វៀតណាមជួបគ្រោះទឹកជំនន់ និងរញ្ជួយដីក្នុងពេលតែមួយ ក្រោយព្រះរាជវត្តមានរបស់ស្ដេចថៃ

តើនេះជាភាពចៃដន្យនៃអាកាសធាតុ ឬជាប្រផ្នូលហុងស៊ុយមិនល្អដូចគេនិយាយ? ប្រទេសវៀតណាមបានប្រកាសអាសន្នកម្រិតខ្ពស់បំផុត ដោយសារតែត្រូវរងគ្រោះធម្មជាតិពីរធំៗក្នុងពេលតែមួយ គឺគ្រោះទឹកជំនន់ហក់ឡើងហួសកម្រិតប្រកាសអាសន្នទី៣ និងគ្រោះរញ្ជួយដីបន្តបន្ទាប់គ្នា ៤លើក ក្រោយព្រះរាជវត្តមានរបស់ព្រះមហាក្សត្រថៃ យាងមកបំពេញទស្សនកិច្ចផ្លូវរដ្ឋនៅក្នុងប្រទេសវៀតណាម។
________________
ចៃដន្យពេកទេដឹង? គ្រោះទឹកជំនន់មិនទាន់ទាំងទៅផុតផង ស្រាប់តែគ្រោះរញ្ជួយដីបានបន្តធ្វើទុក្ខវាយប្រហារប្រទេសវៀតណាមបន្ថែមទៀត ដែលបង្កឱ្យមានការភ្ញាក់ផ្អើល និងផ្អើលការប្រកាសអាសន្នជុំទិស។ ភាពគាប់ជួនគ្នានៃពេលវេលាដ៏គួរឱ្យតក់ស្លុតនេះ បានផ្ទុះឡើងចំពេលដ៏ក្តៅគគុកមួយ ពោលគឺភ្លាមៗក្រោយព្រះរាជវត្តមានរបស់ព្រះមហាក្សត្រថៃ ព្រះចៅ មហា វជិរាលង្ករណ៍ (Rama X) បំពេញទស្សនកិច្ចផ្លូវរដ្ឋនៅក្នុងប្រទេសវៀតណាម ដែលធ្វើឱ្យមហាជន និងអ្នកមានជំនឿហុងស៊ុយយកទៅវែកញែកយ៉ាងក្តៅគគុក។
​
យោងតាមការចុះផ្សាយរបស់សារព័ត៌មានផ្លូវការវៀតណាម VOV វិទ្យាស្ថានវិទ្យាសាស្ត្រផែនដីបានកត់ត្រានូវព្រឹត្តិការណ៍រញ្ជួយដីជាបន្តបន្ទាប់រហូតដល់ទៅ ៤ លើកជាប់ៗគ្នាក្នុងថ្ងៃតែមួយ កាលពីថ្ងៃទី១៧ ខែកញ្ញា ឆ្នាំ២០២៦ ម្សិលមិញនេះ។ គ្រោះរញ្ជួយដីដែលមានកម្លាំងរវាង ២,៦ ដល់ ៣,០ រិចទ័រ ក្នុងជម្រៅដីប្រហែល ៨,១ គីឡូម៉ែត្រនេះ បានវាយប្រហារចំតំបន់ឃុំ Trà Giáp, Trà Tân និង Trà Tập នៃស្រុក Nam Trà My។ ថ្វីបើអាជ្ញាធរវាយតម្លៃថាស្ថិតក្នុងកម្រិតហានិភ័យលេខ ០ មិនទាន់បង្កគ្រោះថ្នាក់ដល់ជីវិតក្តី ប៉ុន្តែវាបានបង្កើតជាការព្រួយបារម្ភ និងរំញ័រភ័យខ្លាចដល់ប្រជាពលរដ្ឋយ៉ាងខ្លាំង។

