ប្រាសាទបក្សីចាំក្រុង ត្រូវបានកសាងឡើងដោយព្រះបាទហស៌វរ្ម័នទី១ និងបញ្ចប់ការកសាងដោយព្រះបាទរាជេន្ទ្រវរ្ម័នទី២។

ប្រាសាទ ស្ថិតនៅកណ្តាលព្រៃខាងជើងភ្នំបាខែង ប្រហែល១៥០ម៉ែត្រ មានកាំជណ្តើរស្ថាបនា ដោយថ្មបាយកៀ្រម និងឥដ្ឋពក្រហម ដែលត្រូវបានកសាង ដើម្បីឧទ្ទិសថ្វាយព្រះឥសូរក្នុងព្រហ្មញ្ញសាសនា។

ប្រាសាទបក្សីចាំក្រុងមានរាងជាសាជី ដែលមាន៤ថ្នាក់ កសាងពីថ្មបាយក្រៀម និងមានប្រាសាទមួយធ្វើពីឥដ្ឋបែរមុខទៅទិសខាងកើតបន្តុបនៅពីលើ និងចាប់ផ្តើមកសាងឡើងដោយព្រះបាទហស៌វរ្ម័នទី១ (៩១០ – ៩៤៤) ដែលព្រះអង្គគឺជាព្រះរាជបុត្រមួយអង្គក្នុងចំណោមព្រះរាជបុត្រាទាំងពីររបស់ព្រះបាទយសោវរ្ម័នទី១ និងបញ្ចប់ការកសាងដោយព្រះបាទរាជេន្ទ្រវរ្ម័នទី២ (៩៤៤ – ៩៦៨)។

ដោយឡែក ជុំវិញនឹងឈ្មោះប្រាសាទនេះវិញ ជាប់ទាក់ទងនឹងរឿងព្រេងខ្មែរ ដែលមានស្តេចមួយអង្គ មានបក្សីចាំថែរក្សាគ្រប់គ្រង និងតែងតែការពារស្តេចអង្គនោះ ឱ្យគេសផុតពីការដេញតាមសំម្លាប់ពីស្តេចដែលសោយរាជ្យមុនៗ៕

ថ្មីៗនេះ មានការបង្ហោះរបស់ជនអនាមិកមួយ ដែលបានក្លែងបន្លំរាជសាររបស់ព្រះបរមរាជវាំង បង្កជាការភ្ញាក់ផ្អើលពេញបណ្តាញសង្គម។

នៅក្នុងរាជសារក្លែងក្លាយនេះ បានលើកឡើងថា៖”ហ្លួងយាយ សូមគោរពអញ្ជើញ និងនិមន្ត ព្រះថេរធម្ម ចន វាសី ចន្ទមុនី ដើម្បីមកសម្លេង ព្រះធម៌ទេសនា ក្នុងព្រះរាជពិធីបុណ្យកឋិនទាន ថ្វាយ ព្រះករុណាព្រះមហាវីរក្សត្រ ព្រះវររាជ បិតាជាតិខ្មែរ ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុត នៃប្រជាជាតិកម្ពុជា ដែលនឹង ប្រព្រឹត្តិទៅនៅថ្ងៃពុធ ១០រោច ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី០៨ ខែវិច្ឆិកា ឆ្នាំ២០២៣ វេលាម៉ោង ៤:០០នាទីល្ងាច នៅវត្ដទពត៌មាន(ហៅវត្តកាន់ទ្រង់) ស្ថិតនៅ ភូមិ កាន់ទ្រង់ ឃុំតានី ស្រុកអង្គជ័យ ខេត្តកំពត ។ ទូលព្រះបង្គំខ្ញុំម្ចាស់ សម្ដេច ព្រះស៊ីសុវត្តិ ពទ្យនារី មុនីពង្ស ជាឧត្តមទីប្រឹក្សាផ្ទាល់ព្រះ មហាក្សត្រ ព្រះរាជតំណាងជួសមុខអោយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាទីគោរសក្ការៈដ៏ខ្ពង់ខ្ពស់បំផុត និមន្ត និងប្រគេនពរ ព្រះថេរធម្ម វន វាសី ចន្ទមុនី ។ សូមប្រគេន ព្រះថេរធម្ម បានប្រកបតនឹងព្រះពុទ្ធពរគ្រប់ប្រការគឺ អាយុ វណ្ណៈ សុខៈ ពលៈ កុំបី ឃ្លៀងឃ្លាតឡើយ ។ សូមប្រគេន ព្រះថេរធម្ម ទទួលនូវសេចក្ដីគោរពអំពី ហ្លួងយាយ”។

