បាបកម្មមិនចាំជាតិក្រោយ! តារាចម្រៀងនិងសម្តែងថៃ Dome Pakorn Lam កំពុងប្រឈមនឹងពាក្យបណ្តឹងពីកូនស្រីអ្នកនយោបាយក្រោយពីប្រើសម្តីលេបខាយបៀតបៀនផ្លូវភេទ។ ក្រោយពីប្រកែកតវ៉ាថាខ្លួនមិនបានបង្កកំហុស Dome ស្រាប់តែចេញមុខសូមទោសដោយយកលេសថាស្ថិតក្រោមឥទ្ធិពលគ្រឿងស្រវឹង។

តារាសម្តែង និងជាតារាចម្រៀងថៃ Pakorn Lam កំពុងប្រឈមមុខនឹងការប្តឹងផ្តល់បន្ទាប់ពីមានការអត្ថាធិប្បាយបៀតបៀនផ្លូវភេទក្រោមរូបភាពកូនស្រីរបស់អ្នកនយោបាយថៃឈានមុខគេ ដែលធ្វើឱ្យករណីនេះក្លាយជាចំណាត់ការផ្លូវច្បាប់ដំបូងដែលធ្វើឡើងក្រោមច្បាប់ឧក្រិដ្ឋកម្មផ្លូវភេទថ្មីរបស់ប្រទេសថៃ។ ជនរងគ្រោះមានឈ្មោះថា Jinny ជាកូនស្រីរបស់អ្នកនយោបាយស្រីលេចធ្លោ Sudarat Keyuraphan ។ Jinny ថ្មីៗនេះបានទាក់ទាញការចាប់អារម្មណ៍ជាសាធារណៈបន្ទាប់ពីបានបង្ហាញខ្លួននៅក្នុងព្រឹត្តិការណ៍យុទ្ធនាការដើម្បីគាំទ្រម្តាយរបស់នាងនិងគណបក្ស Thai Sang Thai នៅមុនការបោះឆ្នោតទូទៅដែលគ្រោងធ្វើនៅខែកុម្ភៈឆ្នាំ២០២៦។

ទោះបីជា Jinny មិនមែនជាបេក្ខជនបោះឆ្នោតខ្លួនឯងក៏ដោយ ក៏នាងទាក់ទាញចំណាប់អារម្មណ៍ពីសាធារណជន ទាំងការរំពឹងទុកអំពីអាជីពនយោបាយនាពេលអនាគតរបស់នាង និងលើរូបរាង និងវត្តមានសាធារណៈរបស់នាង។ភាពចម្រូងចម្រាសបានចាប់ផ្តើមបន្ទាប់ពីអ្នកមានឥទ្ធិពលលើបណ្តាញសង្គមម្នាក់បានចែករំលែករូបភាពរបស់ Jinny នៅលើគណនីហ្វេសប៊ុកផ្ទាល់ខ្លួនរបស់ខ្លួនដោយសរសើររូបរាងរបស់នាង។ ក្នុងចំណោមអ្នកបញ្ចេញមតិយ៉ាងច្រើនគឺមានតារាថៃ Dome បានសរសេរលេបខាយ។ ការអត្ថាធិប្បាយនេះបានធ្វើឱ្យមានប្រតិកម្មតបតាមអ៊ីនធឺណិតយ៉ាងឆាប់រហ័ស ដោយអ្នកប្រើប្រាស់ជាច្រើនបានចោទប្រកាន់តារាល្បីរូបនេះពីការបៀតបៀនផ្លូវភេទ និងរិះគន់បុគ្គលនេះពីបទយកគំរូមិនល្អជាបុគ្គលសាធារណៈ។ក្រោយមក Dome បានលុបការអត្ថាធិប្បាយ និងចេញការសូមទោសជាសាធារណៈ។ ដំបូងឡើយ លោកបានបដិសេធចំពោះការបង្ហោះមតិដោយខ្លួនឯង ដោយអះអាងថា គណនី Facebook ផ្លូវការរបស់លោក ត្រូវបានគ្រប់គ្រងដោយអ្នកគ្រប់គ្រងចំនួន៧។ លោកថា លោកនឹងស៊ើបអង្កេតអ្នកណាជាអ្នកទទួលខុសត្រូវ និងចាត់វិធានការលើពួកគេ។

