ថ្មីៗនេះមហាជនមួយចំនួនជ្រាបមកហើយថាយុវជនម្នាក់ដែលល្បីនៅលើបណ្តាញសង្គមទិកតុកត្រូវបានម្ចាស់ផលិតផលអាណិតអាសូរព្រមទាំងជីកសួរពីប្រវត្តិរបស់គេនិងមូលហេតុដែលទុកសក់ម្ខាងបាំងភ្នែក។ ទោះយ៉ាងណា ការយកយុវជនដែលល្បីតាមទិកតិកហើយប្រើពាក្យសម្តីមិនសមរម្យយកមកលើកតម្កើងនេះត្រូវបានអ្នកដឹកនាំរឿងលោក កៅ សីហា ចេញមកប្រតិកម្មដោយមើលឃើញពីផលប៉ះពាល់ជះផលអវិជ្ជមានដល់សង្គមជាតិតាមរយៈសកម្មភាពតោងមនុស្សប្រើសម្តីអសីលធម៌យកviewsដើម្បីផលិតផល។

លោក កៅ សីហា បានបង្ហោះសំណេរនៅលើបណ្តាញសង្គមនាល្ងាចថ្ងៃទី១៣ កុម្ភៈ ដែលមានអត្ថន័យថា«អាម៉េចបាននាំគ្នាទៅលើកតម្កើងក្មេងដែលបង្ហាញពីចរឹតពាលបាតផ្សារយូកូមក្រអើតក្រទម ឬកពារច្រងេងច្រងាង ប្រើសម្ដីអសីលធម៌ ឱ្យអណ្ដែតឡើងពាសពេញ news feed ទៅវិញ? ហើយម្នាក់ៗបែរជាខំនាំគ្នាតោងច្បាមយក views ពី ចំណុចដែលប៉ះពាល់ដល់សេចក្ដីថ្លៃថ្នូរក្នុងសង្គម ក៏ដូចជាបណ្ដាញសង្គមបែបនេះទៅវិញ? ខ្វះ contents ខ្វះបុគ្គលដែលត្រូវប្រើណាស់មែនទេ? រវាងការសម្ដែងពីសីលធម៌ចរិតឬកពារ និងប្រវត្តិជីវិត ឬពិការកាយសម្បាទារណាមួយ គួរបែងចែកឱ្យដាច់ កុំយកមកឡូកឡំ ឱ្យក្លាយជាបាយបិណ្ឌ ឬបាយបាត្រ វាជាកត្តាជះឥទ្ឋិពលអាក្រក់ដល់ក្មេងៗជាខ្លាំង»។

អ្នកនិពន្ធរូបនេះបន្តទៀតថា «សូមមេត្តាគិតពីសីលធម៌សង្គមផង បើទោះជាលោកអ្នកត្រូវការ views ដើម្បីផលិតផលរបស់ខ្លួន ក៏ដូចជាដើម្បីផលចំណេញណាមួយក៏ដោយ។ កុំយករបាំងនៃការអាណិតមកកេងជាផលប្រយោជន៍ ហើយប៉ះពាល់ និងជះឥទ្ធិពលអវិជ្ជមានដល់សង្គមអី។ អរគុណ! »។ការបង្ហោះសំណេរខាងលើនេះអ្នកលេងបណ្តាញសង្គមក៏បានទៅបញ្ចេញមតិគាំទ្រនូវការលើកឡើងនេះឱ្យតែអ្នកណាកំពុងល្បីដឹងតែយកមកផ្សាយផលិតផលដើម្បី Views មិនសូវខ្វល់ថាការល្បីនោះជាប្រភេទណានោះទេ។ ក្រៅពីមហាជនអ្នកក្នុងចង្កោមសិល្បៈមួយចំនួនក៏ពេញចិត្តនូវការលើកឡើងរបស់លោក កៅ សីហា ដូចគ្នា។

គួរបញ្ជាក់ថា បច្ចុប្បន្ននេះម្ចាស់ផលិតផលមួយចំនួនបានជ្រើសយកបុគ្គលដែលល្បីនៅលើបណ្តាញសង្គមមកផ្សាយផលិតផលដើម្បីជាភាពទាក់ទាញឱ្យគេឆាប់ស្គាល់ផលិតផល ឆាប់ល្បីដោយមិនខ្វល់ពីភាពល្បីល្បាញនោះកើតឡើងក្នុងផ្លូវល្អឬមិនល្អឡើយ៕

