(ភ្នំពេញ)៖ កាសែតក្នុងស្រុកដ៏ធំមួយរបស់ប្រទេសថៃបានចុះផ្សាយថា លោក Phumtham Wechayachai នាយករដ្ឋមន្ត្រីស្តីទីថៃ បានប្រកាសឲ្យមានការចាប់ខ្លួន មេដឹកនាំកម្ពុជារួមមាន សម្ដេចតេជោ ហ៊ុន សែន និង សម្ដេចធិបតី ហ៊ុន ម៉ាណែត ពីបទរំលោ.ភលើអធិបតេយ្យភាពថៃ។ សម្ដេចតេជោ បានមានប្រសាសន៍តបវិញយ៉ាងខ្លីថា បើសិនការប្រកាសនេះគឺជាបញ្ជារបស់នាយករដ្ឋមន្រ្តីស្ដីទីថៃមែន វាបញ្ជាក់បានថា ថ្នាក់ដឹកនាំថៃគឺជាមនុស្សព្រៃមិនស្គាល់អ្វីច្បាប់ និងមិនចេះការទូត។
នៅប៉ុន្មានម៉ោងក្រោយពីការប្រកាសយ៉ាងប្រហើននេះ សម្ដេចតេជោបានឆ្លើយតបខ្លីៗយ៉ាងដូច្នេះថា « តាមកាសែតថៃចុះផ្សាយមុននេះបន្តិចថា លោកនាយករដ្ឋមន្ត្រីស្តីទីថៃបាននិយាយថា លោក ហ៊ុន សែន និង ហ៊ុន ម៉ាណែត និងត្រូវចាប់ខ្លួនភ្លាមប្រសិនបើរកឃើញក្នុងប្រទេសថៃ។» សម្ដេចបន្តថា «ប្រសិនបើការចុះផ្សាយរបស់កាសែត ជាសំដីពិតរបស់នាយករដ្ឋមន្ត្រីស្តីទីជិតផុតអាណត្តិមែន វាបង្ហាញឲ្យឃើញថា គាត់គឺជាមនុស្សព្រៃមិនស្គាល់អ្វីទៅជាច្បាប់ទម្លាប់ហើយមិនទាំងចេះការទូតទៀតផង។»
សម្ដេចបានគូសបញ្ជាក់ថា «ប្រសិនបើថៃអាចចាប់មេដឹកនាំកម្ពុជាបាន កម្ពុជាក៏អាចចាប់មេដឹកនាំថៃមួយចំនួនដែលបានឈ្លានពាន និងសម្លា.ប់ប្រជាជនកម្ពុជាបានដូចគ្នាដែរ។ ច្បាប់ទម្លាប់ត្រូវបានបំផ្លាញដោយពួកឈ្លានពាន។ តើនេះជាគោលបំណងដើម្បីបង្កើតជំនឿទុកចិត្ត និងឈានទៅរកទំនាក់ទំនងល្អឬបំផ្លាញដើម្បីបង្កើតជម្លោះឡើងវិញក្រោយកិច្ចព្រមព្រៀងឈប់បាញ់?»
គួរជម្រាបថា នាល្ងាចថ្ងៃទី18 ខែសីហា កាសែត Khaosod របស់ថៃបានចុះផ្សាយថា នាយករដ្ឋមន្ត្រីស្តីទីថៃ លោក Phumtham Wechayachai បានប្រកាសថា ក្រុមប្រឹក្សាសន្តិសុខជាតិរបស់ប្រទេសថៃ (NSC) បានសម្រេចចិត្តប្តឹងមេដឹកនាំកម្ពុជា រួមមានប្រធានព្រឺទ្ធសភា លោក ហ៊ុន សែន និងនាយករដ្ឋមន្រ្តី ហ៊ុន ម៉ាណែត ទៅតុលាការកំពូលថៃពីបទរំលោភលើអធិបតេយ្យភាព។
អ្វីដែលកាន់តែប្លែក និង ហួសចិត្តនោះគឺត្រង់លោក Phumtham បានបញ្ជាក់នៅក្នុងការប្រកាសនេះថា យ៉ាងណាសំណុំរឿងនេះនឹងមិនឡើងដល់តុលាការអន្តរជាតិនោះទេ ព្រោះថៃមិនទទួលយកយុត្តាធិការរបស់តុលាការនោះឡើយ។.png)
ចំណុចទាំងអស់នេះអាចសបញ្ជាក់ឲ្យឃើញយ៉ាងច្បាស់ថា ប្រទេសថៃមិនត្រឹមតែមានមេដឹកនាំមិនច្បាស់លាស់ប៉ុណ្ណោះទេ ប៉ុន្តែថែមទាំងតែងបង្ករឿងចោ.ទប្រកាន់កម្ពុជាតាមចិត្តនឹកឃើញគ្មានមូលដ្ឋានត្រឹមត្រូវផងដែរ។ តួយ៉ាងដូចជាការប្រកាសចាប់ខ្លួនមេដឹកនាំកម្ពុជា ទៅកាត់ទោ.សនៅប្រទេសថៃដោយមិនឆ្លងកាត់តុលាការអន្តរជាតិដូចខាងលើនេះ វាបង្ហាញថាថៃពិតជាមិនយល់ដឹងពីប្រព័ន្ធច្បាប់ និងការធ្វើការទូតយ៉ាងដូច្នេះមែន៕