ទោះបីជាមានការពន្យល់បែបនេះក្តី ក៏តំណាងគណបក្ស Thai Sang Thai បានប្រកាសថានឹងចាត់វិធានការផ្លូវច្បាប់ប្រឆាំងនឹង Dome ជុំវិញការអត្ថាធិប្បាយដោយមិនគិតពីការបដិសេធរបស់ខ្លួន។ក្រោយមកតារាសម្ដែងរូបនេះបានចេញសេចក្តីថ្លែងការណ៍ជាវីដេអូដែលលោកបានទទួលខុសត្រូវ។ បន្ទាប់ពីបាននិយាយជាមួយអ្នកគ្រប់គ្រងទាំង៧នាក់ Dome បាននិយាយថា «ខ្លួនលោកគឺជាអ្នកខម្មិនដោយខ្លួនឯង»។ តារាថៃរូបនេះបានអះអាងថា សកម្មភាពរបស់ខ្លួនគឺជាការមិនប្រុងប្រយ័ត្ន និងឥទ្ធិពលនៃការសេពគ្រឿងស្រវឹង ដោយពន្យល់ថា លោកបានផឹកជាមួយមិត្តភ័ក្តិនៅថ្ងៃដែលមានការខម្មិន ។ Dome បន្ថែមថា ខ្លួនតែងតែបញ្ចេញមតិលើរូបថតដែល Dew ចែករំលែក ហើយនិយាយថាលោកមិនស្គាល់ Jinny ហើយក៏មិនតាមដានរឿងនយោបាយថៃយ៉ាងជិតស្និទ្ធដែរ។

Dome បាននិយាយយកខ្លួនឯងល្អថាខ្លួនជាមនុស្សគោរពស្ត្រីដោយបានសូមទោស Jinny និងម្តាយរបស់នាងចំពោះឧបទ្ទវហេតុនេះ។ ទាំង Jinny និង ម្តាយជាអ្នកនយោបាយក្រោយមកបានបង្ហោះសេចក្តីថ្លែងការណ៍លើបណ្តាញសង្គមថ្កោលទោសទង្វើរបស់ Dome និងបញ្ជាក់ថាពួកគេនឹងបន្តចាត់ការតាមផ្លូវច្បាប់។ច្បាប់បៀតបៀនផ្លូវភេទរបស់ប្រទេសថៃបានចូលជាធរមាននៅថ្ងៃទី ៣០ ខែធ្នូ។ ក្រោមច្បាប់ថ្មី ការបៀតបៀនផ្លូវភេទមិនតម្រូវឱ្យមានការប៉ះពាល់ផ្លូវកាយទេ។ ការនិយាយពាក្យសំដី កាយវិការ ការមើលងាយ និងការអត្ថាធិប្បាយផ្លូវភេទដែលធ្វើឡើងតាមអ៊ីនធឺណិតឥឡូវនេះត្រូវបានចាត់ថ្នាក់ថាជាបទល្មើស។

ច្បាប់ដែលបានធ្វើបច្ចុប្បន្នភាពក៏បង្កើនការពិន័យផងដែរ ដោយជនល្មើសអាចប្រឈមនឹងការជាប់ពន្ធនាគាររហូតដល់៥ឆ្នាំ ពិន័យជាប្រាក់រហូតដល់ ១០០,០០០ បាត ឬទាំងពីរ។នៅពេលដែលច្បាប់ចូលជាធរមាន Dome ក្លាយជាមនុស្សដំបូងគេដែលប្រឈមមុខនឹងវិធានការផ្លូវច្បាប់ក្រោមបទប្បញ្ញត្តិថ្មី។