តុលាការ ចេញដីកាឱ្យចាប់ខ្លួន លោកស្រី ម៉ន ដានី ម្ចាស់បុរី ម៉ន ដានី ពាក់ព័ន្ធនឹងការចេញសែកស្អុយ (គ្មានប្រាក់ជាង ៦០ម៉ឺនដុល្លារ) ខណៈដីការនេះ ចេញតាំងទី១០ ខែមករា ឆ្នាំ២០២៤ មកម្លេះ ដោយទើបតែបញ្ចេញជាសាធារណៈកាលពីពេលថ្មីៗនេះ។
នេះមិនមែនជាលើកទីមួយនោះទេ ដែលតុលារការចេញដីការកោះហៅលោកស្រី ម៉ន ដានី ពោលគឺចំនួន៣លើករួចមកហើយ ដោយលោកស្រី មិនចូលខ្លួនមកតុលាការ តាមការកោះហៅ ហេតុដូច្នេះតុលាការក៏បានចេញដីការ ឃាត់ខ្លួនលោកស្រីតែម្តង។

ជុំវិញព័ត៌មានលម្អិតលើករណីនេះ ខាងសារព័ត៌មានយើងខ្ញុំនឹងជំរាបជូនបន្តទៀត ប្រសិនបើមានអ្វីថ្មី៕

ស្ពានឆ្លងកាត់ទន្លេមេគង្គក្នុងខេត្តក្រចេះដែលមានប្រវែងជាង១ពាន់ម៉ែត្រ ក្រោមឥណទានសម្បទានពីរដ្ឋាភិបាលសាធារណរដ្ឋប្រជាមានិតចិន ត្រូវបានប្រកាសបើកការដ្ឋានសាងសង់នាថ្ងៃទី ២ ខែមករា ឆ្នាំ ២០២៣កន្លងទៅនោះ ពេលនេះកំពុងសាងសង់បាន២៦ភាគរយហើយ ដោយរំពឹងថានឹងបញ្ចប់នៅខែធ្នូ ឆ្នាំ២០២៥ ខាងមុខ។គម្រោងសាងសង់ស្ពាន ត្រូវចំណាយថវិការ ១១២លានដុល្លារអាមេរិក ដែលក្នុងនោះស្ពានឆ្លងកាត់ទន្លេមេគង្គមានប្រវែង ១ ៧៦១ ម៉ែត្រត្រើយខាងកើតស្ថិតនៅត្រង់ ភូមិតាលុស ឃុំបុសលាវ ស្រុកចិត្របុរី និង ត្រើយខាងលិចស្ថិតនៅត្រង់ភូមិថ្មរាប ឃុំព្រែកប្រសព្វស្រុកព្រែកប្រសព្វ ខេត្តក្រចេះ។ចំណែកឯផ្លូវតភ្ជាប់មានប្រវែង ៣១,៦៩ គីឡូម៉ែត្រ រួមមានផ្លូវតភ្ជាប់ពីក្បាលស្ពានមានប្រវែង ១៥,៤៩ គីឡូម៉ែត្រ និងផ្លូវខ្នែងចំនួន ៤ ខ្សែនៅក្នុងក្រុងក្រចេះមានប្រវែង ១៦,២០ គីឡូម៉ែត្រ។សូមបញ្ជាក់ថា ស្ពានឆ្លងកាត់ទន្លេមេគង្គក្នុងខេត្តក្រចេះ នឹងក្លាយជាស្ពានទី៥ឆ្លងកាត់ទន្លេមេគង្គ បន្ទាប់ពីស្ពានគីហ្សូណា ជាស្ពានដំបូងគេបង្អស់ ដែលសាងសង់ឆ្លងកាត់ទន្លេមេគង្គ៕

