កម្មវិធីប្រកួត Universal Woman 2024 ដែលកម្ពុជាធ្វើជាម្ចាស់ផ្ទះក្រោមការរៀបចំរបស់អ្នកនាងប្រាសាទ ដាវីន កំពុងធ្វើឱ្យទស្សនិកជនចាប់អារម្មណ៍យ៉ាងខ្លាំងបន្ទាប់ពីបេក្ខភាពដែលចូលរួមបានគ្រងឈុតអប្សរាខ្មែរដ៏ស្រស់ស្អាតបញ្ចេញសម្រស់ដ៏ល្អឯកនៅទីតាំងប្រាសាទអង្គរវត្ត ខេត្តសៀមរាប។ លើសពីនេះបេក្ខភាពដែលចូលរួមប្រកួតជាច្រើនប្រទេស ទោះជាមេឃក្តៅយ៉ាងណាបានព្យាយាមដោះស្បែកជើងដើម្បីថតរូបផ្លូវការតាមក្បួនច្បាប់របស់ខ្មែរ។ មិនត្រឹមតែប៉ុណ្ណោះនេះក៏ជាសកម្មភាពផ្សព្វផ្សាយមួយជំរុញឱ្យវិស័យទេសចរណ៍កើនឡើងផងដែរ។

ស្ថាប័ន Universal Woman Cambodia នៅថ្ងៃទី១៤ ខែមីនា នេះបានបញ្ចេញវីដេអូសកម្មភាពពីក្រោយការថតរូបរបស់បេក្ខភាពចូលរួមប្រកួត Universal Woman 2024 ដែលបានគ្រងឈុតអប្សរា។ ស្ថាប័ននេះបានលើកឡើងថា«បងប្អូននេះជាសកម្មភាពខ្លះៗនៅពីក្រោយការថតរូបនៅប្រាសាទអង្គរវត្តរបស់ Universal Woman 2024 ។លោកគ្រូ អ្នកគ្រូក្រុមការងារទាំងអស់បានព្យាយាមបង្រៀនពីការរាំរបាំអប្សារា ការថតរូបអប្សារា អត្ថន័យនៃក្បាច់របាំអប្សារា ហើយព្យាយាមមើលសម្លៀកបំពាក់ដើម្បីធានាឱ្យបានថាត្រូវតាមក្បួនខ្នាតនិងមានរបៀបរៀបរយយើងព្យាយាមធ្វើឱ្យបានល្អបំផុត និងប្រុងប្រយ័ត្នខ្ពស់»។

ជាមួយគ្នានេះដែរអ្នករៀបចំកម្មវិធីក៏បានបង្ហាញទៀតថា «ឈុត អប្សរា ពី Universal Woman 2024 នៅប្រាសាទអង្គរវត្ត ទោះជាក្តៅយ៉ាងណាក៏យើងព្យាយាមឱ្យបេក្ខភាពដោះស្បែកជើងដើម្បីថតរូបផ្លូវការតាមក្បួនច្បាប់របស់ខ្មែរដែរ យើងក៏អរគុណនិងសរសើរដល់បេក្ខភាពដូចគ្នាដែលគោរពតាមក្បួនខ្នាតរបស់ខ្មែរយើង»។
កម្មវិធីប្រកួតនេះគឺមានការចូលរួមគាំទ្រពីក្រសួងទេសចរណ៍ផងដែរខណៈបេក្ខភាពចូលរួមទាំងអស់មានជាង៥០ប្រទេស។ Universal Woman 2024 ដែលកម្ពុជាធ្វើជាម្ចាស់ផ្ទះនេះគឺក្រោមការគ្រប់គ្រងរបស់អ្នកនាង ប្រាសាទ ដាវីន ហើយរូបអ្នកនាងផ្ទាល់គឺជាលំដាប់រងទី៤ Universal Woman 2023 ដែលបានប្រកួតនៅលើទឹកដីទីក្រុងឌូបៃ។ អ្វីដែលកាន់តែពិសេសថែមទៀត អ្នកនាង ប្រាសាទ ដាវីន ក៏ជាND Mister Friendship Cambodia ផងដែរ ខណៈ លាវ វេងហួរ ទទួលបានជ័យលាភីឯកនៅលើទឹកដីប្រទេសថៃ។