កាលពីខែតុលា កន្លងមកនេះ Dome Pakorn Lam ត្រូវបានទស្សនិកជនកម្ពុជាជាច្រើនចាត់ទុកថាតារាប្រុសរូបនេះជាមនុស្សរមិលគុណមកកើបលុយក្នុងប្រទេសកម្ពុជាជាច្រើនដងប៉ុន្តែប្រើសម្តីសម្អុយកេរ្តិ៍ឈ្មោះកម្ពុជា។ លើសពីនេះទៅទៀត ប៉ូគឹមថេង សុតធីតា បានបកស្បែកមុខ Dome ថានៅពេលអ្នកទាំងពីរធ្លាប់ធ្វើការជាមួយគ្នាតារាប្រុសរូបនេះបានប្រើក្រសែភ្នែកទាក់ទាញនាងផងដែរ។ បាបកម្មមិនចាំជាតិក្រោយមនុស្សដែលរមិលគុណពេលនេះកំពុងរងផលកម្មរបស់ខ្លួនហើយ៕

តាមយោងប្រព័ន្ធផ្សព្វផ្សាយបានឱ្យដឹងថាបញ្ជីឈ្មោះតារា K-pop បុរសចំនួន ៥០នាក់ដែលមានការស្វែងរកច្រើនបំផុតនៅលើ YouTube នៅសហរដ្ឋអាម៉េរិកក្នុងឆ្នាំ ២០២៥ រួមមាន Jungkook និង V មកពីក្រុម BTS ។ ចំណាត់ថ្នាក់នេះឆ្លុះបញ្ចាំងពីកម្រិតនៃការចាប់អារម្មណ៍ និងឥទ្ធិពលរបស់សិល្បករ K-pop ក្នុងចំណោមទស្សនិកជនអាម៉េរិកដែលជាទីផ្សារតន្ត្រីដ៏សំខាន់បំផុតមួយរបស់ពិភពលោក។

យោងតាមទិន្នន័យដែលបានចែករំលែក Jungkook បានឈរនៅលំដាប់កំពូល ដែលបង្ហាញពីប្រជាប្រិយភាពដ៏យូរអង្វែងរបស់តារាចម្រៀងរូបនេះ ទោះបីជាសកម្មភាពបុគ្គល និងក្រុមមានភាពមិនមានច្រើនក៏ដោយ។ បន្ទាប់ពី Jungkook គឺ V និង J-Hope ដោយទទួលបានតំណែងកំពូលទាំងបីនៅក្នុង Top 3។ នេះបង្ហាញថាឥទ្ធិពលបុគ្គលរបស់សមាជិក BTS នៅក្នុងទីផ្សារសហរដ្ឋអាម៉េរិកនៅតែខ្លាំង ទោះបីជាក្រុមនេះកំពុងសម្រាកមិនទាន់បញ្ចេញសកម្មភាពក្រុមក៏ដោយ។

គួរកត់សម្គាល់ថាក្រៅពីសមាជិក BTS ដែលឈរចំណាត់ថ្នាក់កំពូកក្នុងនោះមានសមាជិកមកក្រុមផ្សេងទៀតដូចជាសមាជិក Stray Kids រួមទាំងសមាជិកក្រុម Big Bang នៅតែបន្តបង្ហាញពីប្រជាប្រិយភាពដ៏យូរអង្វែងរបស់ខ្លួន ដោយ G-Dragon ជាប់ចំណាត់ថ្នាក់លេខ ៧ Taeyang ជាប់ចំណាត់ថ្នាក់លេខ ២២និង Daesung ជាប់ចំណាត់ថ្នាក់លេខ ៣១។ ទោះបីជាលែងសម្តែងជាក្រុមជាប្រចាំក៏ដោយ សមាជិក Big Bang នៅតែរក្សាបាននូវភាពទាក់ទាញយ៉ាងសំខាន់នៅទូទាំងវេទិកាអនឡាញ។ក្រៅពីសមាជិកក្រុមខាងលើសមាជិក ENHYPEN ក៏បានលេចមុខក្នុងបញ្ជីកំពូលទាំង ៥០។

