វៀតណាម ត្រៀមធ្វើជាម្ចាស់ផ្ទះកិច្ចប្រជុំកំពូល APEC នៅខែវិច្ឆិកា ឆ្នាំ២០២៧ខាងមុខនេះ នៅលើកោះត្រល់។
នៅក្នុងការធ្វើម្ចាស់ផ្ទះនេះ វៀតណាម គ្រោងនឹងចំណាយ៨៣០លានដុល្លារ ដើម្បីសាងសង់ហេដ្ឋារចនាសម្ព័ន្ធ ជាពិសេសអគារប្រជុំដ៏ប្រណីត។
អគារប្រជុំនេះ មានកម្ពស់៣ជាន់ លាតសន្ធឹងនៅលើកោះត្រល់ ដែលអាចផ្ទុកមនុស្សបានយ៉ាងហោចណាស់ ៦៥០០នាក់។
បន្ថែមពីនេះ វៀតណាមក៏នឹងធ្វើទំនើបកម្មអាកាសយានដ្ឋានអន្តរជាតិ កោះត្រល់ ដើម្បីបំពេញតាមស្តង់ដា ICAO 4E ផងដែរ។
គួរបញ្ជាក់ថា គម្រោងទាំងនេះ សាងសង់ឡើង ដើម្បីបំពេញតាមតម្រូវការបច្ចេកទេស សន្តិសុខ និងប្រតិបត្តិការតាមស្តង់ដា APEC។.png)
មិនតែប៉ុណ្ណោះ ក៏ដើម្បីប្រែក្លាយកោះនេះឱ្យក្លាយជាទីក្រុងឆ្នេរសមុទ្រដ៏ធំនៅអាស៊ីអាគ្នេយ៍នៅក្នុងរយៈពេល៥ឆ្នាំខាងមុខ៕