គួរបញ្ជាក់ផងដែរថា សម្រាប់បេក្ខភាពតំណាងឱ្យកម្ពុជាក្នុងការប្រកួត Universal Woman 2024 គឺ Brianna Mai មានវ័យ ២៩ ឆ្នាំរូបនាងជាកូនខ្មែរកាត់អាម៉េរិកហើយក៏ទទួលបានការអប់រំផ្នែករបាំបុរាណខ្មែរបានស្ទាត់ជំនាញផងដែរ ៕

ប្រសិនបើលោកអ្នកមានបំណងចង់ទិញរថយន្តមួយទឹក ឬរថយន្តជជុះ ដែលជួយសន្សំសំចៃខ្ពស់ ដោយមិនចង់ទិញទៅខុស អ្នកចាំបាច់ត្រូវមើលពីសភាពម៉ាស៊ីន ជើងក្រោម ទឹកថ្នាំ និងឆែកមើលថាតើជារថយន្តកាត់ត ពីរបីកំណាត់ឬអត់។ ការទិញរថយន្តដំបូង ក្នុងជីវិតរបស់អ្នកគឺជារឿងធំសម្រាប់មនុស្សជាច្រើន ដូច្នេះប្រសិនបើរថយន្តជជុះមានចំណុច ៥ នេះអ្នកត្រូវតែជៀសវាងនិងមិនគួរទិញឡើយកុំឱ្យខាតលុយ ដែលចំណុចនោះរួមមាន៖

១.រថយន្តដែលលេងពណ៌៖ រថយន្តប្រើហើយដែលត្រូវបានលាបពណ៌ទាំងអស់ ឬផ្លាស់ប្តូរពណ៌ដើមរបសរថយន្ត គឺភាគច្រើនមានស្នាមឆ្កូត និងស្នាមប្រឡាក់តូចៗជាច្រើនកន្លែង ដោយសារតែរថយន្តមួយទឹកនេះបានឆ្លងកាត់ការបុកខ្លាំង ឬក្រឡាប់រហូតដល់ត្រូវលាបពណ៌រថយន្តទាំងមូល ទោះបីជាវាមានតម្លៃថោកប៉ុណ្ណាក៏ដោយ ក៏អ្នកមិនគួរទិញនិងត្រូវជៀសវាងបញ្ហានេះផងដែរ។

២.រថយន្តធ្លាប់ផ្លាស់ប្តូរម៉ាស៊ីន៖ នៅក្នុងករណីនៃការទិញរថយន្តជជុះជាលើកដំបូង ជៀសវាងរថយន្តដែលបានផ្លាស់ប្តូរម៉ាស៊ីន ព្រោះភាគច្រើនម្ចាស់ដើមប្រើរហូតដល់មានស្នាមជាំ និងកង្វះការថែទាំត្រឹមត្រូវ ដូច្នេះឡានបែបនេះមិនគួរប្រើទៀតទេ ដោយសារតែផលវិបាកអាចកើតឡើងនៅពេលក្រោយ។

៣.រថយន្តដែលមានជម្រើសច្រើនពេក៖ ជាការពិតណាស់ រថយន្តមានជម្រើសច្រើន វានឹងផ្តល់ភាពងាយស្រួលកាន់តែប្រសើរ ប៉ុន្តែទោះជាយ៉ាងណា ប្រសិនបើដល់ពេលជួសជុលវា? អ្នកក៏នឹងត្រូវប្រឈមមុខនឹងវិក័យប័ត្រជួសជុលថ្លៃជាងគេផងដែរ ឧទាហរណ៍ ជាមួយនឹងកៅអីអគ្គិសនីដ៏ប្រណិត ដែលអាចបណ្តាលឱ្យខូចខាតដល់ប្រអប់លេខ និងម៉ូទ័រនាពេលអនាគតជាដើម។

៤.រថយន្តមិនពេញនិយម៖ ប្រសិនបើអ្នកទិញរថយន្តជជុះដំបូង យល់ល្អអ្នកគួរទិញរថយន្តទាន់សម័យបន្តិច ព្រោះវាអាចជាការល្អប្រសើរក្នុងការជ្រើសរើសរថយន្តទីផ្សារពេញនិយមដោយសារវាមានគ្រឿងបន្លាស់គ្រប់គ្រាន់ងាយស្រួលជួសជុល និងអាចលក់បន្តទៀតបាន។ ទោះជាយ៉ាងណា ប្រសិនបើអ្នកទិញរថយន្តហួសសម័យ អ្នកត្រូវប្រឈមនឹងបញ្ហាពិបាករកគ្រឿងបន្លាស់ ជួសជុលថ្លៃ និងហាងជួសជុលមិនបានគ្រប់ជ្រុងជ្រោយ ព្រោះអ្នកបច្ចេកទេសមិនសូវជំនាញ ដោយគ្រឿងបន្លាស់ខ្លះអាចត្រូវរង់ចាំបញ្ជាទិញពីបរទេសច្រើនខែ ដែលនេះជាហេតុធ្វើឱ្យខ្ជះខ្ជាយពេលវេលា។