បញ្ជីនេះមិនត្រឹមតែឆ្លុះបញ្ចាំងពីប្រជាប្រិយភាពរបស់តារា K-pop នៅសហរដ្ឋអាម៉េរិកប៉ុណ្ណោះទេ ប៉ុន្តែវាក៏បង្ហាញពីការផ្លាស់ប្តូរចំណង់ចំណូលចិត្តរបស់អ្នកមើល YouTube ផងដែរ ដែលឥទ្ធិពលរបស់បុគ្គលម្នាក់ៗកំពុងដើរតួនាទីយ៉ាងសំខាន់រួមជាមួយនឹងសកម្មភាពក្រុម។ ជាមួយនឹងសន្ទុះបច្ចុប្បន្នរបស់ខ្លួន K-pop ត្រូវបានគេព្យាករណ៍ថានឹងបន្តប្រជាប្រិយភាពរបស់ខ្លួននៅក្នុងទីផ្សារសហរដ្ឋអាម៉េរិកក្នុងរយៈពេលប៉ុន្មានឆ្នាំខាងមុខ៕

តារាចម្រៀង Danielle វ័យ២០ឆ្នាំ អាចប្រឈមមុខនឹងការពិន័យយ៉ាងធ្ងន់ធ្ងរចំពោះការរំលោភកិច្ចសន្យា បន្ទាប់ពីត្រូវបានប្តឹងដោយភ្នាក់ងាររបស់នាងគឺ ADOR ។ ADOR ដែលជាផ្នែកមួយ នៃ HYBE Group បានប្រកាសថាខ្លួននឹងដាក់ពាក្យបណ្តឹងប្រឆាំងនឹង សមាជិកក្រុម New Jeans គឺ Danielle នៅថ្ងៃទី២៩ ខែធ្នូ បន្ទាប់ពីការប្រកាសបញ្ចប់កិច្ចសន្យារបស់នាងនៅព្រឹកនេះ។

ADOR បានបញ្ជាក់ថា Danielle បាន «ប្រព្រឹត្តិការរំលោភលើកិច្ចសន្យាផ្តាច់មុខរបស់នាង ដូចជាការចុះហត្ថលេខាលើកិច្ចសន្យាដែលផ្ទុយនឹងកិច្ចព្រមព្រៀងផ្តាច់មុខបច្ចុប្បន្នរបស់នាង ការចូលរួមក្នុងសកម្មភាពកម្សាន្តឯករាជ្យ ឬការចូលរួមក្នុងអាកប្បកិរិយាដែលប៉ះពាល់ដល់កេរ្តិ៍ឈ្មោះរបស់ក្រុមហ៊ុន និងក្រុម NewJeans»។ ទាក់ទងនឹងមូលហេតុនៃការបញ្ចប់កិច្ចសន្យារបស់ Danielle ADOR បានពន្យល់ថា «ទោះបីជាមានការស្នើសុំឱ្យមានវិធានការកែតម្រូវក៏ដោយ ការកែតម្រូវមិនត្រូវបានធ្វើឡើងក្នុងរយៈពេលកំណត់នោះទេ ដូច្នេះយើងបានជូនដំណឹងដល់នាងអំពីការបញ្ចប់កិច្ចសន្យ»។

