នាពេលថ្មីៗនេះលោក អ៊ិន សុភិន បានផ្តល់កិច្ចសម្ភាសទៅកាន់សារព័ត៌មានមួយដោយលោកបានឡើងពីកម្មវិធី Miss Grand Cambodia គឺលោកជាអ្នកគ្រវាត់ចោលលែងរៀបចំកម្មវិធីនេះដោយខ្លួនឯងមិនមែនលោក ណាវ៉ាត់ ដកសិទ្ធិលែងឱ្យគ្រប់គ្រងឡើយ។ ជុំវិញពាក្យសម្តីនេះលោកស្រី អ៊ឹម សុគន្ធា អ្នករៀបចំកម្មវិធីថ្មីរបស់ Miss Grand Cambodia មិនអាចទ្រាំបានក៏លើកឡើងពីបញ្ហាចាស់ដែលលោក អ៊ិន សុភិន ធ្វើកម្មវិធីរហូតមានបញ្ហាដល់ក្រសួង។

ឈានចូលថ្ងៃទី២៥ មករា នៅលើបណ្តាញសង្គមរបស់អ្នករៀបចំកម្មវិធី Miss Grand Cambodia លោកស្រី អ៊ឹម សុគន្ធា បាននិយាយទៅកាន់លោក អ៊ិន សុភិន អតីតអ្នករៀបចំកម្មវិធីMiss Grand ថា «ពូអើយពូចេះនិយាយចឹងទៅរួច…? ពូភ្លេចនៅកាលពីកម្មវិធីMiss grand Cambodia 2022 មានរឿងអីខ្លះកើតឡើងនៅពេលដែលពូកំពុងតែកាន់?រហូតមានបញ្ហាដល់ក្រសួង មិនចង់ឱ្យរៀបចំកម្មវិធីនេះបន្តទៀត…»។ លោកស្រី បន្តថា «ខ្ញុំមិនចង់លើករឿងចាស់មកនិយាយទេ ប៉ុន្តែពូចង់ល្បី ទាំងឈប់កាន់រយៈពេលមួយឆ្នាំហើយ…គួរតែនិយាយរឿងល្អៗដែលពូកំពុងតែធ្វើទៅល្អជាង…។ ពូនិយាយតាមត្រង់ខ្ញុំសរសើរពូណាស់ ឃើញថាឥឡូវពូកាន់កម្មវិធីបរវកញ្ញាច្រើនក្នុងដៃ តែពូគួរតែយល់ថាកម្មវិធីមួយៗការរៀបចំស្ដង់ដាខុសៗគ្នា កុំព្យាយាមលើកសរសើរកម្មវិធីពូកំពុងតែកាន់ថាល្អ ហើយបង្អាប់កម្មវិធីដទៃទៀតអីមិនល្អទេ… ពូចូលវិស័យបរវកញ្ញានេះយូរឆ្នាំហើយគួរតែយល់ច្បាស់អ្វីជាអ្វី កុំតែភាពខឹងមួយពេល មកប៉ះពាល់ដល់អ្នកគ្រប់គ្រងបន្ត… »។

ND Miss Grand Cambodia បន្តរៀបរាប់ថា «ខ្ញុំក៏ជាជនជាតិខ្មែរ ពូក៏ជាជនជាតិខ្មែរដូចគ្នា មានឆន្ទៈតែមួយ លើកស្ទួយមុខមាត់សង្គម នាំយកវប្បធម៌ សិល្បៈ ពង្រីងវិស័យទេសចរណ៍កម្ពុជា លើកបង្ហាញអត្តសញ្ញាជាតិលើឆាកអន្តរជាតិ ថាយើងជាជនជាតិខ្មែរ… សុទ្ធតែធ្វើដោយក្ដីស្រលាញ់ដូចគ្នា…មែនអត់ពូ?»។

