ខណៈពេលដែលកសិផលកសិកម្មរបស់ប្រជាកសិករខ្មែរយើងកំពុងត្រូវការទីផ្សារ យើងឃើញមានបងប្អូនខ្មែរនាំគ្នាគាំទ្រ ជួយទិញ ព្រមទាំងជួយផ្សព្វផ្សាយដើម្បីរកទីផ្សារជូនកសិករយើង ហើយថ្មីៗនេះក្រុមហ៊ុន វឌ្ឍនៈ បានជួយទិញដំឡូងជាច្រើន ដើម្បីចែកជូនបងប្អូនដែលមកដើរលេងកម្សាន្តនៅផ្លូវថ្មើរជើងចតុមុខកាលពីថ្ងៃអាទិត្យសប្តាហ៍មុន។
ទឹកមុខដ៏រីករាយរបស់បងប្អូនយើង ពិតជាបានបង្ហញពីឆន្ទៈស្មារតីខ្មែរតែមួយដ៏ពិតប្រាកដ។ នៅក្នុងគ្រាដ៏ចំបាច់មួយនេះ ការជួយគ្នាតាមគ្រប់រូបភាពដែលអាចធ្វើទៅរួច ពិតជាមានសារៈសំខាន់ណាស់។ អំណោយដ៏សាមញ្ញមួយនេះពីក្រុមហ៊ុន វឌ្ឍនៈ ពិតមានអត្ថន័យធំធេង បង្ហាញពីសាមគ្គីភាព ការគាំទ្រគ្នាទៅវិញទៅមក ក៏ដូចជាការគាំទ្រផលិតផលខ្មែរដែរ។
ក្រុមហ៊ុន វឌ្ឍនៈ ក៏ជាក្រុមហ៊ុនកូនខ្មែរ ដែលមិនមែនត្រឹមតែផលិតផលិតផលដែលមានគុណភាពខ្ពស់នោះទេ តែថែមទាំងបានចូលរួមដោយផ្ទាល់ក្នុងការបង្កើនចំណូលជាតិ ផ្ដល់ការងារឲ្យបងប្អូនខ្មែរយើងរាប់ពាន់នាក់ ជួយជំរុញឧស្សាហកម្មក្នុងស្រុកឲ្យរីកចម្រើនទៅមុខទៀត ហើយព្រមទាំងបានជួយត្រលប់ទៅដល់សង្គម និងចូលរួមអភិវឌ្ឍនប្រទេសជាតិស្ទើរគ្រប់វិស័យជាមួយរដ្ឋាភិបាល។ ការសម្រេចចិត្តទិញផលិតផលខ្មែរ គឺប្រៀបដូចជាការវិនិយោគទៅលើអនាគតដ៏ភ្លឺស្វាងរបស់ប្រទេសយើង។
គាំទ្រផលិតផលខ្មែរ គឺប្រៀបដូចជាការវិនិយោគទៅលើអនាគតដ៏ភ្លឺស្វាងរបស់ប្រទេសយើង។ យើងម្នាក់ៗជាកម្លាំងដ៏សំខាន់ក្នុងការជំរុញសេដ្ឋកិច្ចកម្ពុជា ឲ្យកាន់តែរឹងមាំ និងមានឯករាជ្យភាព។
