កំពុងល្បីថារឿងរបស់ ទិនហ្វី ត្រូវរោងកុនក្លែងបន្លំប្រាក់ចំណូលប្រហែល៥៩លានដុល្លារ

យោងតាមរបាយការណ៍មួយដោយក្រុមហ៊ុនទិន្នន័យភាគីទីបី Top Data ខ្សែភាពយន្តកំប្លែងក្បាច់គុនថ្មីរបស់ទិនហ្វី ដែលមានចំណងជើងថា «Kung Fu Soccer» សម្តែងដោយ Zhang Xiaofei, Dilraba Dilmurat និង Lay Zhang បានរងការលួចប្រាក់ចំណូលយ៉ាងច្រើនចាប់តាំងពីការចេញផ្សាយ។

ទោះបីជាប្រាក់ចំណូលដែលបានកត់ត្រាទុករបស់ខ្សែភាពយន្តនេះបច្ចុប្បន្នមានចំនួន ១.៦ ពាន់លានយ័ន(ប្រមាណ២៣៦លានដុល្លារអាម៉េរិក)គិតត្រឹមថ្ងៃទី២២ខែកក្កដាក៏ដោយ ភាគរយប៉ាន់ស្មាននៃប្រាក់ចំណូលដែលត្រូវបានប្រមូលដោយក្លែងបន្លំឬលាក់បាំងទូទាំងប្រទេសគឺប្រហែល ២៨% ដែលស្មើនឹងការខាតបង់ជាង ជាង ៤០០ លានយ័នប្រហែល៥៩លានដុល្លារអាម៉េរិក។ ចំនួនទឹកប្រាក់ដែលអាចតាមដានបានតាមរយៈប្រព័ន្ធលក់សំបុត្រតាមអ៊ីនធឺណិតតែម្នាក់ឯងលើសពី២០លានយ័ន។

ទោះជាយ៉ាងណាក៏ដោយមិនយូរប៉ុន្មានប្រធានក្លឹបអ្នកគាំទ្រ ទិនហ្វី (Stephen Chow )នៅទីក្រុងសៀងហៃបាននិយាយចេញមកដោយបញ្ជាក់ថាតួលេខរបស់អង្គភាពនេះមិនឆ្លុះបញ្ចាំងពីការពិតហើយអះអាងថាចំនួនទឹកប្រាក់ដែលប្រមូលបានគឺទាបជាងតួលេខដែលបានផ្តល់ឱ្យ។ អ្នកគាំទ្របានបញ្ជាក់ថាតាមពិតទៅមានតែរោងកុនចំនួន ៤០៤ ប៉ុណ្ណោះដែលបំពានច្បាប់ ហើយបន្ទាប់ពីទទួលបានការណែនាំពីអាជ្ញាធរ រោងកុនទាំងនេះបានប្រគល់ប្រាក់ចំណូលពាក់ព័ន្ធមកវិញ។ ក្នុងពេលជាមួយគ្នានេះ ភ្នាក់ងារអនុវត្តច្បាប់ក៏បានដោះស្រាយជាមួយគ្រឹះស្ថានដែលរំលោភច្បាប់តាមបទប្បញ្ញត្តិផងដែរ។ ផលិតករនៃរឿង «Kung Fu Soccer» មិនទាន់បានបញ្ជាក់ពីចំនួនប្រាក់ចំណូលជាក់លាក់ដែលបានបាត់បង់ដោយសារការក្លែងបន្លំសំបុត្រនៅឡើយទេ។

យ៉ាងណាក៏ដោយ ការលួចប្រាក់ចំណូលពីការលក់សំបុត្រកុនគឺជាការពិត។ ឥឡូវនេះអាចបញ្ជាក់បានថា សហគមន៍អ្នកគាំទ្ររបស់ទិនហ្វីបានប្រមូលភស្តុតាងដោយឯករាជ្យ និងបានជួយរកប្រាក់ចំណូលដែលបាត់បង់ជាង១.៦ លានយ័នប្រមាណជាង២៣ម៉ឺនដុល្លារ មកវិញ។ ទម្រង់នៃការក្លែងបន្លំធម្មតារួមមានរោងភាពយន្តដែលអះអាងថាម៉ាស៊ីនលក់សំបុត្រមានបញ្ហាដើម្បីចេញសំបុត្រសរសេរដោយដៃ ឬសំបុត្រទទេ។ ប្រាក់នេះមិនត្រូវបានកត់ត្រាទុកក្នុងប្រព័ន្ធលក់សំបុត្រជាតិទេ មានន័យថាអ្នកផលិតមិនទទួលបានចំណែកនៃប្រាក់ចំណូលរបស់ពួកគេទេ។

មានករណីមួយចំនួនដែលអ្នករៀបចំកម្មវិធីបញ្ឆោតសមាជិកទស្សនិកជនឱ្យលុបចោលសំបុត្រដែលបានទិញតាមរយៈប្រព័ន្ធ បន្ទាប់មកលក់សំបុត្រដោយផ្ទាល់ក្នុងតម្លៃទាបជាងតាមរយៈការផ្ទេរប្រាក់តាមធនាគារ ឬសាច់ប្រាក់។ ប្រតិបត្តិការនេះមិនទុកទិន្នន័យនៅក្នុងប្រព័ន្ធលក់សំបុត្រទេ។

ដើម្បីឆ្លើយតបទៅនឹងការសង្ស័យទាំងនេះលោក Stephen Chow បានបង្ហោះរូបភាពនៃសំបុត្រដែលសរសេរដោយដៃនៅលើបណ្តាញសង្គម រួមជាមួយនឹងសញ្ញាសួរចំនួនបី ដើម្បីបង្ហាញពីការសង្ស័យរបស់លោក។ លើសពីនេះ សហគមន៍អ្នកគាំទ្ររបស់ ទិនហ្វី នៅក្នុងប្រទេសចិនកំពុងប្រមូលភស្តុតាងយ៉ាងសកម្មដូចជាសំបុត្រទទេ និងសំបុត្រក្លែងក្លាយ ដើម្បីជួយស្តារប្រាក់ចំណូលដែលបាត់បង់មួយចំនួន។ ទន្ទឹមនឹងនេះ ផលិតករក៏បានបើកបណ្តាញសម្រាប់ទទួលពាក្យបណ្តឹងផងដែរ ដោយជំរុញឱ្យអ្នកទស្សនារាយការណ៍ភ្លាមៗអំពីការរំលោភបំពានណាមួយដែលពួកគេរកឃើញ៕