តារាចម្រៀង All3rgy – អលជ្ជី បានសារភាពប្រាប់អ្នកគាំទ្រដោយមិនលាក់លៀមចំពោះអតីតកាលរបស់ខ្លួនធ្លាប់ប្រពឹត្តអំពើអបាយមុខឱ្យឪពុកលោកទឹកភ្នែក។ តារាចម្រៀងរូបនេះថាអ្នកណាក៏ធ្លាប់ធ្វើខុសតែខុសហើយត្រូវតែកែ ខណៈវិស័យចម្រៀងធ្វើឱ្យលោកចេញពីនរក។.png)
កាលពីពេលថ្មីៗមកនេះតារាចម្រៀង All3rgy – អលជ្ជី បានចេញអាល់ប៊ុមរបស់ខ្លួនមានចំណងជើងថា «សញ្ញាសួរ» ដោយបទចម្រៀងនីមួយៗរបស់លោកបានរៀបរាប់នូវរឿងរ៉ាវក្នុងជីវិតជាច្រើន។ បទចម្រៀងមួយបទមានចំណងជើងថា «ទឹកភ្នែកព្រះរស់» ដែលសហការជាមួយតារារ៉េប KingChi តារាចម្រៀង All3rgy – អលជ្ជី បានរៀបរាប់ថាលោកបានជាប់នៅកន្លែងឃុំឃាំងចំនួន៩២ថ្ងៃព្រោះតែមានកំហុស។
ជាមួយនឹងអាល់ប៊ុមថ្មី All3rgy – អលជ្ជី ក៏បាននិយាយដោយមិនលាក់បាំងប្រវត្តិរបស់ខ្លួនជាមួយទស្សនិកជនថាលោកធ្លាប់ប្រព្រឹត្តអំពើអបាយមុខ។ នៅក្នុងការ LIVE ជាមួយនឹងតារាចម្រៀងផ្សេងទៀត All3rgy – អលជ្ជី បានសារភាពថា លោកធ្លាប់ជ្រុលខ្លួនក្នុងអំពើអបាយមុខ ហើយលោកមិនខ្លាចនឹងនិយាយ បង្ហាញប្រាប់ទស្សនិកជនឡើយ។ 
ម្ចាស់បទ «សូរិយា»( អេតាស៊ីវិល) បានបន្តទៀតថា ការលាតត្រដាងនេះដោយសារតែលោកគិតថានរណាក៏ធ្លាប់ធ្វើខុសដែរ ហើយខុសគឺត្រូវតែចេះកែ។ លោក បន្តទៀតថា វាជាលើកទី១ហើយដែលលោកបានឃើញឪពុករបស់ខ្លួនយំ ជាលើកទី១ដែលលោកគិតសាជាថ្មីថាលោកមិនអាចនៅក្នុងនឹងបានតទៅទៀត។
All3rgy – អលជ្ជី បានរៀបរាប់ថានៅពេលចេញពីកន្លែងឃុំឃាំងលោកចាប់ផ្តើមស្វែងរកជីវិតថ្មីមួយ ដោយបានឡើងមកភ្នំពេញហើយបានស្គាល់មនុស្សថ្មីៗ ហើយលោកអរគុណខ្លួនឯងនិងពេលវេលាដែលបានស្គាល់មនុស្សល្អៗ ជាពិសេសគឺវិស័យចម្រៀងបានទាញលោកចេញពីនរក។
គួរបញ្ជាក់ផងដែរថា All3rgy – អលជ្ជី គឺជាតារាចម្រៀងមួយរូបមានស្រុកកំណើតនៅខេត្តព្រៃវែង ហើយបានសាងប្រជាប្រិយភាពតាមរយៈបទចម្រៀងមនោសញ្ចេតនាផ្អែមល្ហែម។ បទចម្រៀងល្បីៗរបស់លោកដែលទស្សនិកជនស្គាល់មានដូចជា ផ្កាស្លា, សូរិយា (អេតាស៊ីវោល , រៀនចប់ និងបទមួយចំនួនទៀតរបស់ក្រុម La Cima ៕
