ជូនប្រេងឥន្ធនៈ និងទំនិញផ្សេងទៀត៕

ប្រទេសថៃ ៖ ទាំងមហាអំណាចអាមេរិក និងចិន បានប្រឹងប្រែងសម្របសម្រួលឱ្យថៃបញ្ចប់សង្គ្រា.មវាតទីទឹកដីកម្ពុជា និងវិលទៅរកបទឈប់បា.ញ់ជាបន្ទាន់ ពីព្រោះបារម្ភពីអសន្តិសុខក្នុងតំបន់ ជាពិសេស ការបាត់បង់ជីវិតជនស៊ីវិល និងខូចខាតហេដ្ឋារចនាសម្ព័ន្ធកម្ពុជាយ៉ាងច្រើន រួមមាន ៖ ស្ពាន សាលារៀន វត្តអារ៉ាម និងផ្ទះសម្បែងពលរដ្ឋ ប៉ុន្តែត្រូវបានមេដឹកនាំថៃទាត់ចោលការសម្របសម្រួលរបស់មហាអំណាចនានា ហើយង្កើនការបា.ញ់ផ្លោងចូលដែនអធិបតេយ្យកម្ពុជាទាំងផ្លូវទឹក និងអាកាស ។ មេដឹកនាំថៃបើកដៃឱ្យកងទ័ពបង្កសង្គ្រា.មមុនដើម្បីរកសំឡេងឆ្នោតបន្តតំណែង បែរជាចោទប្រកាន់កម្ពុជា និងថាមហាអំណាចនានាមិនអាចដាក់សម្ពាធឱ្យថៃឈប់វាយប្រ.ហារកម្ពុជាទេ ។

ពេលនេះ ថៃលែងស្តាប់មហាអំណាចណាទាំងអស់ សូម្បីតែការអំពាវនាវពីសហគមន៍អន្តរជាតិ និងអង្គការសហប្រជាជាតិឱ្បញ្ចប់សង្គ្រាមឈ្លានពាន ក៏ថៃទាត់ចោលដែរ ថែមទាំងដាក់លក្ខខណ្ឌឱ្យកម្ពុជាអនុវត្តទៅវិញ ។ ថៃបង្កសង្គ្រាមឈ្លានពានវាតទីទឹកដី ដណ្តើមប្រាសាទបុរាណ បែរជាទាមទារឱ្យកម្ពុជាសុំចរចាឈប់បាញ់ ដែលនេះបង្ហាញពីមហិច្ឆតាបំពានមកលើប្រទេសជិតខាងមានពលរដ្ឋតិចជាង មានផ្ទៃដីតូចជាង និងគ្មានយន្តហោះចម្បាំង F-16 ទម្លាក់គ្រាប់បែក ។

កាលពីថ្ងៃទី១៩ ខែធ្នូ ឆ្នាំ២០២៥ សារព័ត៌មាន Matichon Online រាយការណ៍ថា ថ្មីៗនេះ លោក Wang Yi រដ្ឋមន្ត្រីក្រសួងការបរទេសចិន និងលោក Marcon Rubio រដ្ឋមន្ត្រីក្រសួងការបរទេសអាមេរិក បានជួបពិភាក្សាតាមទូរស័ព្ទជាមួយលោក Sihasak Phuangketkeow រដ្ឋមន្ត្រីក្រសួងការបទេសថៃ ដោយចិននិងអាមេរិកសុទ្ធតែជំរុញឱ្យថៃបញ្ចប់សង្គ្រាមឈ្លានពានកម្ពុជាជាបន្ទាន់ និងវិលទៅរកបទឈប់បាញ់ គោរពកិច្ចព្រមព្រៀងសន្តិភាពទីក្រុងគូឡាឡាំពួរ ដើម្បីបញ្ឈប់ការបំផ្លាញហេដ្ឋារចនាសម្ព័ន្ធ និងជនស៊ីវិលលកម្ពុជា ។ ប៉ុន្តែថៃបែរជាដើរតួជាប្រទេសរងគ្រោះនៅចំពោះមុខមហាអំណាច និងនិយាយបំភ្លៃ ចោទប្រកាន់កម្ពុជាបា.ញ់មុន ។

នាយករដ្ឋមន្ត្រីចាំផ្ទះថៃ លោក Anutin Charnvirakul និយាយកាលពីថ្ងៃទី១៩ ខែធ្នូ នៅទីស្នាក់ការគណបក្សភូមិចៃថៃ ថា ទាំងមហាអំណាចអាមេរិក និងមហាអំណាចចិន បានជួបពិភាក្សាតាមទូរស័ព្ទជាមួយលោក Sihasak Phuangketkeow រដ្ឋមន្ត្រីក្រសួងការបទេសថៃ ដើម្បីបញ្ចប់សង្គ្រាមឆាប់ៗ ប៉ុន្តែមហាអំណាចទាំង២មិនអាចដាក់សម្ពាធឱ្យថៃឈប់វាយប្រហារកម្ពុជាទេ ។ អាមេរិក និងចិន ត្រូវទៅប្រាប់កម្ពុជាឱ្យឈប់បាញ់មុន ដោយលោកចោទប្រកាន់កម្ពុជាមិនគោរពកិច្ចព្រមព្រៀងសន្តិភាពទីក្រុងគូឡាឡាំពួរ ។