លោកស្រី អ៊ឹម សុគន្ធា ថា «សំរាប់ខ្ញុំមានគេសួរច្រើនណាស់ថាបងទិញកម្មវិធីនេះធ្វើអី? ចំណេញច្រើនមែន? ចង់និយាយថាដើម្បីបងប្អូនហ្វេនៗដែលស្រលាញ់វិស័យបរវកញ្ញា ហើយកម្មវិធី#Missgrandcambodiaទទលការគ្រាំទ្រពីសំណាក់បងប្អូនមហាជនច្រើន ចឹងក៏បែបចែកពេលវេលាការងារផ្ទាល់ខ្លួនដែលអាចរកប្រាក់ចំណូលបានរាប់ម៉ឺនដុល្លារពីមុខជំនួញជាច្រើនរបស់ខ្ញុំ ចូលខ្លួនមកធ្វើកម្មវិធីMiss grand Cambodia មិនត្រឹមតែពេលវេលាទេត្រូវចំណាយលុយខ្លួនឯងជាច្រើនម៉ឺនបន្ថែមទៀត។ ទោះជាមានSponsor ក៏ដោយមិនស្មើរនឹងពាក់កណ្តាលនៃការចំណាយកម្មវិធីទាំងមូលឡើយ ..ការស្រលាញ់ពេញចិត្តទៅលើកម្មវិធីគឺខុសៗគ្នា កុំលើកឈ្មោះគេមកនិយាយអីពូអត់ល្អទេ បើពូឈប់កាន់ស្ថាប័នគេហើយក៏ស្ងាត់ទៅពូ ទុកមុខរាប់គ្នាទៀតកុំអោយមានបញ្ហា ពីព្រោះទិញសិទ្ធិពីគេមកធ្វើកម្មវិធីដូចតែគ្នាទេ… សំរាប់ខ្ញុំឃើញពូកាន់កម្មវិធីផ្សេងហើយជួយដល់សង្គមច្រើនខ្ញុំក៏សប្បាយចិត្តដោយមិនគិតផងប្រយោជន៍ផ្ទាល់ខ្លួន…»។

ការចេញមកបង្ហោះសារពីអ្នកគ្រប់គ្រងថ្មីដូចនេះបន្ទាប់ពីលោក អ៊ិន សុភិន បានផ្តល់កិច្ចសម្ភាសមួយដោយនិយាយពីឈ្មោះលោក ណាវ៉ាត់ និងបានលើកឡើងថាកម្មវិធី Miss Grand Cambodia គឺលោកជាអ្នកគ្រវាត់ចោលមិនមែនជាការដកសិទ្ធិរៀបចំមិនឱ្យលោកគ្រប់គ្រងឡើយ ដោយលោកបានសម្លឹងឃើញកម្មវិធី Miss Universe វិញតាមការចង់បានរបស់ខ្លួនផ្តោតលើសង្គមច្រើន។
គួរបញ្ជាក់ថា បច្ចុប្បន្នលោកស្រី អ៊ឹម សុគន្ធា ទទួលសិទ្ធិរៀបចំកម្មវិធី Miss Grand Cambodia 2024 បន្តទៀតបន្ទាប់ពីគ្រប់គ្រងក្នុងឆ្នាំ២០២៣ ខណៈលោក អ៊ិន សុភិន មានសិទ្ធិរៀបចំកម្មវិធីបវរកញ្ញាក្នុងដៃដូចជា Miss/ Mister Supranational Cambodia , Miss Universe Cambodia និងត្រៀមធ្វើជាម្ចាស់ផ្ទះ Miss Global 2024 នាខែវិច្ឆិកា ខាងមុខនេះបន្ទាប់ពីឆ្នាំ២០២៣ ទទួលសិទ្ធិរៀបចំធ្វើជាម្ចាស់ផ្ទះបានពាក់កណ្តាល៕

អ្នកនាង ដេននីក្វាន់ បានឆេះកម្តៅយ៉ាងខ្លាំងបន្ទាប់ពីមានក្មេ.ងស្រី រៀននៅក្នុងសាលាតែមួយជាមួយ ល្អហួស បានបង្កើតគ្រុបឆាតនិយាយមិនល្អពីកូនស្រីខ្លួនថាទៅរៀនទាក់ប្រុស នៅក្រៅមិនស្អាតនិងមានចរិតឬកពារ។ អ្នកនាង ដេននីក្វាន់ថាបើអាណាព្យាបាលក្មេ.ងស្រីដែលនិយាយប្រមា.ថ ល្អហួស មិនចេញមកទទួលខុសត្រូវនូវទង្វើរបស់ខ្លួនទេរឿងនេះមិនចប់ឡើយ។