តាមរយៈសារជាសំឡេងពិសេស នៅថ្ងៃទី១៤ ខែកុម្ភៈ ឆ្នាំ២០២៤នេះ សម្តេចធិបតី ហ៊ុន ម៉ាណែត បានឱ្យដឹងថា៖” កាលពេលថ្មីនេះ សម្ដេច បានចេញបទបញ្ជាឱ្យផ្អាករាល់ការចេញអាជ្ញាប័ណ្ណ ឬការផ្ដល់សិទ្ធិបើកទីតាំងល្បែងផ្សងសំណាងនៅតាមមូលដ្ឋាន”។ជាមួយគ្នានេះផងដែរ សម្ដេចធិបតី បានណែនាំឱ្យគណៈកម្មការគ្រប់គ្រងល្បែងស៊ីសងកម្ពុជា ចំណុះឱ្យក្រសួងសេដ្ឋកិច្ច និងហិរញ្ញវត្ថុ ដឹកនាំប្រជុំជាបន្ទាន់ជាមួយកម្លាំងសមត្ថកិច្ច និងអាជ្ញាធរ រួមទាំងបណ្ដាភាគីពាក់ព័ន្ធទាំងអស់ ដើម្បីពិនិត្យឡើងវិញ និងរៀបចំឡើងវិញនូវគោលការណ៍ និងវិធានការគ្រប់គ្រងល្បែងផ្សងសំណាងនានានៅទូទាំងប្រទេស។

សម្ដេចនាយករដ្ឋមន្ត្រី បានដាក់បទបញ្ជាដល់អភិបាលរាជធានីខេត្តទាំងអស់ ចាត់វិធានការជាបន្ទាន់ ដើម្បីត្រួតពិនិត្យទីតាំងល្បែងផ្សងសំណាងនៅតាមមូលដ្ឋាននៃដែនសមត្ថកិច្ចរបស់ខ្លួន ក្នុងករណីមានបន្តបើកថ្មីៗទៀត សូមចាត់វិធានការបិទជាបន្ទាន់ ហើយរាយការណ៍មកសម្ដេច ដើម្បីចាត់វិធានការបន្ត ដែលអាចឈានដល់ការដកអាជ្ញាបណ្ណនៅក្នុងខេត្ត ឬនៅទូទាំងប្រទេសតែម្ដង៕

គូស្នេហ៍ Influencer ដ៏ល្បីល្បាញប្រចាំប្រទេស ហេង វិសាល និង ជា ស្រីនា បានធ្វើឱ្យបណ្តាញសង្គមផ្ទុះកក្រើកជាថ្មីបន្ទាប់ពី ហេង វិសាល ស្នើសុំ ស្រីនា ធ្វើជាភរិយាយ៉ាងរ៉ូមេទិកនៅឯមាត់សមុទ្រ។ ទោះយ៉ាងណា ស្នើសុំរៀបការពោរពេញដោយភាពសប្បាយរីករាយមានការចូលរួមអបអរសាទរពីហ្វេនព្រោងព្រាតនេះបែរជាមានមតិអវិជ្ជមានផ្លែផ្កាដាក់អ្នកទាំងពីរទៅវិញ។ ហេង វិសាល តបទៅវិញដែរថាលោកចង់បំពេញក្តីស្រមៃមនុស្សស្រីដែលលោកស្រឡាញ់ប៉ុណ្ណោះ ហើយចាស់ទុំទាំងសងខាងបានរើសថ្ងៃរៀបការរួចហើយ។

កាលពីល្ងាចថ្ងៃទី១៣ កុម្ភៈ ឆ្នាំ២០២៤ ហេង វិសាល និងក្រុមគ្រួសារក៏ដូចសមាជិកក្នុងក្រុម VEESA បានរៀបចំគម្រោងដ៏ភ្ញាក់ផ្អើលមួយដើម្បីសុំ ជា ស្រីនា ដែលជាគូដណ្តឹងធ្វើជាប្រពន្ធ ឬមានន័យថាសុំគ្នារៀបការនោះបានធ្វើឱ្យ ជា ស្រីនា រំភើបចិត្តជាខ្លាំងរហូតដល់ស្រក់ទឹកភ្នែក។ កម្មវិធីរៀបចំនៅមាត់សមុទ្រអមដោយសំលៀកបំពាក់ពណ៌ស និងមានការតុបតែងផ្កាកុលាបពណ៌ក្រហមទៀតកាន់តែធ្វើឱ្យពិធីទាំងមូលប្រកបដោយភាពឥតខ្ចោះមានទាំងគ្រួសារមិត្តភក្តិ និងបណ្តាហ្វេនៗជាច្រើនចូលរួមអបអរសាទរអ្នកទាំងពីរ។

