សំលៀកបំពាក់ត្រូវគ្នារបស់ V និង Jennie ក្លាយជាចំណុចកណ្តាលនៃការចាប់អារម្មណ៍

ចំណុចស្រដៀងគ្នាមិនថាគ្រឿងអលង្កាឬសំលៀកបំពាក់រវាង V សមាជិកBTS និង Jennie សមាជិក Blackpink តែងតែក្លាយជាប្រធានបទនៃមតិសាធារណៈ។ ជាក់ស្តែងថ្មីៗនេះការពិភាក្សាបានចាប់ផ្តើមនៅពេលដែល V បង្ហោះ vlog ឯកសារអំពីពេលវេលារបស់ខ្លួននៅ Los Angeles ។ ក្នុងវីដេអូនេះ V បង្ហាញខ្លួនក្នុងសំលៀកបំពាក់ pajama flannel។

រូបភាពនេះបានធ្វើឱ្យអ្នកនិយមលេងអ៊ីនធឺណែតចាប់ផ្តើមចាប់អារម្មណ៍លើសម្លៀកបំពាក់របស់ Jennie នៅព្រលានយន្តហោះ។ តារាស្រីរូបនេះក៏ធ្លាប់បានស្លៀកឈុតដូចគ្នាផងដែរ។ ដំណឹងរបស់ V និង Jennie ស្លៀកឈុតពីរដែលមានម៉ូតស្រដៀងគ្នាបានសាយភាយយ៉ាងឆាប់រហ័ស។ ឃ្លីបមួយដែលប្រៀបធៀបសម្លៀកបំពាក់ទាំងពីរទទួលបានការចាប់អារម្មណ៍យ៉ាងច្រើនពីអ្នកលេងអ៊ីនធឺណិតដោយមានមតិជាច្រើនបានអះអាងថាវាជា «ព័ស្តុតាង» ដែលថា V និង Jennie អាចមានទំនាក់ទំនង។ទោះជាយ៉ាងណា មតិជាច្រើនលើកឡើងថា ការសន្និដ្ឋានបែបនេះគឺគ្មានមូលដ្ឋាន។

ទស្សនិកជនភាគច្រើនជឿថា ម៉ូតសំលៀកបំពាក់នេះគឺជាការពេញនិយមប្រើប្រាស់ដោយមនុស្សជាច្រើន ហើយបច្ចុប្បន្នមិនមានព័ស្តុតាងច្បាស់លាស់ណាមួយដែលបង្ហាញថា ទំនិញទាំងពីរនេះមកពីម៉ាកដូចគ្នា ឬពាក់ព័ន្ធគ្នាទៅវិញទៅមកនោះទេ។

ការជជែកវែកញែកជុំវិញរឿង «សម្លៀកបំពាក់គូស្នេហ៍» លើកនេះ នៅតែបន្តបង្ហាញថា មហាជនចាប់អារម្មណ៍លើរាល់ព័ត៌មានលម្អិតទាក់ទងនឹងតារាល្បីទាំងពីរ។ បើទោះជាកន្លងមក អ្នកសិល្បៈទាំងពីរមិនបានផ្តល់ការបញ្ជាក់ណាមួយ អំពីព័ត៌មានណាត់ជួប។

V និង Jennie មានពាក្យចចាមអារ៉ាមថាបានទាក់ទងគ្នាតាំងពីរដូវក្តៅឆ្នាំ២០២២នៅពេលដែលពួកគេត្រូវបានគេនិយាយថាបានបង្ហាញខ្លួនជាមួយគ្នានៅលើកោះ Jeju ។ ក្រោយមក រូបថតឯកជនជាច្រើនសន្លឹក ត្រូវបានបែកធ្លាយតាមប្រព័ន្ធអ៊ីនធឺណែត ធ្វើឱ្យមហាជនចាប់អារម្មណ៍ខ្លាំងលើទំនាក់ទំនងរបស់ពួកគេ។ នៅក្នុងខែឧសភា ឆ្នាំ២០២៣ តារាចម្រៀងទាំងពីររូបត្រូវបានគេចោទប្រកាន់ថាបានកាន់ដៃគ្នាដើរនៅទីក្រុងប៉ារីស ប្រទេសបារាំង។ បន្ទាប់មកអ្នកគាំទ្រក៏បានចង្អុលបង្ហាញរូបភាពជាច្រើនដែលបង្ហាញពី V និង Jennie ស្លៀកសំលៀកបំពាក់ដែលត្រូវបានគេនិយាយថាជាសំលៀកបំពាក់គូស្នេហ៍ ហើយបង្ហាញខ្លួននៅទីតាំងជាច្រើនក្នុងពេលតែមួយ។

នៅចុងឆ្នាំ២០២៣ JTBC បានរាយការណ៍ថា V និង Jennie បាន «ដើរតាមផ្លូវដាច់ដោយឡែក» ទោះបីជាពួកគេមិនដែលបង្ហាញទំនាក់ទំនងរបស់ពួកគេជាសាធារណៈក៏ដោយ។ សកម្មភាពរបស់ V និង Jennie តែងតែទទួលបានការចាប់អារម្មណ៍ជាសាធារណៈព្រោះអ្នកទាំងពីរគឺសុទ្ធតែជាតារាល្បីឈ្មោះនិងមកពីក្រុមដ៏មានឥទ្ធិពល៕