កាលពីយប់ថ្ងៃទី២៤ មករា អ្នកនាង ដេននីក្វាន់ ត្រូវជាម្តាយរបស់ ល្អហួស ម្ចាស់មកុដ Miss Preteen Cambodia 2023 ចេញមក Live យ៉ាងក្តៅគគុកជុំវិញមានការ Bully កូនស្រីខ្លួន។ នៅក្នុងការ Live អ្នកនាង ដេននីក្វាន់ បានរៀបរាប់ពីដើមចមដំបូងនាំឱ្យមានរឿងនេះកើតឡើងដោយសារតែ ល្អហួស បានផ្លាស់ចូលរៀនសាលាឯកជនល្បីឈ្មោះមួយ និងបានចូលរួមសម្តែងក្នុងកម្មវិធីសប្បុរសធម៌មួយ ដែលរឿងហេតុនេះកើតឡើងតាំងពីថ្ងៃទី១០ មករា ដោយមានសិស្សសាលាមួយក្រុមបង្កើតគ្រុបឆាតនិយាយមិនល្អ ពីល្អហួស រៀននៅសាលានេះតែបែរជាអាចទៅសម្តែងនៅសាលាមួយទៀត។ អ្នកនាង ដេននីក្វាន់ ថារឿងនេះទើបតែបែកធ្លាយនៅពេលក្នុងក្រុមនោះ និងមានក្មេងស្រីម្នាក់និយាយថា ល្អហួស ទៅសាលាទាក់ប្រុស នៅក្រៅមិនស្អាត និងវាយរឹកណាស់ ដោយមិនត្រឹមតែនិយាយដើម ល្អហួស ទេតែសិស្សសាលានោះថែមទាំងប្រើពាក្យមិនសមរម្យទៅកាន់គ្រូបង្រៀនទៀត។

ពាក្យសម្តីដែលនិយាយថា ល្អហួស ទៅសាលាទាក់ប្រុស បានធ្វើឱ្យអ្នកនាង ដេននីក្វាន់ មិនអាចនៅស្ងៀមបានចេញមកទាមទាររកយុត្តិធម៌ជូនកូនស្រីរង់ចាំការដោះស្រាយពីអាណាព្យាបាលរបស់ក្មេងស្រីនេះ។

«អាណាព្យាបាលត្រូវចេញមុខមកដោះស្រាយជាមួយខ្លួន កូននាងមានកិត្តិយសជាបវរកញ្ញាដែលត្រូវទៅប្រកួតនៅក្រៅប្រទេសតំណាងឱ្យកម្ពុជាទៀតមិនអាចឱ្យកូននាងខូចអារម្មណ៍ជាមួយរឿងបែបនេះនោះទេ។ អ៊ីចឹងអាណាព្យាបាលចេញមកទទួលខុសត្រូវដែលកូនខ្លួនឯងប្រព្រឹត្តកុំអាងសែខ្នង កុំស្ងាត់មិនចេញមកដោះស្រាយ។ យូរៗបើទៅមិនមានចំណាត់ការលើរឿងហ្នឹង នឹងមានរឿងធំជាងនេះកើតឡើងព្រោះតែរឿងតូចយើងមិនបានលុបបំបាត់ »។ នេះជាសម្តីរបស់អតីតតារាសម្តែងស៊ិចស៊ី ដេននីក្វាន់។

សូមបញ្ជាក់ផងដែរថា ចុងក្រោយនេះ ល្អហួស បានរងនូវពាក្យសម្តីផ្សេងៗជាច្រើនដែលមិនអាចទទួលយកបានដូចជារឿង BA ប្រើពាក្យសម្តីមិនសមរម្យដាក់នាង និងមានអ្នកលេងបណ្តាញសង្គមបោះពាក្យសម្តីដាក់ ល្អហួស ថាវ័យ១៤ឆ្នាំស្លៀកពាក់ស៊ិចស៊ីមិនសមភ្នែកមិនសមជានារីខ្មែរ ខណៈដែល ដេននីក្វាន់ ចេញមកពន្លះទាំងអស់ការពារកិត្តិយសកូនស្រីជានិច្ច ព្រមទាំងលើកឡើងទៀតថាប៉ះពាល់នាងបានតែបើប៉ះពាល់ ល្អហួស គឺមិនបានឡើយ៕

រយៈពេលប៉ុន្មានថ្ងៃមកនេះជុំវិញបញ្ហាបំណុលរបស់តារាកំប្លែង ស្រីខ្ញុង បានផុសឡើងជាថ្មីដោយសារតែម្ចាស់បំណុលបង្ហោះនៅលើបណ្តាញសង្គមព្រោះតែការមិនគោរពតាមការសន្យាសងប្រាក់ ខណៈអ្នកនាង ខ្ញុង Live សុខៗស្រាប់តែមានអាការៈឈឺដួលសន្លប់។ ម៉ាដូណា ថាម្ចាស់លុយក្លាយជាតួអាក្រក់ ចំណែកអ្នកសម្តែង Live ធ្វើយំឈឺដួលសន្លប់ក្លាយជាតួកំសត់វិញ។

