ភ្នំពេញ៖ បណ្ឌិត យង់ ពៅ អ្នកជំនាញភូមិសាស្ដ្រនយោបាយនៃរាជបណ្ឌិត្យសភាកម្ពុជា បានលើកឡើងពីការយល់ឃើញចំពោះទស្សនៈរបស់ថៃក្នុងការមិនផឹកទឹកដែលកម្ពុជារៀបចំឲ្យនៅក្នុងកិច្ចប្រជុំ GBC ថា គឺជាការគិតអាក្រ.ក់ ដោយសារតែខ្លួនធ្លាប់មានគំនិតអាក្រ.ក់ដាក់សារធាតុពុលនៅក្នុងចំណីអាហារនាំចូលកម្ពុជា ទើបខ្លាចកម្ពុជាធ្វើបែបនោះដាក់ខ្លួនវិញ។
នៅលើទំព័រហ្វេសប៊ុកកាលពីថ្ងៃទី១៦ ខែកញ្ញា ឆ្នាំ២០២៥ លោកបណ្ឌិត យង់ ពៅ បានសរសេសំណេរខ្លីមួយដែលជាសំណួរមានន័យបែបចម្អកយ៉ាងដូច្នេះថា៖ ថៃមិនហ៊ានផឹកទឹក Cambodia អាចមកពីថៃខ្លួនឯង ធ្លាប់ដាក់គីមីពុលចូលទំនិញលក់ឱ្យខ្មែរ ? ធ្លាប់ធ្វើអាក្រ.ក់ ទើបគិតថាគេអាក្រក់ដែរ !
ការបង្ហោះនេះ ត្រូវបានធ្វើឡើងបន្ទាប់ពីឃ្លីបវីដេអូរបស់អ្នកនាំពាក្យក្រសួងការពារជាតិថៃ ប៊ូម ប៉ាណាដា បានផ្ដល់បទសម្ភាសន៍ដល់អ្នកសារព័ត៌មានក្នុងស្រុកថា នាងពិតជាស្រេកទឹកខ្លាំងណាស់ កាលពីកំឡុងពេលនៃកិច្ចប្រជុំ GBC នៅខេត្តកោះកុង ព្រោះនាងមិនហ៊ានផឹកទឹកដែលកម្ពុជារៀបចំឲ្យឡើយ ដោយសារខ្លាចមានអ្វីមិនប្រក្រតីនៅក្នុងនោះ។.jpg)
គួររម្លឹកថា កិច្ចប្រជុំរបស់គណៈកម្មាធិការព្រំដែនទូទៅកម្ពុជា-ថៃ (GBC) ត្រូវបានប្រព្រឹត្តទៅកាលពីព្រឹកថ្ងៃទី១០ ខែកញ្ញា ឆ្នាំ២០២៥ នៅក្នុងខេត្តកោះកុង ព្រះរាជាណាចក្រកម្ពុជា ដែលមានការចូលរួមពីប្រមុខការពារជាតិកម្ពុជា ឯកឧត្តម នាយឧត្តមសេនីយ៍ ទៀ សីហា និង លោក ណាត់ថាក់ផុន ណាកផានីត រដ្ឋមន្ត្រីស្តីទីក្រសួងការពារជាតិថៃ រួមជាមួយគណៈប្រតិភូថៃដទៃទៀត។ ក្នុងនោះគេក៏ឃើញមានវត្តមាននាង ប៊ូម ប៉ាណាដា អ្នកនាំពាក្យថ្មីរបស់ក្រសួងការពារជាតិថៃផងដែរ។
គ្រាន់តែការប្រជុំបានចាប់ផ្ដើមមិនទាន់បានប៉ុន្មានផង នាងប៊ូម ប៉ាណាដា ក៏ត្រូវបានប្រជាពលរដ្ឋខ្មែរនៅក្នុងបណ្ដាញសង្គមធ្វើការរិះគ.ន់យ៉ាងចាស់ដៃ ដោយសារតែនាងបានបង្ហាញពីអាកប្បកិរិយាមិនសមរម្យនៅក្នុងអង្គប្រជុំ។ ឃ្លីបវីដេអូមួយដែលបង្ហាញពីនាងកាន់ទូរស័ព្ទបែរខ្លួនទៅមកសេលហ្វ៊ី និងនិយាយថារកលោកជំទាវ ម៉ាលី សុជាតា អ្នកនាំពាក្យក្រសួងការពារជាតិកម្ពុជា នៅក្នុងការប្រជុំមិនឃើញ បានជំរុញមតិសារធារណៈយល់ឃើញថា នាងមកទីនេះដើម្បីរករឿងកម្ពុជា ជាជាងមកប្រជុំបែបការទូត។
លើសពីនេះ ប៉ុន្មានថ្ងៃក្រោយបន្ទា់ពីកិច្ចប្រជុំនេះ នាងបានធ្វើពលរដ្ឋកម្ពុជាកាន់តែឃ្នើសចិត្តបន្ថែមទៀត តាមរយៈការនិយាយបែបមើលងាយមកកាន់កម្ពុជា និងផលិតផលទឹកបរិសុទ្ធដែលមានអក្សរ CAMBODIA ថាមិនគួរឲ្យទុកចិត្តទើបមិនហ៊ានផឹក ទើបសុខចិត្តចាំដល់ចប់កិច្ចប្រជុំបានមកផឹកទឹកនៅក្នុងប្រទេសថៃវិញ។
អាកប្បកិរិយារបស់នាង គឺប្រៀបបាននឹងការមិនគោរពដល់កិច្ចប្រជុំ(GBC)កម្ពុជា-ថៃ នៅខេត្តកោះកុង ដោយសម្ដែងចេញនូវឥរិយាបថគ្មានការអប់រំ គ្មានវិជ្ជាជីវៈ និងរៀបឫកពារមិនស័ក្តិសមជាមួយតួនាទីក្នុងនាមជាមន្រ្តីដែលបម្រើការក្នុងជួររដ្ឋាភិបាលរបស់ប្រទេសមួយឡើយ៕
