ប៉ីប៉ី ឌី បញ្ជាក់ថាថវិកាដែលនៅសល់លោកនឹងជូនទៅគ្រួសារស.ពដែលបានពលីតាមរយៈរាជរដ្ឋាភិបាល

មហាជនគ្រួសារខ្មែរប្រាកដជាជា្របមកហើយថាបុគ្គលល្បីឈ្មោះ ប៉ីប៉ី ឌី គឺពិតជាចូលរួមយ៉ាងសកម្មទៅដល់ជនភៀសសឹកដែលរងគ្រោះនៅតាមព្រំដែនពីការឈ្លានពានពីសំណាក់ប្រទេសថៃ។ កម្លាំងចលកររបស់លោកគឺពិតជាធំធេងហើយទឹកចិត្តរបស់លោកពិតជាមិនអាចកាត់ថ្លៃបានហើយមហាគ្រួសារខ្មែរបានចូលរួមបរិច្ចាគទឹកប្រាក់សរុបបានទៅដល់ជាង៧០ម៉ឺនដុល្លារឯណោះ។ អ្វីដែលសំខាន់ ប៉ីប៉ី ឌី បានបញ្ជាក់ថាថវិកាដែលនៅសល់លោកនឹងជូនទៅដល់គ្រួសារសពដែលបានពលីតាមរយៈរាជរដ្ឋាភិបាល។

នៅយប់ថ្ងៃទី២៧ កក្កដា ប៉ីប៉ី ឌី បានបង្ហោះនៅលើបណ្តាញសង្គមរបស់ខ្លួនថា «រូបភាព និងវីដេអូសកម្មភាពចុះមកដល់តំបន់ភៀសសឹកខ្ញុំនៅតែមិនទាន់ហ៊ានបង្ហាញ ព្រោះមិនទាន់ទុកចិត្តចោរទេ។ ២ថ្ងៃនេះ ខ្ញុំបានឃើញពីទុក្ខសោករបស់ប្រជាជនខ្មែររាប់ម៉ឺននាក់ដែលគេចពីការឈ្លានពានរបស់សៀមនិងឃើញពីការរួបរួមដ៏អស្ចារ្យពីមហាគ្រួសារខ្មែរ »។

ប៉ីប៉ី ឌី បានបន្ថែមថា «ការសាមគ្គីមួយនេះ សូមឱ្យមានជារៀងរហូតនិងចងចាំទុកចំពោះសណ្តានដ៏ព្រៃផ្សៃរបស់ខ្មាំង»។ លោកបានអះអាងថានឹងបន្តនាំយកសម្ភារៈនិងស្បៀងទៅតំបន់ផ្សេងបន្តទៀត ហើយនៅពេលចប់សង្គ្រាមថវិកានៅមាននឹងជូនទៅគ្រួសារសពដែលបានពលីដើម្បីជាតិតាមរយៈរាជរដ្ឋាភិបាល»។

រូបភាពមួយសន្លឹកដែលមានប្រជាជនថៃម្នាក់បានសរសេរថា «មិនទទួលយកការបញ្ជាទិញពីប្រជាជនខ្មែរ» ប៉ីប៉ី ឌី បានឆ្លើយតបទៅវិញថា លោកក៏មិនទិញរបស់ចោរដែរហើយមួយជីវិតនេះលែងឱ្យមានត្រាប្រទេសនេះក្នុងលិខិតឆ្លងដែនរបស់លោកទៀតហើយ។

គួរបញ្ជាក់ផងដែរថា វេលាម៉ោងជិត១រសៀលកាលពីថ្ងៃទី២៨ កក្កដា ប៉ីប៉ី ឌី បានធ្វើបញ្ជាក់ថា ជិត៣ថ្ងៃលោកទទួលបានពីសប្បុរសជនចំនួន ៧៦៥,៤៤៣.២២ USD
និងចំណាយអស់២៥ម៉ឺនដុល្លារ៕