រឿងភាគរបស់ IU និង Byeon Woo Seok កំពុងមានប្រជាប្រិយភាពលំដាប់លេខ១ ទាំងមិនទាន់ចាក់ផ្សាយ

យោងតាមស្ថិតិរបស់ក្រុមហ៊ុន Good Data Corporation រឿងកំប្លែងបែបមនោសញ្ចេតនា « Perfect Crown» ដែលមានតួឯក IU និង Byeon Woo Seok បានឡើងដល់កំពូលនៃបញ្ជីកម្មវិធីទូរទស្សន៍ដែលមានការពិភាក្សាច្រើនបំផុតក្នុងសប្តាហ៍នេះ។ លើសពីនេះ តារាសម្ដែងសំខាន់ពីររូបគឺ IU និង Byeon Woo Seok បានជាប់ចំណាត់ថ្នាក់លេខ ៣ និងលេខ ៤ ចំណាត់ថ្នាក់តារាសម្ដែង។

«Perfect Crown» គឺជារឿងភាគដែលទទួលបានការទន្ទឹងរង់ចាំបំផុតនៅពេលដែលវាចាក់ផ្សាយក្នុងខែមេសា ដោយមានចំណាត់ថ្នាក់អ្នកទស្សនា ២៣.១៧% នេះបើយោងតាមការចុះផ្សាយរបស់គេហទំព័រ Soompi ។

ដោយបានសហការគ្នាមួយរយៈខ្លីលើគម្រោងមួយកាលពី ១០ ឆ្នាំមុន IU មានអារម្មណ៍ស្រួលជាមួយតារាសម្តែងប្រុសរូបនេះតាំងពីការអានស្គ្រីប។ នាងបាននិយាយថា ពួកគេបានចែករំលែកគំនិតជាច្រើននៅលើឈុត និងលើកទឹកចិត្តគ្នាទៅវិញទៅមក ដែលបង្កើតបានជាភាពស៊ីសង្វាក់គ្នាដ៏អស្ចារ្យ។ ចំពោះតារាប្រុស Byeon Woo Seok វិញលោកមានអារម្មណ៍ថាបរិយាកាសកក់ក្តៅនៅលើការសម្តែង ព្រោះ IU និងក្រុមការងារបានគិតគូរ និងគាំទ្រយ៉ាងខ្លាំងក្នុងអំឡុងពេលថតនីមួយៗ។

«Perfect Crown» គ្រោងនឹងចាក់ផ្សាយនៅថ្ងៃទី១០ ខែមេសា បង្ហាញពីជោគវាសនារវាង អ្នកស្នងមរតកដ៏មានទ្រព្យសម្បត្តិ និងព្រះអង្គម្ចាស់។ សាច់រឿងនេះរៀបរាប់ពីរឿងរ៉ាវស្នេហារបស់ Seong Hui Ju សម្តែងដោយ IU ដែលជាអ្នកស្នងមរតកដ៏មានស្តុកស្តម្ភម្នាក់ ដែលតែងតែមិនពេញចិត្តនឹងការខ្វះអំណាចរបស់ខ្លួន និងព្រះអង្គម្ចាស់ I-an សម្តែងដោយ Byeon Woo Seok ដែលគ្មានអ្វីក្រៅពីតំណែងរបស់ទ្រង់ឡើយ៕