ក្រុមហ៊ុន Vietjet បង្ហាញពីសមិទ្ធិផលដ៏មាននិរន្តរភាព និងឧត្តមភាពកន្លែងធ្វើការរបស់ខ្លួន នៅទូទាំងតំបន់អាស៊ី

(ភ្នំពេញ ថ្ងៃទី ២០ ខែសីហា ឆ្នាំ ២០២៥) – ក្រុមហ៊ុន Vietjet កំពុងកត់សម្គាល់សមិទ្ធិផលសំខាន់ៗចំនួនពីរក្នុងខែសីហានេះ ដោយបានពង្រឹងជំហររបស់ខ្លួនក្នុងនាមជាក្រុមហ៊ុនអាកាសចរណ៍ត្រួសត្រាយផ្លូវនៅអាស៊ី និងជាដៃគូដ៏គួរឱ្យទុកចិត្តបំផុតសម្រាប់អ្នកដំណើរពីប្រទេសកម្ពុជា។

ក្រុមហ៊ុនអាកាសចរណ៍នេះ បានក្លាយជាក្រុមហ៊ុនដំបូងគេក្នុងប្រទេសវៀតណាមដែលបានទទួលឥន្ធនៈអាកាសចរណ៍ប្រកបដោយនិរន្តរភាព (SAF) ដែលរួមបញ្ចូលគ្នាក្នុងស្រុក ខណៈពេលដែលត្រូវបានគេដាក់ឈ្មោះថាជា “កន្លែងធ្វើការល្អបំផុត” របស់អាស៊ីសម្រាប់រយៈពេលប្រាំឆ្នាំជាប់ៗគ្នានៅក្នុងកម្មវិធី HR Asia Awards ២០២៥។

ត្រួសត្រាយផ្លូវអាកាសចរណ៍បៃតងនៅអាស៊ីប៉ាស៊ីហ្វិក

តាមរយៈភាពជាដៃគូយុទ្ធសាស្រ្តជាមួយក្រុមហ៊ុន Petrolimex Aviation នឹងផ្គត់ផ្គង់ក្រុមហ៊ុន Vietjet នូវប្រេង SAF ចំនួន ១,២០០ ម៉ែត្រគូបដែលលាយបញ្ចូលគ្នានៅដេប៉ូប្រេង Nha Be Oil Depot របស់វៀតណាម ដោយបំពេញតាមស្តង់ដារអន្តរជាតិដ៏តឹងរឹងរបស់ ISCC EU។ គំនិតផ្តួចផ្តើមនេះ ធ្វើឡើងបន្ទាប់ពីជើងហោះហើរដើរដោយថាមពលប្រេងរបស់ SAF មុនរបស់ Vietjet នៅខែតុលា ឆ្នាំ ២០២៤ ហើយគូសបញ្ជាក់ពីការប្តេជ្ញាចិត្តរបស់ក្រុមហ៊ុនអាកាសចរណ៍ចំពោះថាមពលស្អាត កាត់បន្ថយការបំភាយកាបូន និងគាំទ្រយុទ្ធសាស្រ្តកំណើនបៃតងជាតិរបស់វៀតណាម ក៏ដូចជាគោលដៅអព្យាក្រិតកាបូនជាសកលនៅឆ្នាំ ២០៥០។

លោក To Viet Thang ជាអនុប្រធានអចិន្ត្រៃយ៍របស់ Vietjet បានមានប្រសាសន៍ថា៖ “កិច្ចព្រមព្រៀងរវាងក្រុមហ៊ុន Vietjet និង Petrolimex Aviation បញ្ជាក់ពីការប្តេជ្ញាចិត្តរបស់យើងចំពោះគោលដៅអភិវឌ្ឍន៍បៃតង និងនិរន្តរភាព។ តាមរយៈការបញ្ជាទិញយន្តហោះទំនើបរាប់រយគ្រឿង កងនាវារបស់យើងនឹងកាន់តែខ្លាំងឡើងក្នុងការបញ្ចូលប្រេងឥន្ធនៈ SAF សម្រាប់ការប្រើប្រាស់ដែលជាផ្នែកនៃកិច្ចខិតខំប្រឹងប្រែងរបស់យើងក្នុងការលើកកម្ពស់ថាមពលស្អាត កាត់បន្ថយការបំភាយឧស្ម័ន ការពារបរិស្ថាន និងគាំទ្រការផ្លាស់ប្តូរភាពបៃតងឱ្យបានកាន់តែប្រសើរឡើងនៅវៀតណាម និងទូទាំងពិភពលោក។”