៥.រថយន្តដែលមានម៉ាស៊ីនធំ៖ ថ្វីត្បិតតែតម្លៃរថយន្តប្រើរួច ផ្តល់ភាពងាយស្រួលសម្រាប់អ្នកទិញក្នុងការធ្វើជាម្ចាស់រថយន្តម៉ូដែលធំក៏ដោយ ប៉ុន្តែប្រសិនបើអ្នកទិញវាជាឡានដំបូងរបស់អ្នកសម្រាប់ប្រើប្រាស់ប្រចាំថ្ងៃ អ្នកគួរតែជ្រើសរើសឡានដែលប្រើម៉ាស៊ីនតូចចាប់ពី ១.៥ លីត្រឡើងទៅ ឬអតិបរមាមិនគួរលើសពី ១.៨ លីត្រទេ ព្រោះម៉ាស៊ីនធំប្រេងកាន់តែច្រើនត្រូវបានខ្ជះខ្ជាយ។ ជាពិសេសរថយន្តដែលមានម៉ាស៊ីន ៦ ស៊ីឡាំង គួរចៀសវាងប្រសិនបើអ្នកមិនចង់ចំណាយលុយដោយសារតែថ្លៃសាំង ដូច្នេះមានន័យថា រថយន្តដែលមានម៉ាស៊ីនធំស៊ីសាំងខ្លាំងជាងរថយន្តដែលមានម៉ាស៊ីនតូច៕

Gen Z គឺសំដៅលើអ្នកដែលបានកើតនៅអំឡុងពាក់កណ្តាលទសវត្សឆ្នាំ១៩៩០ ដល់ដើមឆ្នាំ ២០១២ ដែលជាក្រុមជនជាតិដើមនៃសម័យកាលឌីជីថលនិងអ៊ីនធើណែតសម័យទំនើប។

យោងតាមការចេញផ្សាយរបស់គេហទំព័រអន្តរជាតិ Seasia កាលពីខែដើមខែកុម្ភៈបានបង្ហាញឲ្យឃើញថា កម្ពុជាជាប្រទេសដែលសម្បូរយុវជនកើតក្នុងសម័យទំនើប ឬមានជំនាន់ Gen Z នេះច្រើនបំផុតក្នុងតំបន់អាស៊ី រហូតដល់ ៦០%។ តាមពីក្រោយដោយភីលីពីន ៤៥%, ឥណ្ឌូនេស៊ី ២៨%, ម៉ាឡេស៊ី ២៦%, ថៃ ២០%, និងវៀតណាម ១៩%។

នៅក្នុងបរិបទដ៏រស់រវើកនិងភាពលេចធ្លោក្នុងតំបន់អាស៊ីអាគ្នេយ៍ មនុស្សជំនាន់ Gen Z គឺនឹងមានទំនាក់ទំនងយ៉ាងជិតស្និតរវាងសង្គមនិងវប្បធម៌ ពោលគឺទំនើបកម្មនិងប្រពៃណី។ មនុស្សដែលបានកើតនៅចន្លោះពាក់កណ្តាលទសវត្សរ៍ឆ្នាំ ១៩៩០ ដល់ដើមទសវត្សឆ្នាំ ២០១២ នឹងត្រូវបានកំណត់ថាជាក្រុមមនុស្សដែលបានដើរស្របពេលនៃការវិវត្តរបស់ឌីជីថលសម័យដើម រហូតដល់ការរីកចម្រើនយ៉ាងឆាប់រហ័សនៃបច្ចេកវិទ្យានិងអ៊ីនធឺណិតសម័យថ្មី។

មនុស្សជំនាន់នេះត្រូវបានគេសម្គាល់ថាមានផ្នត់គំនិតក្នុងការប្រាស់បច្ចេកវិទ្យាច្រើន មានមនសិការសង្គម គំនិតផ្តួចផ្តើមធ្វើអ្វីថ្មីៗ ក៏ដូចជាការបញ្ចេញមតិសារធារណៈជាដើម ជាឧទាហរណ៍ការបញ្ចេញមតិក្នុងបណ្តាញសង្គម រិះគន់ដើម្បីស្ថាបនា។