លោក Anutin បន្តថា លោក Sihasak រដ្ឋមន្ត្រីក្រសួងការបរទេសថៃបានបកស្រាយតាមទូរស័ព្ទទៅកាន់អាមេរិកនិងចិន អំពីកងទ័ពថៃបើកការវាយប្រហារកម្ពុជាជាថ្មី និងសំណូមពរកុំឱ្យមហាអំណាចទាំង២ លម្អៀងទៅកម្ពុជា បើទោះជាថៃបើកឆាកសង្គ្រាមមុនក្តី ។ លោក Sihasak បាននិយាយលុបលាងទង្វើឈ្លានពានរបស់ថៃថា ថៃមិនបានឈ្លានពានកម្ពុជាទេ បើមហាអំណាចទាំង២ចង់ឱ្យថៃឈប់បាញ់ ទាល់តែប្រាប់កម្ពុជាឱ្យឈប់បាញ់មុន ថៃនឹងបន្តសង្គ្រាមរហូតដល់មានអាមរម្មណ៍ថា កម្ពុជាលែងបង្កគ្រោះថ្នាក់ ។ មហាអំណាចទាំង២ មិនអាចដាក់សម្ពាធឱ្យថៃបញ្ចប់សង្គ្រាមទេ ។

លោក Anutin ថែមទាំអនិយាយបំភ្លៃថា ប្រទេសថៃរងគ្រោះ ថៃមិនបានបង្កសង្គ្រាមមុន និងសំណូមពរឱ្យមហាអំណាចទាំង២ ដាក់សម្ពាធលើកម្ពុជាឱ្យគោរពកិច្ចព្រមព្រៀងសន្តិភាពទីក្រុងគូឡាឡាំពួរ និងជំរុញឱ្យកម្ពុជាដកថយកម្លាំងទ័ព ដកថយអាវុធពីសមរភូមិ ។

កន្លងមក លោក Anutin អះអាងថា ការបញ្ចប់វាយប្រហារកម្ពុជា លុះត្រាតែថៃទទួលបានផលប្រយោជន៍ច្រើនបំផុតពីសង្គ្រាមនេះ ដោយកាន់កាប់តំបន់មួយចំនួនជាមុន និងទាមទារឱ្យកម្ពុជាសុំចរចាមុន ។ ហេតុអ្វីឱ្យកម្ពុជាទៅសុំចរចាមុន បើថៃបានបើកការវាយប្រហារមុនមកក្នុងទឹកដីកម្ពុជា ដើម្បីបំផ្លាញហេដ្ឋារចនាសម្ព័ន្ធ ស្ពាន សាលារៀន វត្តអារ៉ាម ផ្ទះសម្បែង និងទ្រព្យសម្បត្តិពលរដ្ឋកម្ពុជា ដោយប្រើប្រាស់យន្តហោះចម្បាំង F-16 ទម្លាក់គ្រាប់បែកចូលជ្រៅក្នុងទឹកដីកម្ពុជា ក្រោមលេសបំផ្លាញទីតាំងក្រុមឧក្រិដ្ឋកម្មឆ្លងដែន ។

ថៃព្យាយាមផ្សព្វផ្សាយលាបពណ៌កម្ពុជាទៅកាន់ពិភពលោកថា អគារផ្សេងៗរបស់កម្ពុជានៅជាប់ព្រំដែនថៃ គឺជាទីតាំងឧក្រិដ្ឋកម្មឆ្លងដែន ទើបថៃចាំបាច់ត្រូវប្រើប្រាស់យន្តហោះចម្បាំង F-16 ទម្លាក់គ្រាប់បែកកំទេចអគារទាំងនេះ ។ ការនិយាយលាបពណ៌ដើម្បីកុំឱ្យរងការថ្កោលទោសពីអន្តរជាតិ ដែលកងទ័ពថៃយកយន្តហោះចម្បាំង F-16 ទម្លាក់គ្រាប់បែកបំផ្លាញហេដ្ឋារចនាសម្ព័ន្ធកម្ពុជាទាំងយប់ទាំងថ្ងៃ ។

ថៃទម្លាក់គ្រាប់បែកកំទេចទ្រព្យសម្បត្តិកម្ពុជា ហើយប្រឹងផ្សាយថា កម្ពុជាជាជម្រកល្បែងអនឡាញទៅវិញ ។ តើមាត្រានៃច្បាប់អន្តរជាតិមួយណាអនុញ្ញាតឱ្យថៃប្រតិបត្តិការបែបនេះលើប្រទេសជិតខាងដែលមានឯករាជ្យ និងអធិបតេយ្យ? ថៃបង្កទន្ទ្រានទឹកដីកម្ពុជាហើយ ព្យាយាមនិយាយយកល្អខ្លួនឯង ។ កម្ពុជាសង្ឃឹមថា មហាអំណាចអាមេរិក និងចិន អាចជួយដាក់សម្ពាធឱ្យថៃគោរពបទឈប់បាញ់ គោរពកិច្ចព្រមព្រៀងសន្តិភាព បញ្ចប់សង្គ្រាមឈ្លានពានឆាប់ៗ ៕