តារាសម្តែងចិន៣រូបកើនអ្នកគាំទ្រខ្លាំងជាងគេតាមរយៈគម្រោងភាពយន្តរបស់ខ្លួន

យោងតាមប្រព័ន្ធផ្សព្វផ្សាយរបស់ប្រទេសចិន បន្ទាប់ពីត្រឡប់មកវិញជាមួយនឹងគម្រោងខ្សែភាពយន្តថ្មីតារាសម្តែង Liu Yu Ning , Ao Ruipeng និង Zhang Linghe សុទ្ធតែទទួលបានការចាប់អារម្មណ៍យ៉ាងខ្លាំងពីទស្សនិកជន។

នៅក្នុងចំណាត់ថ្នាក់តួអង្គដែលទាក់ទាញអ្នកគាំទ្រចុងក្រោយ ដោយផ្អែកលើលក្ខណៈវិនិច្ឆ័យនៃចំនួនអ្នកគាំទ្របានកើនឡើងនៅលើ Weibo របស់តារាសម្តែងគឺជាពេលវេលានៃស្ថិតិ ដែលរឿងបានចាក់ផ្សាយដល់ ១ ខែបន្ទាប់ពីការបញ្ចប់នៃការចាក់ផ្សាយ ហើយតារាសម្តែង Liu Yuning ជាប់ចំណាត់ថ្នាក់លេខ ១។

តារាសម្តែង Liu Yu Ning ដែលដើរតួឯកក្នុងរឿង «A Dream within a Dream» ទទួលបានអ្នកគាំទ្រចំនួន ១៤៦,៩០០ មូលហេតុដែលអ្នកគាំទ្រលោកកើនឡើងច្រើនជាងគេគឺដោយសារតួនាទីរបស់តារាសម្តែងរូបនេះត្រូវបានគេវាយតម្លៃខ្ពស់។

Liu Yu Ning ត្រូវបានគេចាត់ទុកថាមានការរីកចម្រើនច្រើនក្នុងការសម្ដែង ហើយការបង្កើតតួអង្គក៏ទទួលបានការសរសើរផងដែរ។ ឆ្នាំ ២០២៥ ត្រូវបានគេចាត់ទុកថាជាឆ្នាំដែល Liu Yu Ning មានរបកគំហើញជាច្រើនក្នុងអាជីពរបស់ខ្លួន។

Zhang Linghe ជាតួអង្គ Jiang Qiaoxi ក្នុងរឿង «Our Generation» បទទួលបានអ្នកគាំទ្រ ១២៦,៩០០ ។ ក្នុងនាមជាតារាសម្ដែងម្នាក់ដែលមានអ្នកគាំទ្រច្រើនដោយសាររូបរាងដ៏លេចធ្លោរបស់លោក វាមិនពិបាកក្នុងការយល់ថាហេតុអ្វីបានជា Zhang Linghe ទទួលបានអ្នកគាំទ្រថ្មីដោយសារគម្រោង «Our Generation» ។

ស្ថិតក្នុងចំណាត់ថ្នាក់កំពូលទាំង៣គឺ Ao Ruipeng ។ តួប្រុសរូបនេះមានអ្នកគាំទ្រកើនដល់ ១២៤ ៦០០នាក់ តាមរយៈរឿង «Coroner’s Diary »។ ដូច្នេះបើប្រៀបធៀបទៅនឹង Zhang Linghe អ្នកគាំទ្របន្ថែមរបស់ Ruipeng មានអ្នកគាំទ្រតិចជាង ៣០០ នាក់ប៉ុណ្ណោះ។

ថ្មីៗនេះ Liu Yu Ning , Ao Ruipeng និង Zhang Linghe កាន់តែសកម្មក្នុងវិស័យសិល្បៈ។ ជាពិសេស Liu Yu Ning ក្រៅពីសម្ដែងក្នុងភាពយន្ត ក៏រៀបចំរាត្រីតន្ត្រីទាក់ទាញទស្សនិកជនជាច្រើន៕