ទន្ទឹមនឹងដីរំញ័រនេះ ស្ថានភាពគ្រោះទឹកជំនន់ដ៏សាហាវក៏មិនទាន់ស្រកទៅណាឆ្ងាយដែរដោយសារឥទ្ធិពលភ្លៀងធ្លាក់គំហុកជាប់ៗគ្នា។ យោងតាមបណ្តាញព័ត៌មាន Việt Nam News និងទូរទស្សន៍ VTV កម្រិតទឹកជំនន់នៅតាមបណ្តាខេត្តភាគកណ្តាល ដូចជា Thanh Hóa និង Nghệ An បានហក់ឡើងខ្ពស់ខ្លាំងលំដាប់ឯកទគ្គកម្ម (Kỷ lục)។ ជាងនេះទៅទៀត នៅតំបន់ជុំវិញរដ្ឋធានីហាណូយ, Ninh Bình និង Thanh Hóa កំពូលទឹកជំនន់បានហក់ឡើងខ្ពស់ហួសកម្រិតប្រកាសអាសន្នគ្រោះថ្នាក់ទី ៣ (Báo động 3) ដែលជាកម្រិតខ្ពស់បំផុត និងបង្កហានិភ័យគ្រោះបាក់ដី និងទឹកជំនន់ឆាប់រហ័ស នៅក្នុងខេត្តទាំង ៨ ទៀតផង។

ខ្សែសង្វាក់គ្រោះមហន្តរាយធម្មជាតិធំៗទាំងពីរនេះ បានកើតឡើងយ៉ាងស៊ីសង្វាក់គ្នានឹងពេលវេលា ដែលព្រះមហាក្សត្រថៃ និងព្រះមហាក្សត្រិយានី ស៊ូធីតា ទើបតែបានបញ្ចប់ព្រះរាជដំណើរទស្សនកិច្ចផ្លូវរដ្ឋរយៈពេល ៣ថ្ងៃ (ចាប់ពីថ្ងៃទី១៤-១៦ ខែកញ្ញា ឆ្នាំ២០២៦) នៅទីក្រុងហាណូយ។ ភាពគាប់ជួនដ៏គួរឱ្យខ្លាចនេះ បានជម្រុញឱ្យមហាជនជាច្រើនយកទៅប្រៀបធៀបនឹងបណ្តាប្រទេសមុនៗ ដែលឱ្យតែទ្រង់យាងទៅដល់ទីណា ទីនោះតែងជួបគ្រោះធម្មជាតិជានិច្ច ដូចជាគ្រោះអគ្គីភ័យប្រាសាទបុរាណនៅចិន រលកកម្តៅជិត ៥០អង្សាសេនៅបារាំង និងការធ្លាក់ទឹកកកដ៏អាក្រក់នៅឡាវ ដែលធ្វើឱ្យអ្នកជឿលើរឿងហុងស៊ុយរិះគន់ថាជា «ចំហាយរាសីមិនល្អ» របស់ទ្រង់។

ជារួមមក ទោះបីជាផ្នែកវិទ្យាសាស្ត្រ និងពិធីការការទូតបង្ហាញថា គ្រោះទឹកជំនន់លំដាប់ឯកទគ្គកម្ម និងគ្រោះរញ្ជួយដី ៤លើកនេះ គ្រាន់តែជាបាតុភូតធម្មជាតិ និងការប្រែប្រួលធាតុអាកាសក៏ដោយ ប៉ុន្តែវាកំពុងតែក្លាយជាប្រធានបទដណ្តំដ៏ក្តៅគគុកផ្អើលបណ្តាញសង្គម។ ភាពគាប់ជួនគ្នានៃពេលវេលានេះ បានធ្វើឱ្យព្រះរាជដំណើររបស់ស្តេចថៃអង្គនេះ ជៀសមិនផុតពីការរិះគន់ និងការផ្សារភ្ជាប់ទៅនឹងរឿងប្រផ្នូលមិនល្អ ពីសំណាក់សាធារណជនឡើយ៕