ដើម្បីថែរក្សាកំណាត់ផ្លូវជាតិលេខ ៥០C អោយស្ថិតក្នុងស្ថានភាពល្អប្រសើរ ក្រោយទឹកទន្លេស្រកចុះ និងបង្ការកុំអោយមានគ្រោះថ្នាក់កើតឡើងជាយថាហេតុ មន្ទីរសាធារណការ និងដឹកជញ្ជូនខេត្តកំពង់ឆ្នាំង បានសម្រេចបិទការធ្វើដំណើរលើកំណាត់ផ្លូវខាងលើ ជាបណ្ដោះអាសន្នរហូតមានការជូនដំណឹងជាថ្មី។.jpg)
បើតាមសេចក្តីជូនដំណឹងរបស់មន្ទីរសាធារណការ និងដឹកជញ្ជូនខេត្តកំពង់ឆ្នាំង នាថ្ងៃទី៦ ខែតុលា ឆ្នាំ២០២៥ បានបញ្ជាក់ថា ចាប់ពីថ្ងៃជូនដំណឹងនេះតទៅ មន្ទីរបានសម្រេចបិទការធ្វើចរាចរណ៍លើកំណាត់ផ្លូវជាតិលេខ ៥០C ជាផ្លូវតភ្ជាប់ពីស្រុកកំពង់លែង ខេត្តកំពង់ឆ្នាំង ទៅកាន់ផ្លូវជាតិលេខ ៦ ខេត្តកំពង់ធំជាបណ្តោះអាសន្នហើយ។.jpg)
ក្នុងនោះចាប់ពីគ.ម ០០+០០០ ដល់គ.ម ១៤+២០០ ជាកំណាត់ផ្លូវ ស្ថិតក្នុងភូមិកង្កែប ឃុំច្រណូក ស្រុកកំពង់លែង ខេត្តកំពង់ឆ្នាំងក៏ត្រូវរងនូវការជនលិចដោយទឹកទន្លេផងដែរ។
វិធានការខាងលើ ក៏ជាចំណែកមួយជួយថែរក្សាកំណាត់ផ្លូវជាតិលេខ ៥០C អោយស្ថិតក្នុងស្ថានភាពល្អប្រសើរ ក្រោយទឹកទន្លេស្រកចុះ និងបង្ការកុំអោយមានគ្រោះថ្នាក់កើតឡើងជាយថាហេតុទៀតផង។
ចំពោះការប្រកាសបើកអោយមានការធ្វើចរាចរណ៍ឡើងវិញ និងត្រូវធ្វើឡើងក្រោយមានការចេញនូវសេចក្តីជូនដំណឹងជាថ្មី។
សូមរម្លឹកថា គម្រោងសាងសង់ផ្លូវជាតិលេខ ៥០C ធ្លាប់ត្រូវបាននាយករដ្ឋមន្ត្រី នៃប្រទេសកម្ពុជា ចាត់ទុកថា ជាគម្រោងអាទិភាពប្រចាំឆ្នាំ២០២៤។ ដោយផ្លូវមួយខ្សែនេះ ជាផ្លូវប្រវត្តិសាស្ត្រមិនធ្លាប់មាន ឆ្លងកាត់កណ្តាលប្រទេសកម្ពុជា ដែលអាចបំព្រួញចម្ងាយធ្វើដំណើរពីជាង ១០០គីឡូម៉ែត ឲ្យមកនៅសល់ត្រឹមតែ ៥៨ គីឡូម៉ែត គិតពីទីរួមខេត្តកំពង់ឆ្នាំង មកកាន់ផ្លូវជាតិលេខ៦ នៃក្រុងស្ទឹងសែនខេត្តកំពង់ធំ។.jpg)
គម្រោងផ្លូវនេះមានសារៈសំខាន់ ក្នុងការតភ្ជាប់ពីក្រុងកំពង់ឆ្នាំង ឆ្លងកាត់ស្រុកកំពង់លែង នៃខេត្តកំពង់ឆ្នាំង ឆ្ពោះទៅក្រុងស្ទឹងសែន នៃខេត្តកំពង់ធំ មានប្រវែង ៥៨ គីឡូម៉ែត្រ ដែលចំណាយថវិកាសាងសង់អស់ប្រមាណ ១៥០ លានដុល្លារអាមេរិក៕