ក្រោយពីបានឃើញរាជសារក្លែងក្លាយ ខាងព្រះបរមរាជវាំងបានចេញលិខិតបកស្រាយច្បាស់ថា៖”រាជសារ ដែលគេបង្ហោះនៅលើបណ្តាញសង្គមនោះ គឺក្លែងក្លាយនោះទេ ដោយពុំមែនជា ព្រះរាជសារពិតប្រាកដ របស់ ព្រះករុណាជា អម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត និងសម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុតឡើយ៕

ថ្មីៗនេះ កម្លាំងសមត្ថកិច្ច បានចុះបង្ក្រាបទីតាំងមួយកន្លែងថតរឿងកូនជ្រូក ដោយបានឃាត់ខ្លួនមនុស្សជាច្រេីននាក់ មានទាំងជនជាតិខ្មែរ និងចិន។ ហេតុការណ៍នេះស្ថិតនៅតាមបណ្តោយផ្លូវ៣១០ ក្នុងសង្កាត់បឹងកេងកង ខណ្ឌបឹងកេងកង រាជធានីភ្នំពេញ យប់ថ្ងៃទី២៤ ខែតុលា ឆ្នាំ២០២៣។

ទាក់ទងនឹងករណីនេះ យោងតាមច្បាប់នៃព្រះរាជាណាចក្រកម្ពុជា ការថតផលិតកុនកូនជ្រូក ឬថតរូបភាព ជាអំពើខុសច្បាប់ ដែលអ្នកប្រព្រឹត្តិអាចប្រឈមមុខនឹងការជាប់ពន្ធនាគារ១ខែ ទៅ ១ឆ្នាំ និងពិន័យជាប្រាក់ពី ២០ម៉ឺនរៀល ទៅ ២លានរៀល។

លើសពីនេះ អ្នកផលិតកុននេះ អាចនឹងជាប់ពន្ធនាគារ៥ឆ្នាំ ទៅដល់១០ឆ្នាំ ប្រសិនបើថតរូបភាព ឬវីដេអូ ទៅលើកុមារក្រោមអាយុ១៨ឆ្នាំ៕

ភាពទាក់ទាញរបស់មនុស្សស្រីគឺមិនពឹងផ្អែកតែលើសម្រស់មុខមាត់រូបរាងប៉ុណ្ណោះទេ ការទាក់ទាញពិតក៏ពឹងផ្អែកយ៉ាងខ្លាំងទៅលើអាកប្បកិរិយាដែលឆ្លុះបង្ហាញពីចរិតលក្ខណៈរបស់អ្នក ហើយមនុស្សគ្រប់គ្នាអាចនឹងលង់ស្រលាញ់ជាមួយបុគ្គលិកលក្ខណៈរបស់អ្នកបានយ៉ាងងាយ។ ដូច្នេះដើម្បីបង្កើនភាពទាក់ទាញ មនុស្សស្រីគប្បីមានឥរិយាបថសាមញ្ញដូចខាងក្រោម៖

១.ជឿជាក់លើខ្លួនឯង៖ ស្ត្រីដែលមានភាពទាក់ទាញត្រូវតែមានទំនុកចិត្តលើខ្លួនឯង ដោយពួកគេដឹងពីតម្លៃរបស់ខ្លួន និងជឿជាក់លើសមត្ថភាពរបស់ពួកគេជានិច្ច ដែលនេះត្រូវបានបង្ហាញក្នុងកាយវិការ និងពាក្យសម្ដី ធ្វើឱ្យពួកគេគួរឱ្យទាក់ទាញនិងគួរឱ្យចាប់អារម្មណ៍។

២.មានបុគ្គលិកលក្ខណៈល្អ៖ ស្ត្រីដែលទាក់ទាញច្រើនតែមានបុគ្គលិកលក្ខណៈល្អដូចជា មានចិត្តល្អ កក់ក្តៅ និងយកចិត្តទុកដាក់ចំពោះមនុស្សជុំវិញខ្លួន ធ្វើឱ្យមនុស្សគ្រប់គ្នាមានអារម្មណ៍ចង់តែនៅក្បែនាក់។

៣.ការញញឹមទៅអ្នកដ៏ទៃ៖ ស្ត្រីដែលមានភាពទាក់ទាញច្រើនតែមានភាពរួសរាយរាក់ទាក់ សាមញ្ញៗ នឹងតែងតែបង្ហាញស្នាមញញឹមទៅកាន់មនុស្សជុំវិញខ្លួនគ្រប់ពេល។ ដូច្នេះ ការញញឹមនឹងធ្វើឱ្យអ្នកកាន់តែមានភាពវិជ្ជមានសម្រាប់ខ្លួនឯងនិងអ្នកដ៏ទៃដែលបានឃើញ ក៏ដូចជាធ្វើឱ្យខ្លួនឯងនឹងអ្នកដ៏ទៃសប្បាយចិត្តក្នុងពេលតែមួយផងដែរ។

