Mark Lee សម្រេចចិត្តចាកចេញពីក្រុម NCT

នៅថ្ងៃទី៣ ខែមេសា ផលិតកម្ម SM Entertainment បានប្រកាសជាផ្លូវការថា Mark Lee បានចាកចេញពីក្រុម NCT ហើយបន្ទាប់ពីរួមដំណើរជាមួយគ្នា១០ឆ្នាំ។ ដំណឹងនៃការចាកចេញនេះបានធ្វើឱ្យអ្នកគាំទ្រមានការភ្ញាក់ផ្អើលយ៉ាងខ្លាំង។

ផលិតកម្ម SM បានប្រកាសថា បន្ទាប់ពីការពិភាក្សាយ៉ាងយូរ និងស៊ីជម្រៅជាមួយនឹង Mark ទាក់ទងនឹងផ្លូវអាជីពនាពេលអនាគត ភាគីទាំងពីរបានព្រមព្រៀងគ្នាថាកិច្ចសន្យាផ្តាច់មុខរបស់ក Mark ជាមួយផលិតកម្ម SM នឹងបញ្ចប់នៅថ្ងៃទី៨ ខែមេសា។ ក្នុងពេលជាមួយគ្នានេះ តារាចម្រៀងប្រុសរូបនេះនឹងបញ្ចប់សកម្មភាពរបស់ខ្លួនក្នុងនាមជាសមាជិកនៃ NCT, NCT 127 និង NCT Dream។ SM បានអរគុណយ៉ាងជ្រាលជ្រៅចំពោះ Mark ចំពោះទេពកោសល្យដ៏លេចធ្លោរបស់លោកដែលបានបង្ហាញចាប់តាំងពីការបង្ហាញខ្លួនលើកដំបូងជាមួយ NCT ក្នុងឆ្នាំ២០១៦ មិនត្រឹមតែក្នុងសកម្មភាពក្រុមប៉ុណ្ណោះទេ ប៉ុន្តែថែមទាំងក្នុងនាមជាសិល្បករទោលក្នុងរយៈពេល ១០ ឆ្នាំកន្លងមកនេះផងដែរ។ ក្រុមហ៊ុនបានជូនពរ Markឱ្យទទួលបានជោគជ័យក្នុងដំណើរផ្សងព្រេងនាពេលខាងមុខរបស់លោក។

បន្ទាប់ពីការចាកចេញរបស់ Mark NCT 127 នឹងដំណើរការជាមួយនឹងក្រុមសមាជិក៧នាក់ ហើយ NCT Dream នឹងដំណើរការជាមួយនឹងសមាជិកចំនួន៦នាក់។
ភ្លាមៗបន្ទាប់ពីការប្រកាសរបស់ SM តារាចម្រៀង Mark បានបង្ហោះសំបុត្រដែលសរសេរដោយដៃទៅកាន់អ្នកគាំទ្ររបស់ខ្លួន។ នៅក្នុងសំបុត្រនោះ តារាចម្រៀងរូបនេះបានរំលឹកអំពីដំណើររយៈពេល ១០ ឆ្នាំរបស់លោក ហើយបានពណ៌នាអំពីពេលវេលាដែល «ពិតជាមានសុភមង្គល»។

លោកបានសម្តែងការដឹងគុណចំពោះនាយក អ្នកគ្រប់គ្រង និងបុគ្គលិករបស់ SM ចំពោះការគាំទ្ររបស់ពួកគេ។ Mark ក៏បានចែករំលែកអារម្មណ៍ដោយអារម្មណ៍ថា លោកបានទទួលការគាំទ្រពីសមាជិក NCT ទាំងអស់នៅពេលលោកប្រាប់ពីការចាកចេញ។ តារាចម្រៀងរូបនេះមិនភ្លេចថ្លែងអំណរគុណដល់អ្នកគាំទ្ររបស់លោកចំពោះក្តីស្រឡាញ់របស់ពួកគេ និងសម្រាប់ការធ្វើឱ្យលោកក្លាយជាមនុស្សដែលលោកមានសព្វថ្ងៃនេះ។
Mark ដឹងថាការប្រកាសនេះនឹងធ្វើឱ្យអ្នកគាំទ្រជាច្រើនភ្ញាក់ផ្អើល ដូច្នេះនៅពេលដែលកិច្ចសន្យា១០ឆ្នាំរបស់លោកបានបញ្ចប់លោកបានព្រួយបារម្ភអស់រយៈពេលយូរអំពីថាតើត្រូវចាកចេញឬបន្ត ហើយបានគិតអំពីក្តីសុបិនពិតរបស់ខ្លួន។

ទាក់ទងនឹងការសម្រេចចិត្តចាកចេញពី NCT តារាចម្រៀងរូបនេះបានចែករំលែកថា «បន្ទាប់ពីបានឆ្លងកាត់ដំណើរដ៏អស្ចារ្យមួយ ខ្ញុំហាក់ដូចជាបានចាប់ផ្តើមគិតអំពីក្តីសុបិនដ៏ធំបំផុតដែលខ្ញុំអាចស្រមៃបាន អ្វីដែលល្អបំផុត និងគោលបំណងដ៏អស្ចារ្យបំផុតដែលខ្ញុំអាចបន្តបាន ខណៈពេលកំពុងរស់នៅជាមនុស្សឈ្មោះ Mark។ ជាចុងក្រោយ Mark បាននិយាយថា «ខ្ញុំគិតថាខ្ញុំពិតជាចង់ដឹងថាតើតន្ត្រីដ៏អស្ចារ្យរបស់ខ្ញុំជាអ្វី របៀបធ្វើឱ្យវារីកដុះដាល និងបង្កើតផលផ្លែនៅក្នុងពិភពលោកនេះ… ហើយខ្ញុំពិតជាត្រូវតែសម្រេចបានវា»៕