លោក Uong Viet Dung ជាអគ្គនាយកអាជ្ញាធរអាកាសចរណ៍ស៊ីវិលវៀតណាម បានកត់សម្គាល់ថា៖ “ការដាក់បញ្ចូលប្រេងឥន្ធនៈ SAF ក្នុងស្រុកមិនត្រឹមតែមានសារៈសំខាន់ជាលក្ខណៈពាណិជ្ជកម្មប៉ុណ្ណោះទេ ប៉ុន្តែថែមទាំងមានសារៈសំខាន់ជាយុទ្ធសាស្ត្រផងដែរ ដែលបង្កើតបានជាមូលដ្ឋានគ្រឹះសម្រាប់ខ្សែសង្វាក់ផ្គត់ផ្គង់ប្រេងឥន្ធនៈ SAF ក្នុងស្រុកប្រកបដោយនិរន្តរភាព ខណៈពេលដែលបំពេញបានតាមតម្រូវការទីផ្សារអន្តរជាតិ។”

ក្នុងឆ្នាំ ២០២៤ ក្រុមហ៊ុន Vietjet ក៏បានចាប់ដៃគូជាមួយក្រុមហ៊ុន Petrolimex Aviation ដើម្បីដំណើរការជើងហោះហើរពីរដំបូងដោយប្រើប្រាស់ប្រេងឥន្ធនៈ SAF នៅក្នុងប្រទេសវៀតណាម។ ផលិតចេញពីប្រភពដែលអាចកកើតឡើងវិញបាន និងប្រកបដោយនិរន្តរភាព ដូចជាប្រេងចម្អិនអាហារ អនុផលកសិកម្ម ជីវម៉ាស់ឈើ និងកាកសំណល់ SAF ត្រូវបានបញ្ជាក់យ៉ាងពេញលេញសម្រាប់ការប្រើប្រាស់ពាណិជ្ជកម្ម និងអាចកាត់បន្ថយការបំភាយឧស្ម័នកាបូនបានរហូតដល់ ៨០ ភាគរយ លើវដ្តជីវិតរបស់វា បើប្រៀបធៀបទៅនឹងប្រេងឥន្ធនៈធម្មតា។

កន្លែងធ្វើការដ៏ល្អប្រសើរសម្រាប់រយៈពេលប្រាំឆ្នាំជាប់ៗគ្នា

ទន្ទឹមនឹងភាពជាអ្នកដឹកនាំប្រកបដោយនិរន្តរភាពរបស់ខ្លួន ក្រុមហ៊ុន Vietjet បន្តទទួលបានកិត្តិយសជាកន្លែងធ្វើការងារដែលមានវប្បធម៌ល្អដំបូងគេរបស់ខ្លួន ដោយត្រូវបានគេដាក់ឈ្មោះថា “កន្លែងធ្វើការល្អបំផុតនៅអាស៊ី” នៅក្នុងកម្មវិធី HR Asia Awards សម្រាប់រយៈពេលប្រាំឆ្នាំជាប់ៗគ្នា។ ក្រុមហ៊ុនអាកាសចរណ៍នេះ មានបុគ្គលិកជំនាញជាង ៩,០០០ នាក់មកពីជាង ៦០ សញ្ជាតិ ដែលប្រតិបត្តិការនៅទូទាំងប្រទេសវៀតណាម និងទីផ្សារអន្តរជាតិ។

ក្រុមហ៊ុន Vietjet វិនិយោគយ៉ាងច្រើនទៅលើបុគ្គលិករបស់ខ្លួនតាមរយៈការថែទាំសុខភាពដ៏ទូលំទូលាយ គោលនយោបាយសុខុមាលភាព ការអភិវឌ្ឍវិជ្ជាជីវៈ និងការគាំទ្រសម្រាប់គ្រួសាររបស់បុគ្គលិក។ បណ្ឌិត្យសភាអាកាសចរណ៍ Vietjet Aviation Academy របស់ខ្លួន បានផ្តល់នូវការបណ្តុះបណ្តាល និងសិក្ខាសាលាស្តង់ដារអន្តរជាតិជាមួយអ្នកជំនាញទូទាំងពិភពលោក ខណៈពេលដែលការិយាល័យទំនើប និងកន្លែងធ្វើការមានបុគ្គលិកដែលខិតខំប្រឹងប្រែងជំរុញឱ្យមានកិច្ចសហការ សុខុមាលភាព និងគំនិតច្នៃប្រឌិត។

ជាមួយនឹងសេវាកម្មហោះហើរផ្ទាល់ដែលភ្ជាប់គោលដៅល្បីៗនៅអាស៊ីប៉ាស៊ីហ្វិកទៅកាន់មជ្ឈមណ្ឌលសំខាន់ៗរបស់វៀតណាម Vietjet ក៏ផ្តល់នូវជម្រើសច្រើនពិសេសជូនភ្ញៀវធ្វើដំណើប្រកបដោយនិរន្តរភាព និងបង្កើតបាននូវវប្បធម៌កន្លែងធ្វើការលំដាប់ពិភពលោក។ ព្រឹត្តិការណ៍សំខាន់ៗទាំងនេះ បង្ហាញពីការប្តេជ្ញាចិត្តរបស់ក្រុមហ៊ុនអាកាសចរណ៍ក្នុងការជំរុញអនាគតអាកាសចរណ៍បៃតង និងការបង្កើតឱកាសសម្រាប់ប្រជាជននៅទូទាំងតំបន់។

