អ្នកនាង ប្រាសាទ ដាវីន បវរកញ្ញាចក្រវាលកម្ពុជាឆ្នាំ២០២៤ បានផ្តល់ចម្លើយថា សម្រាប់បវរកញ្ញាការប្រើប្រាស់ភាសាអង់គ្លេសត្រូវតែចាំបាច់ឬទេគឺវាមិនទាំងស្រុងនោះទេ ប៉ុន្តែប្រសិនជាបវរកញ្ញានោះចេះប្រើប្រាស់ភាសាអង់គ្លេសវានឹងមានភាពងាយស្រួលក្នុងការទំនាក់ទំនងផ្សេងៗ។
ស្របពេលដែលកម្មវិធីបវរកញ្ញាចក្រវាលកម្ពុជាឆ្នាំ២០២៥ កំពុងប្រកួតប្រជែងស្វែងរកម្ចាស់ជ័យលាភីថ្មីក្នុងការតំណាងប្រទេសកម្ពុជាយើងសង្កេតឃើញថាមានបេក្ខភាពមួយចំនួនបានបង្កើតភាពលេចធ្លោហើយមានការគាំទ្រពីហ្វេនរៀងៗខ្លួន។ ជាមួយគ្នានេះងាកទៅកាន់អ្នកនាង ប្រាសាទ ដាវីន ដែលជា Miss Universe Cambodia 2024 ដែលបានបើកទ្វារកម្ពុជាចូល TOP ដំបូងគេក្នុងការប្រកួតកម្មវិធី នេះបានចែករំលែកបទពិសោធន៍ក៏ដូចជាគន្លឹះខ្លះៗទៅកាន់អ្នកជំនាន់ក្រោយ។
តាមរយៈវីដេអូមួយ បវរកញ្ញាចក្រវាលកម្ពុជាឆ្នាំ២០២៤ បានផ្តល់ចម្លើយអំពីសំណួរថាតើភាសាអង់គ្លេសពិតជាចាំបាច់ឬទេសម្រាប់បវរកញ្ញា? ។ អ្នកនាង ដាវីន បាននិយាយថាប្រសិនជាចេះភាសាអង់គ្លេសគឺវាល្អពេលដែលទៅប្រកួតគឺយើងប្រាស្រ័យទាក់ទងជាមួយនឹងបេក្ខភាពផ្សេងទៀត ចូលចំណោមគេចុះ ហើយយើងទៅប្រកួតគ្មានអ្នកបកប្រែតាមខ្លួននោះទេ ដូច្នេះយើងអាចលេចធ្លោម្យ៉ាង។
ទោះជាយ៉ាងណា ប្រាសាទ ដាវីន ថាតើ Miss Universe ត្រូវតែចេះអង់គ្លេសឬទេបានជាប់ គឺមិនមែននោះទេ ដោយសារតែមិនអាចរើសតែភាសាមួយរយភាគរយឱ្យម្នាក់នោះជាប់ទេ តែគាត់ត្រូវឆ្លើយចម្លើយនៅលើឆាកឬការសម្ភាសន៍ផ្ទាល់ខ្លួន ហើយការ Live រាល់ថ្ងៃជាចម្លើយពីបេះដូង មិនមែនជាការសម្តែង ចម្លើយស្តាប់មកចូលត្រចៀកមានន័យមិនចាំបាច់ចេះអង់គ្លេសនោះទេក៏ប៉ុន្តែមុនយើងចូលដល់ TOP ណាមួយទាំងរូបសម្បត្តិ ចំណេះដឹង ជាអ្វីដែលយើងលេចធ្លោអាចចូល TOP បាន។
Miss Universe Cambodia 2024 ថាម្ចាស់ជ័យលាភី TOP5 មួយចំនួនក៏គាត់មិនខ្លាំងភាសាអង់គ្លេសដូចគ្នាហើយត្រូវការអ្នកបកប្រែ ប៉ុន្តែពេលទៅប្រលងនៅស្រុកក្រៅយើងត្រូវតែមានចំណេះដឹងទូទៅ ចេះភាសាដើម្បីប្រាស្រ័យទាក់ទង ហើយការស្និទ្ធស្នាលគឺឆាប់រហ័ស៕
