មិនខំប្រឹងរៀបចំកម្មវិធីស៊ីហ្គេមលើកទី៣៣ ឱ្យបានល្អនោះទេប៉ុន្តែថៃយកពេលបើកការវាយប្រហារមកលើកម្ពុជានៅព្រលានថ្ម នៅខេត្តព្រះវិហារនៅរសៀលថ្ងៃទី៧ ខែធ្នូ ក្នុងចេតនាញុះញង់ រហូតនៅព្រឹកថ្ងៃទី៨ ខែធ្នូ យោធាថៃបានបើកការបា.ញ់ប្រហារមកលើកងកម្លាំងកម្ពុជាជាច្រើនកន្លែង។ ប្រជាពលរដ្ឋ សិស្សានុសិស្ស ដែលរស់នៅតាមបន្ទាត់ព្រំដែនត្រូវរត់ភៀសខ្លួនរកទីកន្លែងសុវត្ថិភាពមកកាន់ជំរំម្តងទៀត ខណៈដែលកុមារជាច្រើនអាក់ខានក្នុងការរៀនសូត្រ។
សភាពការណ៍នៅតាមព្រំដែនផ្ទុះសាជាថ្មីតារាចម្រៀង សុខ ពិសី បានប្រើសំឡេងរបស់ខ្លួនអំពាវនាវកុំឱ្យទស្សនិកជនចែកចាយរូបភាពនិងវីដេអូចល័តទ័ព ខណៈឃើញកុមារៗរត់ចេញពីសាលារៀនពេលដែលថៃផ្លោងគ្រាប់ធ្វើឱ្យ សុខ ពិសី ពោលថានាងស្ទើរតែប្រេះដើមទ្រូង។
តារាចម្រៀងរូបនេះបានបង្ហោះសំណេរជាបន្តបន្ទាប់នៅលើបណ្តាញសង្គមរបស់ខ្លួនថា «សូមវត្ថុស័ក្តិសិទ្ធិក្នុងលោកជួយឃុំគ្រងថែរក្សាវីរៈកងទ័ពកម្ពុជាឱ្យជួបតែសេចក្តីសុខគ្រប់ៗគ្នា »។ កញ្ញា បានបង្ហោះទៀតថា «បងប្អូនជាទីស្រលាញ់ សូមបងប្អូនកុំចែកចាយ រូបភាពឬវីដេអូ ចល័តទ័ព និងទីតាំងលេណដ្ឋានរក្សាការសម្ងាត់អស់គ្នា»។ ក្រៅពីបួងសួងឱ្យវត្ថុស័ក្តិសិទ្ធិឃុំគ្រងវីរកងទ័ព និងកុំឱ្យប្រជាពលរដ្ឋចែកចាយរូបភាពចល័តទ័ព តារាចម្រៀងរូបនេះក៏បានបង្ហាញការខូចចិត្តស្ទើរតែប្រេះដើមទ្រូងនៅពេលឃើញក្មេងៗរត់ប្រសាចពេញបរិវេណសាលាអក់ខានក្នុងការរៀនសូត្រដើម្បីរត់ចូលលេដ្ឋានដើម្បីសុវត្ថិភាព។ អ្វីដែលកាន់តែរំជួលចិត្តកុមារមួយចំនួនមិនទាន់នឹងបានហូបបាយព្រឹកផងត្រូវហូបបាយក្នុងលេដ្ឋានព្រោះតែការវាយប្រហាររបស់ថៃ។
គួរបញ្ជាក់ផងដែរថា កាសែតធំៗជាច្រើនដូចជា CNN ,CNA, Al Jazeera កាសែតឡាវ សុទ្ធតែបានចុះផ្សាយថា ថៃបានបើកការវាយប្រហារមកលើកម្ពុជាមុន។ បើតាមប្រភពពីក្រសួងអប់រំ សាលារៀននៅស្រុកបន្ទាយអំពិលទាំងអស់ និងសាលាមួយចំនួននៅខេត្តឧត្ដរមានជ័យនៅតាមបន្ទាត់ព្រំដែន សាលារៀននៅស្រុកជាំក្សាន្ត ខេត្តព្រះវិហារទាំងអស់ ត្រូវបិទទ្វារដោយសារការវាយប្រហារពីភាគីថៃ៕