អ្នកដំណើរពីប្រទេសកម្ពុជាកាន់តែមានភាពងាយស្រួលជាមួយនឹងសេវាកម្មដឹកអ្នកដំណើរទៅមកប្រចាំថ្ងៃរបស់ Vietjet រវាងខេត្តសៀមរាប និងទីក្រុងហាណូយ។ ពីទីក្រុងហាណូយ អ្នកដំណើរអាចតភ្ជាប់ជើងហោះហើរបានយ៉ាងងាយស្រួលទៅកាន់គោលដៅជាច្រើនទៀតនៅទូទាំងអាស៊ីប៉ាស៊ីហ្វិក និងប្រទេសជាច្រើនទៀត ដែលគាំទ្រដោយកងនាវាអាកាសចរទំនើប និងប្រតិបត្តិការដ៏ល្អឥតខ្ចោះរបស់ Vietjet។

###

អំពី ក្រុមហ៊ុន Vietjet
ក្រុមហ៊ុនអាកាសចរណ៍ជំនាន់ថ្មី Vietjet មិនត្រឹមតែបានធ្វើបដិវត្តន៍ឧស្សាហកម្មអាកាសចរណ៍នៅក្នុងប្រទេសវៀតណាមប៉ុណ្ណោះទេ ប៉ុន្តែថែមទាំងជាក្រុមហ៊ុនអាកាសចរណ៍ត្រួសត្រាយផ្លូវទូទាំងតំបន់ និងជុំវិញពិភពលោកផងដែរ។ ដោយផ្តោតលើការគ្រប់គ្រងតម្លៃ ប្រតិបត្តិការប្រកបដោយប្រសិទ្ធភាពនិងការអនុវត្ត ការប្រើប្រាស់បច្ចេកវិទ្យាចុងក្រោយបំផុតចំពោះសកម្មភាពទាំងអស់ និងឈានមុខគេ ក្រុមហ៊ុន Vietjet ផ្តល់នូវឱកាសហោះហើរជាមួយនឹងការសន្សំសំចៃ និងតម្លៃសមរម្យ ព្រមទាំងសេវាកម្មចម្រុះដើម្បីបំពេញតម្រូវការរបស់អតិថិជន។
ក្រុមហ៊ុន Vietjet គឺជាសមាជិកពេញលេញនៃសមាគមដឹកជញ្ជូនផ្លូវអាកាសអន្តរជាតិ (IATA) ជាមួយនឹងវិញ្ញាបនបត្រត្រួតពិនិត្យសុវត្ថិភាពប្រតិបត្តិការរបស់ IATA (IOSA)។ ក្នុងនាមជាក្រុមហ៊ុនអាកាសចរណ៍ឯកជនធំជាងគេរបស់វៀតណាម ក្រុមហ៊ុនអាកាសចរណ៍នេះទទួលបានចំណាត់ថ្នាក់ខ្ពស់បំផុតសម្រាប់សុវត្ថិភាពជាមួយនឹងផ្កាយ ៧ ដោយគេហទំព័រសុវត្ថិភាព និងចំណាត់ថ្នាក់ផលិតផលតែមួយគត់របស់ពិភពលោក airlineratings.com និងបានចុះបញ្ជីជាក្រុមហ៊ុនអាកាសចរណ៍មួយក្នុងចំណោមក្រុមហ៊ុនអាកាសចរណ៍ល្អបំផុតទាំង ៥០ របស់ពិភពលោកសម្រាប់ហិរញ្ញវត្ថុ និងប្រតិបត្តិការប្រកបដោយសុខភាពល្អដោយទស្សនាវដ្តី Airfinance Journal ជាច្រើនឆ្នាំជាប់ៗគ្នា។ ក្រុមហ៊ុនអាកាសចរណ៍នេះ ក៏ត្រូវបានគេដាក់ឈ្មោះថាជាក្រុមហ៊ុនដឹកជញ្ជូនតម្លៃទាបល្អបំផុតដោយស្ថាប័នល្បីៗដូចជា Skytrax, CAPA, Airline Ratings និងជាច្រើនទៀត។

ព័ត៌មានបន្ថែមនៅ www.vietjetair.com

ទំនាក់ទំនងប្រព័ន្ធផ្សព្វផ្សាយ៖
QED Agency
លោក មី សុវណ្ណ (Sovann)
អ៊ីមែល៖ media@qed.agency
លេខទំនាក់ទំនង៖ +855 88 6000 321

Vietjet Air
កញ្ញា កែវ ដួង (Amy)
អ៊ីមែល៖ kieuduong@vietjetair.com
លេខទំនាក់ទំនង៖ +84 932 775 066