៤.មានភាពស្មោះត្រង់៖ ស្ត្រីដែលទាក់ទាញច្រើនតែមានភាពស្មោះត្រង់ ដោយពួកគេនឹងធ្វើឱ្យមនុស្សគ្រប់គ្នាមានអារម្មណ៍ថាគួរឱ្យទុកចិត្តនិងមានទំនុកចិត្ត។

៥.ស្រលាញ់ខ្លួនឯងឱ្យបានច្រើន៖ ស្ត្រីដែលទាក់ទាញគឺជាមនុស្សឯករាជ្យ។ ពួកគេទទួលយកខ្លួនឯងតាមរបៀបដែលពួកគេមាន ពួកគេក៏ធ្វើឱ្យមនុស្សគ្រប់គ្នាមានអារម្មណ៍កោតសរសើរនិងឱ្យតម្លៃផងដែរ។

៦.ធ្វើជាមនុស្សបើកចំហ៖ ស្ត្រីដែលមានភាពទាក់ទាញច្រើនតែបើកចិត្តទូលាយ ដោយពួកគេត្រៀមខ្លួនដើម្បីរៀនអ្វីថ្មីៗ និងស្តាប់យោបល់ផ្សេងៗ ពួកគេនឹងធ្វើឱ្យអ្នកដទៃមានអារម្មណ៍ស្រួលក្នុងការចែករំលែកគំនិត ក៏ដូចជាបទពិសោធន៍របស់ពួកគេផងដែរ៕

នារីៗដែលចូលចិត្តធ្វើក្រចក ហើយមានបំណងចង់ធ្វើក្រចកនៅផ្ទះដោយខ្លួនឯងឱ្យស្អាតដូចគេធ្វើនៅសាឡន ដើម្បីកុំឱ្យអស់ថវិការច្រើន។ ថ្ងៃនេះ KBN News នឹងចែករំលែកគន្លឹះ ៥ យ៉ាងក្នុងការលាបក្រចកឱ្យស្អាតដោយខ្លួនឯងដូចខាងក្រោម៖

១. ត្រាំក្រចករបស់អ្នកក្នុងទឹកត្រជាក់៖ នៅពេលលាបថ្នាំក្រចក ហើយចង់ឱ្យក្រចករបស់អ្នកស្ងួតលឿន យើងសូមណែនាំអ្នកឱ្យត្រាំក្រចកដៃដែលលាបរួចហើយក្នុងទឹកត្រជាក់។ វិធីនេះនឹងជួយកំណត់ថ្នាំក្រចកឱ្យជាប់បានយូរ ក៏ដូចជាជួយឱ្យវាស្ងួតបានលឿន។

២. ប្រើ Quick Dry Spray៖ ជាធម្មតា Quick Dry Spray ប្រើសម្រាប់ធ្វើឱ្យពណ៌ក្រចកស្ងួតលឿន ហើយថែមទាំងធ្វើឱ្យថ្នាំលាបក្រចកជាប់បានយូរទៀតផង។ ដូច្នេះនៅពេលអ្នកលាបក្រចករួច អ្នកអាចបាញ់វាប្រហែល ២ ឈីតក្នុងមួយក្រចក បន្ទាប់មករង់ចាំប្រហែល ៣ នាទីជាការស្រេច។

៣.ក្រឡុកទឹកថ្នាំមុនលាបក្រចក៖ ការក្រឡុកទឹកថ្នាំមុនលាបក្រចក នឹងធ្វើឱ្យទឹកថ្នាំក្រចកល្អ ដោយ វិធីនេះនឹងការពារមិនឱ្យមានការកកពពុះខ្យល់ពេលលាបថ្នាំក្រចក។

៤.ដាក់គម្របថ្នាំក្រចកក្នុងទឹកក្តៅឧណ្ណៗ៖ ប្រសិនបើអ្នកពិបាកបើកគម្របថ្នាំក្រចក សូមសាកល្បងដាក់គម្របថ្នាំក្រចកដោយទឹកក្តៅឧណ្ណៗប្រហែល ៣ នាទី នឹងជួយឱ្យគម្របបើកយ៉ាងស្រួលវិញដូចធម្មតា។

៥.ប្រើកប្បាស swab dabbed៖ ជាធម្មតាថ្នាំក្រចកមានទំនោររញ៉េរញ៉ៃនៅមាត់ដប ហើយវាក៏បណ្តាលឱ្យមានការគៀបជាប់នឹងជក់ផងដែរ។ ដូច្នេះវាត្រូវបានផ្ដល់អនុសាសន៍ឱ្យដោះស្រាយបញ្ហាដោយប្រើកប្បាស swab dabbed ជាមួយប្រេង បន្ទាប់មកយកវាមកលាបជុំវិញកដប ដើម្បីដោះស្រាយបញ្ហាថ្នាំក្រចកស្ងួត៕