ទោះយ៉ាងណា ទន្ទឹមនឹងភាពសប្បាយរីករាយនេះស្រាប់តែមានផេកមួយដែលមានអ្នកតាមដានជិត៥ម៉ឺននាក់ចេញមកបង្ហោះផ្លែផ្កាដាក់អ្នកទាំងពីរដែលរៀបចំសុំគ្នារៀបការនេះ។ អត្ថន័យក្នុងផេកនោះដែលបង្ហោះមិនដាក់ចំឈ្មោះ ប៉ុន្តែស្របនឹងរឿងរ៉ាវ ហេង វិសាល និង ជា ស្រីនា កំពុងល្បីលើបណ្តាញសង្គមនោះគេបែរបង្ហោះថា «ដៃគូឈានដល់ភ្ជាប់ពាក្យគឺយល់ព្រមទាំងសងខាង និង គ្រួសារដែលមានន័យថា យល់ព្រមក្លាយជាគូស្វាមីភរិយានៅថ្ងៃអនាគតហើយ។ ពេលខ្លះ គូខ្លះភ្ជាប់ពាក្យផ្អើលប្រទេស កម្មវិធីធំជាងពិធីការទៅទៀត តែនៅមិនទាន់មានគម្រោងរៀបការទៀត ដោយមានការរៀបចំស្នើសុំធ្វើជាភរិយា ហើយ ខាងស្រីសប្បាយចិត្តដូចមិនធ្លាប់មានសង្ឃឹមថាបានរៀបការនឹងគ្នាបានត្រឹមភ្ជាប់ពាក្យ ។ ពេលខ្លះអាចមានលក្ខខណ្ឌ ភ្ជាប់ពាក្យសិន គ្មានគម្រោង រៀបការ ឬ ពេលភ្ជាប់ពាក្យ ដោយមានការបង្ខំរៀបចំណែនាំពីគ្រួសារ មិនទាន់មានចិត្តស្រឡាញ់គ្នា រហូតបង្កើតក្ដីស្រឡាញ់ទើបសម្រេចចិត្ត រៀបការ ។ ប្លែកៗ ។ លើពិភពលោកមាន មួយ ដែលយល់ព្រមភ្ជាប់ពាក្យ មិនទាន់យល់ព្រមការ ។ អាណិតក្មេងៗ ដែលគិតបែបនេះ “ She is lucky and I want to be like her “ ដែលភ្ជាប់ពាក្យ មិនដែលមានសង្ឃឹមរៀបការ»។

ការបង្ហោះបែបនេះដែរ បានធ្វើឱ្យផ្ទុះកក្រើកយ៉ាងខ្លាំង ខណៈ ហេង វិសាល បានឆ្លើយតបការបង្ហោះនោះដែរថា «ខ្ញុំមិនដឹងថាPostនេះចង់និយាយមកកាន់ខ្ញុំឬយ៉ាងណាទេ ប៉ុន្តែបើនិយាយមកកាន់ពួកខ្ញុំ គឺសម្រាប់ពួកយើងចាស់ៗបានព្រមព្រៀងគ្នា និងរើសថ្ងៃរួចហើយ ប៉ុន្តែខ្ញុំមិនដែលបានសុំគាត់ផ្ទាល់មាត់នោះទេ។ ខ្ញុំធ្វើនេះគឺចង់បំពេញក្តីស្រមៃមនុស្សស្រីដែលខ្ញុំស្រឡាញ់ ព្រោះគាត់តែងតែប្រាប់ខ្ញុំថាក្តីស្រមៃរបស់គាត់គឺចង់ឱ្យខ្ញុំសុំគាត់រៀបការ។ខ្ញុំធ្វើវាដើម្បីក្តីសុខរបស់គាត់ គាត់ពិតជាល្អណាស់សម្រាប់ខ្ញុំគាត់គួរតែទទួលបានវា ទាំងក្តីសុខបែបក្មេងៗ និងតម្លៃតាមប្រពៃណីខ្មែរ។ តើប៉ុណ្ណឹងខុសដែរឬ?»។

មិនត្រឹមតែ ហេង វិសាល ប៉ុណ្ណោះទេដែលហួសចិត្តនូវសំណេរដែលចង់ផ្លែផ្ការឿងសុំគ្នារៀបការនេះ បណ្តាហ្វេនៗជាច្រើនរួមទាំងក្នុងចង្កោម Influencer ចេញមកប្រតិកម្មនូវអត្ថបទរបស់ផេកនោះរហូតផេកនោះលុបការបង្ហោះរបស់ខ្លួន៕