ក្រុមហ៊ុនបានបន្ថែមថា «យើងមិនអាចបង្ហាញពីចំនួនទឹកប្រាក់ពិតប្រាកដនៃសំណងសម្រាប់ការខូចខាតបានទេ ទោះជាយ៉ាងណាក៏ដោយ ការពិន័យចំពោះការរំលោភលើកិច្ចសន្យានឹងត្រូវបានគណនាតាមរូបមន្តដែលមានចែងក្នុងកិច្ចសន្យាផ្តាច់មុខ»។
យោងតាមប្រព័ន្ធផ្សព្វផ្សាយកូរ៉េខាងត្បូង ការប៉ាន់ប្រមាណនៃការពិន័យចំពោះការរំលោភលើកិច្ចសន្យាដែល Danielle អាចត្រូវបង់គឺប្រហែល ៩០-១២៤ ពាន់លានវ៉ុន ប្រមាណជាង៦០លានដុល្លារទៅជាង៨៥លានដុល្លារអាម៉េរិក។
ពីមុន Min Hee Jin អតីតនាយកប្រតិបត្តិ ADOR បានលើកឡើងនៅក្នុងសារមួយទៅកាន់នាយកប្រតិបត្តិផ្ទៃក្នុងថា ប្រសិនបើសមាជិកទាំង៥នាក់នៃក្រុម NewJeans បានបញ្ចប់កិច្ចសន្យារបស់ពួកគេជាមួយ ADOR ការពិន័យរបស់ក្រុមអាចមានប្រហែល ៤៥០-៦២០ ពាន់លានវ៉ុន។ ខ្លឹមសារនៃសារទាំងនេះត្រូវបានបង្ហាញពីមុនក្នុងអំឡុងពេលសវនាការលើញត្តិរបស់ Min Hee Jin ដើម្បីហាមឃាត់នាងពីការអនុវត្តសិទ្ធិបោះឆ្នោតរបស់នាងប្រឆាំងនឹង HYBE។

ជម្លោះរវាង NewJeans និង ADOR បានកើតចេញពីការបណ្តេញ Min Hee Jin ចេញពីតំណែងជានាយកប្រតិបត្តិ ADOR កាលពីឆ្នាំ២០២៤។ នេះបាននាំឱ្យសមាជិក NewJeans ទាំង៥នាក់បានធ្វើសន្និសីទសារព័ត៌មានមួយនៅក្នុងខែវិច្ឆិកា ឆ្នាំ២០២៤ ដើម្បីប្រកាសជាឯកតោភាគីអំពីការបញ្ចប់កិច្ចសន្យារបស់ពួកគេ។ ទោះយ៉ាងណា ADOR បានឈ្នះបណ្តឹងដោយតុលាការបានសម្រេចគាំទ្រ ADOR ដោយបញ្ជាក់ថា កិច្ចសន្យាផ្តាច់មុខដែលបានចុះហត្ថលេខារវាង ADOR និង NewJeans នៅថ្ងៃទី ២១ ខែមេសា ឆ្នាំ២០២២ គឺមានសុពលភាពហើយបន្តរហូតដល់ឆ្នាំ២០២៩។

បន្ទាប់ពីសេចក្តីសម្រេចនេះ Haerin និង Hyein បានត្រឡប់ទៅ ADOR វិញ។ ក្រោយមក Hanni, Danielle និង Minji ក៏បានបង្ហាញពីបំណងប្រាថ្នារបស់ពួកគេក្នុងការត្រឡប់ទៅក្រុមហ៊ុនវិញ ប៉ុន្តែ ADOR នៅតែមានការប្រុងប្រយ័ត្នខ្ពស់។ បន្ទាប់ពីការពិភាក្សាប្រហែលមួយខែកន្លះ ADOR បានប្រកាសពី ការវិលត្រឡប់ជាផ្លូវការ របស់ Hanni ខណៈដែល Danielle បានទទួលការជូនដំណឹងអំពីការបញ្ចប់កិច្ចសន្យាផ្តាច់មុខរបស់នាង។ ស្ថានភាពរបស់ Minji នៅតែមិនច្បាស់លាស់៕