គេចាំបានថា កាលពីខែកញ្ញា ឆ្នាំ២០២៣ តារាកំប្លែង ម៉ាដូណា ចេញមកពន្លះស្បែកមុខតារាកំប្លែង ស្រីខ្ញុង ជំពាក់បំណុលខ្លួនជាង៤ម៉ឺនដុល្លារដោយសន្យាថាសងមួយ១ខែចំនួន៥០០ដុល្លារ ប៉ុន្តែមិនបានសងប្រាក់តាមការសន្យានោះទេ ដែលពេលនោះធ្វើឱ្យមានកម្តៅយ៉ាងខ្លាំងនៅលើបណ្តាញសង្គម។

ស្ងប់ស្ងាត់បានមួយរយៈស្រាប់តែនៅយប់ថ្ងៃទី២១ មករា ស្រីខ្ញុង ត្រូវបានម្ចាស់បំណុលម្នាក់ទៀតមានឈ្មោះថា ដារ៉ា រ័ត្ន បានបង្ហោះរូបតារាកំប្លែងរូបនេះអមជាមួយឆាតឆ្លើយឆ្លងដែលស្រីខ្ញុង មិនគោរពតាមការសន្យាសងប្រាក់ដូចគ្នា។ ទោះយ៉ាងណាក ស្រីខ្ញុង បានបង្ហោះសំណេរនៅលើបណ្តាញសង្គមថាខ្លួនមិនដែលមានគំនិតអាក្រក់បោកប្រាស់អ្នកណាដែរ ហើយនាងក៏មិនតបតវែកញែកអ្វីច្រើននិងដាស់តឿនខ្លួនឯងថាជាកូនបំណុលគ្មានសិទ្ធិតបតបបកស្រាយអ្វីទាំងអស់។ មានត្រឹមតែសមត្ថភាពបន្តិចបន្តួចគ្រាន់នឹងបានរកដោះគេតាមលទ្ធភាពនិងដើម្បីអាហារបីពេលតែប៉ុណ្ណោះ។

ទន្ទឹមនឹងការចេញសារយ៉ាងកំសត់នេះ កាលពីយប់ថ្ងៃទី២៣ មករា Live លក់ផលិតផលសុខៗស្រាប់តែ ស្រីខ្ញុង មានអាការៈសន្លប់បាត់មាត់ឈឹងផ្អើលពេញបណ្តាញសង្គម។ ការដួលសន្លប់នេះ ម៉ាដូណា ថាឱ្យ ស្រីខ្ញុង គឺជាការសម្តែងនិងផ្តាំទៅឱ្យ Love Riya ប្រុងប្រយ័ត្នការសម្តែងរបស់ ស្រីខ្ញុង។

ជាមួយគ្នានេះដែរ ម៉ាដូណា បានបង្ហោះសំណេរមួយទៀតនៅថ្ងៃទី២៤ មករាថា «ម្ចាស់លុយក្លាយជាតួអាក្រក់ ព្រោះមានគេថាមិនទុកពេលឱ្យគ្នា ទាំងមិនដឹងរឿងពិត ចំណែកអ្នកសម្តែងឡាយធ្វើយំ ធ្វើឈឺដួលសន្លប់ក្លាយជាតួកំសត់ ត្រូវfanគេជេរយើងថាមិនផ្តល់ឱកាស ហត់! »។

ងាកទៅកាន់ម្ចាស់បំណុលមួយទៀតរបស់ ស្រីខ្ញុង គឺលោក ដារ៉ា រ័ត្ន បានលើកឡើងថា «សូមកុំធ្វើឱ្យអ្នកសិល្បៈខូចៗ ឬអ្នកពូកែកម្សត់ដ្រាម៉ា បន្តបានចិត្តម្ដងហើយម្ដងទៀត។ គ្មានម្ចាស់បំណុលណា ដែលគ្នាប្រឹងសងហើយ តបឆាតមិនឈប់ហើយ នៅតែលើកដៃផុសគ្នា ឬ ប្ដឹងគ្នាកើតទេ។ គ្មានម្ចាស់បំណុលណា មិនទុកពេលឱ្យ ហើយឃើញគ្នារកបានតិចតួច ទៅជាន់ពន្លិចកូនបំណុលទេ។ ម្ចាស់បំណុលបន់ឱ្យតែកូនបំណុលរកបាន ហើយបើបានតបឆាត ឬ បាញ់សង តែ១៥, ២០ ឬ ខែខ្លះបាន៥០ អរចង់ប្រកាច់។ លុយទាំងដុំ ការមិនយកទោះសងដូចបោះចោល ក៏នៅតែស្ងប់ព្រោះគិតថាវាគ្រាន់ជាងអត់។ តែមកពីដល់ករពេកទេ ទើបគេផុស ចឹងរៀនពិចារណាចិត្តគេចិត្តយើងផង មុននឹងអាណិតតួកម្សត់នៅលើបណ្ដាញសង្គម»៕