ទោះជាយ៉ាងណា ស្របពេលដែលតំបន់អាស៊ីកំពុងបន្តវិវឌ្ឍ ជំនាន់ Gen Z នេះ ត្រូវបានគេរំពឹងថានឹងដើរតួនាទីសំខាន់ក្នុងការរៀបចំអនាគតរបស់តំបន់ ដោយប្រើប្រាស់បណ្តាញទំនាក់ទំនងគ្នាទៅវិញទៅមក មានស្មារតីច្នៃប្រឌិតខ្ពស់ និងការប្តេជ្ញាចិត្តចំពោះការផ្លាស់ប្តូរជាវិជ្ជមានសម្រាប់ពិភពលោកផងដែរ៕

គូរស្នេហ៍ដ៏ផ្អែមល្ហែមនិងសាកសមបំផុតទាំងមុខមាត់ ឋានៈ រូបសម្បត្តិស្រស់ស្អាតនិងស្រស់សង្ហារ ព្រមទាំងជា Influencer និង Content Creator ដ៏មានឈ្មោះបោះសំឡេងនៅក្នុងសង្គមខ្មែរទាំងទ្វេ គឺកញ្ញាជា ស្រីនា និងលោកហេង វិសាល ដែលពិធីរៀបអាពាហ៍ពិពាហ៍របស់ពួកគេនឹងមកដល់នៅក្នុងពេលឆាប់ខាងមុខនេះហើយ គឺនៅថ្ងៃទី២៧និង២៨ ខែមីនា ឆ្នាំ២០២៤។

ស្នេហារបស់អ្នកពីររបានលាក់យ៉ាងជិតឈឹងអស់រយៈពេលជាច្រើនឆ្នាំ ដែលទើបតែបង្ហាញនិងធ្វើឲ្យហ្វេនៗស្រឡាំងកាំង នៅក្នុងថ្ងៃពិធីភ្ជាប់ពាក្យ កាលពីខែតុលា ឆ្នាំ២០២២។ ទោះជាយ៉ាងណា ហ្វេនៗជាច្រើនបានសម្តែងនូវការពេញចិត្តជាខ្លាំងចំពោះទំនាក់ទំនងសេ្នហារបស់អ្នកទាំងពីរ។ ស្រីនានិងវិសាលក៏បានបន្តចាប់ដៃគ្នាផលិតវីដេអូ Content ល្អៗជាច្រើន ផ្តល់នូវផលវិជ្ជមានដល់សង្គមខ្មែរ ជាពិសេសគឺក្មេងៗជំនាន់ក្រោយ។

ជាក្មេងស្រីម្នាក់ដែលស្អាត ឆ្លាត ពូកែ និងមានសមត្ថភាពខ្ពស់ កញ្ញាជា ស្រីនា ជាម្ចាស់សំអាងការដ៏ធំមួយក្នុងស្រុកខ្មែរគឺ សំអាងការប្រណិតនារី ហើយកាលពីពេលថ្មីៗនេះក៏បានបង្កើតប្រេនផ្ទាល់ខ្លួនជាលើកដំបូងជាមួយនឹងវិសាល គឺផលិតផល Weyoung Sunscreen ដែលទទួលបាននូវការគាំទ្រជាខ្លាំង។

ក្រឡេកមកមើលទំនាក់ទំនងស្នេហាដ៏ផ្អែមល្ហែមរបស់អ្នកទាំងពីរវិញគឺកាន់តែមានភាពរអូករអើនពីមួយថ្ងៃទៅមួយថ្ងៃ។ យ៉ាងណាមិញ វិសាលក៏បានរៀបចំ Surprise សុំស្រីនារៀបការ កាលពីពាក់កណ្តាលខែកុម្ភៈ ដែលបានធ្វើឲ្យនារីៗជាច្រើនច្រណែនស្រីនាមិនស្ទើរនោះទេ។ ហើយកាលពីពេលថ្មីនេះ ក៏បានលេចវត្តមានអ្នកទាំងពីរថត Pre Wedding នៅលើទឹកដីនៃខេត្តសៀមរាប និងត្រៀមខ្លួនរួចរាល់សម្រាប់ចូលរោងជ័យនៅថ្ងៃទី២៧,២៨ ខែមីនានេះផងដែរ៕