ទ្រី សក្កដា និង ម៉ៃ សុគន្ធ ឌឺដងគ្នាលើបណ្តាញសង្គម

ថ្មីៗនេះមានការបង្ហោះឌឺដងផ្លែផ្កាឱ្យគ្នាទៅវិញទៅមករវាងលោក ទ្រី សក្កដា ហៅអាដា សក្កដា និង ម៉ៃ សុគន្ធ ដោយផ្តើមចេញពីការបង្ហោះជាបន្តបន្ទាប់របស់ ម៉ៃ សុគន្ធ បង្ហាញចម្ងល់ទាក់ទងនឹងលុយមូលធិនិ។

កាលពីកន្លងមកនេះ មានស្រ្តីម្នាក់បានបង្ហោះទៅកាន់ ប៉ីប៉ី ឌី ចំៗអំពីលុយជំនួយ ប៉ុន្តែត្រូវបាន ប៉ីប៉ី ឌី ចេញមកព្រលះវិញ។ ទោះយ៉ាងណា បន្ទាប់ពីរឿងនេះរួចគេបានឃើញ ម៉ៃ សុគន្ធ បានបង្ហោះសំណេរជាបន្តបន្ទាប់ដោយមិនបានបញ្ជាក់ឈ្មោះចំៗនោះទេ ប៉ុន្តែមនុស្សជាច្រើនជឿថាចង់សម្តៅទៅកាន់ ប៉ីប៉ី ឌី។ ម៉ៃ សុគន្ធ បានបង្ហោះទាក់ទងនឹងលុយមូលនិធិ ដូចជា «មិនមែនគ្នាចង់ផុសទេ ព្រោះពេលគ្នាឆាតសួរប្រហែលជាអត់មានអ្នកតបដដែល ហ្នឹង កាហ្វេកែងផ្លូវ១កន្លែង» ,«អ្នកណា ថាលុយជំនួយជាលុយក្ដៅក្រ/ហាយ ពូគន្ធ មើលទៅអត់ក្ដៅក្រ/ហាយ អីផង សុខៗ បោះមេ ដើម1ម៉ឺន បាន ១លានជាង
លុយក្តៅក្រ/ហាយទាល់លុយជំពាក់គេអត់សង»។

ម៉ៃ សុគន្ធ បន្តបង្ហោះទៀតថា «ពូ មានបានចោទក្មួយថាកិបកេងលុយឯណា ?ពូគ្រាន់ឆ្ងល់ យល់អត់ ឆ្ងល់ រឿងចំណាយតើក្មួយទិញអីខ្លះ?ហើយលុយសល់នៅណា ? តែប៉ិនហ្នឹងសោះក្មេងតូចខឹងពូដែរ»។ «កុំស្អប់ពូអី កុំខឹងពូអី រឹតតែកុំតបពូក៏បានបើក្មួយជាមាសសុទ្ធមែន ម៉ែធ្មប់ក្នុងរឿងមុខខ្មោ-ច តុក្កតាអាណាប៊ែល», «បាវគេសោះ សល់អីខ្លះដែរ ?
ព្យាយាមខាំហ្នឹង មេបានចែកចំណែកឱ្យអត់? ពូឆ្ងល់ដដែល»។

ទោះបីជា ម៉ៃ សុគន្ធ ឌឺដងរឿងលុយជំនួយមកកាន់ ប៉ីប៉ី ឌី ប៉ុន្តែគេសង្កេតឃើញថា ប៉ីប៉ី ឌី មិនបានឆ្លើយតបអ្វីនោះទេ ប៉ុន្តែគេបានឃើញ ទ្រី សក្កដា បានបញ្ចេញសំណេរថា «ពិតជាអាណិតច្រមុះដីឥដ្ឋណាស់ តាមព្រុសតាមខាំ តោងគេល្បី តែគេអត់តប ជាតិក្រោយច្រមុះអ៊ីចឹងទៀត»។ សក្កដា បង្ហោះទៀតថា «…ឡានបុក ដៀលសុទ្ធតែមេធ្មប់ក្នុងរឿង មេធ្មប់នៅក្រៅច្រមុះតោ ហើយដៀលយើង Annabelle , ត្រូវហើយយើងជាតុក្កតាខ្មោច តែឯងគឺដូចយាយ Valak ,Conjuring ហ្មង!»។

មិនទាន់អស់នោះទេ ទ្រី សក្កដា បានឌឺដងទៅកាន់ ម៉ៃ សុគន្ធ ទៀតថា «ច្រមុះរលួយអត់រន្ធដៀលយើងសុទ្ធតែកញ្ចះគេ អត់សល់អីទេក្នុងខ្លួន»។ អ្នកដឹកនាំរឿងនិងនិពន្ធបទចម្រៀងរូបនេះបានរៀបរាប់ថា តើខ្លួនលោកចាំបាច់ត្រូវរាយការណ៍ប្រាប់ពីប្រាក់ចំណូលមែន ខណៈរាល់ថ្ងៃលោកមានមោទកភាពចំពោះខ្លួនឯង ព្រោះមានលទ្ធភាពមើលថែម្តាយ មើលថែគ្រួសារទាំងមូលបានយ៉ាងល្អ ចំណេះដឹង ភាពថ្លៃថ្នូរ សាងភាពល្បីល្បាញដោយទេពកោសល្យពិតដែលសង្គមទទួលស្គាល់។

ទ្រី សក្កដា ថាមិនដូចជាអ្នកខ្លះសិល្បៈក៏រលួយស្អុយ ខំធ្វើគ្រប់វិធីថោកទាបដើម្បីឱ្យគេស្គាល់ ថោកទាបរកលេខដាក់គ្មាន ហើយឈប់តាំងខ្លួនជាអ្នកសិល្បៈទៅខ្មាសគេជំនួស រាល់ថ្ងៃអត់ប្រយោជន៍សាហាវមុខភ័យសំដីឡូយ ជួបលោកនៅក្រៅលើកក្រោយធ្វើឱ្យឡូយដូចសម្តីកុំបានតែព្រុសក្រោយខ្នង៕